Morgunblaðið - 14.10.1978, Blaðsíða 31
MORGUNBLAÐIÐ, LAUGARDAGUR 14. OKTÓBER 1978
31
UM þessar mundir fara
frímerkjasafnarar að sinna
tómstundaiðju sinni eftir
sumarleyfi og önnur störf. Ekki
er annað að sjá en þeir fari mjög
vel af stað, því að margt hefur
gerzt á síðustu vikum. Bendir
það eindregið til þess, að vetrar-
starfið verði blómlegt meðal
þeirra. Félag frímerkjasafnara
hélt fyrsta fund sinn 14. sept. sl.
og næsti fundur verður 19. þ.m.
Ef að líkum lætur, mun þar
hvorki skorta umræðuefni né
margs konar frímerkjaefni til
skoðunar og skipta.
Frímerkjauppboð
Síðastliðinn laugardag hélt
Hlekkur sf. frímerkjauppboð, og
var það með líku sniði og fyrsta
uppboð fyrirtækisins í maí sl.
Hér í þessum þætti var þá gerð
rækileg grein fyrir þessu nýja
uppboðsfyrirtæki og eins
uppboði þess, svo sem lesendur
þáttanna muna vel. Þetta
síðasta uppboð var mjög fjöl-
skrúðugt að efni, svo sem sjá
mátti í vandaðri uppboðsskrá.
Skráin kom út með góðum
fyrirvara, svo að safnarar utan
Reykjavíkur og þá ekki sízt
erlendis áttu auðvelt með að
senda boð sín skriflega. Var og
vel ljóst af byrjunarboðum, sem
hækkuðu oft verulega frá lág-
marksboðum við skriflegu
boðin, að áhugi safnara var
mikill á nær öllu íslenzka
efninu. Ekki er hægt að greina
nákvæmlega frá niðurstöðum
uppboðsins hér í þættinum, en
benda má á, að fyrirtækið lætur
prenta sérstaklega niðurstöðu-
tölur uppboða sinna. Á þann
hátt er allur samanburður við
lágmarksverð skránna og eins
verðlista auðveldur. Gefur auga
leið, að margan lærdóm má
draga af þeim samanburði.
Eins og við mátti búast,
fékkst hæst verð fyrir ónotaða
og óhengslaða seríu af Hópflugi
ítala 1933. Lágmarkið var 150
þús. kr, en byrjað var í salnum á
185 þúsundum. Merkin voru
síðan slegin einum uppboðs-
gesta fyrir 225 þúsund — eða
með söluskatti 270 þúsund
krónur. Hygg ég það vera eitt
hæsta verð, sem fengizt hefur til
þessa hér á landi fyrir eitt boð,
þegar undan er skilin fjórblokk
þessara sömu frímerkja, sem
seld var í fyrra á uppboði Félags
frímerkjasafnara. Þessari seríu
fylgdi einnig vottorð Grönlunds.
Önnur Hópflugs-sería fór á
snöggtum lægra verði — eða 155
þúsund fyrir utan söluskatt.
Ástæðan fyrir þessum mun var
vafalaust sú, að hér var um
hengsluð merki að ræða og án
vottorðs um, að yfírprentun
þeirra væri ófölsuð. Af þessu má
sjá, hvað menn vilja leggja í
sölurnar fyrir þessi atriði.
Eins og áður á uppboðum var
eftirspurn eftir heilum um-
slögum með frímerkjum á mjög
mikil. Hér var hversdagsbréf
með 10 aura frímerki frá því
fyrir aldamót virt á 36 þús. til
lágmarksboðs. Hins vegar barst
skriflegt boð, trúlega erlendis
f á, sem hækkaði boðið strax
upp í 135 þúsund. Býst ég við, að
fleiri en ég hafi fallið í stafi yfir
þessari hressilegu hækkun.
