Morgunblaðið - 28.01.1977, Page 22
22
MORGUNBLAÐ.IÐ, FÖSTUDAGUR 28. JANUAR 1977
Ketilsprengingin á Akranesi fyrir áramótin vakti bæjarbúa til um-
hugsunar um öryggismál sín.
Akurnesingar þinga um öryggismál:
Óska eftir aukinni
löggæzlu og betra
öryggiseftirliti
Akranesi 27. jan.
Þjófurinn möl-
braut 5 hurdir
INNBROT var framið i verzlan-
irnar Kjötmiðstöðina og Matvöru-
miðstöðina í fyrrinótt, en þær eru
í sama húsi við Laugalæk. Komst
þjófurinn inn með þvi að brjóta
upp útihurð með járnkalli. Þegar
inn kom tók ekki betra við, þar
braut hann fimm hurðir i spón
með járnkallinum. Virðist þjófur-
inn hafa verið búinn að fá nóg
þegar hér var komið sögu því
hann stal sáralitlu.
32 kr. fyrir
kílóið af
hörpudiski
VERÐLAGSRÁÐ Sjávarút-
vegsins hefur ákveðið nýtt
verð á hörpusidki, sem gilda á
frá 1. janúar til 31. mai n.k.
Fyrir hörpudisk sem er 7 cm á
hæð og yfir verða greiddar 32
kr. á kíló, og fyrir hörpudisk
sem er 6 til 7 cm að hæð verða
greiddar 25 kr. á kfló.
Verðið er miðað við, að selj-
endur skili hörpudiski á flutn-
ingstæki við hlið veiðiskips, og
skai hörpudiskurinn veginn á
bflvog af löggiltum vigtar-
manni á vinnslustað og þess
gætt, að sjór fylgi ekki með, að
þvf er segir f fréttatilkynningu
Verðlagsráðs sjávarútvegsins.
Þá er þetta verð miðað við
gæða- og stærðarmat Fram-
leiðslueftirlits sjávarafurða og
á gæða- og stærðarflokkun að
fara fram á vinnslustað.
Sýningin
Hár 77
á sunnudag
SUNNUDAGINN 30. janúar
n.k. mun Samband hárskera-
og hárgreiðslumeistara gang-
ast fyrir sýningu á nýjustu
hártízkunni og jafnframt verð-
ur sýnt það nýjasta í fatatízk-
unni. Verður sýningin í Sig-
túni og hefst hún klukkan 15.
Um 60 hárgreiðslu- og rak-
arastofur taka þátt f sýning-
unni og er það meiri fjöldi en
áður hefur þekkzt í sambandi
við slikar sýningar. Verður
þetta stærsta sýning sinnar
tegundar, sem sambandið hef-
ur haldið fram til þessa.
Auk tízkusýninganna mun
Dansskóli Heiðars Ástvalds-
sonar sýna samkvæmisdansa.
Kynnir er Heiðar Jónsson.
Tekið er fram í fréttatilkynn-
ingu að sýningin sé jafnt fyrir
dömur og herra.
AÐ TILIILUTAN slysavarna-
deildanna og blaðsins Umbrot á
Akranesi var haldinn almennur
borgarafundur um öryggismál
bæjarins hér í Bfóhöllinni f gær-
kvöldi.
Hann hófst með fundarsetn-
ingu Indriða Valdimarssonar,
sem er einn af ritstjórum Um-
brots. Framsöguræður fluttu:
Stefán Teitsson, brunaliðsstjóri,
um brunavarnir, Hermann G.
Jónsson fulltrúi, um öryggisgæzlu
lögreglu, Magnús Oddsson, bæjar-
stjóri, um skipulag almannavarna
á Akranesi, Helgi Andrésson, eft-
irlitsmaður, um rafmagnseftirlit
og fleira og Guðbrandur Þor-
valdsson, formaður slysavarna-
deildarinnar, um Slysavarnafélag
íslands og deildina á Akranesi.
Margar tillögur og spurningar
komu fram á fundinum og stóðu
frummælendur fyrir svörum. Til
dæmis kom fram, að iögregluliðið
er of fámennt til þess að annast
umferðaröryggi og umferðartrufl-
anir verða vegna anna við önnur
verkefni, en umferðarmenning er
hér í sérstaklega miklu öngþveiti.
