Morgunblaðið - 12.06.1976, Blaðsíða 17

MORGUNBLAÐIÐ, LAUGARDAGUR 12. JUNÍ 1976
17
Misheppn-
að tilræði
við Idi
Amin
Nairobi, Kenya, 11. júní
— AP, Reuter.
ÚTVARPIÐ í Kampala,
höfuðborg Uganda,
skýrði frá því í dag að Idi
Amin forseti hefði komið
óskadtiaður undan til-
ræðismönnum, sem
reyndu að myrða hann
með handsprengjum í
gærkvöldi. Tilræðis-
mennirnir voru hand-
teknir.
Árásin á Amin var gerð þegar
hann var viðstaddur hergöngu
ný-útskrifaðra lögreglumanna
við lögregluskólann í Nsam-
baya, einu úthverfi Kampala.
Segir útvarpið að „fjandmenn
Uganda" hafi varpað þremur
handsprengjum í áttina að Am-
in, sem var að yfirgefa staðinn,
en forsetinn hafi sloppið
óskaddaður. Einn maður fórst í
sprengingunum og 36 særðust.
Sprengjurnar voru af „banda-
rískri og israelskri gerð“, að
sögn útvarpsins.
Áður en tilkynning um til-
ræðið var birt í útvarpinu í
Kampala, höfðu sögusagnir um
það verið á kreiki bæði í Kamp-
ala og í Nairobi, höfuðborg
Kenya. í fyrstu var talið að
Amin hefði særzt, eða jafnvel
verið myrtur, en síðar tóku að
berast fregnir af því að forset-
inn hefði sinnt störfum sínum í
dag eins og ekkert hefði í skor-
izt, og tekið á móti nokkrum
fulltrúum erlendra ríkja sam-
kvæmt áætlun. Einn þessara er-
lendu sendifulltrúa skýrði
starfsbróður sínum ,i Nairobi
frá því að hann heföi átt fund
með Amin klukkan tvö síðdegis
í dag, og hafi forsetinn verið
við beztu heilsd og alls ósærð-
ur.
í frétt útvarpsins í Kampala
sagði að Amin hefði eignazt
fjölda andstæðinga innan raða
heimsvaldasinna og zíonista, en
að „þeir og málaliðar þeirra fái
ekki slökkt þann eld, sem Amin
hefur kveikt.“
Idi Amin hefur verið forseti
Uganda frá þvi i janúar 1971, er
hann steypti þáverandi forseta,
Milton Obote, af stóli í byltingu
hersins. Vitað er að margar til-
raunir hafa verið gerðar til að
ráða hann af dögum.
Island—Bretland 3:0
tsland 3, Bretland 0 segir í upphafi greinar í síðasta tölublaði Time og ba'tt við að þannig virðist
staðan eftir frábæran sigur Revkjavíkur í þriðju lotu þorskastrfðsins. Með fylgir þessi skopmvnd þar
sem móðir segir við son sinn að hún viti ekki hvaða landhelgi hafi verið samþykkt en hann hl jóti að
vera að fremja landhelgisbrot.
Frönsk vopn til Kína
— til varnar á sovézku landamærunum
Hong Kong, 11. júní
— Reuter, AP.
BLAÐIÐ South China
Morning Post, sem gefið er
út á ensku í Hong Kong,
skýrir frá því í dag eftir
„áreiðanlegum heimild-
um“ að Kína sé að semja
um umfangsmikil vopna-
kaup frá Frakklandi, og að
meðal vopnanna séu skrið-
drekar, sem henti mjög vel
til hernaðar á landamær-
um Sovétríkjanna og Kína
þar sem þeir fari jafnt á
láði og legi.
Blaðið segir að samn-
ingaviðræður um kaupin
hafi farið fram að undan-
förnu í sambandi við heim-
sóknir franskra hernaðar-
fræðinga til Peking. „Ein
af heimildum okkar hermir
að hugsanlega verði gengið
frá samningunum núna,
meðan Guy Mery hershöfð-
ingi, forseti franska her-
Fréttamenn
streyma
til Svíþjóðar
Stokkhólmi, 10. júní — NTB.
FRÉTTAMENN frá öllum hoims-
hornum streyma nú til Stokk-
hólms til að vcra viðstaddir kon-
ungsbrúðkaupið þar annan
laugardag. Vitað er um rúmlega
1.100 fréttamenn og Ijósmyndara,
sem verða við hátfðahöldin, og er
fjöldi þeirra þegar kominn til
Stokkhólms, þar sem þeir fá inni
f sérstakri fréttamiðstöð f nýja
þinghúsinu.
Sænsk yfirvöld hafa ekki haft
jafn mikinn viðbúnað varðandi
fréttamenn frá því umhverfis-
málaráðstefnan var haldin í
Stokkhólmi árið 1972, en þá komu
þangað um 1.600 erlendir frétta-
menn. Yfirmaður upplýsinga-
þjónustunnar varðandi brúð-
kaupið verður Jan Mártenson ráð-
gjafi konungs, en hann gegndi
sama embætti við umhverfismála-
ráðstefnuna. Þarna verða einnig
fulltrúar, sem eiga að aðstoða þá
fréttamenn, sem vilja nota tæki-
færið til að kynna sér og skrifa
um önnur málefni Svía.
Alls hefur verið tilkynnt koma
blaðamanna frá 21 landi. Fjöl-
mennasti hópurinn er frá Vestur-
Þýzkalandi, 60 manns.
ráðsins, dvelst í Kína,“ seg-
ir blaðið, án þess að geta
þess hver heimildin er.
Mery hershöfðingi er í
Kína í boði varnarmála-
ráðuneytisins, og hefur átt
þar viðræðúr við Yeh
Chien-yingo varnarmála-
ráðherra og fleiri ráða-
menn.
