Morgunblaðið - 15.06.1966, Blaðsíða 14
14
MORGUNBLADIÐ
Miðvikudagur 15! júní 1966
Hinii' nýútskrifuðu sjúkraliðar.
Ný stétt:
Fyrstu sjúkruliSarnir bruutskrúðir ú Akureyri
Akureyri, 10. júní.
14 FYRSTU sjúkraliðarnir, sem
brautskráðir eru hér á landi,
luku prófum sínum og fengu
skírteini í hendur hinn 26. maí.
Er þar með risin ný stétt, sem
vonandi á eftir að verða fjöl-
menn og til mikilla hagsbóta
fyrir okkar fáliðuðu sjúkrahús,
|>ar sem sjúkraliðunum er ætlað
að létta störf hjúkrunarkvenna
og annast ýmis einfaldari hjúkr
unarstörf undir þeirra stjórn.
Fjórðungssjúkrahúsið hélt stúlk
unum 14 hóf um kvöldið, þar
sem Ingibjörg Magnúsdóttir, for
stöðukona og stjórnandi nám-
skeiðsins, ávarpaði sjúkraliðana,
óskaði þeim allra heilla og bauð
íþá velkomna til starfa á sjúkrd-
húsinu. Einnig lýsti hún tilhög-
un námskeiðsins og skýrði frá
væntanlegum störfum og kjörum
sjúkraliðanna. Þeir fá sérstakan
búning, bláan kjól og hvítan
Jcappa, og munu taka laun eftir
9. iaunaflokki ríkisstarfsmanna.
12 stúlknanna munu vinna á FSA
næstu 4 mánuði (kvöð), en 2,
sem sóttu námskeiðið fyrir
Kristneshæli, munu vinna þar
sama tíma.
Guðmundur Karl Pétursson
yfirlæknir tók til máls í hófinu
og þakkaði Ingibjörgu Magnús-
dóttur dugnað hennar og fram-
tak við að hrinda þessu þarfa
máli áleiðis, enda hefði hún gerzt
brautryðjandi i þessu efni hér á
landi. Hann taldi, að með braut-
skráningu hinna fyrstu sjúkra-
liða hefði náðst mjög merkur
áfangi, enda hefði verið orðin
brýn nauðsyn að fá sérhæft fólk
á þessu sviði til starfa á sjúkra-
húsunum.
Meðal gesta voru forstöðukona
Borgarspítalans í Reykjavík,
príorinna Landakotsspítala ásamt
tveimur hjúkrunarkonum þaðan
og yfirhjúkrunarkona Kristnes-
hælis.
Rannveig Ólafsdóttir sjúkraliði
talaði fyrir hönd nemenda, þakk
aði góða kennslu og afhenti kenn
urunum rósavendi.
Sv. P.
Heltt vatn finnst
á SeStBarnarnesi
HEITT vatn fékkst upp úr bor-
holunni við Bygggarð á Sel-
tjarnarnesi á sunnudag. Gaf hol-
an af sér 1 lítra af 57 stiga heitu
vatni á sekúndu.
ísleifur Jónsson frá jarðhita-
deild Raforkumálastjórnarinnar,
tjáði Mbl. í gær, að um helgina
hefði borinn verið kominn niður
á 578 metra. og hefði þá verið
ákveðið að mæla hvað hitinn
væri orðinn mikill. Hann reynd-
ist á sunnudagskvöld vera 57 st.
eins og áður segir, en í gærmorg
un var hann orðinn 78 stig, þá
á 650 metra dýpi.
ísleifur sagði að þetta væri
allmiklu minni-hiti en í aðalbor-
holusvæði Reykjavíkur við Suð
urlandsbraut, þar sem hitinn
væri 135—140 stig á sama dýpi.
Hann sagði, að úr því að vatnið
væri komið yfir 50 stig þá mætti
vel fara að nota það til hita-
veitu, en hins vegar gerðu þeir
sér miklar vonir um að fá enn
heitara vatn þegar neðar drægi,
og væri því ráðgert að bora enn
áfram niður á 800 metra dýpi.
Hússtjórnarnámskeið
í 3 barnaskólum
Sumarverkefni fyrir 13 ára telpur
1 SUMAR hefur verið efnt
til námskeiða í hússtjórn á veg-
um borgarinnar og fræðsluráðs,
í þeim tilgangi að veita 13 ára
stúlkum sumarverkefni en þær
eru neðan við vinnuskólaaldur.
Eru þrjú slík námskeið hafin
í eldhúsum í þremur barnaskól-
um og kenna þar matreiðslu
kennarar úr skólum borgarinn-
ar. Greiða nemendur 1000 kr.
fyrir mánaðarnámskeið. en borg
in leggur styrk á móti.
Aðsókn hefur verið góð og
virðist þessi nýjung mælast vel
fyrir. Þegar eru farnar að koma
umsóknir um næstu námskeið,
sem ætlunin er að halda í ágúst.
