Morgunblaðið - 14.09.1978, Page 39

MORGUNBLAÐIÐ, FIMMTUDAGUR 14. SEPTEMBER 1978
39
• Hálfdán Örlygsson átti góða spretti í leiknum í
gærkvöldi. Hér berst hann um knöttinn við aust-
ur-þýzkan leikmann.
Heitt í kolun-
um hjá Holbæk
STEFÁN Örn Sigurðsson hefur nú leikið tvo leiki með Holbæk og
staðið sig vel í þeim báðum. Leikir þessir eiga örugglega eftir að verða
honum lengi minnisstæðir því leikmenn Holbæk hafa í báðum þessum
leikjum fengið að sjá rauða spjaldið. í síðustu viku var markvörðurinn
Benno Larsen rekinn af v.elli í 4i3 sigurleik á móti Vanlöse. Á
sunnudaginn lék liðið á heimaveili á móti Lyngby og þá tók ekki betra
við. tveir leikmanna Holbæk voru reknir útaf og þrír leikmanna
liðsins fengu gula spjaldið. þeirra á meðai Stefán Örn Sigurðsson. Eigi
að síður náði liðið 1>1 jafntefli og verður að telja það vel af sér vikið.
Benno markvörður iiðsins átti snilldarleik og bjargaði öðru stiginu í
höfn.
Stefán Örn, sem í ár var meðal
markahæstu leikmanna 2. deildar,
leikur sem bakvörður hjá sínu
danska félagi. í blaðaviðtali ný-
lega segir Stefán að hann hafi
yfirleitt leikið sem varnarmaður
og honum líki bezt sem bakvörður.
í sumar hafi félag hans á íslandi
vantað sóknarmenn og því hafi
hann verið settur í framlínuna.
Knattspyrnan á íslandi er harðari
en í Danmörku, en hins vegar er
knattspyrnan hraðari hér í landi,
sagði Stefán Örn.
Herfölge, lið Atla Þórs Héðins-
sonar, hefur nú sex stiga forystu í
þriðju deildinni og ekkert virðist
geta komið í veg fyrir sigur liðsins
í deildinni. Liðið hefur aðeins
tapað tveimur af 21 leik sínum í
deildinni. Atli er meðal marka-
hæstu leikmanna þriðju deildar-
innar með 7 mörk. Áhorfendur að
leikjum þriðju deildar eru yfirleitt
á bilinu 200—500 og ekki fær
maður skilið hvernig hægt er að
reka atvinnuknattspyrnu með
slíkri aðsókn.
- áij.
Holbæk er nú um miðja 2.
deildina með 21 stig eftir 22 leiki,
en efstu liðin eru AaB og Ikast
með 30 og 29 stig. Neðsta liðið er
Brönshöj með 13 stig. Níu leikir
eru eftir í deildinni í ár.
Vejle hefur nú fimm stiga
forystu í 1. deildinni, með 33 stig
eftir 22 leiki. AGF er með 28 stig,
en þrjú eru jöfn með 27 stig, OB, B
1903 og Esbjerg. Nú er rætt um
þjálfara Vejle, Poul Erik Beck,
sem líklegan þjálfara áhuga-
mannalandsliðs Dana. Danir ætla
sér að komast í úrslit Ólympíuleik-
anna í Moskvu með áhugamenn
sína og ætti það að vera þeim
mögulegt því vitað er að margar
þjóðir V-Evrópu senda ekki lið til
ÓL-undankeppninnar. I neðsta
sæti 1. deildarinnar í Danmörku er
Köge með 13 stig. Þetta eina
áhugamannalið deildarinnar hefur
þó sótt mjög í sig veðrið að
undanförnu og Randers Freja er
aðeins með 2 stigum meira.
Þjálfari þess liðs er Pfeiffer, sem á
sínum tíma þjálfaði KR hér á
landi og síðar m.a. austurríska
liðið Eisenstadt, sem Hermann
Gunnarsson lék með.
VALSMENN
NÆR SIGRI
VALUR og F.C. Magdeburg gerðu jalntefli 1 — 1 á Laugardalsvellinum í gærkvöldi í Evrópukeppni
bikarhafa. Valsmenn voru íslenskri knattspyrnu til mikils sóma. þeir léku sinn besta ieik í sumar. og ekki
hefði verið ósanngjarnt að þeir hefðu gengið með sigur af hólmi í viðureigninni við hina þrautþjálfuðu
austur-þýsku atvinnumenn. Sýndu þeir aidrei neina minnimáttarkennd og léku á köflum mjög góða
knattspyrnu. A 55. mínútu leiksins áttu Valsmenn miiguleika á að ná forystu er Ingi Björn komst einn
innfyrir vörn Magdeburg. en markverðinum tókst að bjarga á síðustu stundu. Ekki er gott að segja hvernig
ieikurinn hefði endað ef Inga Birni hefði tekist að skora.
