Morgunblaðið - 14.10.1978, Blaðsíða 3

MORGUNBLAÐIÐ, LAUGARDAGUR 14. OKTÓBER 1978
3
„Frábær frammístaða
hjá Korchnoi”
r
Friðrik Olafsson og Ingi R. Jóhannsson segja álit sitt á
þróun heimsmeistaraeinvígisins í skák
MORGUNBLAÐIÐ sneri sér í gær til tveggja kunnra
skákmanna, og leitaði umsagnar þeirra á hinni óvæntu
stefnu sem heimsmeistaraeinvígið á Filippseyjum hefði
nú tekið eftir að Korchnoi hefur jafnað metin.
★ Karpov að láta
undan álaginu
„Það er ekki hægt að segja
annað en þetta er frábær
frammistaða hjá Korchnoi,"
sagði Ingi R. Jóhannsson
skákmaður, þegar Mbl. hafði
samband við hann. „Ég hef að
vísu ekki enn haft tíma til að
fara yfir þessa síðustu skák,
en ég sá aftur á móti í morgun
stöðumyndina í Mbl. og þó ég
væri ekki búinn að gera upp
hug minn hvort hún væri
unnin, sá ég það í hendi mér
að hún var snöggtum betri hjá
Korchnoi. Svona stöður eru
alltaf þess eðlis, að það þarf
mikið að skoða þær áður en
unnt er að kveða upp dóm yfir
þeim. Larsen hefur sett fram
ákveðna kenningu sem ég hef
dálítið gaman af að hampa, en
hann segir: „Ég held jafntefli
með peði undir í hróksenda-
tafli en ég vinn með peð yfir.“
Meginreglan í hróksendatafli
er þó sú að slík staða er
jafntefli, en þarna fór saman
að Korchnoi hafði betri kóngs-
stöðu og betri hróksstöðu og
meira rými á borðinu. Það
virðist hafa dugað honum.“
Um það bakslag sem Karpov
hefur orðið fyrir sagði Ingi að
mönnum virtist sem lyktir
þessa einvígis væri miklu
meira mál fyrir Karpov en
fyrir Korchnoi. „Karpov er
örugglega undir langtum
meiri pressu en Korchnoi, og
ég læt mér detta í hug að ef
Korchnoi sigrar þá muni
sovétstjórnin líta á það sem
meiriháttar áfall fyrir sig.
Maðurinn á konu og börn í
Sovétríkjunum og það er ekki
annað vitað en þau vilji fara
til hans og hann hefur óskað
eftir fararleyfi fyrir þau en
það hefur ekki gengið. Maður
ímyndar sér hins vegar að það
verði töluvert erfiðara að
standa gegn þessum óskum
KorchnoiSj þegar hann er
orðinn heimsmeistari. Allt
þetta spilar vafalaust inn í
einvígið og gerir Karpov vafa-
lítið lífið leitt,“ sagði Ingi.
★ Korchnoi erfiöur
pegarhann er
kominn í stuö
Friðrik Olafsson stórmeist-
ari sagði í samtali við Mbl. að
hann hefði reiknað með þess-
um úrslitum í þessari skák
„ — sérstaklega með tilliti til
þess hvernig Korchnoi hefur
unnið í síðustu skákunum þá
var ekki ástæða til að ætla að
Karpov stæðist honum snún-
ing í þessari stöðu.“
Friðrik sagði hins vegar um
einvígið í heild, að þróun þess
nú í síðustu umferðunum hefði
vérið ákaflega merkileg og
eiginlega ótrúleg, því að flestir
hefðu verið farnir að reikna
með því að það væri aðeins
tímaspursmál hvenær Karpov
innbyrti síðasta vinninginn,
þegar staðan var orðin 5:2.
„En það er alveg greinilegt, að
Karpov er farinn að lýjast
mjög og þegar menn eru
orðnir þreyttir þá sljóvgast
einbeitingin, menn verða eins
og kærulausir og rata ekki á
réttu leikina heldur leika eins
og í leiðslu," sagði Friðrik.
„Mér sýnist þetta greinilegt á
þessum síðustu skákum, sem
hann hefur tapað, því að undir
venjulegum kringumstæðum
hefði hann átt að halda þeim
ef einbeitingin hefði verið í
lagi. Miðað við taflmennskuna
í einvíginu þessa stundina er
þess vegna ekkert fráleitt að
spá Korchnoi sigri svo framar-
lega sem hann verður ekki of
bráður, en eins og menn
þekkja er hann býsna erfiður
viðureignar, þegar hann er
einu sinni kominn í stuð, líkt
og í einvíginu við Spassky þar
sem hann vann einvígið í
striklotu undir lokin.“
Fundur formanna
sjálfstæðisfé-
laganna í
Reykjavík
FUNDUR formanna sjálfstæðisfé-
laganna í Reykjavík verður hald-
inn á vegum fulltrúaráðsins í dag
klukkan 13:30 í Valhöll.
Ellert B. Schram formaður
fulltrúaráðsins sagði í samtali við
Mbl. í gær að á fundinum yrði rætt
um félagsleg og pólitísk verkefni
