Morgunblaðið - 14.10.1978, Blaðsíða 5

MORGUNBLAÐIÐ, LAUGARDAGUR 14. OKTÓBER 1978
5
Norðmenn styrkia
iðnað sinn með Í1
milljörðum kr.
— segir Davíð Scheving Thorsteinsson
FUNDUR eínahags- og félags-
málanefndar EFTA fór nýlega
fram í Genf. en fyrir þeim íundi
lágu skýrslur einstakra EFTA-
landa um opinberar stuðningsað-
gerðir við iðnað. sem var aðaldag-
skrármál fundarins. í frétt frá
Félagi ísl. iðnrekenda sem birt
var í Mbl. sl. föstudag kom fram
að styrktar- og stuðningsaðgerðir
sumra EFTA-landa við iðnað
væru orðnar mjög miklar og svo
virtist í sumum tilvikum að þær
kölluðu á stöðugt auknar aðgerð-
ir og var þeim að því leyti líkt við
eiturlyfjaneyzlu. þar sem
neytandinn þar stöðugt stærri
skammta.
Davíð Scheving Thorsteinsson
og Haukur Björnsson sátu fund
þennan af Islands hálfu og ræddi
Mbl. við Davíð og spurðist nánar
fyrir um fundinn. Upphaf málsins
er að í október á liðnu ári vakti
Davíð máls á því á fundi í
ráðgjafanefnd EFTA að ýmsar
ríkisstjórnir sniðgengju frí-
verzlunarhugsjónina með styrkj-
um og væri því ekki lengur um að
ræða samkeppni fyrirtækja heldur
ríkisstjórna. Davíð sagði að máli
þessu hefði verið vísað tii Efna-
hags- og félagsmálanefndarinnar
og á fundi hennar 1.—3. marz sl.
hefði hann farið fram á að
rannsakað væri hvernig málum
þessum væri háttað og gerðar um
það skýrslur. EFTA-ráðið ýtti
undir að skýrslugerð þessi væri
gerð og var settur lokafrestur til 1.
júní, sem síðan varð að framlengja
til 1. júlí og aftur til 8. september,
en þá skyldi leggja fram sam-
ræmdar skýrslur og ræða þær.
— Við vorum búnir að fá þessar
skýrslur áður og athuga þær, sagði
Davíð Scheving og við vorum
óánægöir með þær margar, töldum
að mikið vantaði á að þær skýrðu
nægilega frá því hvernig málum
væri háttað. Má sem dæmi nefna
að sænska skýrslan er aðeins 3
blaðsíður, en til er bók sem greinir
frá sænskum stvrkjum til iðnaðar
og er hún 104 blaðsíður!
— Eftir geysimiklar umræður
fengust þó töluverðar viðbótaupp-
lýsingar og var knúið fram að
Ijúka á málinu í febrúar n.k. Hefur
Island haft svo langt sem það nær
fullan sigur í þessu máli. Sviss var
eina landið sem studdi okkur að
fullu og lét fulltrúi ríkisstjórnar-
innar bóka að hann væri sammála
hverju orði sem ísland hefði lagt
til málanna varðandi þessi atriði.
Nú stendur ekki lengur staðhæfing
gegn staðhæfingu um opinbera
styrktar- og stuðningsaðgerðir.
Það er nú skjalfest að stuðnings-
aðgerðir eru vissulega fyrir hendi í
fjölmörgum löndum. Nemur sá
stuðningur t.d. um 11 milljörðum
króna á þessu ári í Noregi en
miklum mun meira í Svíþjóð.
Davíð Scheving Thorsteinsson
sagði að lokum að þessir fundir
hefðu verið þeir erfiðustu sem
hann hefði setið, Island hefði í
byrjun haft alla uppi á móti sér og
verið eina landið sem ræddi um að
virða yrði fríverzlunarhugsjónina
svo í orði sem á borði. Hann
sagðist eiga von á erfiðum um-
ræðum í febrúar þegar ljúka á
skýrslu nefndarinnar og ályktanir
dregnar af þeim staðreyndum sem
fyrir Iiggja. Myndu deilurnar
vafalaust mest snúast um í hve
miklum mæli styrktar- og
stuðningsaðgerðirnar skekktu
samkeppnisaðstöðuna, en deilun-
um um stuðningsaðgerðirnar
sjálfar ætti að vera lokið.
Trimmkeppni milli
Keflavikur og vinar-
bæja á sunnudaginn
Á UNDANFÖRNUM árum hafa
samskipti vinabæja á Norðurlönd-
um farið vaxandi og hafa æ fleiri
þættir komið til sögunnar. Stærstur
hefur verið sá þáttur. að forystu-
menn sveitarfélaga hafa hist annað
veifið og rætt sameiginleg áhuga-
mál. Þar ber hæst hin svokölluðu
Vinabæjamót. en einmitt nú í sumar
var eitt slíkt haldið hér í Keflavík.
Á mótinu gafst þátttakendum
kostur á að kynnast lífi og störfum
íbúa bæjarins. þar sem þeir gistu á
heimilum bæjarbúa þann tíma sem
mótið stóð yfir.
