Litli Bergþór - 01.12.2013, Blaðsíða 32
32 Litli-Bergþór
Veðurfar sumarsins var fremur einsleitt, miklar
rigningar með lítilli uppstyttu á milli þannig að
bændur áttu í vandræðum með heyskap. Rúmlega viku
þurrkur í lok júlí bjargaði þó heyskap hjá flestum.
Hélst rigningin nánast út september. Í október kom
tímabil með nokkrum stillum og fallegu veðri en
upp úr miðjum mánuði fór að frysta og var kalt en
snjólítið fram yfir miðjan nóvember með einstaka
hlákudegi á milli. Þá kom hlýindakafli með rigningum
og vindbelgingi en í byrjun aðventu tók að snjóa með
hörku frosti og roki á köflum.
Þau Geirþrúður Sighvatsdóttir í Miðhúsum og
Magnús Kristinsson í Austurhlíð buðu vinum,
vandamönnum og sveitungum öllum að fagna með
sér 60 ára afmælum þeirra sem þau áttu með stuttu
millibili og fór fagnaðurinn fram í réttinni í Úthlíð
þann 8. júní.
Í sumar var komið upp merkingum með nöfnum
gömlu hreppanna, Biskupstungur, Laugardalur og
Þingvallasveit, við hreppamörk Bláskógabyggðar.
Haldið var upp á 17. júní að vanda. Að þessu sinni
fóru þó hátíðarhöldin fram inni í Aratungu eftir að
þau hafa verið í Íþróttahúsinu frá vígslu þess. Var
gerður nokkuð góður rómur að þessari tilbreytni.
Fjallkona í ár var Freydís Halla Friðriksdóttir í
Vegatungu. Veitt voru verðlaun fyrir vinningsmyndir
í ljósmyndasamkeppni, kassabílarallýið var á sínum
stað og eins sundlaugardiskótekið um kvöldið.
Erna Brynhildur Jensdóttir á Tjörn lést 16. júní og
fór útför hennar fram frá Skálholtskirkju laugardaginn
22. júní en hún var jarðsett að Torfastöðum.
Dýragarðurinn í Slakka sem er í eigu Helga
Sveinbjörnssonar, fagnaði 20 ára afmæli sínu í sumar.
Í dýragarðinum eru nú um 50 tegundir af dýrum, þar
er púttvöllur, veitingasala og leikaðstaða fyrir börn.
Litla tómatabúðin var opnuð á Friðheimum 22. júní
og var það Sigurður Ingi Jóhannsson, ráðherra sem
klippti á borða við opnunina. Búðin er rekin í tengslum
við garðyrkjustöð hjónanna Helenu Hermundardóttur
og Knúts Rafns Ármann. Jafnframt var ný heimasíða
Friðheima opnuð. Þann 4. júlí var opnulöng umfjöllun
um Friðheima í Bændablaðinu í tilefni þessa.
Gunnlaugur Skúlason dýralæknir hélt upp á 80 ára
afmælið sitt þann 6. júlí og bauð vinum og sveitungum
að fagna með sér í Aratungu.
Nokkrir Biskupstungnamenn voru matgæðingar
Dagskrárinnar í sumar. Þetta voru þær: Steinunn
Bjarnadóttir, Jóhanna Hafdís Leifsdóttir, Freydís
Örlygsdóttir, Agla Þyri Kristjánsdóttir, Elfa Björk
Kristjánsdóttir og Auður Kjartansdóttir. Boltinn
kom handan úr hrepp frá brottfluttri Tungnakonu,
Guðbjörgu Jóhannsdóttur í Ásatúni og fór aftur yfir
í hrepp til annarrar brottfluttrar Tungnakonu Svövu
Kristjánsdóttur í Birtingaholti.
„Í lystigarði ljúfra kála“ var nafn tónleika sem
haldnir voru á Engi í sumar. Voru það Svanhvít Lilja
Ingólfsdóttir blokkflautuleikari, Tinna Sigurðardóttir
söngkona og Svanur Vilbergsson gítarleikari sem
stóðu fyrir þeim.
Í Skálholti hefur ýmislegt verið um að
vera: Sumartónleikar stóðu að
venju um fimm vikna skeið og
var Hreiðar Ingi Þorsteinsson,
frá Laugarási, útnefndur
staðartónskáld Skálholtsstaðar
í ár. Skálholtshátíð var hald-
in helgina 18. til 21. júlí.
Þess var minnst sérstaklega að í
sumar voru 50 ár liðin frá vígslu
Skálholtskirkju og afhendingu
Skálholtsstaðar til þjóðkirkjunnar.
Stofnun nýs Skálholtsfélags fór fram
á hádegi laugardagsins 20. júlí. Í
bráðabirgðastjórn félagsins, sem situr til
20. júli 2014 en þá er fyrsti aðalfundur
félagsins, sitja: Guðmundur Ingólfsson
á Iðu, Halldóra J. Þorvarðardóttir
prófastur Suðurprófastsdæmis. Jón
Sigurðsson rekstrarhagfræðingur, K.
Hulda Guðmundsdóttir á Fitjum og Karl
Hvað segirðu til?
Gunnlaugur
gleymdi að bjóða
mér. Ég hélt að ég væri
besti vinur hans. Það
er greinilega rangur
misskilningur.
Fjallkona á 17.
júní var Freydís
Halla Friðriksdóttir
í Vegatungu.
Ljósmynd: Jón K.B.
Sigfússon