Morgunblaðið - 19.10.1975, Síða 20

20
MORGUNBLAÐIÐ, SUNNUDAGUR 19. OKTOBER 1975
Aðstaða til
siglinga bœtt
í Arnarvogi
Öflugt æskulýðsstarf í Garðahreppi
GARÐHREPPINGAR festu á
sfðasta sumri kaup á svæði við
Ránargrund 1 Arnarvogi þar
sem þeir æfla 1 framtíðinni að
koma upp aðstöðu fyrir þá sem
áhuga hafa á siglingaíþrótt-
inni. Ilefur svæðið verið teikn-
að og skipulagt með siglingar 1
huga og 1 vetur verður hafist
handa við framtfðarfram-
kvæmdir á staðnum. Siglinga-
klúhbur Garðahrepps og Sigl-
ingahlúbburinn Pytur 1 Hafn-
arfirði hafa þegar fengið svæði
þetta til afnota og í vetur munu
klúbbarnir gangast fyrir háta-
smíðanámskeiöum.
Siglingaklúbbur Garða-
hrepps er yngsta æskulýðsfé-
lagið í Garðahreppi, en auk
hans starfa þar fjögur önnur
æskulýðsfélög. Æskulýðsnefnd
Garðahrepps efndi f gær til
fundar með fréttamönnum þar
sem starfsemi æskulýðsfélag-
anna í hreppnum var kynnt.
Ágúst Þorsteinsson er formað-
ur Æskulýðsnefndarinnar og er
hann eini nefndarmaðurinn,
sem á jafnframt sæti í hrepps-
nefnd. Hinir eru fulltrúar
æskulýðsfélaglaganna.
Nemendafélag Gagnfræða-
skóla Garðahrepps er mjög
virkt félag. Haldnir eru dans-
leikir og málfundir eins og
gengur og gerist í skólum al-
mennt, en auk þess er einu
sinni í viku opið hús f skólanum
og auk nemenda eru foreldrar
og eldri Garðhreppingar vel-
komnir þangað. AIls eru nemd-
endur f skólanum um 400, en
Iþróttahúsið Asgarður f Garðahreppi.
Það kom fram á fundinum
með fréttamönnum í gær að
æskulýðsstarf í hreppnum er
mjög öflugt, en þó vantar meiri
þátttöku hinna fullorðnu við
skipulagningu og stjórnun
starfsins. Alls eru íbúar í
Garðahreppi um 4000 og eru
48% þeirra 18 ára og yngri.
Þannig er ætlunin að verði umhorfs f bækistöðvum siglingafólks
úr Garðahreppi þegar fram Ifða stundir.
yfirleitt mæta rúmleta 200
manns í „opið hús“ í skólanum.
Skátastarf er öflugt í Garða-
hreppi og er ekki fjarri lagi að
skátar i Garðahreppi séu um
150 talsins. Hafa skátarnir yfir
góðri aðstöðu að ráða í hreppn-
um auk þess sem þeir vinna að
skálabyggingu fyrir ofan Vffils-
staði. KFUM og K hafa sina
starfsemi í Barnaskóla Garða-
hrepps og eru fundir haldnir
vikulega.
Ungmennafélagið Stjarnan
hefur nú yfir betri aðstöðu að
ráða en mörg önnur íþróttafé-
lög. Hið glæsilega íþróttahús
Ásgarður er í notkun frá 8 á
morgnana og fram undir mið-
nætti á hverjum degi, auk þess
sem það er einnig opið um helg-
ar. Er húsið reyndar meira en
aðeins iþróttahús þvi þar er
ætlunin að I framtíðinni verði
miðstöð fyrir almenna æsku-
lýðsstarfsemi og annað félags-
starf. Þá ræður Stjarnan yfir
ágætum malarvelli og i bígerð
er að sundlaug barnaskólans
verði opnuð næsta sumar á nýj-
um stað við Iþróttahúsið.
Síldarverðið það
sama og áður
YFIRNEFND verðlagsráðs
sjávarútvegsins hefur ákveðið
nýtt látmarksverð á síld til sölt-
unar frá 16. október til 31. desem-
ber. Verður verðið það sama og
áður kr. 40 á kíló fyrir stóra síld
(32 sm og stærri) og kr. 26 á kíló
fyrir síld undir 32 cm. Er sama
hvort síldin fer til frystingar eða
söltunar.
í fréttatilkynningu verðlags-
ráðs segir, að verðið miðist við að
sildin sé komin á flutningstæki
við hlið veiðiskips. Ennfremur
skuli sú síld, sem veidd er í herpi-
nót, vera ísuð í kassa og að fram-
leiðslueftirlit sjávarafurða annist
sýntöku úr þessari síld, er verði
hagað þannig, að 1 kassi af hverj-
um 20—30 verði teknir sem sýnis-
horn og innihaldið vegið íslaust.
