Morgunblaðið - 14.10.1978, Blaðsíða 39

MORGUNBLAÐIÐ, LAUGARDAGUR 14. OKTÓBER 1978
39
• Jón Jörundsson ÍR í baráttu
undir körfunni við erkiféndurna í
KR.
• Dirk Dunbar ÍS> Án efa
ieiknastur körfuknattleiksmanna
hér.
• Geir Þorsteinsson UMFNi Tel-
ur. að ef þetta verði ekki Njarð-
víkurár þá komi það aldrei.
• Kristján Ágústsson Vaii
Finnst Valsliðið betra en í fyrra,
en býst við jafnri og spennandi
keppni.
• Gunnar Jóakimsson KRi
„KR-ingar eru staðráðnir í að
haida fast í fslandsmeistarabik-
arinn.“
• Þröstur Guðjónsson, Þór, kveð-
ur Þórsara bjartsýna að vanda.
en trúiega verður róðurinn erfið-
ur.
3 leikir í
úrvalsdeild
um helgina
EINS og fram kemur annars staðar á síðunni hefst
íslandsmótið í körfuknattleik í dag. Um helgina verða
leiknir þrír leikir í úrvalsdeild, kl. 14 í dag leika Valur
og Þór í íþróttahúsi Hagaskólans og á sama tíma mætast
UMFN og ÍR í Njarðvík. Á morgun, sunnudag, verður
síðasti leikur 1. umferðarinnar í íþróttahúsi Hagaskól*
ans, en þar mætast kl. 15.00 KR og IS.
Nýbakaðir Reykjavíkurmeistar-
ar Vals fá Þórsara í heimsókn í
sínum fyrsta leik og í fljótu bragði
virðast Valsmenn óneitanlega
sigurstranglegri. Hins vegar eru
Þórsarar svolítið spurningar-
merki, nokkrar mannabreytingar
hafa átt sér stað í liðinu frá því í
fyrravetur og má því alveg eins
búast við, að þeir veiti Valsmönn-
um harða keppni.
ÍR-ingar með Paul Stewart í
broddi fylkingar halda til Njarð-
víkur í dag og leika þar við
heimamenn kl. 14.00. Njarðvíking-
ar eiga örugglega eftir að verða
sterkir í vetur, en ÍR-ingar hafa
ekki náð sér á strik ennþá, hvað
sem síðar verður. Heimasigur er
því líklegri í dag í Njarðvík.
Islandsmeistarar KR hefja vörn
titilsins í Hagaskóla á morgun,
sunnudag kl. 15.00, e.r þeir mæta
IS. Leikir þessara liða hafa ávallt
verið mjög spennandi og má
fastlega gera ráð fyrir, að svo
verði einnig að þessu sinni.
Stúdentar hafa borið sigur úr
býtum í tveimur síðustu viðureign-
um liðanna og spurningin er hvort
þeim tekst það í þriðja sinn í röð.
ÚRVALSDEILDIN AFSTAÐ
íslandsmótið í körfuknattleik hefst í dag með keppni í
hinni nýstofnuðu úrvalsdeild, en sem flestum er kunnugt
leika í úrvalsdeildinni 6 lið, og er leikin f jórföld umferð.
Þau eru ÍR, ÍS, KR, UMFN, Valur og Þór. í tilefni þessa
leitaði Mbl. til nokkurra leikmanna í úrvalsdeild og
spjallaði við þá um komandi keppnistímabil.
Jón Jörundsson ÍR.
miklu af, en ég er mjög bjartsýnn.
Ég er viss um að það lið, sem
verður íslandsmeistari tapar 3—4
leikjum svo að keppnin verður
geysispennandi." Spá Jóns: 1. ÍR 2.
Valur 3. UMFN 4. KR 5. ÍS 6. Þór.
„Mér líst mjög vel á veturinn og
er bjartsýnn á að okkur gangi vei.
Okkur gekk illa í Reykjavíkurmót-
inu, en það hefur gerst áður en
ekki staðið í vegi fyrir góðum
árangri í Islandsmótinu. Við erum
með lið, sem ekki er búist við
Dirk Dunbar ÍSi
„Við höfum farið mjög rólega af
stað í vetur rétt eins og í fyrra, en
nú eru hlutirnir farnir að taka á
sig rétta mynd. Það eru að vísu
mörg lið sem standa betur að vígi
en við. Mörg þeirra hafa yfir meiri
hæfileikum að ráða, en reynsla
okkar manna mun vafalaust verða
okkur drjúg. Það er erfitt að spá
um sigurvegara þvi að framfarirn-
ar hafa verið miklar. Ég held að
við getum unnið en Valur, KR og
Njarðvík verði ansi erfið.“ Spá
Dunbars: 1,—4. sæti ÍS, KR, Valur
og Njarðvík 5. ÍR 6. Þór.
Kö rf u p u n kta r
... Stúdentar, sem taka þátt í
Evrópukeppni bikarhafa, eiga aö
leika viö lið Barcelona frá Spáni
eins og fram hefur komið.
Hyggjast þeir fá til liðs viö sig
einhvern Bandaríkjamann til
þess aö styrkja liðið og munu þá
tveir Bandaríkjamenn leika með
liðinu. Verður fróðlegt að sjá
hvernig stúdentum reiðir af, en
þeir halda til Spánar í lok
nóvember.
... John Johnson, þjálfari og
leikmaður Fram, hefur sem fleiri
ekki verið sáttur við frammi-
stöðu íslenskra dómara. Nú
hefur komið í Ijós að Johnson er
sjálfur með dómaragráður og
hefur dæmt leiki milli liða í
bandarísku deildinni, NBA.
