Morgunblaðið - 22.03.1977, Blaðsíða 45

Morgunblaðið - 22.03.1977, Blaðsíða 45
MORGUNBLAÐIÐ, ÞRIÐJUDAGUR 22. MARZ 1977 45 VELVAKANDI SVARAR í SÍMA 0100KL. 10—11 FRÁ MÁNUDEGI 0 Eru bönn til þess að br jóta þau? „Ég gladdist, þegar ég sá að vélsleðaakstur væri balinaður á svæðinu. En þegar svo ekkert gerðist, fjöllin ómuðu áfram af vélaskróltinu, varð mér ljóst að þetta bann var aðeins á pappírn- um. Það var eitt af þeim bönnum, sem eru sett aðeins til þess að menn gætu stært sig af að brjóta þau. Þetta var eins og með hunda- haldið í Reykjavík. Ég get vel skilið, að menn, sem eiga vélsleða, vilji nota þá annað hvort sér til gagns eða ánægju, en mér finnst fráleitt að nokkrum mönnum líðist að spilla ánægju- og hvildarstundum hundruða eða þúsunda manna. Ég fer til fjalla fyrst og fremst til að hvílast, hvíl- ast frá daglegu þrasi. Ég legg j þetta vélaskrölt í friðsældinni i | Bláfjöllum til jafns við það að menn þjóti með tilheyrandi hávaða á skellinöðrum um götur borgarinnar um miðja nótt. Skíðaland heldur örugglega áfram að vera gott i Bláfjöilum, en verða þau friðland? Þeirri spurningu er enn ósvarað. % Helgistaðir höfuðborgar Frá Bláfjóilum skulum við hverfa til borgarinnar og sjá hvað Magni Guðmundsson hefur að segja: „Nýlega sá ég í Morgunblaðinu sérkennilega tillögu frá gómlum og góðum kunningja, Ófeigi J. Ófeigssyni, lækni. Hún var um neðanjarðar-bilastæði undir Tjörninni. Það er vissulega allrar virðingar vert, þegar skynsamir menn setja fram frjóar hugmynd- ir, jafnvel þó að þær séu ekki á þeirra eigin þekkingarsviði. En galli er á gjöf Njarðar. Ef botn Tjarnar verður steypt bílaþak, hættir Tjörnin fljótlega að vera tjörn. Hún verður einfaldlega skólp. Það er um Tjörnina eins og Arnarhólinn, að hún verður fyrir stöðugri áleitni þeirra, sem hafa mannvirki i huga. Þá er eins og aðrir staðir fyrirfinnist ekki. Til allrar hamingju hafa borgarbúar einarðlega hrundið sérhverri at- lógu að þessum tveim opnu svæð- um, hvort sem i hlut átti ráðhús, skautahöll eða seðlabanki. Skora ég á borgaryfirvöld að friðlýsa Tjörnina og Arnarhói í eitt skipti fyrir öil, svo að einstakir menn láti af sinni áráttu, en Reykvik- ingar í heild fái að njóta sinna fáu sældar-reita i miðbæjarþrengsl- unum og hávaðanum. Magni Guðmund.sson" Þessir hringdu . . . % Engar Reykingar — Það er rétt að þú kallir mig bara „Skorstein". sagði gamall kunningi Velvakanda, sem hringdi i fyrri viku. — Það er réttnefni að þvi leyti að ég reykti allt frá unglingsárum og fram á miðjan aldur eins og skorsteinn, en hætti svo fyrir tíu árum. Ég er raunar að halda upp á það afmæli núna. Meira heillaspor held ég að ég hafi aldrei stigið. Að visu var það erfitt svona i fyrstu. Sérstak- lega reyndi það á taugarnar og ég varð um tíma skapillur, en ég ætla ekki að lýsa Iéttinum, þegar frá leið. Ég varð allt annar maður. yngdist um mörg ár. — Já, 4>að er gott að hætta að reykja, en betra er samt að byrja aldrei á þvi. Þess vegna gladdist ég, þegar að skólabörnin skáru upp herör gegn reykingum. Ég vona bara að þetta sé ekki bóla, sem springur fyrr en varir — og allt fari í fyrra horf. Það er skylda okkar eldri að fylgjast vel með starfi þessara krakka og styðja við bakið á þeim eins og við get- um. SKAK Umsjón: Margeir Pétursson Á ENSKA meistaramótinu í fyrra, sem haldið var í Ports- mouth, kom þessi staða upp í skák Horners, sem hafði hvítt og átti leik, ogClarke: 19. f t! gxh5 20. f.r> KliK 21. f(i Rg6 (eða 21... Rg8 22. Hf5 og svartur á enga vörn við hótuninni 23. Hh5) 22. De3 og svartur gafst upp. Skákmeistari Englands 1976 varð hinn 19 ára gamli Jonathan Mestel, en hann hlaut 9Ví v. af 11 mögulegum, sem er glæsilegur ár- angur. FRÆÐSLURIT KRABBAMEINS FÉLAGSINS % Heimska að byrja að reykja Og „Skorsteinn" hélt áfram. — Satt að segja hafði ég ekki gert mér grein fyrir að börn byrjuðu almennt að fikta við reykingar eins ung og raun ber vitni. En það gera þau sennilega til þess að likjast þeim fullorðnu, og það verðum við að viðurkenna að þetta höfum við fyrir þeim. — Þeir fullorðnu geta ef til vill afsakað sig með þvi að segja að í þeirra ungdæmi hafi ekki verið eins ljóst og nú hvílíkur skaðvald- ur sígarettan er. Allir vissu að visu að það var ekki hollt að reykja, en að reykingar beinlinis dræpu menn unnvörpum