Raunar hefur bifreiðum og bif-
hjólum fjölgað mjög mikið hér í
seinni tíð. Innbrot og þjófnuðum
hefur einnig fjölgað mjög mikið.
Nú síðustu daga var brotizt inn í
íbúðarhús og þaðan stolið sjón-
varpstæki, inn í bifreið og þaðan
stolið talstöð og fleiru og í sölu-
búð og stolið tóbaki og fleiru.
Lögreglan hér upplýsti þessi inn-
bort strax á næsta degi á öruggan
hátt. Hér voru aðkomuunglingar
undir áhrifum fíknilyfja að verki.
Lögreglan mundi einnig koma
umferðarmálum í lag ef hún gæti
snúið sér að þeim málum eins og
mikil þörf er á.
Fundurinn var vel sóttur af
áhugasömu fólki, en hefði mátt
vera fjölmennari þegar um slík
öryggismál bæjarins er að ræða.
Vissulega mun þessi fundur hafa
bætandi áhrif á þessi mál í fram-
tíðinni og raunar gerði hann það
fyrirfram, á skipulag almanna-
varna, sem gerðist fyrir nokkrum
dögum. Fundurinn skoraði á
dómsmálaráðuneytið að bregðast
fljótt og vel við óskum Akurnes-
inga um fjölgun lögregluþjóna
hér í bær. Hann skoraði einnig á
bæjarstjórn Akraness að efla
brunavarnir og alhliða eftirlit og
öryggisgæzlu. Júlfus.
Rafmagnsnotkun á Austfjörð-
um eykst um 20% á ári
IJnumar komnar í lag
SlÐDEGlS í gær, voru allar raf-
Ifnur á Austfjörðurn, utan ein
komnar f lag, en það var línan frá
Seyðisfirði niður f Brekkuþorp í
Mjóafirði.
Starfsmenn Rafmagnsveitn-
anna reyndu f gær að nota þyrlu
Landhelgisgæzlunnar til að kom-
ast á bilunarstaðinn og gera við
Ifnuna, en urðu frá að hverfa
vegna mikillar fsingar.
Að sögn Erlings Garðars Jónas-
sonar rafveitustjóra Austurlands,
þá lauk viðgerð á línunni yfir
Oddskarð til Neskaupstaðar á
miðnætti í fyrrinótt og hafði við-
gerð tekið mun lengri tíma en
áætlað var. Snjóflóð hafði fallið á
línuna á mjög slæmum stað, Eski-
fjarðarmegin. Nota þurfti jarðýtu
til að riðja frá staurunum, sem
höfðu brotnað til að ná linunni
upp. Var mjög erfitt fyrir jarðýt-
una að komast þarna að, en um
síðir tókst að hreinsa ofan af lín-
unni, og eins og fyrr segir, þá
lauk viðgerð um miðnætti.
Erling Garðar sagði, að nú væru
loðnubræðslurnar á sunnanverð-
um Austfjörðum að fara í gang og
nú mætti engin lína né vél bila og
vonuðust menn að svo yrði. „Við
keyrum Lagarfossvirkjun ekki
með fullu afli til þess að hafa
vatnsborðið sem hæst í Lagar-
fljóti. Ef einhver dísilvél bilar,
getum við aukið afl Lagarfoss-
virkjunar nokkuð mikið, og má
því segja að mikið öryggi sé af
þessu og ólíkt meira öryggi en við
höfum búið við undanfarna vet-
ur.“
Þá sagði hann að erfiðlega
gengi að fullnægja raforkueftir-
spurninni á Austfjörðum, því
mörg síðustu ár hefði notkunin
aukist um 20% milli ára.
Leiðrétting
í LOKASETNINGUNNI fyrir of-
an neðstu greinaskil í fyrsta dálki
i grein Steingríms Kristinssonar í
blaðinu 27. jan. átti að standa:
„... að úr þessu tilraunamagni,
um 2000 málum, hafi komið fyrsta
flokks mjöl og lýsi“. í blaðinu var
misritun, stóð 200 mál.
Kvikmyndafram-
leiðandi myrtur
Hollywood, 27. janúar. Reuter.
Kvikmyndaframleiðandinn
Laurence Merrick var skotinn til
bana til dag á bilastæði við
kvikmyndaverið, sem hann átti i
Hollywood. Ekki er vitað hver
banamaður hans var. Merrick,
sem vár fimmtugur, framleiddi
myndina „Manson“, sem er um
hippahóp Charles Mansons, sem
átti þátt í morðinu á Sharon Tate
og fleirum 1968. í myndinni var
meðal annars viðtal við þrjár
stúlkur úr Manson-fjölskyldunni,
vopnaðar rifflum.