Engu að síður fór svo, að
umslagið hafnaði eftir snarpa
keppni milli tveggja aðila hjá
innlendum safnara fyrir 160
þúsund — eða 192 þúsund með
söluskattinum illræmda og
ósanngjarna gagnvart innlend-
um söfnurum. Vafalaust hefur
það stuðlað að þessu háa verði,
að bréfið var stimplað á ísafirði
og svo með kórónustimpli bréf-
hirðingarinnar á Mýrum í Dýra-
firði. Sá stimpill einn er metinn
á 900 sænskar krónur í Facit
1978/79 á stöku frímerki.*Og
hvað mundi þá á heilu bréfi?
Þegar þetta er haft í huga, er
svo sem spurning, hvort ástæða
er til að býsnast yfir þessu boði.
Framboðið getur aldrei orðið
nema örlítið brot upp í eftir-
spurnina.
Næsthæsta verð fékkst svo
fyrir þjónustubréf frá 1939 eða
84 þús. Tvöfaldaðist hér lág-
marksverð fyrirtækisins, en
þjónustubréf eru líka ekki á
hverju strái, jafnvel ekki frá
síðustu árum slíkra bréfa. Mörg
önnur bréf seldust verulega yfir
lágmarksverði. Allt ber þetta
vitni um vaxandi eftirspurn
safnara eftir þessu efni.
Frfmerkí
eftir JÓN AÐAL-
STEIN JÓNSSON
Um spjaldbréf er sömu sögu
að segja. Verð þeirra fer greini-
lega hækkandi á uppboðum. T.d.
var bréfspjald frá 1886 metið á 7
þús., en slegið á 24 þúsund. En
hér voru líka skemmtilegir
stimplar til að lyfta undir boðin.
Hætt er við, að viðtakanda
bréfsins, sem var sr. Magnús
Helgason, síðar skólastjóri
Kennaraskólans, hefði óað við
þessari tölu fyrir 90 árum, en þá
var nú krónan króna, en ekki
álkrónan okkar. Engu að síður
er verðið hátt, því að það er
hærra en listaverðið í Facit, sem
er 300 sænskar krónur eða um
22 þús. íslenzkar. Hér hafa sem
sé stimplarnir haft sín áhrif,
eins og ég gat um áðan.
Sannleikurinn er einnig sá, að
áhugi á margvíslegum stimplum
virðist enn fara vaxandi meðal
safnara. Mátti sjá þess glögg
merki í boðum í allmarga
stimpla, t.d. kórónustimpla. Ef
þeir eru sæmilega læsilegir á
merkjunum — að ég tali ekki
um nokkurn veginn heilir, fara
þeir hátt og langt upp fyrir
lágmarksboðin. Sem dæmi má
nefna, að FOSSVOlLUR(UR)var
metinn á 8500 kr. , en var
sleginn á 18 þús. Annar stimpill
frá sömu bréfhirðingu var
virtur á hið sama til boðs, enda
þótt lítið sæist af nafninu á
merkinu. Raunin varð líka sú, að
enginn bauð í hann. Mestur
munur varð þó á kórónustimpli
frá HRAUNI, sem sást allur
mjög vel. Þar meira en þrefald-
aðist lágmarksboðið. Svipaða
sögu er einnig að segja af
svonefndum tölustimplum, og er
þarflaust að rekja hana nánar
hér.
Mörg stök frímerki fóru
einnig við góðu verði. Skildinga-
frímerki, sem líta vel út, eru
alltaf eftirsótt. Hæst verð
fékkst fyrir 4 sk. merki (gróf-
takkað) eða 86 þús. Næst í röð
var svo 16 sk. merki (fíntakkað),
en það var slegið á 78 þús. Hér
bætist söluskattur við. Þessi
merki eru vissulega með
fáséðari skildingamerkjunum,
en það stafar af tökkun þeirra,
svo sem safnarar vita mætavel.