I hverjum flokki eru 16 stúlk-
ur, er lokið hafa barnaprófi.
Námskeiðið hefst kl. 8 á morgn
ana. Þá fara telpurnar í sund
undir eftirliti og með leiðbein-
ingu kennara. Fara þær í sund-
laugar nálægt skólunum, sem
þær eru í, eða í Sundlaug Vest-
urbæjar, gömlu sundlaugarnar
og sundlaugina í Breiðagerðis-
skóla.
Klukkan 9 eru þær komnar í
skólaeldhúsið og taka sér þá
til morgunverð. Síðan fer fram
ýmisskonar fræðsla og stúlkurn
ar elda hádegismat og á eftir
eru bóklegar greinar í tengslum
við kennsluna. Kennslan er þó
öll í öðru formi en matreiðslu-
kennsla í barnaskólunum. Inni
í þessu er ræsting, matargerð,
bökun og komið almennt inn
á heimilishagfræði, vöruþekk-
ingu og margt fleira. Einnig er
ætlunin að skoða vinnustaði, sem
viðkoma þessu námi.
Þetta er sem fyrr er sagt
fyrsta námskeiðið, sem efnt er
til af þessu tagi og eru undir-
tektir mjög góðar.
Geðvernd
nýtt rit um
geðverndarmál
GEÐVERND, rit um geðverndar-
mál, nefnist tímarit, sem Geð-
verndarfélag íslands hefur hafið
útgáfu á. 1. hefti er nýkomið út,
og fæst það i Bókaverzlun Sig-
fúsar Eymundssonar.
Ritið hefst á forspjalli Bene-
dikts Tómassonar, skólayfirlækn-
is, Að upphafi. Þá er grein eftir
Benedikt Tómasson, er nefnist:
í minningu dr. Helga Tómasson-
ar, yfirlæknis, og erindi, Geð-
vernd, sem dr. Helgi Tómasson
flutti á framhaldsstofnfundi. Geð
verndarfélags íslands 17. janúar
1950. Geðverndarfélagið ' og
sjúkrahúsmálin heitir grein eftir
Tómas Helgason, prófessor. Þá
er greinin Geðverndarfélagið og
störf þess, eftir Kristin Björns-
son, sálfræðing, Lög Geðverndar
félags íslands, samþykkt á aðal-
fundi 1964, og Tilkynning um
minningarspjöld félagsins, en þau
fást í Markaðinum í Hafnar-
stræti 11 og Laugavegi 89, og i
verzlun Magnúsar Benjamínsson
ar, Veltusundi 3.
Hlutverk tímaritsins Geðvernd
ar er að veita fræðslu um geð-
verndarmál og stuðla að því, að
betur verði séð fyrir geðveikra-
málum landsins en raun hafi
orðið á til þessa. Benedikt Tómas
son sá um útgáfu þessa heftis.
Stjórn Geðverndarfélags ís-
lands er þannig skipuð: Formað-
ur: Kristinn Björnsson, sálfræð-
ingur. Varaform.: Benedikt
Tómasson, skólayfirlæknir. Fund
arritari: Grímur Magnússon,
læknir. Bréfritari: Tómas Helga-
son, prófessor. Gjaldkeri: Frú
Áslaug Sívertsen. — Meðstjórn-
endur: Frú Jóhanna Baldvins-
dóttir og Sigurjón Björnsson, sál
fræðingur.
Mjólkursamsölunni bárusf
58,5 millj. kg. mjólkur á sl. ári
En sala nýmjólkur var hlutfallslega
meiri en áriö áður
AÐALFUNDUR Mjólkursam-
sölunar var haldinn fimmtudag-
inn 14. maí. Sátu hann fultrúar
mjólkurframleiðenda af suður-
og vesturlandi, frá Vestur-Skafta
Fjöldi frœgra rithöfunda
á þingi PEN í New York
New York, 11. júní. AP.
MARGIR frægustu rithöfundar
heims, skáld og leikritahöfund-
ar og aðrir iðkendur bókmennta
sem kunnir eru af skrifum sín-
um eru nú komnir til New York
eða á leið þangað að sitja þar 34.
alþjóðaþing P.E.N. samtakanna,
sem nú er haldið í Bandaríkjun-
um í fyrsta skipti í 42 ár.
Þingið verður sett á mánudag
í New York-háskóla og flytur
þá ávarp forseti alþjóðasamtak-
anna, bandaríska leikritaskáldið
Arthur Miller, en aðalræðu-
maður þann dag verður rithöf-
undurinn Saul Bellow.
Þing þetta sækja um 500
ekáld, rithöfundar, leikrita-
skáld, útgefendur og aðrir sem
§un bækur og bókmenntir fjalla.
