Morgunblaðið - 06.04.1978, Blaðsíða 12

12
MORGUNBLAÐIÐ, FIMMTUDAGUR 6. APRÍL 1978
Prófkjör Sjálfstæðisflokksins
Ingólfur í Hveragerði
SJÁLFSTÆÐISFÉLAGIÐ Ingólfur í Hveragerði heldur á laugardag og sunnudag prófkjör vegna framboðs sjálfstæðismanna í Hveragerði við
sveitarstjórnarkosningarnar í sumar. Fimmtán manns eru í framboði og hefst kjörfundur í húsi Rafbæjar laugardaginn 8. apríl klukkan 14. Kjörfundi
lýkur klukkan 22 á laugardagskvöldið en verður fram haldið á sama stað frá klukkan 14—18 á sunnudaginn.
í tilefni prófkjörs þessa leitaði Morgunblaðið til frambjóðenda og spurði þá hvaða málefni þeir teldu mikilvægust fyrir sitt sveitarfélag. Fara svörin
hér á eftir.
Aage V. Michelsen
hiívélavirki. 49 ára.
Maki> Kristín Jóhannesdóttir.
„Ég legg höfuðáherzlu á gatná-
gerð, það verður að gera stórátak
í að leggja varanlegt slitlag á
götur og að gangstétt verði a.m.k.
öðrum megin. Þá þarf að endur-
nýja hitaveituna og vatnsveituna,
en hér vantar orðið neyzluvatn. Að
auki má nefna ótal marga aðra
málaflokka, en í þessi fyrrgreindu
verkefni verður að ráðast strax,
helzt í sumar og áfram á næsta
sumri eftir því sem hægt er.
Aðalsteinn Steindórsson
umsjónarmaður og sýslunefndar-
maður 56 ára.
Maki. Svanlaug Guðmundsdóttir.
„„Mér er efst í huga það sem
snýr daglega að hinum almenna
hreppsbúa og aðkomufólki. Það er
m.a. að fá varanlegt slitlag á
fjölförnustu göturnar, einnig að
bæta ofaníburð í hinum sem þolir
betur úrkomu og hefur sem
minnsta rykmyndun. Sýslulóðin
liggur meðfram Varmá við
Reykjafoss. Nú er aðeins forms-
atriði að hreppurinn fái lóðina til
eignar. Þá verður að sýna svæðinu
verðuga virðingu samkvæmt ráð-
um fróðra manna. Einnig tel ég
eðlilegt að hreppsnefndarmenn
hafi samband og samráð við
stuðningsmenn sína í stefnumark-
andi málum hreppsbúa."
Björk Gunnarsdóttir
húsmóðir, 30 ára.
Maki. Hrafn Björnsson.
„Hveragerði var á árum áður
dvalarstaður skálda og lista-
manna, þannig að ég held að
staðurinn búi yfir miklu aðdrátt-
arafli og eigi mikla fjársjóði í
leyndardómum. Hveragerði hefur
tekið gífurlegum breytingum. A
síðustu árum hefur fólksfjölgunin
orðið mikil þannig að það eru
mörg brýn verkefni sem bíða
úrlausnar. íþróttahús höfum við
eignast og er ungum jafnt sem
öldnum til hinnar mestu ánægju.
Félags- og menningarmál eru mér
efst í huga, hér eru starfandi félög
með mikilli prýði og hef ég þá trú
að með samstilltu átaki takist
okkur að bæta þar enn betur.
Gæzlu- og leikskólamálum hef ég
mikinn áhuga á og þar eru mörg
óleyst vandamál. Eg tel löggæzlu-
mál hjá okkur vera í lágmarki því
ég tel eðlilegast að við fáum
löggæzluna staðsetta í Hveragerði,
aðstaðan er fyrir hendi. Hvera-
gerði er orðin 1000 manna bær og
til að staðurinn haldi áfram að
blómstra og einstaklingsframtakið
fái notið sín veljist samstilltir og
sér í lagi jákvæður hópur forystu-
manna undir stefnu Sjálfstæðis-
flokksins."
Friðgeir Kristjánsson
húsasmfðameistari, 50 ára.
Maki. Jórunn Gottskáldsdóttir.
„Það sem fyrst kemur í huga í
sambandi við verkefni næsta
kjörtímabils er einkum þrennt.
Hitaveitumálin; að koma þeim í
viðunandi horf. Gatnagerð; að sem
flestar götur hreppsins verði
malbikaðar. Skólamál; að hafin
verði bygging skólahúss er taki við
af leiguhúsnæði því sem gagn-
fræðaskólinn er nú í. Sá áfangi
íþróttahúss sem nú er í buggingu
er að komast á lokastig, en þrátt
fyrir það vantar ýmiss konar
aðstöðu fyrir æskulýðsstarfsemi
og þarf að vinna að því eins og
mörgu öðru af fullum krafti.
Guðjón H. Björnsson
garðyrkjufræðingur 58 ára.
Maki. María Konráðsdóttir.