Þá var töluvert af góðum og
sjaldséðum fjórblokkum á upp-
hoðinu. Enda þótt lágmarksverð
þeirra sumra væri allhátt í
krónutölu, verður ekki sagt, að
það hafi verið ósanngjarnt.
Þrátt fyrir það fór svo, að áhugi
manna virtist daufur á dýrari
fjórblokkum og yfirboö mjög
dræm. Segir mér því svo hugur
um, að eftirsóknin fari þverr-
andi eftir fjórblokkum — a.m.k.
um sinn.
Nokkuð kom mér á óvart,
hversu hátt var boðið í nokkrar
arkir ónotaðra nterkja frá árun-
um 1960—66 og raunar í fjór-
blokkir frá þessum tíma og allt
til 1976. Hér held ég að uppboðs-
gestir sumir hverjir hafi sótt
nokkuð fast á, því að áreiðan-
lega hafa frímerkjakaupmenn
selt sumt af þessu fyrir mun
lægra verð. „Kapp er bezt með
forsjá“ í þessum efnurn sem
öðrurn.
Allmikið af erlendu efni var á
uppboðinu, en það virtist ekki
eiga vinsældum að fagna, því að
mikill hluti þess gekk aftur inn.
Þó var sú undantekning á, að
allt, sem grænlenzkt var, seldist
og flest til muna betur en
lágmarksverðið var. Þá rann
færeyska efnið nijög vel út.
Þar sem deyfð var yfir mönn-
um gagnvart erlendu efni, má
svo sem búast við að eitthvað
dragi úr framboði þess á næstu
uppboðum. Er það að mínum
dórni óheppilegt, því að uppboð
ættu einmitt að vera sá vett-
vangur, þar sem auðvelt væri að
losa sig við frímerkjaefni, sem
menn ættu umfram eða þá,
þegar þeir hætta að safna
einhverju landi eða mótífi. Ef
þessi markaður bregzt, er hætta
á, að margt gott erlent efni liggi
bara óhreyft í hillum og kössum
manna og komist ekki í hendur
þeirra, sem vilja safna því.
Um framkvæmd uppboðsins
er allt hið bezta að segja, og
boðin gengu greitt, en þó heldur
hægar að mér fannst — en í
vor. Tel ég það samt til bóta.
Kaffihlé var gefið að þessu
sinni, svo að menn gátu rétt úr
sér um leið. Þetta hlé reyndist
vissulega nauðsynlegt, því að
uppboðsnúmer voru 521. Er
ógerlegt að bjóða svo mörg boð í
einni lotu. Margir voru sam-
dóma mér um það, að þetta
hefði verið of stórt uppboð og
alveg væri yfrið nóg að hafa 400
boð á einu uppboði. Uppboðið
hófst kl. 13.30 og lauk um kl. 18.
Hlekkur sf. hefur auglýst
þriðja uppboð sitt 2. febrúar
n.k., og mun nægjanlegt efni
þegar hafa borizt á það.
Áður en það uppboð verður
haldið, verður Félag frimerkja-
safnara ,búið að halda haustupp-
boð sitt. Það verður í ráðstefnu-
sal Hótels Loftleiða 18. nóvem-
ber. Hefur nijög vönduð upp-
boðsskrá verið send á
markaðinn, og kennir þar
margra grasa. Frá henni verður
sagt í næsta þætti ásamt ýmsu
öðru, væntanlega að viku
liðinni.
Brldge
Umsjón: ARNÓR
RAGNARSSON
Bridgefélag
Reykjavíkur
Sl. þriðjudag var keppni
framhaldiö. Að loknum 1 um-
ferðum í hraðkeppni sveita
(rnonrad). er staða efstu sveita
þessi:
Sveit stig
Þórarins Sigþórssonar 64
Björns Eysteinssonar 56
Magnúsar Aspelund 50
Óðals 45
Helga Jónssonar 45
Guðbránds Sigurbergssonar 45
Estherar Jakobsdóttur 45
Herntanns Lárussonar 42
Keppni lýkur næsta miðviku-
dag. Næsta keppni félagsins er
„Butler“-tvímenningskeppni,
riðlafyrirkomulag. Nánar síðar.