Niðurstaða sem út keraur skuli
gilda fyrir allan farminn.
Við afhendingu á síld, sem
söltuð er um borð í veiðiskipi,
gilda eftirfarandi reglur: Hver
tunna, sem inniheldur 95 kg af
hausskorinni og slógdreginni síld,
reiknast 136 kg af heilli síld.
Afhending miðast við þunga í
tunnu þann dag, sem síldin er
lögð á land. Síld sem er 300— 500
stk. í tunnu miðað við hver 100
kg, mest 6 stk. í kílói, telst stór
síld, og síld, sem er 500—700 stk. í
tunnu miðað við hver 100 kg, telst
smærri síld. Hver tunna, sem
inniheldur 95 kg af heilsaltaðri
síld, reiknast 104 kg af ferskri
síld. Lágmarksverð á síld til heil-
söltunar skal vera það sama og að
framan greinir um smærri sild en
32 sm, þ.e. hvert kg krónur 26.00.
Þetta nýja verð var ákveðið af
oddamanni og fulltrúum seljenda
í nefndinni gegn atkvæðum
fulltrúa kaupenda. 1 yfirnefnd-
inni áttu sæti: Ólafur Davfðsson,
sem var oddamaður nefndar-
innar, Kristján Ragnarsson og
Tryggvi Helgason af hálfu selj-
enda og Jón Þ. Árnason og Mar-
geir Jónsson af hálfu kaupenda.
Þingeyingar
fjölmennastir
í Hólaskóla
Bæ, Höfðaströnd 16. okt.
HÓLASKÓLI er tekinn til starfa
að þessu sinni með 38 nemendum
og er skólinn með þvi talinn full-
skipaöur. Fjórar fallegar stúlkur
sækja nú skölann. Annars eru
Þingeyingar drýgstir með að-
sókn eins og oftast áður.
Stefán Guðmundsson kennari,
sem verið hefur við skólann,
hættír störfum en við tekur Árni
Björn Haraldsson úr Reykjavik.
Að öðru leyti er sama kennaralið
og áður og svipað skólafyrirkomu-
lag. Skólastjóri er eins og áður
Haraldur Árnason.
Ekki er ennþá búið að Ióga ölly
fé sem farga á svo ekki er ennþá
vitað um meðalvigt dilka en Iík-
legast verður færra sett á fóður
en síðasta ár vegna þess að fyrn-
ingar voru engar síðasta vor en
svipaður heyfengur og talið er að
svo muni vera víðast um héraðið.
—Björn.
Sér pósthús á
svæðamótinu
SVÆÐAMÓTIÐ í skák hefst i
Reykjavík á morgun, sunnudag,
og í tilefni þess verður sérstakt
pósthús starfrækt á Hótel Esju 1.
hæð. Verður það opið frá kl.
13—17 á sunnudaginn. Sérstakur
stimpill verður þá i notkun og
sést hann hér á myndinni.
Smásöluverð á
fiski hækkar
RlKISSTJÓRNIN hefur staðfest
ákvörðun verðlagsnefndar um
6% hækkun á fiski seldum í fisk-
búðum. Hækkar hvert kg af ýsu-
og þorskflökum úr 192 krónum í
204 krónur.
JTipSíI
y |í.4| wMmM i
Flotvörpuvindan sett niður f Pál Pálsson.
Islenzk flotvörpuvinda
mikhi ódýrari en erlendar
VÉLAVERKSTÆÐI Jósafats
Hinrikssonar lauk fvrir skömmu
við að setja niður fyrstu flot-
vörpuvinduna, sem hönnuð er og
smíðuð hér á landi fyrir skut-
togaraflotann. Þessi fyrsta fs-
lenzka flotvörpuvinda var sett um
borð í skuttogarann Pál Pálsson
IS 102 frá Hnffsdal. Menn eru
sammála um að þessi vinda gefi
þeim erlendu vindum er settar
hafa verið í fslenzka skuttogara
ekkert eftir, nema síður væri og
athyglisverðast er að þessi vinda
er mörgum tugum prósenta lægri
1 verði en erlendar.
Jósafat Hinriksson, eigandi og
framkvæmdast jöri Vélaverk-
stæðis Jósafats Hinrikssonar,
sagði í samtali við Morgunblaðið 1
gær, að þegar hefði hann verið
beðinn um að gera tilboð 1 smfði á
fleiri vindum t.d. hjá B.U.R. og
margir útgerðarmenn hefðu
spurzt fyrir um vindurnar.
Hann sagði, að gerð þessarar
vindu hefði tekið nokkurn tíma,
en hann hefði reynt að sameina
það bezta úr öðrum vindum, sem
á markaðinn hafa komið.