„Hitaveitan er í brennipunkti og
því þarf að vinna að því að leysa
þann vanda sem þar er óleystur og
það þarf að hefja framkvæmdir
við að auka kalda vatnið í þorpinu
og það þarf að stuðla að því að fá
fleiri fyrirtæki í hreppinn til
atvinnuaukningar og það þarf að
auka félagslega þjónustu almennt
og byggja leiguhúsnæði á vegum
hreppsins, þar sem hér vantar
tilfinnanlega leiguhúsnæði. Þetta
er í stórum dráttum það sem ég
vildi leggja áherzlu á. Margt hefur
verið gert, en fjölmargt er enn
óleyst."
Gunnar Kristófersson
pípulagningarmeistari, 45 ára.
Maki. Guðríður Austmann.
„Mér finnst fyrst og fremst þörf
á því að leysa þau vandamál sem
við eigum við að stríða í sambandi
við hitaveituna. Ég hef enga
„patent“-lausn á því en það þarf
auðvitað að fylgjast með öllum
nýjungum sem fram kunna að
koma í sambandi við háhita.
Ennfremur þarf að útvega meira
kalt vatn, á hvern hátt sem það
verður gert, halda þarf áfram
gatnagerð eftir því sem fjármagn
leyfir. Renna þarf fleiri stoðum
undir atvinnulíf í þorpinu að svo
miklu leyti sem það snertir
hreppsnefndina. Þá þarf að nýta
þá möguleika sem Hveragerði
hefur sem ferðamannabær. Styðja
þarf íþróttalíf, efla heilsugæzlu,
sundlaug er fyrir hendi og henni
þarf að sjálfsögðu að halda við,
íþróttahús er í smíðum og það þarf
að stækka síðar. Ennfremur mætti
koma á samstarfi við önnur
byggðarlög í nágrenninu ef til
greina kæmi einhver iðnaður sem
nýtt gæti þá orku sem við höfum
til staðar hér í þorpinu."
Hafsteinn Kristinsson
framkvæmdastjóri, 43 ára.
Maki. Laufey Valdimarsdóttir.
„í dag er fjárhagsstaða Hvera-
gerðishrepps traust. Takmark mitt
er að vinna að áframhaldandi
ábyrgri fjármálastjórn hreppsins.
Hveragerði er ört vaxandi hrepps-
félag og hér eru verkefni óþrjót-
andi, stór og smá, og að flestra
dómi öll mikilvæg. Meginverkefni
næstu 4 árin verða m.a. bygging
gagnfræðaskóla og heilsugæzlu-
stöðvar, verulegar endurbætur á
vatns- og hitaveitu, bygging
hreinsistöðvar fyrir frárennsli og
mikið átak verður að gera í
varanlegri gatnagerð.'Auk þessara
málaflokka er fjöldi annarra sem
vinna þarf að og hreppsnefnd
verður að taka afstöðu til á
hverjum tíma. Og það er ósk mín
að þeir menn sem veljast til
ábyrgðarhlutverka hér í hreppn-
um vinni af drengskap og víðsýni.
Traust fjármál hreppsins auka
líkur á því að hér sé hægt að þróa
gott mannlíf á komandi árum.“
Helgi Þorsteinsson
múrarameistari, 29 ára.
Maki. Hjördfs Ásgeirsdóttir.
„Ef ég kem til með að sitja í
hreppsnefnd vil ég m.a. beita mér
fyrir ýmsum áhugamálum sem
viðkemur ungu fólki. Ég tek t.d.
íþrótta- og æskulýðsmál og ekki
má gleyma ungborgurunum; það
vantar tilfinnanlega leikvelli fyrir
þá. Auka þarf fjölbreytni í at-
vinnumálum og stefnt skal að því
að fá iðnfyrirtæki á staðinn sem
þarfnast hitaorku. Hitaveituna.
verður að endurskipuleggja og
vinna að því að fá það mikla tjón
bætt sem hún hefur orðið fyrir.
Gera þarf áætlun um gatnagerð og
fá í það fjármagn á sem hagkvæm-
ustum kjörum. Eitt aðalmálið er
að sjálfstæðismenn haldi sínum
ineirihluta og vinni saman í anda
Sj álf stæðisflokksins."
Margrét Björg
Sigurðardóttir,
starfsstúlka, 20 ára.
„Ég vil fyrst og fremst vinna að
öllum bæjarmálum sem stuðla að
almannaheill, til dæmis er þörf
fyrir átak í gatnaframkvæmdum
hér. Ég hef líka áhuga á æskulýðs-
og íþróttamálum og bættri að-
stöðu fyrir barnagæslu fyrir hús-
mæður, sem vilja stunda störf
utan heimilisins.
Ég vil vinna í anda Sjálfstæðis-
flokksins og í samstarfi við
félagana."
ólafur ólafsson
húsasmíðameistari, 28 ára.
Maki. Adda Hermannsdóttir.
„Stærsta málið hjá Hvergerðing-
um í dag er að koma hitaveitunni
í lag og leíta réttar okkar gagnvart
Orkustofnun sem hefur selt okkur
hitann.
Aftnað stórmál fyrir mér er að
fá viðurkenningu hins opinbera á
sérstöðu þorpsins vegna elliheimil-
isins og heilsuhælisins. Ég tel það
hafa mikla fjárhagslega þýðingu
fyrir hreppinn.
Gatnagerðarmálin eru í miklum
ólestri og er þörf fyrir úrbætur í
þeim málum. Slitlag vantar á