Morgunblaðið - 20.11.1973, Blaðsíða 3

Morgunblaðið - 20.11.1973, Blaðsíða 3
MORGUNBLAÐIÐ. ÞRIÐJUDAGUR 20. NÓVEMBER 1973 Fjögur rit komin út hjá Hinu íslenzka bókmenntafélagi Sigurður Lfndal, forseti Bdk- menntafélagsins FJÖGUR rit eru nú komin út hjá Hinu fslenzka bókmenntafélagi, þar af eru tvö rit f flokki lær- dómsritanna. Fleiri rit eru væntanleg f desembermánuði. Af ritum félagsins, sem nú eru komin út skai fyrst telja Skfrni, Tímarit Hins Islenzka bók- menntafélags, 147. árgangur f rit- st.jórn Ölafs Jónssonar. Meðal efnis í árgangi 1973 má nefna ritgerð eftir Halldór Laxness, sem hann nefnir Forneskjutaut, en þar er m.a. fjallað um fornan átrúnað. Þá eru birt Þrettán kvæði eftir Stein Steinar, sem ekki hafa birzt áður. Þorsteinn Gylfason ritar grein, sem nefnist Að hugsa á íslenzku, og Þór Whitehead greinina Stór- veldin og lýðveldið, en þar er lýst aSdraganda lýðveldisstofnunar- innar 1944 og afstöðu stór- veldanna til hennar. Greinar um skáldskap, fornan og nýjan eru eftir Hannes Pétursson, Fríðu A. Sigurðardóttur, Andrés Björnsson, Helgu Kress, Svein Bergsveinsson, Kristján Árnason, Ólaf Halldórsson, Peter Hallberg og Bjarna Guðnason. Þorbjörn Broddason ritar greinina Hverjir sækja leikhús og Öystein Noreng um boðskap í bókmenntum. Loks koma ritdómar. Þá er komin út Bókmenntaskrá Skírnis 5, sem Einar Sigurðsson tók saman. Þetta er í fimmta sinn, sem Bókmenntaskrá Skírnis birtist, en i henni eru rakin bók- ræðileg skrif, sem birzt hafa á árinu 1972, um fslenzkar bók- menntir síðari alda. Einkum er hún ætluð sem handbók fyrir íslenzkukennara, bókmennta- gagnrýnendur og alla aðra áhuga- menn um íslenzkar bókmenntir. Nú er að nefna lærdómsritin. Þau eru Mál og mannshugur eftir Noam Chomsky og Sfðustu dagar Sdkratesar eftir Platón. Halldór Halldórsson hefur þýtt fyrr- nefnda ritið og ritar hann einnig inngang. Höfundur þessarar bókar er nafnkunnasti mál- fræðingur samtímans, og hafa hugmyndir hans valdið tíma- mótum í sögu málvísinda og annarra mannlegra fræða á síðasta áratug. Bókin birtist fyrst árið 1968, og fjallar hún um fram- lag málvísinda til rannsókna á mannshuganum í fortíð, nútíð og framtíð. Hún geymir skarplega gagnrýni á atferliskenningar um mannlegt sálarlíf, og hún er samin í þeirri trú, og styður hana rökum, að málfræði geti öðrum f ræðum fremur stuðlað að lausn á sumum torræðustu gátum sál- fræðinnar. Hitt ritið — Síðustu dagar Sókratesar birtist hér I íslenzkum búningi eftir Sigurð Nordal, sem einnig ritar inngang ásamt Þor- steini Gylfasyni. I bókinni birtast þrjú af áhrifamestu ritum eins áhrifamesta hugsuðar allra tíma, þar sem hann lýsir ævilokum kennara sins. Ritin eru Málsvórn Sókratesar, ræða hans fyrir dóm- stólnum sem dæmdi hann til dauða; Krítón, rökræða hans í fangelsinu um réttmæti þess að brjóta ranglát lög; og Ioks Faídón, rökræða hans og lærisveina hans um Iíf og dauðaog Iffið eftir dauð- ann, daginn sem hann skyldi tekinn af lífi, en þar leggur Platón Sókratesi í munn margar helztu kenningar heimspeki sinnar. Eru vélar spænsku skuttogaranna hrjáðar af spænsku veikinni? SKUTTOGARI Hafnfirðinga, Júnf, er nú nýkominn úr söluferð frá Þýzkalandi, þar sem skipið seldi fyrir rúmar 10 millj. kr. .Iiiní var tekinn f slipp f Þýzka- landi, þvf álitið var, að skrúfur skipsins væru ekki rétt stilltar, en svo reyndist ekki vera. Á heim- leiðinni komu upp bilanir á gang- ráð vélanna, en sérfræðingur frá MAN verksmiðjunum, sem er um borð f skipinu gat að mestu gert viðbilanirnar. Halldór Halldórsson, skipstjóri á Jú ní, sagði f samtali við Morgun- bíaðið á laugardag að nú ætti að vera búið að gera fullkomlega við vélar skipsins. Það, sem erfiðleik- Hvert stefnir í varnarmálum? GEIR Hallgrímsson, formaður Sjálfstæðisflokksins, flytur ræðu um varnar- og