Meðal gesta á þinginu eru ítalski
rithöfundurinn Ignazio Silone,
chileanska skáldið Pablo Ner-
uda, Charlos Fuentes frá
Mexikó, og frá Englandi koma
m.a. Muriel Spark og Rosamond
Lehmann, en alls sitja þingið
fulltrúar 50 deilda PEN-samtak-
anna víðsvegar um heim, frá
íslandi til Nýja-Sjálands, Búlga-
ríu, Tékkóslóvakíu, Ungverja-
landi, Póllandi, Rúmeníu, Viet-
nam, Formósu, Hong Kong,
Kóreu, Fílabeinsströndinni og
öðrum Afríkuríkjum. Eins og
sagt hefur verið frá í fréttum
höfðu Sovétríkin ráðgert að
senda fulltrúa á þingið nú, þótt
ekki séu þau aðilar að samtök-
um PEN, en af því mun ekki
verða.
Forseti Bandaríkjadeildar
PEN-samtakanna, Lewis Galant-
iere lét svo ummælt er hann
tók á móti nokkrum hinna er-
lendu gesta þingsins að víst
væru þeir aufúsugestir allir sem
það sæktu langa vegu frá, og
gaman væri að hitta þá vestra,
en ekki væri síður um hitt vert
að þessi Bandaríkjadvöl og þing-
seta nú væri fjölmörgum full-
trúanna frá Evrópu, Asíu og
Afríku og S-Ameríku fyrstu
kynni þeirra af Bandaríkjunum
og áhrif þeirra myndi lengi gæta
í hugum gestanna, sem síðar
sneru svo aftur til heimalanda
sinna og ættu þar eftir að leggja
sinn skerf til andlegs lífs í lönd-
um sínum og hafa áhrif á al-
menningsálitið þar.
fellssýslu til Gilsfjarðar.
Formaðurinn, Sveinbjörn
Högnason, setti fundinn og bauð
fultrúa velkomna. Flutti hann
síðan skýrslu um störf og fram-
kvæmdir stjórnarinnar á sl. ári.
Forstjórinn, Stefán Björnsson,
lagði fram ársreikninga Mjólk-
ursamsölunnar, skýrði þá og
flutti yfirlit yfir rekstur hennar
og framkvæmdir á árinu.
Rekstur Mjólkursamsölunnar
fór vaxandi á árinu eins og
undanfarin ár. Kostnaðurinn
jókst vegna hækkandi verðlags
og launa og nam hann, að með-
töldum afskriftum, 11.7% af
heildar-vörusölu hennar. Verð-
lag mjólkurafurða fór einnig
vaxandi, en fylgdi þó ekki strax
á eftir. Starfsmenn voru 450 í
árslok, eða einum fleiri en í
byrjun ársins. Mjólkursölustöð-
um fjölgaði um 9 á árinu í 125.
Mjólkursamsalan rak sjálf 64
mjólkurbúðir, þar af 40 í eigin
húsnæði. Er það tveimur fleira
en árið áður.
Aðrir aðilar seldu mjólk í 61
búð auk kjörvagna.
Innvegið mjólkurmagn til
mjólkurbúanna, sem að Mjólkur
samsölunni standa var 58.537.
891 kg. Aukning frá fyrra ári
nam 2.459.991 kg eða tæpl. 4,4%.
Mjólkursamlögin í Búðardal og
Grundarfirði störfuðu ekki allt
árið 1964 og stafar aukningin að
nokkru leyti af því.
Helztu framleiðsluvörur mjólk
urbúanna voru:
33.538 þús. lítrar neyzlumjólk
749 — — neyzlurjómi
838 — — undanrenna
1.252 — Kg. skyr
558 — — smjör
437 — — mjólkurostur
136 — — nýmjólkurmj
407 — — undanr.mjöl.
107 — — kasein
Auk þessa niðursoðin mjólk,
kryddaður ostur o. fl. Nýmjólk-
ursalan á sölusvæðinu nam uin
59% af heildar innvigtun mjólk
ur eða 2/3% lægra hlutfall en
árið áður. Sala nýmjólkur hafði
þó aukizt um 3,2%.
Af skráða meðalverði mjólk
ur á árinu fóru tæpl. 22% til
rekstur mjó-lkurbúanna, flutn-
inga á afurðum á sölustað og
reksturs Mjólkursamsölunnar,
tæpl. 71.5% kom í hlut bænda
og um 6.5% var söluskattur,
stofnlánasjóðsgjald, verðimðlun-
arsjóðsgjald, sölulaun til ann-
arra, vinnsluafföll o.fl. Gert er
ráð fyrir að útborgunarverð til
bænda, að meðaltali verði 774.5
aurar á lítra.
Úr stjórn Mjólkursamsölunn-
ar áttu að ganga Ólafur Bjarna-
son, Brautarholti og Sigurgrím-
ur Jónsson, Holti og voru báðir
endurkjörnir.
Aðrir í stjórn eru: Sveinbjörn
Högnason, Staðarbakka, formað
ur, Sverrir Gíslason, Hvammi og
Einar Ólafsson, Lækjarhvammi.