Morgunblaðið - 28.01.1977, Blaðsíða 27

MORGUNBLAÐIÐ, FÖSTUDAGUR 28. JANÚAR 1977
27
— Markaðs-
fréttir
Framhald af bls. 23
móttökuskilyrða i landi. Ef ekkert
er að gert, munu veiðiskipin að
jafnaði halda með aflann til
þeirra hafna, sem næst eru veiði-
svæðunum og skapast þar svo að
segja strax löndunarbið skipa,
sem lægju i höfn dag eftir dag svo
að aflinn skemmist eða eyði-
leggst.
Til þess að hindra þessa þróun
er nauðsynlegt að auka vald
loðnunefndar með lagasetningu
frá því sem nú er.
Strax og nauðsyn krefur að áliti
loðnunefndar, verður nefndin að
hafa heimild til þess að beina
skipum til fjarliggjandi löndunar-
hafna, m.a. með aðstoð flutninga-
styrkja. Verður nefndin að hafa
skýlausa heimild til þess að loka
um tiltekinn tíma fyrir móttöku á
vissum höfnum og beina veiði-
skipunum annað, f þvf skyni að
dreifa lönduninni og koma með
því fleiri verksmiðjum f gang
strax í upphafi vetrarloðnu ver-
tíðarinnar. Með þvf yrði hindruð
eyðilegging aflans og heildarafli
flotans yrði stóraukinn ásamt
betri nýtingu verksmiðjanna,
betri loðnu til vinnslu og betri og
verðmeiri afla.
Vér skorum þvi á yður, hæst-
virtur ráðherra, að hlutast til um
það, að samþykkt verði á Alþingi í
þessum mánuði frumvarp til laga
um breytingu á lögum nr. 102
1972 um skipulag um löndun á
loðnu til bræðslu, í þeim tilgangi
sem að framan greinir.
Virðingarfyllst,
í stjórn Félags íslenzkra
fiskmjölsframleiðenda
Sveinn Benediktsson
formaður
Jónas Jónsson
varaformaður
Sigurður Markússon
forstjóri Sjávarafurða-
deildar SÍS.“
Stjórnarfrumvarpið um aukin
völd loðnunefndar, sem starfað
hefur frá 1973 undir forystu
Gylfa Þórðarsonar, deildarstjóra í
Sjávarútvegsráðuneytinu, og
Andrésar Finnbogasonar, skip-
stjóra, fulltrúa LÍÚ, við ágætan
orðstfr, — var lagt fram.
i greinargerð með frv. er tekið
fram, að það sé flutt að beiðni
FÍF og með samþykki LÍU og
Farmanna- og fiskimannasam-
bands íslands.
Mjög annasamt var hjá Alþingi
síðustu daga fyrir jól og notuðu
þá tveir alþingismenn, sem lítið
sem ekki höfðu kynnt sér mála-
vöxtu, tækifærið til þess að
hindra afgreiðslu frumvarpsins.
Afleiðingin hefur orðið sú, að
loðnan hefur safnast fyrir hjá
verksmiðjum þeim, sem næst eru
veiðisvæðinu, en ekki dreifst á
verksmiðjurnar í landinu með
atbeina loðnunefndar.
Eins og ástatt er, þá er dreif-
ingin skilyrði fyrir sem beztri
heildarhagnýtingu og til hagsbóta
fyrir alla aðila. Nú virðist svo, að
öllum aðilum sé að verða þetta
ljóst.
0
Sigurður RE 4 landaði s.l.
sunnud. 16. jan. 1056 tonnum af
loðnu, sem skipið hafði fengið
djúpt út af Þistilfirði. Haraldur
Ágústsson var skipstjóri. Mun
þetta vera mesti afli, sem borist
hefur að landi í einu. Hinn 20.
jan. kl. 16 var skipið undir stjórn
sama skipstjóra komið til Siglu-
fjarðar á nýjan leik með fullfermi
um 1047 tonn.