Talið er að Kínverjar
geti fengið frá Frakklandi
Mirage-þotur með vara-
hlutum, eldflaugar til nota
gegn skriðdrekum og þotu-
hreyfla auk skriðdrekanna,
sem eru af gerðinni AMX
30. Þessir skriðdrekar
vöktu athygli i styrjöld Ar-
aba og C.yðinga árið 1973,
og eru sagðir henta mjög
vel í Kína.
Tap hjá
flokki
Nordlis
Osló, 11. júní. NTB.
FYLGI Verkamannaflokksins.
flokks Odvar Nordlis forsætis-
ráðherra, hefur minnkað í fyrsta
skipti i eitt ár samkvæmt skoð-
anakönnun Gallups.
Kristilegi þjöðarflokkurinn hef-
ur einnig tapað fylgi. Mest fylgis-
aukning hefur orðið hjá Hægri
flokknum og Sósialiska vinstri-
flokknum (SV).
Fylgi Verkamannaflokksins i
maí var 41.7% og minnkaði um
1.6% miðað við apríl. Fylgi Hægri
flokksins var 22.3% og hafði auk-
izt um 2%.
Fylgi SV jökst í 5.7% og fylgi
Kristilega þjóðarflokksins minnk-
aði um 1 % i 11.1 %.
Mynt var fyrst
skart í Noregi
Ósló, 11. júní. NTB.
FYRSTA myntin, sem barst til
Noregs á dögum Rónverja, var
ekki notuð sem gjaldmiðill held-
ur sem skart og til skrauts og
norskt myntkerfi kom ekki til
sögunnar fyrr en i tíð Haralds
harðráða um miðja clleftu öld.
Þetta kemur fram í doktorsrit-
gerð sem Kolbjörn Skaare ver við
heimspekideild Öslóarháskóla á
morgun og fjallar um mvnt og
myntsláttu á dögum víkinganna í
Noregi.
Arabísk silfurmynt var orðin
allútbreidd í Noregi um 900 og
hún var mikilvægur liður í þróun
myntar sejn gjaldmiðils á víkinga-
tímanum.
Engilsaxneskir og þýzkir pen-
ingar bárust i miklum mæli til
Noregs frá lokum 10. aldar og þar
með færðist þróunin á nýtt stig.
Ólafur Tryggvason hóf síðan
norska myntsláttu og fyrirmynd-
in voru engilsaxnesku peningarn-
ir.
Ólafur helgi hélt myntsláttunni
áfram, en Kolbjörn Skaare segir
að hún hafi verið tilviijunar-
kennd hjá báðum konungunum
og ekki grundvallazt á sjálfstæðu
norsku myntkerfi.
Skriður komst fyrst á málið á
dögum Haralds harðráða sem
studdist við reynslu frá Rúss-
landi, ríki Miklagarðskeisara og
Danmörku og stóð fyrir víðtækri
myntsláttu.
Þar með var grundvöllur lagður
að norsku myntkerfi og smátt og
smátt vöndust vikingarnir á að
nota mynt sem gjaldmiðil.
Dæmd til hengingar
Dýflini, 10. júní
— AP, NTB.
SÉRSTAKUR hermdarverkadóm-
stóll 1 Dýflini hefur dæmt ung
hjón til hengingar fyrir morð á
lögreglumanni í fyrra. eftir að
hjónin höfðu tekið þátt f banka-
ráni. Akveðið er að þau verði
hengd 9. júlf næstkomandi, og
fari svo verða það fyrstu heng-
ingarnar á trlandi f 22 ár.
Hjónin heita Marie og Poel
Murray, og eru'27 og 25 ára, hann
atvinnulaus iðnverkamaður.
Neitaði dómurinn þeim um
heimild til að áfrýja úrskurð-
inum, en hinsvegar geta þau
áfrýjað þeirri neitun. Réttarhöld-
in stóðu í hálfan annan mánuð, og
voru hjónin fundin sek um morð
á lögreglumanninum Michael
Reynolds.
Þegar bankaránið var framið í
Dýflini i fyrra var Reynolds ekki
á vakt, heldur var hann akandi
með konu sinni og barni framhjá
bankanum. Sá hann þá bankaræn-
ingjana, sem höfðu rænt 7.000
sterlingspundum, koma hlaup-
andi á flótta út úr bankanum.
Skildi Reynolds konu sína og
barn eftir i bílnum og veitti ræn-
ingjunum eftirför inn í nálægan
skrúðgarð, þar sem ræningjarnir
skutu hann til bana.
Auk Murray-hjónanna eru tveir
aðrir grunaðir um aðild að rán-
inu. Annar bíður dóms, en hinn
hefur enn ekki náðst.
Hjónin voru ekki í réttinum
þegar dómur var kveðinn upp.
Hafa þau hundsað réttarhöldin
frá því skömmu eftir að þau hóf-
ust, en þá lýstu þau því yfir að
þau væru stjórnleysingjar,
anarkistar, og vildu aðeins reyna
að steypa ríkinu og stofnunum
þess. „Ef þið viljið hengja okkur,
þá gerið það, en brjótið okkur
ekki einnig niður andlega," sagði
Poel Murray við það tækifæri.
Siðasta aftakan á Irlandi var
árið 1954 í Limerick þegar maður
nokkur, Manning að nafni, var
hengdur fyrir morð.
írska, lýðveldið er eitt þeirra
fáu rikja Evrópu, sem enn beita
dauðarefsingu fyrir sérlega gróf
afbrot, eins og morð á lögreglu-
mönnum. Talið er þó í Dýflini að
almenningsálitið þar vinni að því
að fá dömnum breytt í lífstíðar
fangelsi.