Leiðrétting
HEILDARFJÁRHÆÐ til snjó-
moksturs Vegamálaskrifstof-
unnar sl. 10 ár sem greint var
frá i Mbl í gær, reyndist mis-
reiknuð. Fjárhæðin nemur
rétt um 3 milljörðum króna en
ekki 5 milljörðum, eins og stað-
hæft var í fréttinni. Þá misrit-
aðist einnig fjárhæðin sem
varið var til snjómoksturs árið
1969 — þar átti að standa 222.7
milljónir en ekki 22.7 milljón-
ir. Leiðréttist þetta hér með.
— Skipastóll
Framhald af bls. 2
óviðgerðarhæft vegna kostnaðar
og því strikað út 22.12. 1976.
Um síðustu áramót voru 8 skip í
smíðum erlendis, samtals áætluð
2.885 brl. Þetta voru 6 skuttogar-
ar innan við 500 brl., 3 í smíðum í
Noregi og 3 í Póllandi. Þá er toll-
bátur og lítill fiskibátur úr trefja-
plasti í smíðum í Bretlandi.
Innanlands voru í smíðum um
áramótin 17 skip alls, áætlað sam-
tals um 3.291 brl. að stærð. Af
þessum skipum eru 8 stálskip
(minni en 500 brl.), 1 flutninga-
skip (sementsskip), 7 tréskip (50
brl. og minni) og 1 fiskiskip úr
trefjaplasti, um 14 brl. að stærð á
Skagaströnd.
Af fiskiskipastóli heimsins á ís-
land nú 19. stærsta flotann af 35
löndum, sem eiga flota sem er
10.000 brl. eða stærri. Rússland á
38.74% af fiskiskipastóli allra
landa. Næst kemur Japan með
12.23%, þá Spánn með 7.05%,
Bandaríkin með 5.93% og Pólland
með 2.97%.
,)Skrá yfir islenzk fiskiskip" er
að þessu sinni 278 bls. að stærð og
flytur margháttaðan fróðleik um
islenzkan skipastól. Birtar eru
ljósmyndir af öllum nýjum ís-
lenzkum skipum 100 brl. og
stærri, sem skráð hafa verið á
árinu 1976.
— Geller . . .
Framhald af bls. 2
8 vinningar, 3. Timman 7V$ v, 4.
Kurajica 7 v, 5. Friðrik Ólafs-
son 6 v, 6—9. Miles, Nicolac og
Kavalek 5 v, 10. Guðmundur 4
v, 11. Ligterink 3 v. og 12.
Barczay 2VS v.
Skákir íslendinganna voru
tilþrif alitlar, Guðmundur
samdi um jafntefli við Böhm í
12. leik og Friðrik samdi um
jafntefli við Kavalek í 14. leik.
Gena Sosonko er 33 ára gam-
all. Hann bjó áður í Leningrad í
Sovétríkjunum. Hann fluttist
til Hollands árið 1972 og hefur
frami hans á skáksviðinu orðið
skjótur. Árið 1973 varð hann
hollenskur meistari, árið eftir
alþjóðlegur meistari og í fyrra
varð hann stórmeistari. Hann
er fyrsti Hollendingurinn sem
ber sigur úr býtum í þessu
kunna skákmóti sfðan árið
1963, þegar stórmeistarinn
Donner varð sigurvegari.
Enda þótt íslenzku skák-
mennirnir ynnu ekki til mikilla
verðlauna á þessu skákmóti
hafa þeir aflað sér vinsælda hér
í Hollandi og við bjóðum þá
velkomna aftur. Friðrik hefur
keppt hér i Hollandi i 20 ár við
sívaxandi vinsældir. Það sást
vel þegar hann hélt upp á af-
mæli sitt á miðvikudaginn, hve
vinsæll hann er, það sýndu m.a.
gjafirnar sem hann fékk.
í flokki alþjóðlegra meistara
hafði Rússinn Kupreichik
mikla yfirburði, hlaut 9!4 vinn-
ing af 11 mögulegum, og vann
sér þar með rétt til þátttöku í
stórmeistaraflokknum næsta
ár. Van den Sterren Hollandi
varð annar með 8 vinninga og
Daninn Christiansen þriðji með
6 vinninga. 1 kvennafl»kki varð.
