Morgunblaðið - 01.06.1977, Síða 24

28
MORGUNBLAÐIÐ, MIÐVIKUDAGUR 1. JUNI 1977
raðauglýsingar — raöauglýsingar — raðauglýsingar
Heimdallur —
Skógræktarferð í Heið-
mörk
Heimdallur S.U S. efnir til skógræktarferðar i Heiðmörk
fimmtudaginn 2. júni n.k.
Lagt verður af stað frá Valhöll, Bolholti 7 kl. 20.
Félagar fjölmennið.
Heimdal/ur S. U. S.
Austurland
Almennir stjórnmálafundir Nesjum
Austur-Skaft. fimmtudaginn 2. júni kl.
9. Fáskrúðsfjörður föstudaginn 3. júni
kl. 9. Reyðarfjörður laugardaginn 4.
júní kl. 4. Eskifjörður laugardaginn 4.
júni kl. 9. Neskaupstaður mánudaginn
6. júni kl. 9. Seyðisfjörður þriðjudag-
mn 7. júní kl. 9. Egilsstaðir mlðviku-
daginn 8. júní kl. 9.
Sverrir Hermannsson, alþingismaður
og Pétur Blöndal. framkvæmdastjóri
mæta á fundunum og ræða stjórn-
málaviðhorfið.
Fulltrúaráð
sjálfstæðis-
félaganna
á Akranesi boða til almenns stjórn-
málafundar í sjálfstæðishúsinu við
Heiðarbraut 20 fimmtudaginn 2. júní
n.k. kl. 20.30.
Frummælandi verður Ingólfur Jóns-
son, alþingismaður, fyrrverandi ráð-
herra, Friðjón Þórðarson, alþingis-
maður mætir einnig á fundinum.
Allir velkomnir meðan húsrúm leyfir.
Fulltrúaráð
sjálfstæðis-
félaganna
á Akranesi.
kennsla
Frá Flensborgarskóla
Frestur til að skila umsóknum um skóla-
vist á haustönn 1 977 rennur út föstudag-
inn 3. júní n.k.
Skó/ameistari.
Útgerðarmenn
Vil kaupa netabúnað, teina 12, 14 eða
1 6 mm, 5—6000 faðmar. Færi 14— 1 6
mm., 1500 fm. Dreka 6 — 8 stk. ásamt
keðjum. Línubelgi. STAÐGREITT.
Upplýsingar í síma 95-5454 eftir kl. 6.
Bátur óskast
nú þegar til djúprækjuveiða fyrir Norðurlandi, lágmarksstærð
70 tonn.
Upplýsingar! sima 95-1 327.
Veiðimenn — Veiðivötn
Veiði hefst í Veiðivötnum á Landmannaaf-
rétti þriðjudaginn 21. júní. Pöntun og
sala veiðileyfa fer fram að Skarði í Land-
sveit, sími um Meiritungu.
Eggert Theódórsson
Siglufirði sjötugur
Eggert leit ljós heimsins fyrst f
Efri-Hafnarbænum á Siglufirði.
Þegar hann hrein í fyrsta sinnið
og gaf þar með til vitundar, að
hann væri í heiminn borinn, má
vera að nærstöddum hafi þótt sem
hinn nýlaugaði sveinn kynni þá
þegar að beita raddböndunum og
mundi vita hversu ætti að tjá sig í
fylling tfmans.
Burðardagurinn var 1. dagur
júnímánaðar þess herrans árs
1907. En hann var ekki einn í
heiminum, því bæði þar og á öðr-
um stöðum fæddust fleiri, svo
sem eðlilegt lögmál lífsins er.
Sumir siglfirzkir urðu leikfélagar
afmælisbarnsins og samferða-
menn á heimaslóðum. Nú er þessi
dagur — 1. júní — nefndur
Alþjóðabarnadagurinn, og því má
vænta ýmissa tíðinda á vettvangi
þeim, sem hann er helgaður, en
það mundi önnur saga.