félaganna og samræmingu á starfi
þeirra. Birgir Isleifur Gunnarsson
borgarfulltrúi flytur ræðu um'
verkefni sjálfstæðisfélaganna nú
þegar Sjálfstæðisflokkurinn er í
stjórnarandstöðu.
Fundur um
verðlags-
mál blaðanna
„MENN skiptust á skoðunum á
þessum fundi. Ráðherrarnir
ræddu um hugsanlegar greiðslur
fyrir ýmsa þjónustu blaðanna við
stofnanir og almenning en við
bentum á að þær myndu ekki leysa
vanda blaðanna. Það er stefnt að
öðrum fundi í næstu viku,“ sagði
Haraldur Sveinsson, fram-
kvæmdastjóri Mbl. er blaðið
spurði hann í gær um fund
framkvæmdastjóra morgunblað-
anna og ráðherranna Svavars
Gestssonar, Ólafs Jóhannessonar
og Benedikts Gröndals um verð-
lagsmál blaðanna.
„Mér sýnist aðalatriðið vera að
verðákvörðunin verði tekin til
endurskoðunar," sagði Haraldur.
„Síðan getur vel verið að einhver
stuðningur komi til við þau blöð
sem verr eru stæð.“
Sjálfstæðisflokkurinn:
Ráðstefna Verka-
lýðsráðs á Hellu
RÁÐSTEFNA Verkalýðsráðs Sjálf-
stæðisflokksins hefst í dag í
Verkalýðshúsinu á IIcllu og lýkur á
morgun. sunnudag. Dagskrá ráð-
stefnunnar verður, að fjallað verð-
ur um Sjálfstæðisflokkinn og
verkalýðshreyfinguna, atvinnumál,
kjaramál og síðustu aðgerðir
stjórnvalda, vinstri stjórn og
skattamálin. en í ráðstefnulok
vcrða samþykktar ályktanir.
Ráðstefnan hefst í dag klukkan 14
með því að Gunnar Helgason,
. formaður Verkalýðsráðsins, setur
hana. Síðan hefjast framsöguræður
og flytja þeir Bjarni Jakobsson og
Pétur Sigurðsson ræður um Sjálf-
stæðisflokkinn og launþegasamtök-
in, þá flytja Kristján Ottósson og
Sigurður Óskarsson ræður um
atvinnumál, Hersir Oddsson og
Magnús L. Sveinsson flytja ræður
um kjaramálin og síðustu aðgerðir
stjórnvalda og loks flytur Guð-
mundur H. Garðarsson framsögu
um vinstri stjórn og skattamálin.
Á sunnudag starfa umræðuhópar,
en að loknum hádegisverði flytur
Geir Hallgrímsson, formaður Sjálf-
stæðisflokksins, ávarp. Þá skila
umræðuhópar áliti, umræður halda
áfram og ályktanir verða gerðar.
Emilía Samúelsdóttir
formaður Alþýðuflokks-
félags Reykjavíkur
EMILÍA Sigurðardóttir var kjör-
in formaður Alþýðuflokksfélags
Reykjavíkur á fimmtudagskvöld
Eyðilagði
bílinn á
ljósastaur
Akureyri, 13. október.
FÓLKSBÍLL gjörónýttist klukkan
eitt í nótt, þegar ökumanni hans
fipaðist á Hafnarstræti í grennd
við húsið númer 47, þannig að
bíllinn lenti á ljósastaur og felldi
hann um koll. Ökumaður var einn í
bílnum og meiddist ekkert að öðru
leyti en því að hann fékk smá-
skrámu á enni. Sv.P.
eftir að dregið var á milii hennar
og Braga Jósepssonar en þau
höfðu tvívcgis hlotið sama at-
kvæðamagn í formannskjörinu.
Meirihluti uppstillingarnefndar,
en formaður hennar var Vilmund-
ur Gylfason, samþykkti að bjóða
Braga fram sem formann, en
Emilía, sem gengdi formennsku í
félaginu eftir að Eggert G. Þor-
steinsson sagði af sér, ákvað að
bjóða sig fram á móti honum. v
Við fyrstu atkvæðagreiðslu
hlutu þau 94 atkvæði hvort og var
einn atkvæðaseðill auður. Önnur
atkvæðagreiðsla fór þannig að
hvor frambjóðandi hlaut 91 at-
kvæði og þrír seðlar voru auðir.
Björn Friðfinnsson fundarstjóri
lét þá draga um það úr höndum
Vilmundar Gylfasonar hvor fram-
bjóðandinn yrði formaður og kom
þá upp nafn Emilíu.
Sambandsverksmiðjurnar — Akureyri
VERKSMKMU-
ÚTSALAN
SLÆR ÖLL FYRRI ME
FRÁ GEFJUN
Ullarteppi Ullarefni
Teppabútar Sængurveraefni
Áklæöi Garn -
Gluggatjöld Margar geröir
Buxnaefni Loöband
Kjólaefni Lopi
FRÁ SKÓVERKSM.
IÐUNNI
Karlmannaskór Kventöflrf
Kvenskór Unglingaskór
FRÁ FATA-
VERKSM. HEKLU Fyrir dömur, herra og börn
Gallabuxur Anorakkar
Vinnubuxur Peysur
Smekkbuxur Sokkar
FRÁ HETTI
Fyrir dömur, herra og börn. Mokkalúffur Mokkahúfur

m

Opiö til
hádegis í dag.
ATH.
síðasti útsöludagur
Þriðjudagur.
SAMBANDSVERKSMIÐJURNAR
■ðnaðarmannahúsinu, Hallveigarstíg 1.