Litli Bergþór - 01.12.2013, Blaðsíða 34
sem Jóhann B. Óskarsson gaf félaginu, veittur þar í
fimmta sinn. Að þessu sinni kom hann í hlut Magneu
Kjartansdóttur 13 ára heimasætu í Bræðratungu.
Kammerkór Suðurlands hélt tónleika í hinni
fornfrægu dómkirkju Southwark Cathedral í London
þann 15. nóvember þar sem frumflutt var nýtt tónverk
eftir breska tónskáldið Sir John Tavener en samstarf
Sir John og kórsins stóð í u.þ.b. áratug. Sir John
andaðist nokkrum dögum fyrir tónleikana sem voru
haldnir engu að síður. Meðal söngfólks í Kammerkór
Suðurlands eru Tungnakonurnar: Aðalheiður Helga-
dóttir, Geirþrúður Sighvatsdóttir, Henrietta Ósk
Gunnarsdóttir og Lára Jónsdóttir. Stjórnandi kórsins er
Tungnamönnum líka að góðu kunnur en það er Hilmar
Örn Agnarsson sem var organisti í Skálholti lengi vel.
Tröppur við aðalinnganginn að Aratungu voru
steyptar upp á nýtt í haust og endurbættar mikið. Í
þeim er nú hitakerfi, ljós í öllum tröppum og skábraut
fyrir hjólastólafólk og aðra sem eiga erfitt með að
fara tröppur. Þá var sett handrið á þær og einnig á
tröppurnar við skrifstofuinnganginn.
Hjólreiða- og hlaupakeppnin,
Uppsveitahringurinn, var haldin
7. september í tengslum við
uppskeruhátíðina á Flúðum.
Farnar voru eftirfarandi leiðir:
10 km hlaup, 46 km hjólreiðar
og 10 km hjólreiðar sem er ný grein
í Uppsveitahringnum. Í hlaupinu og 10
km hjólreiðunum var lagt af stað frá
Reykholti og endað á Flúðum.
Að kvöldi 23. nóvember síðastliðinn
boðuðu Vinir Tungnarétta alla þá sem
komu að uppbyggingu réttanna og alla
velunnara þeirra til samkomu í Aratungu
til að fagna verklokum. Fram voru borin
svið með rófustöppu og kartöflumús.
Fyrr um daginn þann 23. var líka líf
og fjör í Aratungu, því þá var haldinn jólamarkað-
ur Kvenfélags Biskupstungna. Þar voru söluborð
með allskonar varningi, kökubasar og tombóla
og frá kaffisalnum barst ilmandi vöfflulyktin frá
kaffiveitingum Kvenfélagsins.
Auglýst var eftir starfsmanni í fyrirhugaða
félagsmiðstöð í Bláskógabyggð sem verður rekin
í nánu samstarfi við félagsmiðstöðina á Borg í
Grímsnesi. Guðmundur Hermann Óskarsson í Reyk-
holti var ráðinn í starfið og verður það skipulagt í nánu
samstarfi við Grímsnes- og Grafningshrepp.
Aðventutónleikar kirkjukóranna í Uppsveitunum
voru haldnir í Skálholti þann 7. desember, en þar
sungu líka börn úr Bláskógaskóla og einsöngvarar.
Var það notaleg stund.
Sveitarfélagið Bláskógabyggð hefur efnt til
hönnunarsamkeppni um Geysisvæðið í samvinnu við
Arkitektafélag Íslands, Landeigendafélag Geysis ehf.
og Félag landslagsarkitekta og eiga þessir aðilar allir
fulltrúa í dómnefnd um tillögurnar. Skilafrestur er til
30. janúar 2014 og á niðurstaða dómnefndar að liggja
fyrir þann 6. mars 2014.
Sigríður Jónsdóttir í Arnarholti hefur gefið út nýja
ljóðabók sem ber nafnið „Undir ósýnilegu tré“. Það er
Sæmundur, bókaútgáfa í eigu Elínar Gunnlaugsdóttur
og Bjarna Harðarsonar í Bókakaffinu á Selfossi sem
gefur bókina út.
Ólöf Vala Ingvarsdóttir sem ólst upp í Birkilundi
í Reykholti hefur gefið út barnabók, sem ber nafnið
„Bleikir fiskar“, hjá Bókasmiðjunni sem er í eigu
Elínar Gunnlaugsdóttur og Bjarna Harðarsonar í
Bókakaffinu á Selfossi
Safnahelgi var 1. október til 3. október, Á föstu-
dagskvöldinu var bókakynning og uppboð í Bjarkar-
hóli á vegum Bjarna Harðarsonar. Lásu Tungnaskáldin
Sigríður Jónsdóttir í Arnarholti og Ólöf Vala
Ingvarsdóttir úr bókunum sínum ásamt fleirum. Hægt
var að fá áritaðar bækur á hagstæðu verði á staðnum,
ekki síst ef boðið var í bækurnar.
Daginn eftir var hin árlega sultukeppni haldin í
Bjarkarhóli, dómarar að þessu sinni voru Magnús
Hlynur Hreiðarsson, Valgerður Sævarsdóttir og Ragn-
hildur Þórarinsdóttir. Keppt var í þrem flokkum: um
bestu, nýstárlegustu og hollustu sultuna. Sigurvegarar
voru Sigríður Jónína Sigurfinnsdóttir sem átti
nýstárlegustu sultuna, Agla Þyri Kristjánsdóttir fyrir
besta bragðið og Inga Ósk Jóhannsdóttir fyrir hollustu
sultuna.
2. október hélt Lionsklúbburinn Geysir opinn
fræðslu- og umræðufund um lestrarörðugleika barna
og ungmenna í Aratungu.
Menningarmálanefnd Bláskógabyggðar stóð fyrir
eftirtöldum menningargöngum í sumar og haust: Þann
19. júní leiðsagði Hreinn Óskarsson skógarvörður
fólki um skógræktina í Haukadal. Í júlí gekk Bjarni
Harðarson um Laugarás og sagði samferðafólki sínu
sögu þorpsins og lýsti æskuslóðum sínum. Í september
fór Einar Á. Sæmundssen fyrir ferðafólki að sýruker-
inu á Bergsstöðum og að Haukadalskirkju en þessir
staðir tengjast þjóðsögunni um risann Bergþór í
Bláfelli.
Uppskeruhátíð æskulýðsnefndar Loga var haldin
17. október og var æskulýðsskjöldurinn Feykir,
34 Litli-Bergþór
Ja hérna, hvað
þau voru góð sviðin
og rófu-
stappan!
Texti:
Svava Theodórsdóttir