Litli Bergþór - 01.12.2013, Blaðsíða 24

24 Litli-Bergþór
Lionsklúbburinn Geysir var stofnaður 8. apríl 1984.
Í dag eru starfandi 25 félagar í klúbbnum. Segja má
að starfið sé tvíþætt, annars vegar til að styðja við
heimabyggð og hins vegar á alþjóðavettvangi.
Verkefni sem Geysir hefur starfað að í heimabyggð
eru m.a. gróðursetning í Rótarmannatorfum og
umhverfisvernd, tækjakaup fyrir heilsugæslu, kaup
á öryggismyndavélum í íþróttamannvirki, bruna-
varnakerfi í Aratungu og húsgögnum í grunnskóla.
Einnig hafa verið veittir styrkir til fjölskyldna í
sveitarfélaginu.
Á alþjóðasviði er alþjóðarhjálparsjóður sem Geysir
leggur fé í. Sjóðurinn er notaður til að styrkja góð og
þörf málefni hvar sem þau koma fyrir í heiminum.
Vetrarstarfsemi Lionsklúbbsins Geysis felur í sér
félagafundi sem haldnir eru hálfsmánaðarlega, á
miðvikudögum oftast í Kistuholti 3. Félagar fara
einnig í heimsóknir, halda opna fundi og skipuleggja
samkomur.
Í haust fóru félagsmenn ásamt mökum í heimsókn
til Lionsfélaga í Grímsnesi. Þar nutu þeir leiðsagnar
og fræðslu um Grímsnesið. Deginum lauk með
Gleðileg jól og farsælt komandi ár
Lionsklúbburinn Geysir
Lionsmenn á félagsfundi í Bergholti.
Stjórn Lionsklúbbsins Geysis, þeir Örn Erlendsson for-
maður, Hallgrímur Magnússon ritari og Sveinn Sæland
gjaldkeri.
kvöldverði í Kiðjabergslandi í boði Meistarafélags
húsasmiða. Almenn ánægja var með ferð þessa enda
mikil gestrisni af hálfu heimamanna. Þann 11. október
brugðu klúbbfélagar sér í veglega sviðaveislu til
Grindavíkur hjá vinaklúbbnum Lionsklúbbi Grinda-
víkur, má segja að menn sæki vatnið yfir lækinn með
því að fara í útgerðarkausptað til að snæða svið. Í
Úthlíð mættust Lionsmenn og fóru í messu hjá Birni
bónda og þáðu síðan veitingar. Þar mættu einnig
konur úr Lionsklúbbnum Emblu á Selfossi og karlar
úr Lionsklúbbi Laugdæla. 20. nóvember var Kristófer
Tómasson sveitarstjóri í Skeiða- og Gnúpverjahreppi
heimsóttur í Árnes. Hann hafði skipulagt heimsókn
í minkabúið Mön þar sem félagar nutu fræðslu
um minnkaeldi. Í ljós kom að Lionsfélagar Geysis
vissu lítið um minkaeldi og fóru öllu fróðari heim.