Til skírnar var hnokkinn færð-
ur og ausinn vígðu vatni af séra
Bjarna Þorsteinssyni og hlaut við
þá athöfn nafnið Páll. Heitir því
fullu nafni Eggert Páll, en Páls
nafnið ekki almennt notað, en
þegar mikið liggur við eins og t.d.
núna og vitna þarf til postulanna
gjörninga svo sem skýrt er frá í
helgum fræðum, sem honum eru
harla kær og ætti að vera hverj-
um þegni fyrirmynd, bæði sem
tæki til veraldlegra átaka og um
þroska á æfibraut.
Foreldrar Eggerts voru hjónin
Svanhildur Ólöf Þorsteinsdóttir,
ættuð úr Vestur-Húnavatnssýslu
og Theódór Jónas Pálsson, skip-
stjóri, en hann fæddist að Óslandi
í Skagafirði. Þau hjón ffuttu til
Vesturheims árið 1903 en undu
þar ekki, enda lostin þungum
hörmum vestra.
Sneru þau heim til íslands aft-
ur árið 1906 og settust að í Efri-
Höfn i Siglufirði og var Thódór
lengi kenndur við þennan bæ.
Theódór var kunnur hákarla-
formaður og sægarpur. Skipstjóri
m.a. á Njáli og Æskunni. Var
hann snöggur upp á lagið, úr-
ræðagóður, orðheppinn og eru
þar um ýmsar frásagnir, harla
merkar sumar, aðrar aðeins gam-
anmál en geyma þó mannlýsing-
ar.
Svanhildur móðir Eggerts dó er
hann var 3ja ára að aldri og er
hann einn á lifi af alsystkinum
sínum.
Theódór kvæntist I annað sinn
Guðrúnu Ólafsdóttur árið 1912 og
eignuðust þau 3 börn. Ólst Eggert
upp ásamt þessum hálfsystkinum
sínum í föðurhúsum og gekk svo
sem lögmælt var í barnaskólann i
Siglufirði og naut þar fræðslu og
uppeldisáhrifa þriggja mætra
skólastjóra, sem allir voru ágætir
kennarar, hver á sína visu og áttu
eftir að koma mikið við sögu
Siglufjarðar. Eru þau hjón, Guð-
rún og Theódór, löngu látin.
Eggert varð háseti hjá föður
sínum, 15 ára gamall, en Theódór
var þá með Æskuna. Skipið fór til
hákarlaveiða, sem stóðu venju-
lega frá þvi í marzmánuði og fram
í júní, en er þeim veiðum lauk
réði hann sig á bát sem „Ruby"
nefndist og var gerður út á þorsk-
veiðar. Á báðum skipum af afli
góður, en þrátt fyrir það lauk þar
með sjómennsku hans, vildi ei
stíga „vikivakann á — völtum
kvikubökum". Vélstjóranámskeið
var haldið i Siglufirði um þetta
leyti og var kennari Jón vélfráeð-
ingur Sigurðsson, frá Hellulandi.
Lauk Eggert þaðan góðu prófi og
hlaut vélstjórréttindi er því lauk.
Starfar svo um tíma við kvik-
myndasýningar i Nýjabió i
Reykjavik og fékk sýningarrétt-
indi að þvi loknu.
Þá er haldið aftur til SiglufjarÖ-
ar og starfað að kvikmyndasýn-
ingu hjá H. Thorarensen, sem rak
Nýjabíó, þar er unnið unz fisk-
mjölsverksmiðjan „Bein“ tekur
til starfa sumarið 1929, en þangað
ræðst Eggert sem vélstjóri. Þá um
haustið slasaðist hann í verk-
smiðjunni með þeim afleiðingum
að hægri höndin varð ónýt til
hverskyns beitingar síðan. Haust-
ið 1930 hóf Eggert störf hjá Síld-
arverksmiðju ríkisins í Siglufirði,
fyrst sem aðstoðarmaður birgða-
varðar en síðan 1960 hefur hann
gegnt aðalbirðgavarðarstarfi hjá
fyrirtækinu, og hefur því starfað
hjá SR í 47 ár, sennilega mun það
hæsti starfsaldur þar nú.