Loðnan mun nú vera um 1 * l 2A%
fitumeiri en á sama tíma f fyrra
og fitumeiri en hún hefur verið á
þessum tíma allt frá 1973.
Verðlagsráð sjávarútvegs-
ins mótmælir ummælum
forseta sjómannasam-
bandsins.
Allir fulltrúar Verðlagsráðs
sjávarútvegsins, en þeir eru
kjörnir af samtökum útvegs-
manna, sjómanna og fiskverk-
enda, hafa ritað ritstjóra Þjóðvilj-
ans bréf vegna forsiðuviðtals
Þjóðviljans i fyrradag við Óskar
Vigfússon, forseta Sjómannasam-
bands íslands. í viðtalinu segir
Óskar m.a. að „sú 9% meðaltals-
fiskverðhækkun ..., sem samið var
um á dögunum" sé blekking og
færir eftirfarandi rök fyrir því
að: „Aðalhækkunin i nýja verð-
inu er á þeim fiski, sem ekki
veiðist, eins og stórþorski og með
slíkri verðlagningu er hægt að fá
út 9% meðalhækkun, sem segir
ekkert i sjálfu sér“. i öðru lagi
segir i viðtalinu: „Og alveg eins er
með loðnuverðið .. í loðnuverðinu
virðist alls ekkert tillit tekið til
þeirrar gífurlegu hækkunar, sem
orðið hefur á loðnumjöli síðan i
fyrra.“
Af þessu tilefni vill Verðlags-
ráð koma eftirfarandi á framfæri:
1. Meðalfiskverðshækkun við
síðustu verðákvörðun er áætluð
9,7 %, hvort sem miðað er við afla-
samsetninguna 1975 eða 1976, og
er þá ekki tekið tillit til sérstakr-
ar hækkunar á verði 2. fl. stór-
ufsa, sem var verulega umfram
þetta mark. Verð helztu fisk-
tegunda breyttist sem hér segir:
1. Þorskur 9%, 2. Ysa 24%, 3. Ufsi
5% (að auki sérstök hækkun á 2.
fl. stórufsa), 4. Karfi 5% og 5.
Steinbítur 9%.
Aðrar tegundir hækka yfirleitt
um 9,7%, nema langa 35% og
keila 45 en 61 %, ef veitt er á línu.
Að öðru leyti en fram kemur um
ufsaverð var ekki um að ræða
breytingar á verðhlutföllum eftir
stærðar- eða gæðaflokkum.
Þannig hækkar allur þorskur um
9% í verði, sem eins'og að framan
greinir er minna en áætluð meðal-
hækkun fiskverðs.
2. Við verðákvörðun á loðnu til
bræðslu á vetrarvertfð 1976 var
miðað við verðlag afurða, sem þá
var um 4.55 dollarar fyrir hverja
eggjahvítueiningu mjöls, og um
325 dollarar fyrir hvert tonn af
lýsi. Við verðlagningu nú var
miðað við 6,91 dollara fyrir hverja
eggjahvítueiningu mjöls eða 420
dollara lýsisverð. Meðalverð á
komandi vertíð má áætla um 6
krónur hvert kíló og að auki verða
greiddir 18 aurar í flutningasjóð.
Sambærilegt verð á vetrarvertíð
1976 hefði verið um 3,75 krónur
og að auki 7 aurar í flutningasjóð
fyri hvert kílo. Ennfremur má
benda á, að á sfðustu vertíð voru
greiddir um 36 aurar fyri hvert
hráefniskiló, úr Verðjöfnunar-
sjóði fiskiðnaðarins, en nú er gert
ráð fyrir að um 80 aurar verði
greiddir i sjóðinn á þessari vertíð,
Bréf þetta er undirritað af:
Jóni Sigurðssyni Ingólfi
Ingólfssyni Tryggva Helgasyni,
Jóni R. Magnússyni, Helga Þórar-
inssyni, Kristjáni Ragnarssyni,
Páli Guðmundssyni, Ingimar
Einarssyni, Gunnari Ólafssyni og
Guðmundi Kr. Jónssyni.