Lið Vals lék þennan leik mjög
skynsamlega og yfirvegað. Léku
þeir fyrri hálfleikinn frekar rólega
og vörðust vel. Var varnarleikur
þeirra góður, og öðru hverju brá
fyrir góðum skyndisóknum. Allan
ieikinn börðust Valsmenn af mikl-
um dugnaði, og ef einhver missti
mann innfyrir sig eða gerði mistök
var ávallt annar til staðar. Liðs-
samvinna eins og best verður á
kosið. Hafa Valsmenn bætt enn
einni rauðri rós í hnappagatið með
þessari glæsilegu frammistöðu
sinni í Evrópukeppninni.
Daufur fyrri hálfleikur
Fyrri hálfleikur í leiknum í
gærkvöldi var frekar rólegur af
hálfu beggja liða. Fyrstu 15
mínútur hálfleiksins var sem
leikmenn væru að þreifa fyrir sér
um styrk andstæðinganna. Var
boltinn látinn ganga rólega á milli
manna og enginn fór sér óðslega.
Það var fyrst á 5. mín. að
Valsmenn áttu sókn sem skapaði
tækifæri en markvörður Þjóðverja
var ekki i vandræðum með lausan
skalla frá Atla. Fyrsta tækifæri
Þjóðverjanna kom á 12. mín er
Jurgen Sparwasser átti gott skot
rétt utan vítateigsins en Sigurður
varði í horn. Sóttu liðin nú á víxl
án verulega hættulegra marktæki-
færa. Það var ekki fyrr en 22. mín.
leiksins að Valsmenn áttu gott
tækifæri er Guðmundur Þor-
björnsson fékk boltann inni í
vítateignum en hann slæddi hend-
inni í boltann og tækifærið rann út
í sandinn.
Á 25. mínútu fyrri hálfleiksins
sýndi Sigurður Haraldsson hvers
hann er megnugur, er hann
bjargaði meistaralega skoti af
stuttu færi frá Detlef Raugust,
tókst Sigurði að slá fast skot hans
yfir þverslána á síðasta augna-
bliki. Vörn Vals var vel á verði og
valdaði vel framlínumenn Magde-
burg og gaf þeim aldrei frið. Varð
það til þess að þeim tókst ekki að
skapa sér veruleg marktækifæri í
hálfleiknum. Valsmenn náðu góðu
upphlaupi á 39. mínútu sem endaði
með því að Albert renndi boltan-
um út til Hálfdáns sem skaut
þrumuskoti en markvörður
Magdeburg varði vel.
Valsmenn nær sigri
Síðari hálfleikur var mjög
fjörugur og líflegur frá fyrstu
mínútu til þeirrar síðustu. Á 55.
mínútu leiksins fékk Ingi Björn
góða sendingu og tókst að vippa
knettinum með tánni yfir varnar-
leikmann og komast einn inn fyrir
vörnina. Brunaði Ingi að markinu
og átti aðeins markvörðinn eftir. í
stað þess að reyna skot framhjá
markverðinum freistaði Ingi þess
að renna knettinum undir hann,
en hann var eldsnöggur út á móti,
kastaði sér niður og bjargaði vel.
Var sárgrætilegt að sjá þetta
stórgóða marktækifæri renna út í
sandinn því að ekki er gott að
segja hvernig leikurinn hefði
þróast ef Valur hefði náð forystu.
Það mátti og heyra miklar von-
brigðastunur frá áhorfendum sem
risið höfðu úr sætum af spenningi
er Inga mistókst.
Aðeins þrem mínútum síðar lék
lánið við leikmenn Magdeburg er
þeim Wolfang Steinback og
Joachim Streich tókst að prjóna
sig í gegn um vörn Vals með
laglegum samleik og rétt utan
markteigs skorar Streich óverj-
andi fyrir Sigurð markvörð.
Ekki var nein uppgjöf í Valslið-
inu þrátt fyrir markið. Þvert á
móti lifnaði enn frekar yfir liðinu
og á 64. mínútu munar aðeins
hársbreidd að Valur jafnaði þegar
einn af varnarmönnum Magde-
burg tókst að bjarga á línu, eftir
góðan skalla Atla Eðvaldssonar.
Þarna lék lánið svo sannarlega við
Magdeburg. Valsmenn fengu horn-
spyrnu skömmu síðar og Dýri náði
að skalla, en rétt yfir þverslá!
Valsmenn sóttu áfram og upp-
skáru eins og þeir sáðu. Á 69.
mínútu er dæmd vítaspyrna á
Magdeburg. Atli átti í höggi við
varnarmann inn í vítateig og fær
slæma bakhrindingu, og dómarinn
dæmdi umsvifalaust vítaspyrnu.