Eggert er léttur og lipur bridge-
spilari og var oddviti þeirra I
Bridgefélagi Siglufjarðar rúman
áratug en hug hans allan hefur þó
Félag lamaðra og fatlaðra „Sjálfs-
björg" átt, enda verið formaður
Siglufjarðarfélagsins f 16 ár og
unnið þar af miklum þegnskap.
Gerðist Eggert félagi í Roraty-
klúbb Siglufjarðar 1974.
Kona Eggerts er Elsa Þorbergs-
dóttir, ættuð úr Reykjavík. Gengu
þau í hjónaband árið 1931 og hafa
eignast 6 dætur og 1 son, allt
mannvænlegir afkomendur, sem
allir eru á lifi og eiga sumir
þeirra börn og buru. Hefur Elsa
búið manni sínum gott og vistlegt
heimíli að Suðurgötu 43 en þar
hafa þau búið allan sinn búskap.
Þar er rausn í garði, hlýlegt og
notalegt að sækja þau heim og
gamanmál á vörum og viðræður
líflegar.
Áður en byggð þéttist á heima-
slóðum afmælisbarnsins var
nægilegt olnbogarými fyrir glett-
inn, spaugsaman og sprækan
strákaling. Enda var þetta vel not-
að og sannast hér að lengi býr að
fyrstu gerð.
Leikbróðir og vinur glettninnar
hefur hann alla tið verið og hafa
þau skötuhjúin margan stiginn
saman gengið, innileg, ljómandi
af ánægju og unaði sælunnar, en
ekki ætíð við fögnuð annarra. Þó
hann gangi nú um götur öllu hæg-
ar en áður fyrr og brestur á heilsu
bagi hann, þá er glettnisvipurinn
enn hinn sami og viðeigandi gam-
anyrði á vör, þegar kunningja er
mætt og boðinn er góður dagur.
Enn hugar afmælisbarnið vel
að öllu umhverfi, einkum öllum
trjágróðri, sem prýða má húsa-
garða, enda hefur hann kynnt sér
sérstaklega hversu auka megi
hann með tilliti til grisjunar.
Einnig hefur hann áhuga á
hversu hanna megi fjárhús og
önnur gripahús, svo næg birta
berist um glugga. Þá má geta
þess, sem nú er ekki algengt að
áhugi hans fyrir dýralækningum
er mikill og hafa leiðbeiningar
hans sumar gefið góða raun að þvi
er frásögur herma.
En hvað sem um allt þetta er
ætti sú hýra mynd af afmælis-
barninu, sem fylgir þessari af-
mæliskveðju, að minna margan
stúdentinn eigi síður en sjómann-
inn á liðnar síldarvertíðir og lipur
samskipti, liðnar stundir, liðin at-
vik, smá glettni við starfsfélaga,
snjallar stökur ungra og lffs-
glaðra hagyrðinga í hópi sumar-
starfsmanna SR, ýmis óræð fyrir-
bæri sem menn töldu sér trú um
að þræðir þeirra kynnu að liggja
frá Iager SR. Allt er þetta liðið og
kemur aldrei aftur. Aðeins minn-
ing fjörs og leikja á vordögum
æfinnar.
Norður yfir heiðar sendum við
hjónin hugheilar afmæliskveðjur
og árnaðaróskir. Sjálfur flyt ég
þakkir fyrir öll samstarfsárin hjá
SR, allar glettur og gamanmál og
þá fyrirmynd sakleysisins sem æt-
íð mátti sjá í spegli á vinnustað.
„Sannmálar varir munu ávalt
standast" segir i bókinni, sem
hann hefur á koddanum hjá sér.
Óskir um batnandi heilsu eru hér
líka með og þess ber að minnast,
„að glatt hjarta veitir góða
heilsu".
„Allir hreinhjartaðir fagna
og leika á tfstrengja
hörpu og knýja strengina
ákaft með fagnaðarðpi“
„Syngjanýjan söng“
við upphaf nýs áratugs.
(Lánað úr „Orðskviðunum“>
B.E.