Bridgefélag
Breiðholts
Síðastliðinn þriðjudag var
spilaður eins kviilds tvímenn-
ingur og mættu 1 1 pör til leiks.
Röð efstu para:
Jósep og Einar 223
Friðrik og Hreinn 197
Guðbjörg og Jón 171
Sveinn og Tryggvi 166
Meðalárangur 156
Árangur Jóseps og Einars er
nijög góður og er skorin 71,5'/ .
Næsta keppni félagsins
verður þriggja kvölda
tvímenningur. Spilað er í húsi
Kjöts og fisks í Seljahverfi og
hefst keppnin klukkan 20 stund-
víslega. Allir eru velkomnir.
Bridgfélagið
Ásarnir,
Kópavogi
Aðalfundur félagsins starfs-
árið 1977 — 78 var haldinn sl.
sunnnudag. Kosin var ný
stjórn til eins árs. Er hún
þannig skipuð: Jón Baldursson
formaður. Ólafur Lárusson
ritari. Jón Páll Sigurjónsson
gjaldkeri. Siguröur Sigurjóns-
son varaformaður og Erla
Sigurjónsdóttir m.stj.
Á þing Bridgesantbands Is-
lands voru kjörnir: Jón Baldurs-
son og Ólafur Lárusson. Til
vara: Jón Hilmarsson og Guð-
brandur Sigurbergsson. I stjórn
Reykjaness-sambandsins var
kjörin frá Ásunum Erla Sigur-
jónsdóttir.
Frá spilakvöldi hjá Bridgefé-
lagi Kópavogs. Kristmundur
llalldórsson er í þungum þiink-
um og þá er oft gott að grípa til
pípunnar.
Fjörugar umræður urðu á
fundinum, sem var slælega
sóttur af félagsmönnum, að
venju. Ásarnir voru stofnaðir
1969—1970, þannig að þetta er
10. starfsár félagsins. Jón
Baldursson er 6. formaður
félagsins, en fyrsti formaður
þess var Þorsteinn I. Jónsson fv.
skólastjóri.
Sl. mánudag hófst svo Butl-
er-tvímenningskeppni með þátt-
töku alls 24 para. Staða efstu
para eftir 8 umferðir (af 23):
stig
Páll Valdimarsson
— Vigfús Pálsson 50
Ásmundur Pálsson
— Þórarinn Sigþórsson 42
Guðmundur Páll Arnarson
— ligill Guðjohnsen 37
Kristmann Guðmundsson
— Þórður Sigurðsson 32
Jón Páll Sigurjónsson
— Ilrólfur Hjaltason 31
Sigurður Sverrisson
— Valur Sigurðsson 22
Jón Baldursson
— Sverrir Ármannsson 22
Jón Hilmarsson
— Oddur Hjaltason 18
Næsta mánudag hefst keppni
kl. 19.30 sökum tímaleysis í
keppni þessari. Spilarar eru
beðnir um að mæta tímanlega.
Keppnisstjóri er Hermann
Lárusson. Spilað er í Félags-
heimili Kópavogs.
Sigurður Hákonarson danskennari (annar frá hægri) er
hér með félögum sínum, en myndin er tekin hjá Ipswich
School of Dancing og segir í frétt frá skóla þessum að
Sigurður hafi komið þangað með Níels Einarsson (lengst
til vinstri) og Rakel Guðmundsdóttur (f. miðju) þar sem
þau hafi tekið danskennarapróf, og segir Olga E. Wilmot
(önnur frá vinstri) að þau hafi staðið sig mjög vel þótt
prófið hafi verið erfitt. Lengst til hægri er Anna María
Guðnadóttir, sem einnig tók prófið.