Johnson hefur hins vegar ekki
fengið fast starf sem dómari þar
vestra vegna þess hve ungur
hann er. Johnson kveðst reiðu-
búinn að taka aö sér dómgæslu
í vetur og ættu dómarar okkar
aö taka leiðsögn hans fegins
hendi þar eð þeir hafa verið
ásakaöir aö vera u.þ.b. 15 ár á
eftir tímanum.
... í Ijós kom á blaöamanna-
fundi sem KKÍ hélt nú á dögun-
um, að ÍBR bannaöi körfuknatt-
leikshreyfingunni að afla fjár
með því aö setja upp auglýsing-
ar í þeim sölum þar sem keppt
er. Þykir KKÍ-mönnum þetta
undarleg afstaða þar sem knatt-
spyrnumönnum er heimilað að
auglýsa á Laugardalsvellinum.
Væri fróðlegt að heyra hver rök
ÍBR-menn færa fyrir þessu
banni.
... Öll félög, sem hafa innan
sinna vébanda minnibolta-deild,
ætla að verðlauna þá drengi,
sem mæta á æfingar, með því að
gefa þeim boðsmiða á leiki
úrvalsdeildarinnar. Þetta mun þó
aðeins gilda fyrir eina umferð í
einu.
... Breiðablik hefur nú dregiö
flokka sína út úr íslandsmótinu
og tekur Tindastóil sæti þeirra í
1. deild. Hefur þetta valdiö
nokkurri röskun á niðurrööun
leikja vetrarins, en 1. deildin
mun eiga að hefjast 28. október.
... KKI-menn kvarta sáran yfir
þeirri afgreiðslu sem þeir fá hjá
ÍBR. Segjast þeir hafa sent ÍBR
beiðni fyrir tímum í íþróttahúsi
Hagaskólans í byrjun júlí, en
svar ku ekki hafa borist fyrr en
19. september.
... 10 bandarískir leikmenn
munu leika með hinum ýmsu
liðum hér í vetur. Eru það
Ármann, Fram, ÍR, ÍS, Grindavík,
Valur, Vestmannaeyjar, KR,
Njarðvík og Þór, sem þessir
menn leika með, en 4 ár eru
síöan innflutningur leikmanna
var leyfður fyrst og léku þá þeir
Curtis Carter og Jimmy Rogers
með KR og Ármanni.
gíg.
Gunnar Jóakimsson KRi
„Mér líst mjög vel á úrvalsdeild-
ina og ég tel að hið nýja fyrir-
komulag eigi eftir að verða körfu-
knattleiknum hér á landi mjög til
framdráttar. Veturinn verður
mjög erfiður en jafnframt
skemmtilegur vegna þess hve
leikjum hefur fjölgað mikið og
þegar fram í sækir á breiddin í
liðunum eftir að hafa úrslitaáhrif.
Keppnin í úrvalsdeildinni verður
án efa mjög spennandi og við
KR-ingar erum staðráðnir í að
halda fast í íslandsmeistarabikar-
inn.“ Spá Gunnars: 1. KR, 2. Valur
3. UMFN, 4. ÍS, 5. ÍR, 6. Þór.
Geir Þorsteinsson UMFNi
Ég er í fáum orðum sagt mjög
bjartsýnn á það keppnistímabil
sem í hönd fer. Ef ekki næst
toppárangur í vetur næst hann
aldrei. Bandaríkjamaðurinn sem
með okkur leikur, hefur að mínu
mati unnið gott starf og uppfyllt
allar okkar björtustu vonir. Guð-
steinn Ingimarsson leikur nú með
okkur að nýju og er honum ætlaö
að fylla það skarð sem Kári
Marísson skildi eftir sig. Þetta
verður veturinn okkar, á því er
enginn vafi. Spá Geirs: UMFN,
KR, VALURj ÍS, ÍR, ÞÓR.
Kristján Ágústsson Val.
Ég er ekki í minnsta vafa um, að
hið nýja skipulag Islandsmótsins
komi til með að bæta kröfuknatt-
leikinn hér á landi. Fleiri leikir og
trúlega jafnari kalla á skemmti-
lega keppni. Valsliðið finnst mér
að mörgu leyti betra en í fyrra,
liðið leikur léttari körfuknattleik
og menn fá betur notið sín í
leiknum. Brottför Rick Hoeckenos
veikir liðið ekki eins og skýrt kom
frá í seinni hálfleik úrslitaleiksins,
gegn Fram á dögunum, en þá var
Tim Dwyer, nýi þjálfarinn okkar,
kominn útaf með 5 villur. Spá
Kristjáns: VALUR, UMFN, KR,
ÍS, ÍR, ÞÓR.
Þröstur Guðjónsson Þón
„Við Þórsarar erum bjartsýnir
að vanda og hlökkum til vetrarins
þó að við erfiða andstæðinga verði
eð etja. Við höfum æft á herjum
degi undanfarið og það er mjög
góður andi í liðinu. Okkur finnst
hins vegar slæmt að geta ekki
leikið neina leiki áður en Islands-
mótið hefst og vitum við því lítið
hvar við stöndum. Við höfum
fengið 3 nýja menn og breiddin í
liðinu mun meiri en í fyrra og
hefur það mikið að segja þegar
leikirnir eru orðnir svo margir
sem raun ber vitni. Keppnin
verður mjög jöfn og spennandi og
ég treysti mér alls ekki til að spá
um röð liðanna."
AG/gíg/GI.
Firmakeppni
í knattspyrnu innanhúss
hefst sunnudaginn 29. okt. í hinu nýja íþróttahúsi
Gerplu viö Skemmuveg í Kópavogi. Þátttaka tilkynnist
Gunnari í síma 23401 milli 13-17 og Smára í síma
43037 á kvöldin og um helgar fyrir 23. okt. n.k. I.K.