Morgunblaðið - 12.06.1976, Blaðsíða 14
14
MORGUNBLAÐIÐ, LAUGARDAGUR 12. JUNI 1976
Islenzkir tón-
listarmenn og ísl.
dansflokkurinn
ÞRIÐJUDAGINN 15. júní kl.
20.30 verða haldnir aðrir tón-
leikar íslenzkra tónlistarmanna
að Kjarvalsstöðum, að þessu
sinni i samvinnu við íslenzka
dansflokkinn. Fyrri tónleikarn-
ir voru haldnir 9. júní s.k. en
'alls koma rúmlega 30 tónlistar-
menn fram á báðum þessum
tónleikum. Á tónleikunum á
þriðjudag verður leikinn Sil-
ungakvintettinn eftir Sehubert,
en flytjendur eru: Jónas Ingi-
mundarson, píanó, Rut Ingólfs-
dóttir, fiðla, Graham Tagg,
víóla, Pétur Þorvaldsson, celló
og Einar B. Waage, kontra-
bassi. Þá verður flutt allnýstár-
legt verk, Bachianas Brasileir-
as, eftir brazilíska tónskáldið
Villa-Lobos, en það er fyrir
sópran og 8 selló. Elísabet
Erlingsdóttir syngur einleiks-
hlutverkið, en cellóleikararnir
eru: Pétur Þorvaldsson, John
Collins, Jóhannes Eggertsson,
Auður Ingvadóttir, Kristján
Jóhannsson, Lovísa Fjeldsted,
Inga Rós Ingólfsdóttir og Páll
Gröndal. Að lokum verður flutt
La Valse eftir Ravel, en flytj-
endur eru dansarar úr Islenzka
dansflokknum og þeir Gísli
Magnússon og Halldór Haralds-
son leika verkið í útsetningu
höfundar fyrir tvö píanó.
Eins og sjá má er efnisval
þessara tónleika fjölbreytt og
ólíkum verkum stillt upp, en
segja má að einkunnarorð
þessara tónleika íslenzkra tón-
listarmanna á Listahátið að
þessu sinni sé einmitt að tefla
saman andstæðum.
Þetta er á
listahátíð
í dag
Kjarvalsstaðir:
Kl. 14.00 Frönsku tónlistar-
mennirnir Ars Antiqua flytja
miðaldatónlist og leika á hljóð-
færi frá þeim tima.
Kl. 14 — 22: Þrjár sýningar
opnar, þ.e. á verkum franska
málarans Geralds Schneiders,
yfirlitssýning á íslenzkri grafik
og sýning arkitekta, Loftkastal-
ar og skýjaborgir.
Þjóðleikhúsið:
Kl. 16.00: Sýning Lilla
Teatern frá Finnlandi á Sizwe
Bansi ár död með Borgari Garð-
arssyni og Roland Hedlund.
Kl. 20.00: Sýning Michaels
Meschke og brúðuleikflokks
hans á Litla prinsinum eftir St.
Exupery.
Laugardalshöil:
Kl. 21.00: Jazz-hljómleikar
Benny Goodmans og hljóm-
sveitar hans.
Frá æfingu á Bachianas Brasileiras eftir Villa-Lobos fvrir sópran
og 8 celló.
Islenzki dansflokkurinn á æfingu.
Norræna húsið:
Kl. 14 — 22: Sýning á ís-
lenzkri og finnskri nytjalist.
Tízkusýning á fatnaði Vuokko
kl. 16.00.
Kl. 16.00 Töframaðurinn
Soimu Makela sýnir töfrabrögð
í samkomusalnum, en í anddyri
er sýning á veggspjöldum hans.
Listasafn íslands:
Kl. 13.30 — 22: Sýning á
verkum austurríska málarans
Hundertwassers og í Bogasal á
verkum Dunganons.
Utihöggmyndasýning í Aust-
urstræti.
Brechtsöngkonan
Gisela May kemur
um helgina
AUSTUR-ÞÝZKA söngkonan
Gisela May, sem þekkt er fyrir
frábæran flutning sinn á Ijóð-
um Bertolds Brechts, kemur til
landsins síðdegis í dag ásamt
píanóleikara sínum Henry
Krtschil og flytur dagskrá í
Þjóðleikhúsinu á sunnudags-
kvöld og aftur á Kjarvalsstöð-
um á mánudagskvöld.
Gisela May hefur verið kölluð
syngjandi leikkona og hún túlk-
ar eða flytur fremur en syngur
ljóðin, sem hún fer með. En það
eru gjarnan pólitísk og þjóðfé-
lagsleg ljóð eftir Brecht og tón-
skáldin, sem sömdu við þau lög,
Kurt Weil, Paul Dessau og
Hans Eisler. Sá síðastnefndi,
sem var mjög handgenginn
Brecht og vinur hans, mun hafa
áttað sig á hæfileikum Giselu
May til að koma textum hans til
skila. Þá hafði hún lengi starf-
að við Deutsche Theater, starfs-
vettvang Max Reinhardts og
sló þar f gegn jafnt í sorgarhiut-
verkum sem gamanhlutverk-
um.