Leiðréttingar
í sfðasta Dreifibréfi nr. 11/
1976, dags. 8. des. 1976, urðu 4
slæmar prentvillur:
Á bls. 4 í 10. línu að ofan leið-
réttist SV í NV.
Í greininni: Fundur um tækni-
mál fiskmjölsiðnaðarins hefur
misprentast nafn Emilfu Martins-
dóttur efnafræðings í 8. línu að
ofan. i sömu grein á bls. 4 í 10.
línu að ofan hefur misprentast úr
í stað út.
1 greininni: Breyta verður um
stefnu f fjármálum og fram-
kvæmdum þjóðarinnar, hefur
fallið niður að geta þess, að Jón
Páll Halldórsson var framsögu-
maður Laga- og félagsmálanefnd-
ar um tillögu þá, sem samþykkt
var á sfðasta Fiskiþingi i einu
hljóði með atkvæðum allra full-
trúa á Fiskiþingi, er lauk i lok
nóvembermánaðar 1976.
Framleiðsla og
Fiskmjölsútflutningur
Norðmanna
1976 og 1977.
Skv. upplýsingum frá Noregi á
gamlársdag 1976 nam heildar-
framleiðsla Norðmanna á fisk-
mjöli á árinu 1976 um 450.000
tonnum, þar af var loðnumjöl um
320.000 tonn. Var heildarfram-
leiðsla Norðmanna af fiskmjöli
um 50% meiri á árinu 1976 en
1975.
Fýrsta loðnan á vetrarvertið-
inni hjá Norðmönnum veiddist
hinn 13. jan. 1977. Ekki er þess
vænst að loðnuveiðarnar hjá
Norðmönnum hefjist fyrir alvöru
fyrr en sfðast í janúar.. Birgðir
Norðmanna af fiskmjöli voru
áætlaðar f ársbyrjun 1976 114.000
tonn og í árslok 102.000 tonn. Inn-
anlandsnotkun var áætluð 18.000
tonn. Til ráðstöfunar til útflutn-
ings voru þvi 522.000 tonn plús
birgðarýrnun á árinu 12.000 tonn.
Allt þetta mjöl mun nú vera selt
eða tekið frá fyrir vissa kaupend-
ur. Áætlun um fiskmjölsútflutn-
ing Norðmanna 1977 er 356 þús.
tonn.
Menhadenveiðar
I árslok 1976 voru engar birgðir
af menhaden-lýsi óseldar. Ný ver-
tfð hefst ekki fyrr en i aprillok
1977. Menhaden-lýsi, þó aðeins
takmarkað magn, af framleiðslu
ársins 1977 er boðið á $ 425 per
tonn cif. Rotterdam með afhend-
ingu i júní/ júlí.
Ansjðvetuveiðar
Perúmanna
Upplýsingar um aflabrögð og
framleiðSlu og verðlag á fisk-
mjölsframleiðslu Perúmanna
hafa verið mjög á reiki siðustu
mánuði ársins 1976. í tímaritinu
„Oil World“, sem út kom 14. jan.
1977, er gerð grein fyrir þvi, að
svo virðist að í opinberum skýrsl-
um frá Perú sé misræmi. Segir
tímaritið að lokum:
„Þetta þýðir að skv. upplýsing-
um um árið 1976 þá er framleiðsl-
an minni en upp hefur verið gefið
eða útflutningurinn og/eða birgð-
irnar f árslok of lágar."
Simað er frá Lfma 12. jan. 1977,
að skv. fyrri ríkisstjórnarályktun
hafi sjávarútvegsráðherrann
Francisco Mariotegui Angulo
rearadmiral tilkynnt:
1) stöðvun á ansjóvetuveiðum
frá 18. janúar 1977 kl. 12 á hádegi.