Vaxandi þáttur í samstarfinu
hefur verið ýmiss konar íþrótta-
starfsemi. Á 2ja ára fresti fer fram í
Hjörring íþróttamót, og hefur Kefla-
vík sent þangað undanfarin ár 4. fl. í
knattspyrnu. Næsta ár verður aukið
við og nokkrir ungir körfuknattleiks-
menn einnig sendir. Á síðasta ári fór
fram trimmkeppni milli Trollhátten
og Kristiensand og varð þátttaka
mikil. í ár var ákveðið að gera
keppnina meiri og bjóða öllum
vinabæjunum að vera með. Því er
það, að það verður á sunniidaginn 15.
okt. n.k. að Trimm-landskeppni fer
fram á milli vinabæja Keflavíkur, en
þeir eru:
Hjörring Danmörk
Kristiansand Noregi
Trollháttan Svíþjóð
Kerava Finnlandi
Hver bær fyrir sig ákveður í
hverju verður trimmað og hefur
verið ákveðið hér í Keflavík að
eftirfarandi greinar verði á dagskrá:
Hlaup — skokk — ganga 2500 m
Hjól 5000 m
Sund 200 m
Golf 9 holur
Sundlaug Keflavíkur verður opin
frá kl. 9—16 og verður aðgangur
ókeypis allan daginn. Ungmennafé-
lag Keflavíkur mun sjá um skrán-
ingu þátttakenda þar. Golfvöllurinn
í Leiru verður öllum opinn á milli kl.
10—16. Golfklúbbur Suðurnesja mun
sjá um þá hlið. Þeir sem ætla að
skokka eða hjóla munu leggja af stað
við Barnaskólann. Þar mun Iþrótta-
félag Keflavíkur og Knattspyrnufé-
lag Keflavíkur sjá um að skrá
þátttakendur. Hjólað jft^ur sem leið
liggur frá skólanun.á Garðveg
áleiðis að golfvellinum, en þegar 2,5
km. hefur verið náð, þá er snúið við
og hjólað sömu leið til baka. Þeir
sem skokka, hlaupa eða ganga, munu
fara upp Tjarnargötu, Þverholt,
Baugholt. Þar verður beygt niður
Skólaveg og inná Suðurgötu að
hliðinu á Skrúðgarðinum. I skrúð-
garðinum verður hlaupinn einn
hringur, en markið er í hliðinu gegnt
skólanum.
Að lokinni þátttöku geta menn
keypt merki dagsins. Merkið verður
af trimmkarlinum og áletruninni 15.
okt. 1978. Mun merkið kosta 100 kr.
I grunnskóla Keflavíkur mun verða
keppni milli bekkja um að ná 100%
þátttöku. Munú þeir bekkir sem því
ná fá sérstka viðurkenningu frá
Keflavíkurbæ.
Undirbúningsnefnd Trimmdagsins
vill leggja áherslu á það, að sem
flestir bæjarbúar taki þátt í íþrótt-
um dagsins. Allir eiga að geta fundið
grein við sitt hæfi. Nefndin mun sjá
svo um, að veita þeim aðstoð, sem
eru í hjólastólum og vilja taka þátt.
Sími í barnaskólanum er 1450 og
geta allir hringt þangað, bæði til að
fá upplýsingar og aðstoð. Rétt er að
benda á, að hér gefst ágætt tækifæri
til að drífa alla fjölskylduna af stað
og leggja í sameiningu Keflavík lið.
(Fréttatilkynning).
Sjö þingmenn Alþýðuflokks:
Leggja til að kosninga-
réttur miðist við 18 ár
SJÖ þingmenn Alþýðuflokksins
lögðu í gær fram á Alþingi
frumvarp til stjórnskipunarlaga
um breytingu á stjórnarskrá
lýðveldisins Islands 17. júní 1911
þar sem gert er ráð fyrir að
kosningaréttur til Alþingis verði
færður niður í 18 ár úr 21 ári.
Það eru þingniennirnir Gunn-
laugur Stefánsson, Sighvatur
Björgvinsson, Finnur Torfi
Stefánsson, Vilmundur Gylfason,
Árni Gunnarsson, Eiður Guðnason
og Jóhanna Sigurðardóttir sem
bera tillöguna fram og er þar
miðað við að 33. gr. stjórnarskrár-
innar orðist svo:
Kosningarétt við kosningar til
Alþingis hafa allir, karlar og
konur, sem verða 18 ára á því ári
sem kosning fer fram, eða eldri,
hafa íslenzkan ríkisborgararétt og
eiga lögheimili hér á landi. Þó
getur enginn átt kosningarétt
nema hann hafi óflekkað mannorð
og sé eigi sviptur lögræði.
í greinargerð með frumvarpinu
er sagt að 18 ára kosningaaldur
eigi stöðugt meira fylgi að fagna í
landinu, en frumvarp á Alþingi
árið 1965 um 18 ára kosningaaldur
hafi ekki náð fram aö ganga. Er
vitnað til þess að í greinargerðinni
að prófkjör stjórnmálaflokkanna
hafi yfirleitt miðað við 18 ára
aldur og bent er á að miðað sé við
18 ár í Svíþjóð, Finnlandi,
Stóra-Bretlandi, írlandi, Portúgal,
Frakklandi, Hoílandi, Aust-
ur-Þýzkalandi, Vestur-Þýzkalandi,
Italíu, Júgóslavíu, Albantu,
Búlgaríu, Rúmeníu, Ungverja-
landi, Tékkóslóvakíu, Póllandi,
Sovétríkjunum, Danmörku og
Luxemburg.
seljum
• Gluggatjaldaefni og húsgagnaáklæöi úr bómull og
ull — 450 tegundir
• Kókos- og sísalgólfteppi — 25 tegundir.
• Leöursófa og stóla — húsgögn í samkomusali og
fundaherbergi — sérhönnuö húsgögn handa öldruðum.
Viö leggjum sérstaka áherslu á vandaöar og vel hannaöar vörur úr
náttúruefnum, sem endast vel og vinna á meö aldrinum. Vörur, sem
menn geta veriö stoltir af aö hafa á heimili sínu.
epol
V/Laugalæk Reykjavíh
V/Laugalæk Reykjavík — sími 36677
Opið mánudaga — föstudaga frá kl. 14—18.
laugardögum kl. 10—12.