Alexandra sigurvegari með 9!4
vinning og Hartston varð önnur
með 8!4 vinning.
— Waldheim
til Kýpur
Framhald af bls. 1.
Miðausturlönd.
Makarios og Denktash hittust i
dag í fyrsta skipti i 13 ár til að
ræða framtið Kýpur og ræddust
við i skrifstofu finnsku S.Þ. frið-
argæzlusveitanna á eynni í tæpar
þrjár klukkustundir. Þeir höfðu
ekki hitzt síðan í desember 1963
þegar innbyrðis átök Tyrkja og
Grikkja á eynni brutust út sem á
endanum leiddu til innrásar
Tyrkja 1974 og skiptingar eyjar-
innar. Viðræður fulltrúa deiluað-
ila hafa legið niðri frá þvi i febrú-
ar sl. Viðræðurnar í dag eru
árangur ítrekaðra tilrauna rikis-
stjórna í V-Evrópu til að koma
þeim á, ásamt tilmælum frá
Carter Bandaríkjaforseta i síð-
ustu viku. Bandamenn á Vestur-
löndum leggja mikla áherzlu á að
leysa Kýpurmálið, sem er helzta
deiluefni Tyrkja og Grikkja og
hefur veikt mjög austurvæng Atl-
antshafsbandalagsins.
— Spánn
Framhald af bls. 1.
því yfir i morgun, að ráðstafanir
þessar væru gerðar af því að
stjórnin væri staðráðin í að hvika
hvergi frá lýðræðisstefnu sinni.
Þrátt fyrir tilraunir stjórnarinnar
til að róa þegnana ríkti mikill ótti
i landinu og löggæzlumenn stóðu
vörð um heimili og skrifstofur
helztu forystumanna vinstrisinna.
Leiðtogi jafnaðarmanna, Garcia
Lopez, sagði í viðtali við Reuter-
fréttastofuna í gær, að hann óttað-
ist mjög það sem framundan væri,
ofbeldið bæri óhugnanlegan keim
af atvinnumennsku og minnti
helzt á leiki á skákborði. Annars
virtust leiðtogar stjórnarandstöð-
unnar ekki mjög áhyggjufullir yf-
ir ráðstöfununum, enda hefur rík-
isstjórnin gert þeim ljóst að þing-
kosningarnar í vor og lýðræðis-
þróunin í heild sé í húfi.
Ríkisstjórnin beið i kvöld enn
eftir svari frá vinstri öfgahreyf-
íngunni GRAPO, sem rændi
Oriol, forseta rikisráðsins; fyrir 6
vikum, við tilkynningunni í gær
um hugsanlega náðun allra póli-
tlskra fanga fyrir kosningarnar í
maí eða júní. Samtökin höfðu lof-
að að sleppa Oriol ef stjórnin gæfi
formlegt loforð um náðun allra
pólitískra fanga. Var talið álita-
mál hvort GRAPO myndi túlka
yfirlýsingu rikisstjórnarinnar
sem formlegt loforð. GRAPO
sagði hins vegar ekkert um hvort
Quilis hershöfðingja yrði sleppt
ef almenn náðun yrði tilkynnt.
Lögreglan í Madrid byrjaði í
dag að láta leiðtoga öfgafyllstu
hægriflokkanna lausa í dag, en
þeir voru handteknir á sunnudag
eftir að stúdent var skotinn til
bana í mótmælaaðgerðum vinstri-
manna. Meðal þeirra, sem sleppt
var úr haldi í dag var Mariano
Covisa lögfræðingur, leiðtogi
hinnar herskáu hægrihreyfingar,
„Skséruliða Krists konungs.“
Hann sagði að engin formleg
ákæra hefði verið lögð fram á
hendur sér.
Stjórnmálafréttaritarar sögðu i
dag, að ef hægrimenn í landinu
stefndu að þvi að tefja fyrir lýð-
ræðisþróuninni með aðgerðum
sínum hefðu þeir að nokkru leyti
náð markmiði sinu með því að
knýja stjórnina til að banna mót-
mælaaðgerðir, en þær voru leyfð-
ar á sl. ári eftir að bann við þeim
hafði verið í gildi á 40 ára valda-
tímabili Francos.