Það var árið 1959 að Gisela
May hóf sinn annan starfsferil,
með stuðningi og hvatningu frá
byltingartónskáldinu Hanns
Eisler. Hún sló strax í gegn
heima, og einnig á ferðum sín-
um með þessa söngva um alla
Evrópu og Ameriku, í sjón-
varpsupptökum og hljómleika-
sölum. Áheyrendur og gagnrýn-
endur blaðanna lofuðu hana og
flutning hennar á ljóðunum
hvar sem hún fór.
Frá 1961 var hún svo ráðin
hjá Berliner Ensemble, leik-
flokki Brechts. Sjálfur var
hann þá látinn, en kona hans,
Helen Weigel, sem meðal ann-
ars er fræg fyrir túlkun sína á
Mutter Courage, stjórnaði leik-
húsinu. Þar tamdi Gisela May
sér Brecht-stíl í flutningi á eín-
inu og lærði þær aðferðir sem
hann notaði sjálfur og tamdi
sitt fólk f.
Síðan hefur Gisela May leikið
sem gestur í öllum stærstu leik-
húsum Evrópu og mörgum
listahátíðum og hún hefur ver-
ið heiðruð með verðlaunum
fyrir flutning á efni á hljóm-
plötum og hlotið bókmennta- og
listaverðlaun í Austur-
Þýzkalandi 1973.
Hvort sem er í tali eða söng
beitir hún agaðri hrjúfri röddu,
sem nær með efnið til áhorf-
enda, hvort sem það er háð,
reiði, sorg eða gleði. Hún er
fyrst og fremst sterkur flytj-
andi þess efnis, sem hún er
með. Hér eru það söngvar
Bertholds Brechts.
Morguntónleikar
á listahátíð
Á SUNNUDAGSMORGUN kl.
10.30 hefst listahátíð með tón-
leikum á Kjarvalsstöðum. Þar
leikur Svisslendingurinn Ru-
dolf Bamert á fiðlu og Ursúla
G. Ingólfsson á píanó verk eftir
J. Haydn, ,1. Brahms, A. We-
bern og S. Prokofieff. Og gefst
þeim, sem unna fágaðri tónlist,
kostur á fallegri morgunstund
á sunnudegi.
Hljóðfæraleikararnir eru
bæði frá Sviss, en Ursúla hefur
síðan 1972 búið á íslandi, verið
kennari við Tónlistarskólann
og oft komið fram sem einleik-
ari með Sinfóníuhljómsveit ís-
lands og mörgum sinnum leikið
í útvarp. Megináhugamál henn-
ar er kammertónlist og hefur
hún umfangsmikið tónleika-
hald að baki í því efni, bæði í
Sviss og í Bandarikjunum.
Þannig hefur Ursúla oft leikið
með fiðluleikaranum Rudolf
Bamert á tónleikum.
Rudolf Bamert kom til lands-
ins um síðustu helgi. Hann er
mjög þekktur fiðluleikari á
meginlandi Evrópu og hefur
leikið víða sem einleikari með
hljómsveitum, mest þó i Sviss, í
Austurríki og á ítaliu. Hann
hefur átt þátt í flutningi fjölda
kammerverka í þessum lönd-
um, svo og í Frakklandi. Hann
hefur t.d. nýlokið tónleika-
ferðalagi, þar sem hann lék í
tvöföldum konsert Bachs í d-
moll sem einleikari ásamt Wolf-
gang Schneiderhan og hlaut
mjög góða dóma gagnrýnenda.
Einnig fyrir kammerverk, sem
hann alveg nýlega flutti ásamt
píanóleikaranum Gerard Wyss
í Basel. En næsta verkefni
Bamerts var þátttaka í Wiener
Festwochen.
Á efnisskránni á Kjarvals-
stöðum á sunnudagsmorgun er
m.a. sónata Prokofieffs op. 94.
Þegar Bamert lék þetta verk
með Ursúlu fyrir 8 árum skrif-
aði gagnrýnandi í Bienne:
„Full djarft, en af ágætri kunn-
áttu. Enda þótt bæði séu ung að
árum ennþá, er það þó senni-
lega ekki tæknileg dirfska ung-
lingsins, sem nú hrífur, heldur
dirfska í efnisvali. Ástæða er til
þess að benda á verkið op. 7
eftir Anton Webern á efnisskrá
þeirra."
Ursúla Ingólfsson og Rudolf Bamert að æfa fyrir hljómleikana á
heimili hennar og manns hennar, Ketils Ingólfssonar, I Reykjavík.
Ljósm. Ól.K.Mag.