vissi enginn. Ég hugsa með trega til góðra drengja sem voru með mér í skóia en eru nú allir gamlir um aldur fram eingöngu vegna reykinga. Sennilega væri ég ekki að ræða við þig núna, ef ég hefði ekki hætt. — Það er heimska að byrja að reykja. Allir ættu að gera sér greiri fyrir þvi. Ung frænka mín sagði mér að krökkunum hefði þótt þeir „töff" sem reyktu, en nú væri þetta í hennar skóia að snúast við. Krakkarnir litu þá hornauga eða vorkenndu þeim sem reyktu. Vonandi er að áfram- hald verði á því þar sem áhrif tíðarandans eru óumdeilanleg. HÖGNI HREKKVÍSI ----------^ r-t- Bakaðu 'ann. — Þú færð mjólk- ursopa þegar flaskan brotnar! — Nei Högni! Nei Högni! STOFAH — Uggandi Framhald af bls. 5 fatlaðs fólks, sem ekki getur hagnýtt sér almenningsfarar- tæki, með sérstakri ferðaþjón- ustu. Auka þarf menntunarmögu- leika fatlaðra og þátttaka þeirra i hinu almenna skóla- kerf i verði eins mikil og kostur er. Margs konar hjálpartæki eru nauðsynleg fötluðu fólki i hinu daglega Hfi. Stefna ber að tekstri sameiginlegrar norrænnar hjálpartækja- miðstöðvar. Innan vébanda Bandalags fatlaðra á Norðurlöndum eru samtök fatlaðra í Danmörku, Finnlandi, íslandi, Noregi og Svíþjóð. Það er krafa banda- lagsins, að fötluðu fólki verði tryggt félagslegt öryggi og réttmæt hlutdeild I samfélags- þróuninni. í tilefni alþjóðadags fatlaðra verður flutt , útvarpserindi, laugardaginn 26. marz n.k. kl. 16.35, um samskipti f atlaðra og ófatlaðra, eftir Oluf Lauth. Þýðandi er Skúli Jensson, flytjandi Dagur Brynjúlfsson. heilbrigð skynsemi. BÓKAUTGÁFAN Iðunn hefur sent á markað bókina „Heil- brigð skynsemi f skák" eftir Emanuel Lasker, fyrrum heimsmeistara is skák. Magnús G. Jónsson þýddi bókina og Guðmundur Arnlaugsson ritar formála. Höfundur bókarinnar, Emanuel Lasker, lærði að tefla 12 ára gamall. Tuttugu og átta ára að aldri varð hann heims- meistari í skák og hélt þeim titli í 27 ár. Og hann lagði ekki árar í bát þótt hann tapaði heimsmeistaratitlinum. Hátt á sjötugs aldri vann hann ennn mikla sigra við skákborðið. Lasker er einn um það að vera í hópi fremstu taflmeistara heims allt fram til æviloka. Lasker ritaði allmikið um skák og eru bækur hans i góðu gildi enn í dag. Bók sú, sem hér birtist, er árangur fyrir- lestrarferðar er, Lasker fór um England þegar hann var ný- orðinn heimsmeistari. Bókin hlaut þegar í stað miklar vin- sældir og kom fljótlega út á mörgum tungumálum. Guðmundi Arnlaugssyni farast m.a. svo orð um höfundinn og bókina i formála:.....margir af fremstu skákmönnum vorra tíma hafa sitthvað af honum lært. Og þessi litla bók er sigilt rit sem hefur ýmislegt að bjóða íhugulum lesendum enn i dag og um ókomin ár". — Greinargerð Framhald af bls. 37 ina 0.4 eða stærri og flussýru (HF) að nokkru leyti vegna þess að í grimunni er áloxið (AI2O3) sem sigur i sig flussýruna. Þessi gríma er létt og menn eru f úsir að nota hana en eitt stærsta vanda- málið við notkun ryk- eða gras- gríma hefur verið það að menn hafa ekki notað grímur vegna þes.s að þær hafa verið til óþæg- inda t.d. of þungar eða menn svitnað og haft kláða eða önnur óþægindi i andliti vegna þeirra en einna verst hefur þó verið það að þær hafa mismunandi mikla öndunarmótstöðu, sem þeir menn sem ekki eru heilbrigðir i lungum eða hjarta finna mest fyrir. Notkun slikra gríma sem nefnd er hér að ofan hefur minnkað fluor í þvagi starfsmanna sem nota hana þar sem það á við. Hvenær á að nota ryk- eða gas- grímu? Af ástæðum sem hér að framan hafa verið upp taldar er ljóst að slikan varnarbúnað á að nota þeg- ar ryk- eða lofttegundir í and- rúmslofti eru ofan við hættumörk en einnig, hafi viðkomandi starfs- maður óþægindi frá öndunarfær- um þrátt fyrir þaó að þessi efni eru undir hættumörkum. Ahersla skal lögð á það, að ekki er ætlast til þess að menn þurfi að nota slíkar grfmur heilan vinnudag samfleytt meðal annars vegna þess sem að of an segir um óþæg- indi frá þeim, heldur er notkun þeirra ætíð bundin við skemmri tíma í einu hvern vinnudag t.d. við sérstök varasöm störf, og sé vinnustaður þannig að nota verði grímu, verður að leysa það mál á annan hátt t.d. með því að fleiri menn skipti með sér störfum þannig að sami maður sé ekki heilan vinnudag einn við starfið o.s.frv.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.