utanrikismál á al- mennum félagsfundi Heimdallar I kvöld kl. 20.30 á Hdtel Esju. A fundinum verður m.a. rætt um stefnu Islands I varnar- og utan- ríkismálum. Þá verður fjallað um þátttöku tslands f varnarbanda- lagi vestrænna þjðða. Að inn- gangserindi loknu mun formaður Sjálfstæðisflokksins svara fyrir- spurnum fundargesta. Pravda f agnar SOVÉTMENN fagna mjög yfir- lýsingum íslenzkra ráðamanna um, að varnarliðið eigi að hverfa á braut. Fyrir skömmu fjallaði Pravda, málgagn sovézka kommúnistaflokksins um þessar viðræður og sagði, að íslenzka þjóðin „héldi áfram viðleitni sinni til þess að tryggja að herstöð Atlantshafs- bandalagsins í Keflavik yrði lögð niður". Pravda sagði, að „jákvæð þróun á alþjóðavett- vangi hefði hvatt friðelskandi og framfarasinnuð öfl í vestr- inu til þess að efla viðleitni sína til að tryggja að í kjölfar póli- tískrar þíðu kæmi hernaðarleg þíða". I þessu sambandi sagði Pravda, að um væri að ræða „almennan þrýsting fólks f Bretlandi, Danmörku, Noregi, Japan, og mörgum öðrum lónd- um á það, að erlendar herstöðv- ar verði lagðar niður i þessum löndum". Efnislega svipuð frétt var fyrir nokkru lesin í frétta- tima Moskvu-útvarpsins í fréttaútsendingu á ensku. um hefur valdið, er, að vélunum er stjórnað með lofti, og hafa óhreinindi reynzt vera inn á stjórnkerfinu. Það má alls ekki koma fyrir því þá láta vélarnar ekki að stjórn eins og þær eiga að gerr.. Sagði Halldór, að spænsku skut- togararnir væru búnir tveimur 1410 hestafla spænskum MAN vélum, og teldi hann það jafnvel galla, að vera með tvær vélar um borð í fiskiskipum. Betra væri að vera með eina stóra vél. „Þetta hafa verið leiðinda gallar á þess- um spænsku vélum. Það mætti helzt halda, að þær væru með spænsku veikina," sagði Halldór. Halldór á eftir að fara eina veiðiferð sem skipstjdri á Júní, að henni lokinni hættir hann þar um borð, þvf hann mun taka við skip- stjórn á hinum nýja skuttogara Einars Sigurðssonar, Hrönn, sem nú er í smfðum í PóIIandi. Nefndir starfa STÖÐUG fundahöld eru i hinum ýmsu nefndum verkalýðshreyf- ingarinnar og vinnuveitenda vegna kjaramálanna. Fyrir helgi voru framkvæmdanefndir beggja aðila með fundi og hefur verið boðaður sameiginlegur fundur þeirra á miðvikudag. Er síðan gert ráð fyrir, að allsherjarsamn- inganefndirnar komi saman á mánudag í næstu viku. Þá hafa verið haldnir fundir hinna ýmsu aðila um sérkröfur, m.a. voru fundir vinnuveitenda og verka- lýðsins á Norðurlandi í síðustu I viku, og var gert ráð fyrir að halda þeim áfram i þessari viku. Höfðingleg gjöf Oðins A aðalfundi málfundafélagsins Óðins, sem nýlega var haldinn, var ákveðið að leggja fram 100 þús. kr. til húsbyggingar Sjálf- stæðisflokksins úr félagssjóði. Albert Guðmundsson, formaður byggingarnefndar hins nýja Sjálf- stæðishúss gat þessa myndarlega framlags Óðinsmanna á fundi flokksráðs Sjálfstæðisflokksins s.l. laugardag og sagði, að þeir hefðu auk þess lagt gífurlega mik- ið starf af mörkum í sjálfboða- vinnu. Óðinsmenn hefðu verið við byggingarstörf öllum stundum og svo mjög, að margir væru farnir að tala um hið nýja Sjálfstæðis- hús sem Oðinshús. Skuttogari að veiðum ÞESSAR myndir eru teknar um borð f skuttogaranum Ljósa- felli frá Fáskrúðsfirði. Skipstjóri þar er Guðmundur í. Gísla- son. — Trollið tekið inn. Bobbingarnar og höfuðh'nan sjást vel. — Skipið var á Papagrunni, þegar Albert Kemp vélstjóri, fréttaritari Morgunblaðsins á Fáskrúðsfirði, tók myndirnar. Belgur að mestu kominn inn og verið að setja stroffu til að hífa pokana. Pokinn að mestu kominn inn fyrir með 3 tonnum af f iski. Opnað fyrir báða pokana, hífað upp í belginn og fiskinum hvolft niður í fiskmóttöku á neðra þilfari, þar sem öll vinna fer fram undir þiljum við hita og góðar aðstæður.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.