Morgunblaðið - 14.09.1978, Blaðsíða 18

18
MORGUNBLAÐIÐ, FIMMTUDAGUR 14. SEPTEMBER 1978
„Þjóðarmorði” á
krístnum mótmælt
Boírút. 13. soptomhor. AP.
KRISTNIR menn cfndu til eins
daKs allsherjarverkfalls í austur-
hluta Beirúts í da« til að mót-
mada því sem þcir kalla „þjóðar-
m«rð Sýrlendinsja" á kristnum
mönnum í Líbanon.
Líbanskir múhameðstrúarmenn
virtu verkfallið að vettugi, en þeir
hafa vaxandi áhyggjur af afdrifum
Moussa Sadr, andlegs leiðtoga
Shíta-sértrúarflokksins í Líbanon.
Blaðið Al-Wattan í Kuwait hafði
eftir áreiðanlegum heimildum í
Beirút í dag að hann hefði farið til
Addis Ababa frá Líbýu fyrir 10
dögum og síðan hefði hann farið
Innbrotið
hjá íhaldinu
ekki í
pólitískum
tilgangi
Londun. 13. september. Reuter.
LÖGREGLAN í London skýrði frá
því í dag að ekkert benti til þess að
innbrotið í skrifstofu Ihaldsflokks-
ins í gær hefði verið framið í
pólitískum tilgangi. Á skrifstof-
unni voru geymd ýmis leynileg
skjöl flokksins en engu var stolið
og telur lögreglan að innbrots-
mennirnir hafi verið að leita
peninga. Meðal skjalanna á skrif-
stofunni voru drög að stefnuskrá
flokksins fyrir næstu þingkosning-
ar.
Nixon með
nýja bók
WashinKton. 13. septemher. Reuter.
RICHARD Nixon fyrrum Banda-
ríkjaforseti hélt í dag blaða-
mannafund þar sem hann skýrði
frá því að nýrrar bókar væri að
vænta frá honum næsta haust.
Bókin mun heita Hinn raunveru-
legi forseti. Fyrri bók Nixons
hefur nú selzt í um 300.000
eintökum, að sögn útgefenda.
Enn hreinsa
Rúmenar
Vínarborg. 13. september. Reuter.
SENDIHERRA Rúmeníu hjá
Sameinuðu þjóðunum hefur verið
kallaður heim og verður annar
skipaður í hans stað. Er það liður í
þeim aðgerðum stjórnvalda að
skipta um hátt setta embættis-
menn í kjölfar þess að rúmenskur
undirráðherra flúði til Bandaríkj-
anna.
til Irans með ólöglegum hætti.
Samtímis áttu stórskotalið
líbanskra hægrimanna og pale-
stínskra skæruliða i bardögum í
Suður-Líbanon þriðja daginn í röð.
Tveir drengir biðu bana og fimm
særðust í múhameðska bænum
Nabatiyeh.
Verzlanir, bankar, lyfjaverzlan-
ir, bakarí, veitingahús og kaffihús
voru lokuð í dag í hinum kristna
hluta Beirút. Götur voru auðar að
öðru leyti en því að vopnaðir menn
voru á verði. Báðir flokkar krist-
inna, falangistar og frjálslyndir,
styðja verkfallið.
Páfinn
notaði
hásætið
PáfaKardi, 13. september AP.
JÓHANNES Páll páfi I
notaði hásætið í fyrsta
skipti í dag þegar hann
veitti almenna áheyrn og
um 15.000 gestir klöppuðu
honum lof í lófa.
Heimildir í Páfagarði
herma að páfi hafi sætt
sig við að nota hásætið
þar sem borizt hafi mikill
fjöldi bréfa þar sem hann
var beðinn að nota stólinn
svo að hann væri sýnileg-
ur mannfjöldanum.
Dularfullur
dauði útlaga
London. 13. september. Reuter. AP.
EKKJA húlgarska útvarpsmannsins og leikritahöfundarins Georgi
Markov sem lézt með dularfullum hætti 1' London á mánudaginn sagði f
viðtali í dag að hún væri í engum vafa um að hann hefði verið myrtur
vegna útvarpssendinga til Búlgarfu.
Dánarorsök kom ekki í ljós við
krufningu en sérfræðingar vinna
að framhaldsrannsókn á ástæðun-
um.
Annabel Markov kona hans
sagði i viðtalinu að full ástæða
væri til að ætla að einhver hefði
myrt hann vegna starfs hans.