— Fiskvinnslu-
skólinn
Framhald af bls. 15
leggja fiskiðnnám eða fisktækna-
nám fyrir sig, geti numið hinar
almennu námsgreinar, sem Fisk-
vinnsluskólinn krefst, í Flens-
borgarskólanum. Sagðist
Sigurður vonast til að slíkt sam-
starf tækist við fleiri skóla. Um
hinn nýja námsvísi sagði Sig-
urður að lokum, að það væri sín
von að hin nýja námstilhögun
yrði ekki aðeins aðgengilegri
fyrir væntanlega nemendur Fisk-
vinnsluskólans, heldur yrði nám
þeirra einnig hagfelldara ísl-
enzkum fiskiðnaði.
— íþróttir
Framhald af bls. 21
hans, er hann skellir niður báðum
fótum, er hann sér fram á sam-
stuð, hreinlega hoppar í
„tæklinguna" og gæti þvi stór-
meitt andstæðinginn, en slikt
,mun vera ólöglegt með öllu.
Beztu menn Vals að þessu sinni
voru Dýri Guðmundsson, sem er
betri leikmaður en áður og lék
sóknarmenn KR oft grátt í
leiknum, Albert lék mjög vel, Ingi
Björn átti bæði mörkin, en hafði
hæglega átt að geta skorað meira.
Atli og Hörður áttu báðir góða
spretti, en Hörður hvarf þó óeðli-
lega mikið langtímum saman.
Af KR-ingum voru þeir beztir
Börkur Ingvarsson, sem er sér-
lega efnilegur, og Hálfdán örlygs-
son, laginn leikmaður með af-
brigðum.
I STUTTU MÁLI:
íslandsmótið 1. deild, Laugardalsvöllur 27.
maf.
VALUR — KR 2:1 (0:1)
MÖRK VALS: Ingi Björn Albertsson á 60.
mfnútu og Magnús Bergs á 76. mfnútu.
MARK KR: Guðmundur Ingvason á 33.
mfnútu
ÁMINNINGAR: Vilhelm Friðríkssyni og
Erni Óskarssyni var sýnt gula spjaldið f
leiknum.
— Minning
Hörður
Framhald af bls. 31
Hörður Þorsteinsson var fædd-
ur 22. okt. 1920 og dáinn 26. maí
1977. Hann var kvæntur Vigdisi
Ólafsdóttur. Þau áttu saman þrjú
börn, en frú Vigdís átti eina dótt-
ur fyrir, þvi að hún er nú ekkja i
annað sinn.
Ég þakka Herði Þorsteinssyni
ánægjulegt samstarf og dygga
vináttu frá fýrstu kynnum og
sendi ekkju hans, börnum og ætt-
ingjum hugheilar samúðarkveðj-
ur.
Jón Á. Gissurarson.
— Síðustu
stúdentarnir
Framhald af bls. 31
stúdentar verið útskrifaðir með
þessum hætti frá skólanum
1974, og nú væru þeir síðustu
að útskrifast.
Almennt um starfsemi skól-
ans á sl. starfsári sagði Baldur,
að alls hefðu 330 manns verið
við nám i skólanum. Nú útskrif-
uðust 38 kennarar en alls hefðu
verið í lokaárgangi skólans 56
neméndur og ættu nokkrir
þeirra eftir að Ijúka verkefnum
og að þvi loknu fengju þeir
væntanlega afhent skírteini
sín. Baldur sagði að mesta áfall-
ið í starfi skólans á sl. ári hefði
verið neitun kennara á grunn-
skólastigi i Reykjavfk að taka
nema úr skólanum i æfinga-
kennslu og sagði hann það von
sína að úr þessu mætti bæta í
komandi kjarasamningum. Þá
hyllti nú undir að hafnar yrðu
framkvæmdir við byggingu
aukins húsnæðis fyrir skólann
og væru á fjárlögum þessa árs
veittar 25 milljónir króna til
þess verks. Að siðustu gerði
rektor að umræðuefni lög um
Kennaraháskóla tslands, sem
lögð voru fram undir þinglok í
vor.
Af hálfu brautskráðra nem-
enda talaði Reynir Karlsson,
nýstúdent, við athöfnina.