Er óhætt að fullyrða að taugar
allra áhorfenda voru þandar til
hins ýtrasta er Ingi Björn fyrirliði
Vals hljóp að knettinum. Skot
Inga var fast og hnitmiðað og
fögnuðu áhorfendur innilega þegar
boltinn þandi út netmöskvana.
Valsmenn höfðu jafnað leikinn.
Það sem eftir var leiksins skiptust
liðin á að sækja en hvorugu tókst
að skora. Valsmenn áttu tvö góð
marktækifæri. Það fyrra kom á 70.
mínútu og munaði þá minnstu að
Albert tækist að komast í gegn en
hann missti boltann of langt frá
sér á síðasta augnabliki. Og á 80.
mínútu fer boltinn rétt framhjá
stönginni eftir hörkugott skot
Guðmundar Þorbjörnssonar sem
brunað hafði upp völlinn og skotið
frá vítateigslínu.
Liðin
Allir leikmenn Vals eiga hrós
skilið fyrir þennan leik. Þó var
góður varnarleikur aðall liðsins.
Dýri, Sævar, og Grímur börðust
allir eins og ijón og gáfu hvergi
eftir. Þá áttu þeir Álbert Guö-
mundsson, Hörður Hilmarsson og
Ingi Björn allir stórleik, voru þeir
sívinnandi allan leikinn og
óhræddir við að fara í návígi við
hina sterku þýsku leikmenn. En
þegar á heildina er iitið er það
fyrst og fremst hin góða liðssam-
vinna sem skapaði þennan góða
árangur.
Lið FC Magdeburg er mjög vel
leikandi, og knattmeðferð leik-
manna er góð. Er undirritaður
sannfærður um að hin mikla
mótspyrna Vaismanna hafi komið
Magdeburg mjög á óvart og hafi
gert það að verkum að liðið náði
ekki að sýna sínar bestu hliðar.
þr.
Sigurlás undir
smásjánni í N-
frlandi í kvöld
□
□
Belfast 13. september
Frá Colin McAlpin. fréttaritara MorKunblaðsins
□
□
SIGURLÁS Þorleifsson verður mjög í sviðsljósinu annað kvöld. fimmtudag. er Vestmannaeyingar leika
síðari leik sinn við Glentoran í UEFA-keppninni hér í Belfast. Sigurlás gerði n-írsku varnarmönnunum
mjög erfitt fyrir í leik liðanna í Kópavogi á dögunum og var óheppinn að skora ekki. Fiskisagan flýgur
hratt ef fréttist um góðan leikmann og hróður Sigurláss hcfur borizt til Skotlands og Englands og vitað er
um nokkra njósnara frá brezkum liðum sem fylgjast munu með leiknum.
Sigurlás hefur sagt að hann hafi
mikinn áhuga á atvinnumennsku
og leikurinn annað kvöld getur
verið góður. stökkpallur fyrir hann
í atvinnumennskuna. — Sigurlás
hefur mikinn áhuga á að leika í
Bretlandi og góður leikur gæti
fært honum góðan samning, sagði
Skinner þjálfari IBV í samtali við
undirritaðan í dag. — Lið Glentor-
an átti í miklum erfiðleikum í
fyrri leik liðanna og við ætlum
okkur að gera þeim enn erfiðara
fyrir í seinni leiknum. Ég var
ánægður með mína menn í leikn-
um í Kópavogi, þ.e.a.s. með allt
nema mörkin. Ég vona að þau
komi á fimmtudagskvöldið og
maður eins og Sigurlás, sem ætti
þegar að hafa marga landsleiki að
baki, er ávallt skeinuhættur hverri
vörn, segir Skinner.
Ovíst er hvort Vestmannaeying-
ar géta stillt upp sínu sterkasta
liði, en Tómas Pálsson hefur átt
við meiðsli að stríða að undan-
förnu og Karl Sveinsson hefur enn
ekki náð sér fyllilega af meiðslum,
sem hann hlaut í síðasta leiknum í
1. deildinni. Meginhópur Vest-
mannaeyinganna kom hingað til
Belfast í morgun, en fimm leik-
mantia liðsins, sem ekki komust
með morgunvélinni, voru væntan-
legir í kvöld. í kvöld ætluðu
leikmenn ÍBV að sjá leik Linfield
og Lilleström frá Noregi í Evrópu-
keppninni, en taka síðan létta
æfingu í fyrramálið.
Tveir leikmenn Glentoran voru í
síðustu viku seldir til Derby
County, þeir Kaskey og Moreland.
Kaupverð þeirra nam 90 þúsund
pundum. Þeir leika þó með á móti
ÍBV, en það var sett sem skilyrði
við undirritun samningsins. Leik-
ur ÍBV og Glentoran hefst klukkan
18 að íslenzkum tíma.