Tíminn - 23.12.1944, Blaðsíða 1

Tíminn - 23.12.1944, Blaðsíða 1
at clopiœ a<a&/?sa£& )fáca>fowa/&icíz'?i,<z, e&ittl' áfoa- )fóprv ^^ttótri €cdrisa-&&n, \ Enn einu sinni er%u blessuð jólin komin. Á hverju ári hefir þessi hátíð komið til okkar með birtu og yl og gleðiríkar stundir, mitt í dimmasta skammdegi vetrarins. Við höfum öll fengið að njóta jólanna sem börn, meðan við áttum pann eiginleika að geta fundið óumrœðilega gleði við litla tilbreytingu á fábreyttum kjörum og kringumstœðum. — Það er sagt, að fáir vilji sína barnœsku muna, og satt er það, að mörg hugðarefni og tilfinningar bernskuáranna vilja dofna með hœkkandi aldri og árum, víkja úr hugq^ okkar fyrir viðfangsefnum fullorðinsáranna. Og ýmsir hugsa víst sem svo, að ekkert af því, sem mest áhrif hafði á þá í bernsku, geti komið aftur í sömu mynd og með sama krafti á fullorðinsárunum. En þetta er ekki rétt. Til eru þeir atburðir og til eru þœr stundir, sem mega verka með sama og sams. konar áhrifakrafti á okkur um œvina alla, jafnt á fullorðinsárum og efri árum sem á bernskuárunum, — ef við ekki harðlæsum hjörtum okkar fyrir þeim. Slíkur atburður, slík stund, er jólahátíðin. Það má vera, að menn geti látið veraldarvafstrið deyfa áhrif hennar á huga sinn um lengra eða skemmra tímábil œvinnar. En áhrif hennar eru geymd, en ékki gleymd. Þau segja til sín, þótt síðar sé. Þau koma, þau gagntaka okkur að nýju, áhrif jólanna, þegar hugur okkar öðlast þann nœmleika, sem hann áður átti. Jólaþrá og jólahugur býr í djúpi hjart- ans hjá okkur öllum, um alla œvi, hvort sem við ger- um okkur það* Ijóst eða ekki. Hvað eru jólin? Hvað er hún, þessi hátíð, sem hefir markað áhrif sín dýpra í hjörtu mannanna en nokkur önnur helgistund okkar? Ég held, að enginn maður sé svo vitur og djúpskyggn, að hann geti til fulls útlistað hin leyndardómsfullu áhrif jólanna. Jólin eru heilög háldin á milljónum heimila um víða veröld og svo hefir verið um aldaraðir. Þau eru haldin heilög við hin ólík- ustu kjör, meðal hinna ólíkustu manna og þjóða. Hinn ytri blœr þeirra getur því verið með mjög mismunandi móti. En dýpstu og varanlegustu einkenni þeirra hafa alltaf verið hin sömu. Þegar ég nú sé jólagleði Ijóma á svip þeirra, sem eiga við þœgindi og állsnœgtir að búa, þá minnist ég þess, að alveg jafn skœr og Ijómandi gleði skein í augum þeirra,- sem á löngu liðnum tímum lifðu sín jól í lágum bæ og fengu enga aðra jólagjöf en lítið kerti. Ytri viðhöfn fer jólunum vel, sé hún í hófi. Hún er viðleitni til að gefa jólunum sama blœ í hinu ytra, eins og þau háfa sjálf skapað hið innra í hjörtum okk- ar. Þegar við minnumst jólanna, eins og við höfum lif- að þau bezt, þá finnum við, að þau eru ímynd lífsins, eins og við getum hugsað okkur það fegurst og full- komnast. Gleði og friður hið innra, samhugur og kœr- leiki meðal manna, það er sú mynd af lífinu, sem jólin hafa skapað í huga ohkar. Og yfir öllu hvílir œðri feg- urð. Það er sem Ijós og máttur streymi til okkar frá himindjúpum tilverunnar. Og þá kemur boðskapur jöl- anna ósjálfrátt fram í huga okkar, sá boðskapur, sem hljómað hefir til mannanna á hvejjum jólum: Sjá, ég boða yður mikinn fögnuð. Jólin eiga sinn uppruna og sinn áhrifamátt að rekja til þess atburðar, er œðsta þrá mannsandans var upp- fyllt, þegar himnarnir opnuðust okkur jarðarbörnum og lífi okkar var gefin ný fegurð, nýtt eilíft lífstakmark, sem áður var hulið sjónum okkar. JÖl kristinna manna voru stofnuð sem minningarhátíð um fæðingu Jesú Krists, og það eru þau enn í dag. Við sjáum íanda barn- ið, sem var lagt í jötu. Úti grúfa næturmyrkrin, en gegnum þau brýzt himneskt Ijós og dýrð guðs er ná- lœg jörð okkar. Og í fullum Ijóma birtist dýrð guðs okkur í lífi hins unga sveins. í hjarta Jesú Krists, í kenningu hans, í öllu starfi hans og framkomu Ijómar sjálfur hinn eilífi kœrleiki guðs. „Ég og faðirinn erum eitt" voru einkunnarorð lífs hans, og um leið var bœn hans til föðurins, okkur til handa, þessi: „Ég vil, að einnig þeir séu hjá mér, þar sem ég er, til þess að þeir sjái dýrð mína, sem þú hefir gefið mér." Dýrð lífsins, sem Je'sú Kristur opinberaði okkur, hefir verið að birt- ast mönnunum, œ að nýju, gegnum aldirnar. Hið heil- aga líf hans hefir verið áhrifamesta aflið til'að glœða allt hið fagra og góða í sálum mannanna. Með fœðingu hans voru myrkrin rofin og Ijósbrú byggð frá þessum heimi til œðra heims. Dagsins Ijós hylur marga himinrós sjónum okkar., En í kyrrð.og húmi hinnar helgu nœtur getum við öll séð þá Ijósbrú, sem tengir jörð mð himin, þetta líf við hið eilífa. Þannig megum við nú á þessari hátíð finna það fagnaðarefni, sem jólin boða. Guð gefi, að svo megi verða. Guð gefi, að við megum öll finna, að jólabarnið Jesú Kristur er hið skœrasta vegferðarljós þessarar veraldar, að hann einn getur sýnt okkur hina œðstu^ fegurð lífsins og hinn sanna tilgang þess. Við biðjum, að þau sannindi megi verða augljós öllum mönnum, svo að hin undursamlegu áhrif jólanna megi gagntaka líf þeirra allt. Guð gefi okkur öllum gleðileg jól. ÉÉ& N

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.