Markov starfaði við erlendu deild-
ina hjá brezka útvarpinu BBC. Frú
Markov sagði að hann hefði haft
geysimarga áheyrendur í Búlgariu
þar sem hann hefði verið talinn
hættulegur óvinur vegna þess að
hann hefði nafngreint hjákonur
búlgarskra leiðtoga.
Ekkjan sagði að Markov hefði
óttazt um líf sitt allt frá því hann
flúði til Bretlands þegar hann var í
leyfi á Italíu 1969. Flótti hans
vakti mikla reiði og hneykslun í
Búlgaríu, meðal annars vegna þess
að hann var vinur forseta Búlga-
ríu, Todor Zhivkovs.
Áður Markov lézt sagði hann
vinum sínum að einhver hefði
rekið regnhlíf með eituroddi í
hann þegar hann gekk fram hjá
strætisvagnabiðstöð í London.
Hann sagði að maðurinn hefði
beðið fyrirgefningar og talað með
erlendum hreim.
„Hann hafði verið hræddur um
árabil. Nánir vinir hans stríddu
honum oft á því að hann væri með
ofsóknarbrjálæði. Núna vitum við
að hann hafði á réttu að standa."
Þetta geróist 14. september
1972 — Öldungadeiidin sam-
þykkir samning Rússa og
Bandaríkjamanna um takmörk-
un á fjölda kjarnorkuvopna í
fimm ár.
1958 — Fundur De Gaulles og
Adenauers.
1940 — Herskylda í Banda-
ríkjunum.
1923 — Primo de Rivera tekur
sér alræðisvald á Spáni.
1918 — Austurríkismenn bjóða
Bandamönnum frið.
1911 — Stolypin, forsætisráð-
herra Rússa, ráðinn af dögum.
1901 — Tedd.v Roosevelt verður
forseti eftir tilræðið við
McKiniey.
1864 — Japanir samþykkja
vopnahlé eftir árás flota Breta,
Frakka og Holiendinga í
Shi monoseki-sundi.
1854 — Landganga Banda-
manna í Krímstríðinu.
1847 — Scott hershöfðingi tekur
Mexíkóborg herskildi.
1829 — Samningurinn í Adrían-
ópel bindur enda á stríð Rússa
og Tyrkja.
1778 — Franklin sendur til
Frakklands sem sendiherra.
1774 — Don Kósakkar fram-
selja Pugaehov leiðtoga sinn
eftir misheppnaða uppreisn »
Austurríkismenn taka
Búkóvínu.
1321 — Andast Dante.
Afmæli dagsinsi Johann van
Oldenbarvenveldt, hollenzkur
stjórnmálaleiðtogi (1547 —
1619) = Luigi Cherubini, ítaiskt
tónskáld (1760-1842) = Alex-
ander von Humboldt, þýzkur
landkönnuður (1769—1859).
Innlenti F. Brynjólfur Sveins-
son biskup 1605 = F’lugvélin
„Geysir“ týnist 1950 = F. dr.
Sigurður Nordal 1886 — Sýslu-
maður Skaftfeilinga, Þórarinn
Öefjörd, ferst í jökulhlaupi 1
Kötlukvísl ásamt sr. Páli Ólafs-
syni og Benedikt skáldi Þórðar-
syni 1823 = F. Jökull Jakobsson
1933 = Piper Comanche-vél ferst
á Eyjafjallajökli 1975.
Orð dagsinsi Tuttugasta öldin
er aðeins sú nítjánda en talar
með dálitlum bandarískum
hreim, Philip Guedalla, enskur
sagnfræðingur (1889—1944).
„Því miður. Samkvæmt erfðaskránni hefur frændi ykkar ekki skilið
neitt verðmætt eftir — aðeins Bandaríkjadali."
Dollarinn féll
London, 13. september. Reuter. Bandaríkjadalur féll á erlendum gjaldeyris-
mörkuðum í dag, og er helzta ástæðan fyrir falli dalsins talin vera
skortur á vitneskju um gang mála á fundi Jimmy Carters
Bandaríkjaforseta með þeim Menachem Begin forsætisráðherra ísraels
og Anwar Sadat forseta Egyptalands í Camp David. Óvissan um gang
mála á fundinum í Camp David varð til þess að gull hækkaði verulega í
verði í dag.
Oswald virtist
dást að JFK
Washinfcton, 13. september Reuter
MARINA, ekkja Lee Harvey Oswald, sagði í dag nefnd fulltrúadeildar-
innar sem rannsakar morðið á John F. Kennedy að hann hefði virzt
dást að forsetanum og alltaf talað vel um hann.
