Morgunblaðið - 27.10.1978, Blaðsíða 19

MORGUNBLAÐIÐ, FÖSTUDAGUR 27. OKTÓBER 1978
19
Eiríkur Guðlaugssm frá
Meiöastöðimi - Minnmg
Fæddur 27. aprfl 1926.
Dáinn 19. október 1978.
Eiríkur Guðlaugsson er látinn,
hann varð bráðkvaddur að heimili
sínu, Hagaflöt 3 í Garðabæ, 19.
október síðastliðinn. Útför hans
fer fram í dag, föstudaginn 27.
október.
Eiríkur Guðlaugsson var fæddur
27. apríl 1926 að Meiðastöðum í
Garði, sonur hjónanna Bjargar
Erlendsdóttur og Guðlaugs Eiríks-
sonar útvegsbónda, sem látinn er
fyrir nokkrum árum. Eiríkur var
eldri sonur þeirra hjóna, Erlendur
yngri sonur þeirra býr að Meiða-
stöðum ásamt Björgu móður sinni,
sem nú lifir son sinn í hárri elli.
Eiríkur Guðlaugsson var tví-
kvæntur, með fyrri konu sinni átti
hann tvær dætur, Björgu og
Sigríði. Þau hjónin slitu sambúð
eftir skamman tíma. Báðar dæt-
urnar eru giftar. Björg á þrjú
börn, en Sigríður tvö. Með seinni
konu sinni, Aðalheiði Halldórs-
dóttur, hóf hann búskap 1952, áttu
þau fjögur börn, Hafdísi, Guðrúnu
Hafdísi, Guðlaug og Ástu Ellen.
Hafdís lést á fyrsta ári, en hin
börnin lifa föður sinn, Guðrún
Hafdís heitbundin og á eitt barn,
Guðlaugur og Ásta Ellen eru enn í
heimahúsum.
Þegar Guðlaugur faðir Eiríks
féll frá tók Eiríkur við atvinnu-
rekstri þeim er faðir hans hafði
um margra ára bil að Meiðastöð-
um, frystihús og fiskverkun. Þeim
rekstri heldur Eiríkur áfram þar
til að hann flytur með fjölskyldu
sinni í Garðabæ um 1972. í
Garðabæ starfaði hann við leigu-
bifreiðaakstur frá Bifreiðastöð
Hafnarfjarðar til dauðadags.
Þessi fáu orð um svila okkar eru
aðeins lítill þakklætisvottur um
samskipti okkar við hann í gegn-
um árin, sem við nutum samvistar
við hann án þess að nokkurn
skugga bar á. Eiríkur var hæglát-
ur maður og lét lítið á sér bera í
daglega lífinu. Dýravinur var
hann mikill. Einnig leið honum
illa ef einhver var sjúkur og fann
til með þeim sem bágt áttu. Að
loknum þessum fáu orðum vottum
við og fjölskyldur okkar eiginkonu,
móður, börnum og fjölskyldu hans
innilega samúð.
Guð blessi heimför hans.
Guðmundur og bórir.
Eiríkur Guðlaugsson varð
bráðkvaddur að heimili sínu
Hagaflöt 3 Garðabæ, 19. þessa
mánaðar.
Eiríkur var fæddur að Meiða-
stöðum í Garði. Foreldrar hans
voru hjónin Björg Erlendsdóttir
og Guðlaugur Eiriksson.
Eiríkur lætur eftir sig konu,
Aðalheiði Halldórsdóttur og fimm
börn á lífi en eitt dó í æsku.
Lengst af átti Eiríkur og fjöl-
skylda heima í Garðinum eða þar
til 1972 að fjölskyldan flyst að
Hagaflöt 3.
Eg sem þessar línur rita er varla
maður til að gera þessum minn-
ingarorðum skil sem vert væri.
I febrúar 1974 fær Eiríkur
atvinnuleyfi á Bílastöð Hafnar-
fjarðar og byrjaði hann að aka
leigubíl í Hafnarfirði og var í því
starfi þangað til kallið kom. Þessi
fjögurra og hálfs árs kynning er
mér minnisstæð á margan hátt,
hann var með stærri mönnum að
vallarsýn, ssamsvaraði sér vel,
kvikur í hreyfinguip og mikil reisn
yfir öllu hans fasi og látbragði,
ekki af því að hann væri að sýnast,
heldur meðfæddir persónutöfrar.
Skrifstofur vorar að Háaleitisbraut 68 verða
lokaðar í dag,
föstudaginn 27. október, frá kl. 14.00 vegna jarðarfarar
Sigurðar Árnasonar.
Landsvirkjun
Lokað
verður laugardaginn 28. okt. vegna jarðarfarar
ADOLFS KARLSSONAR
framkvæmdastjóra
Axel Ó. Lárusson,
Skóverslun, Laugavegi 11, Reykjavík.
Axel Ó. Lárusson,
Skóverslun, Vestmannaeyjum.
Eiríkur var einstakt prúðmenni
til orðs og athafna, ég held því
fram að ég geti sagt fyrir hönd
afgreiðslustúlknanna ekki síður en
bílstjóranna að vart mun hægt að
fá meira ljúfmenni að vinna með
og þá má ekki gleyma viðskipta-
vinunum, svona persónur laða þá
að stöðinni.
Það skal viðurkennast að sumir
mundu kalla alltaf á manninn og
allir séu góðir þegar horfnir eru af
sjónarsviðinu, en það á ekki við í
þessu tilfelli, því sú lýsing á Eiríki
að ytra útliti samsvarar hans innri
manni, því hann hafði stórt hjarta
og mikia sál, og tel ég mig hafa
kynnst hans innra manni og
honum sérstæðum, þar sé maður
alltaf höfðingja á ferð.
Ekki skal því gleymt að per-
sónulega á ég þeim hjónum, Eiríki
og Öllu, gott upp að unna, ekki
síðst á síðustu misserum og mun
þess minnst með þögn þegar orð
bregðast.
í dag verður Eiríkur til moldar
borinn, og fer útförin fram frá
Sarðakirkju kl. 10.30 fyrir hádegi,
og það munu margir fylgja þessum
góða dreng síðasta spölinn.
Öllu minni og börnunum er
huggun harmi gegn að Eiríkur
mat sitt heimili. Ef syrti í álinn
um sinn þá var litið á björtu
hliðarnar og brosað fram á veginn
af einlægni og heilum hug.
Konu börnum, aldraðri móður,
öllu tengdafólki, tengdabörnum,
barnabörnum og vinum votta ég
innilegustu samúð mína.
Kjartan Andrésson.
Hús Emils að
skóladagheimili?
BÆJARRÁÐ Hafnarfjarð-
ar hefur samþykkt að leggja
til við bæjarstjórnina að
bæjarstjóra verði heimilað
að festa kaup á fasteigninni
nr. 7 við Kirkjuveg en
kaupverð hennar er 32
milljónir og á útborgun að
verða allt að kr. 22 milljónir
sem greiðist á árinu 1979.
Kirkjuvegur 7 er hús Emils
Jónssonar fyrrum ráðherra, og að
sögn Árna Grétars Finssonar
bæjarráðsmanns er í ráði að nota
þetta hús sem skóladagheimili og
athvarf. Verður þetta fyrsta heim-
ilið sinnar tegundar í Hafnarfirði
ef af þessum kaupum verður.
íslenskt rúgkex
Rúgkex meó osti,
(t.d. kúmenosti).
Rúgkex meö smjöri.
Rúgkex með síld og eggi.
Rúgkex með kæfu.
KEXVERKSMIEXJAN FRÓN