2) Fimmta veiðisvæðið frá
Atico til Ilo er ekki meðtalið,
þessvegna má halda áfram
veiðum á svæðinu frá 17.
breiddarbaug suðlægrar breiddar
til suðurmarkalínunnar og skapa
með þvi möguleika til hagnýt-
ingar á aflanum til iðnaðar.
Talið er að ansjóvetan hafi ver-
ið mjög blönduð kræðu og þessi
ráðstöfun sé gerð í þvf skyni að
hlífa stofninum við ofveiði.
Lfklega verður veiði á
Perúsvæðinu öllu ekki leyfð fyrr
en eftir miðjan marz n.k.
0
Gæði á sólblómaolíu f Sovét-
ríkjunum hafa orðið lakari en
vænst hafði verið. Hefur reynst
nauðsynlegt að kaupa að ein-
hverju leyti aðrar jurtaoliur í
staðinn frá Bandaríkjunum og S-
Ameriku.
0
Sfðustu fregnir herma, að
Pakistan leiti eftir kaupum á allt
að 75.000 tonnum af sojaolíu.
Einnig er sögð veruleg eftirspurn
eftir sojaolíu frá Kfna og Ind-
landi. Egyptaland óskar eftir
kaupum á 12—30.000 tonnum af
sólblómaolíu og bómullaroliu. Þá
er einnig eftirspurn eftir smjör-
kálsolfu. Verðið á jurtaolíum
hefur enn hækkað, en f kjölfarið
jafnframt dregið úr eftirspurn í
bili a.m.k.
Siðustu daga eru litlar sem
engar breytingar á lýsisverði.
0
Heildar fiskmjölsframleiðslan á
árinu 1976 reyndist um 109 þús.
tonn eða nokkru meiri en gert
hafði verið ráð fyrir í haust.
Stafar það aðallega af veiði i nóv.
og des. mánuði.
Utflutningur fiskmöls var um
100 þús. tonn.
0
Alls hafa verið seld fyrirfram
af framleiðslu komandi vetrar-
vertiðar:
Fiskmjöl
tonn af
13.700 loðnumjöli
1.000 fiskmjöli
3.750 fiskmjöli
1.600 loðnumjöli
2.000 fiskmjöli
12.300 loðnumjöli
5.350 þorskmjöli
500 loðnumjöli
Kaupendur
v/o Prodintorg,
Moskva
v/o Prodintorg,
Moskva
Ungverjaland
V-Þýzkaland
England
Pólland
Pólland
Pólland
Fyrirframsölur á loðnumjöli
nema nú um 40.200 tonnum og af
þorskmjöli etc. 6.500 tonnum sam-
tals, en ekki hafa ennþá verið
veitt útflutningsleyfi fyrir öllum
þessum sölum.
20/1/77
Sv. Ben.
Kvenstúdentafélag íslands
Hádegisverðarfundur verður haldinn laugar-
daginn 29. janúar. í Lækjarhvammi Hótel Sögu
og hefst með borðhaldi kl. 12:20. Fundarefni:
Ingibjörg Benediktsdóttir, sakadómsfulltrúi
ræðir um nokkur atriði varðandi áfengislöggjöf-
ina og framkvæmd hennar.
Stjórnin.
Sýning á sunnudag í Sigtúni kl. 3
Samkvæmis — hár og — fatatizkan kynnt.
Einnig nýjustu samkvæmisdansar.
Samband hárgreiðslu og hárskerameistara.
S______________________________________________________4
Bjódum nú dönsk kjólföt í öllum
algengustu stœrðum,einnig vesti,
slaufur og annað það, sem
þeim fvlgir.
KÓRÓNA
Herrahúsið Aðalstræti4, Herrabúðin við Lækjartorg