Vélaverkstæði Jósafats hefur
um árabil sérhæft sig í smíði alls-
konar togveiðibúnaðar fyrir tog-
veiðiflotann og í því sambandi má
nefna útflutning fyrirtækisins á
blökkum og gálgum til Færeyja
og Noregs, og hafa blakkirnar
vakið óskipta athygli erlendis.
Bæði þykja þær betur gerðar en
erlendar og eru miklu ódýrari.
Margir íslenzkir útgerðarmenn,
sem hafa látið smíða skip erlendis
nýverið hafa keypt blakkir og
gálga frá fyrirtækinu og má þar
t.d. nefna nótaskipin fjögur, sem
voru smíðuð í Mandal i Noregi
fyrir Islendinga.
Jósafat sagði ennfremur, að sá
mikli löstur fylgdi umboðsmönn-
um fyrir erlenda framleiðslu hér
á landi, að þeir reyndu að rífa
niður allt sem íslenzkt væri og
hefði það komíð vel í Ijós þegar
hann var að smíða flotvörpuvind-
una.
Átján manns vinna nú á véla-
verkstæði Jósafats Hinrikssonar.
Vetraráætlun F.I.
gengin í gildi
FYRIR skömmu gekk vetraráætl-
un innanlandsflugs Flugfélags Is-
lands í gildi, og er áætlunin svip-
uð því sem var s.l. vetur en þó
verða nokkrar breytingar og nýj-
ungar. T.d. verða fleiri ferðir
milli Reykjavíkur og Sauðár-
króks og Húsavíkur og fleiri vöru-
flutningaferðir milli Reykja-
víkur og annarra staða á landinu.
Ennfremur tekur Flugfélag Norð-
urlands að sér flug frá Akureyri,
sem F.l. annaðist s.l. vetur.
Samkvæmt vetraráætluninni
verður farþegafluginu hagað sem
hér segir. Milli Reykjavíkur og
Akureyrar verða þrjár ferðir á
dag á mánudögum, miðvikudög-
um, laugardögum og sunnudög-
um. Á föstudögum verða fjórar
ferðir en tvær ferðir aðra daga.
Til Vestmannaeyja verða tvær
ferðir alla daga. Til Isafjarðar
alla daga vikunnar og sömuleiðis
til Egilstaða alla daga vikunnar.
Til Patreksfjarðar verður flogið á
mánudögum, miðvikudögum og
föstudögum. Til Þingeyrar á
mánudögum og föstudögum. Til
Sauðárkróks verður flogið á
mánudögum, miðvikudögum,
fimmtudögum og föstudögum. Til
Húsavíkur verður flogið á mánu-
dögum, miðvikudögum, föstudög-
um og laugardögum. Til Norð-
fjarðar á þriðjudögum, fimmtu-
dögum og laugardögum. Til
Hornafjarðar á þriðjudögum,
fimmtudögum, föstudögum og
sunnudögum. Til Fagurhólsmýrar
verður flogið á fimmtudögum.
Þá verða fleiri vöruflutninga-
ferðir milii staða á landinu en
nokkru sinni fyrr. Tvær ferðir
verða í viku hverri til Akureyrar,
ísafjarðar, Vestmannaeyja og
Egilsstaða. Ennfremur verður
vöruflutningaferð einu sinni í
viku.
Verðlaun Kantorovits
geta hjálpað Sakharov
Moskvu, Zagreb 15. október
NTB—Reuter
VAL sænsku vísindaaka-
demfunnar á sovézka hagfræð-
ingnum Lconid Kantorovits sem
Nóbelsverðlaunahafa f hagfræði
getur auðveldað friðarverðlauna-
hafanum Andrei Sakharov að fá
leyfi sovézkra stjórnvalda til að
fara til Osló til að veita verðlaun-
um sínum viðtöku að þvf er vest-
rænir diplómatar sögðu í Moskvu
f dag. Þeir sögðu að erfitt kynni
að reynast fyrir sovézk yfirvöld
að neita umsókn Sakharovs en
leyfa svo Kantorovits að fara til
að veita sfnum verðlaunum við-
töku. Hins vegar hefur
Kantorovits ekki enn ákveðið
hvort hann muni sækja um ferða-
leyfi. Hann hefur á ferli sfnum
hlotið Leninverðlaunin og þrjár
Lenínorður. Enn hafa engin við-
brögð komið frá sovézkum stjórn-
völdum vegna verðlauna
Kantorovits.
Dagblaðið Vjesnik í Zagreb í
Júgóslaviu sagði f gær að veiting
friðarverðlaunanna til Sakharovs
væri farsakennd endurtekning á
veitingu bókmenntaverðlaunanna
til Aleksanders Solzenitsyns, og
t.d. hefði verið óeðlilegt að horfa
framhjá Kekkonen Finnlandsfor-
seta, gestgjafa Helsinki-
ráðstefnunnar, en veita svo verð-
launin gagnrýnanda ráðstefn-
unnar, Sakharov.