Marina Oswald hefur aldrei
áður borið vitni opinberlega um
morðið á Kennedy 1963. Nefnd
fulltrúadeildarinnar rannsakar nú
ævi og skoðanir Oswalds sem
Warren-nefndin sagði að hefði
myrt Kennedy í Dallas og verið
einn að verki.
„Eg lærði það sem ég vissi um
Kennedy af Lee,“ sagði Marina
Oswald. „Hann talaði alltaf mjög
lofsamlega um forsetann og virtist
hreykinn af því hve ungur forseti
Bandaríkjanna var og hve mikið
aðdráttarafl hann hafði."
Oswald sýndi aldFei óvild í garð
mannsins sem hann var sakaður
um að myrða, sagði hún, og bætti
við: „Hann hafði ekkert nema gott
eitt um hann að segja.“
Hún sagði að þau hefðu sjaldan
rætt stjórnmál þau tvö ár sem þau
voru gift og aðspurð um skoðanir
hans þegar þau voru í Sovétríkjun-
um sagði hún: „Satt að segja veit
ég það ekki... ég hafði ekki áhuga
á stjórnmálum. En hún sagði að
nokkrum mánuðum eftir að þau
giftust í Minsk í apríl 1961 hefði
hann farið að kvarta yfir kaldri
veðráttu.
Að því er frú Oswald sagði
nefndinni voru nokkrir nágrannar
þeirra í Minsk starfsmenn leyni-
þjónustunnar MVD og hún kvaðst
hafa gert ráð fyrir að hlerunar-
tæki væru í íbúð þeirra og bréf
þeirra opnuð. Hún sagði að Oswald
hefði átt riffill og verið í veiði-
klúbb. Hann hefði orðið óánægður
þegar hann fékk ekki inngöngu í
sovézkan háskóla og hefði annars
kannski dvalizt lengur í Sovét-
ríkjunum.
Þegar Oswald kom til Banda-
ríkjanna virtist hann vonsvikinn
vegna þess að enginn blaðamaður
var á flugvellinum í New York.
Hún komst fyrst að því að Oswald
hygðist snúa aftur þegar hann
spurði hvort hún vildi koma með
sér ef hann færi frá Sovétríkjun-
um. „Þetta var ekki auðveld
ákvörðun fyrir mig . .. en ég sagði
honum að ég færi með honum
hvert sem hann færi,“ sagði hún.
En Oswald gerðist þunglyndur
nokkrum mánuðum eftir komuna
því að hann átti erfitt með að fá
vinnu.
Danir reikna
með Kínaflensu
NÝ TEGUND af Kína-flensu,
hefur stungið sér niður og reikna
Danir með að hún berist til
landsins, innan tíðar, að því er
Politikcn skýrir frá um helgina.
Bólusetningar hafa þó ekki verið
fyrirskipaðar enn sem komið er,
en stjórn Vestur-Þýzkalands
hefur nú þegar fyrirskipað bólu-
setningu við veikinni á hættu-
svæðum þar í landi.
Þessi tegund Kína-flenzunnar
gerði vart við sig fyrir 30 árum í
Evrópu, en þá tóku fjórir Svíar
veikina. Einkenni flensunnar eru
sótthiti, höfuðverkur, þróttleysi og
í alvarlegri tilfellum er hætt við
lungnabólgu. Framleiðsla bóluefn-
is vegna veikinnar er hafin í
Danmörku og verður fólk með
lungna- og hjartasjúkdóma eink-
um hvatt til að láta bólusetja sig.
Flensa stingur sér að jafnaði
niður í Danmörku um jólaleytið og
herjar fram í janúar og febrúar.
Sérfræðingar í Danmörku telja
ekki ástæðu til að óttast flensuna
neitt sérstaklega.
Mótmæla
æfingum
Sovéthers
Tókýó, 13. september. Reuter.
JAPANIR mótmæltu við ráða-
menn í Kreml í gær fyrirhuguðum
æfingum sovéska hersins undan
eyjunni Etorofu á Norður-Kyrra-
hafi. Japanir segja að hættusvæð-
ið, sem Sovétmenn hafi sjálfir
ákveðið, nái inn í landhelgi
eyjunnar. Japanir gera tilkall til
Etorofu og þriggja annarra eyja
rétt fyrir norðan Hokkaido, en
Sovétmenn tóku eyjarnar hernámi
við lok seinni heimsstyrjaldarinn-
ar.