Litli Bergþór - 01.12.2013, Blaðsíða 27

Litli-Bergþór 27
litlir snillingar á ferð. Það er einnig gaman og mjög
mikilvægt að geta sagt frá því að foreldrar eru ánægðir
með starf deildarinnar og það sem skiptir mestu máli
er að börnunum líður vel, en vellíðan er ein helsta
forsenda þess að börnin geti lært.
Það er margt spennandi framundan í leikskólanum.
Við í Lambadal ætlum að hafa tónlistarviku í
nóvember. Þetta gerum við til að efla tónlistina sem
fag. Við kynnumst helstu tegundum tónlistar, skoðum
hljóðfæri, fáum undirleik í söngstund, dönsum,
hlustum á ýmiss tónverk og margt fleira. En helst af
öllu ætlum við að hafa gaman. Við gleðjumst yfir því
hvað tónlistin er ríkur þáttur í menningu okkar. Þemað
þennan veturinn er fuglar.
Nú, ekki líður á löngu þangað til við verðum farin
að syngja eitt og eitt jólalag og svo kemur að því að
búa til fallega hluti sem við ætlum svo að gefa mömmu
og pabba í jólagjöf. Þetta er spennandi verkefni og
oft fylgir því mikil gleði hjá litlu barni að geta glatt
mömmu og pabba með eigin handverki. Ekki spillir
fyrir ef maður er búinn að læra að segja ekki frá
hvað leynist í pakkanum .... En umfram allt þarf starf
okkar í jólamánuðinum líkt og aðra mánuði ársins að
einkennast af hlýju og kærleik. Við þurfum að vera
umburðarlynd og sýna samhug. Þetta er eitthvað sem
litla samfélagið okkar hér í fallegu sveitinni á auðvelt
með að gera. Börnin í Lambadal senda sveitungum
sínum góðar kveðjur og minna alla á að vera góðir við
náungann.
Fyrir hönd Lambadals,
Gréta Gísladóttir deildarstjóri.
Verslun og bensínafgreiðsla
Opið 9:00 til 21:00 alla daga í sumar
Allar almennar matvörur og olíur
Gleðileg jól og farsælt komandi ár, þökkum liðið