Morgunblaðið - 27.10.1978, Blaðsíða 32
Verzlid
r í sérVerzlun með \
litasjónvörp óg hljómtœki.
(il.VSIMiAHÍMIVN' KR:
22480
Jílorflwiblntiiíi
FÖSTUDAGUR 27. OKTÓBER 1978
Sprengja við
rússneska
sendiráðið?
LÖGREGLAN var kvödd að rússneska sendiráðinu við Túngötu á
níunda tímanum í gærkvöldi. Torkennilegur hlutur hafði fundizt í
plastpoka við tröppur sendiráðsins og var jafnvel talið að þar væri um
einhvers konar sprengju að ræða. Rúdólf Axelsson sprengjusérfræð-
ingur kom á staðinn svo og menn frá Rannsóknarlögreglunni. Tóku
þeir plastpokann i sína vörzlu og rannsökuðu innihald hans nánar.
Morgunblaðið ræddi seint í gærkvöldi við þá bóri Oddsson,
vararannsóknarlögreglustjóra. og Bjarka Elíasson. yfirlögregluþjón í
Reykjavík, um þetta mál. Vörðust þeir allra frétta og kváðu rannsókn
málsins á frumstigi.
Rúdolf Axelsson, sprengjusérfræðingur, með plastpokann með hinum torkennilega hlut við sendiráðið
í gærkvöldi ásamt öðrum lögreglumönnum. (Ljósm. Mbl. Kristinn ólafsson).
Annar bílasali í
gæzluvarðhald
BÍLASALI einn í Reykjavík hefur verið hnepptur í gæzluvarðhald
grunaður um fjársvik í sambandi við bílaviðskipti. Er hér um nýtt mál að
ræða, óskylt máli því, scm var til rannsóknar á dögunum, enda á hér önnur
hílasala hlut að máli.
Kæra barst á umræddan mann, sem er hálffertugur að aldri.
Rannsóknarlögregla ríkisins hóf rannsókn málsins og leiddi hún til þess
að maðurinn var handtekinn á miðvikudaginn og eftir nokkrar
yfirheyrslur var hann úrskurðaður í allt að 27 daga gæzluvarðhald í
Sakadómi Reykjavíkur í gær.
Eftir því sem Mbl. kemst næst
munu þessi meintu svik mannsins
svipaðs eðlis og þau svik, sem hinn
bílasalinn var grunaður um, en mál
hans var nýlega til meðferðar hjá
Rannsóknarlögreglu ríkisins. Var sá
bílasali einnig hnepptur í gæzluvarð-
hald. Leikur grunur á því að sá
bílasali, sem nú situr inni, hafi
„platað" fólk til þess að selja bíla
sína á lægra verði en það raunveru-
lega gat fengið. Mun hann sjálfur
hafa verið kaupandinn í flestum
tilfellum en haft fyrir sig leppa, sem
voru kaupendur á pappírnum. Bif-
reiðarnar seldi hann síðar á hærra
verði að því er talið er og leikur
grunur á því að hann hafi á þennan
hátt hagnast töluvert á viðskiptun-
um.
Suðurnes:
Hafin er
500 milli.
bygg-
króna
mg
sorpeyðingarstöðvar
Varnarlidið leggur 250 milljónir í fyrirtækið
FYRIR rúmum mánuði var byrjað
að grafa fyrir grunni að sorp-
eyðingarstöð á Suðurnesjum. sem
fyrirhugað er að verði tekin í
notkun í ágústbyrjun á næsta ári.
Það eru sveitarfélögin á Suðurnesj-
um. sem standa að sorpeyðingar-
stöðinni. og eru alfarið eigendur
hennar. Aætlaður kostnaður við
vélar og byggingu stöðvarinnar
nemur um 500 milljónum króna.
Morgunblaðið hefur eftir áreiðan-
legum hcimildum að aðild Varnar-
liðsins á Keflavíkurflugvelli að
stöðinni sé veruleg og nemi allt að
250 milljónum króna. Sorp-
eyðingarstöðin er frönsk og talin
með því fullkomnasta sem völ er á
á markaðnum, hún brennir 3
tonnum á klukkustund og eyðir
jafnt olíuúrgangi sem öðru sorpi
þannig að aðeins 1—2% sorpsins
verða eftir í formi gjalls.
Morgunblaðið ræddi í gær við
Albert K. Sanders, bæjarstjóra í
Njarðvík og formann Samstarfs-
nefndar sveitarfélaga á Suðurnesj-
Fiskur
hækkar
RÍKISSTJÓRNIN staðíesti í
gær 5% meðaltalshækkun á
fiski til neytenda. Er hækkun
þessi í samræmi við nýlega
fiskverðshækkun. Ýsuflök.
sem vinsælust eru meðai neyt-
enda. hækka úr 558 í 590
krónur kílóið eða 5,7%.
um. Sagði hann m.a. að sveitar-
félögin hefðu sameinast um þessa
sorpeyðingarstöð til að leysa þann
vanda sem þau hefðu átt við að
glíma m.a. vegna vatnsbóla, en allt
sorp hefur verið grafið í jörð á
Suðurnesjum. — Við höfum í
rauninni lítinn áhuga á að leysa
okkar vanda hér niður frá ef engin
breyting verður á þessum málum
hjá Varnarliðinu, sagði Albert. —
Því hafa farið fram viðræður við
Varnarliðið um að það verði við-
skiptaaðili við stöðina. Gert er ráð
fyrir í þeim viðræðum, sem farið
hafa fram með vitund og vilja
Varnamálanefndar, að Bandaríkja-
mennirnir greiði ákveðið gjaid fyrir
þá þjónustu, sem þeir fá í stöðinni.
Stöðin verður stærri en hún þyrfti
að vera vegna sorps af Keflavíkur-
flugvelli.
— Kostnaður við hús og vélar
stöðvarinnar verður um 500
milljónir króna og gert er ráð fyrir
að sveitarfélögin greiði í hlutfalli
við stærð. í viðræðum að undan-
förnu hefur komið fram að ekki
væri óeðlilegt að Varnarliðið tæki
þátt í byggingarkostnaði og kaupum
á vélum, en þeir samningar eru ekki
frágengnir. Sveitarfélögin hafa
fengið fyrirgreiðslu erlendis frá í
gegnum Landsbankann og Seðla-
bankann.
— Stöðin er mjög fullkomin, með
því fullkomnasta sem gerist í
heiminum. Hún brennir 3 tonnum á
klukkustund og ráðgert er að
dagsafköst hennar verði 30 tonn.
Aðeins 1—2% af því sorpi sem
brennt er í stöðinni verður eftir sem
gjall. Við vonum að með þessari
stöð losnum við við þann vanda,
sem við höfum staðið frammi fyrir í
fjölda ára, sem er að losna við
sorpið. Við höfum ekkert annað
getað gert en grafið það og því
fylgir sú hætta að við spillum
sjálfir okkar eigin vatnsbólum,
sagði Albert K. Sanders að lokum.
Tvær íslenzkar
bækur í stóru
upplagi erlendis
„FAKAR. íslenzki hesturinn í blíðu og stríðu“
heitir bók. sem kemur út á vegum Iceland Review
og Bókaútgáfunnar Sögu á næstunni. En það er
ekki aðeins að bókin komi út hér á landi, heldur
hafa verið gerðir samningar um prentun bókarinn-
ar fyrir bókaútgefendur í Englandi, Hollandi,
V-býzkalandi, Sviss og Bandaríkjunum. Kemur
bókin út f þessum löndum á næstu mánuðum í á
milli 40 og 50 þúsund eintökum.
Þá er væntanleg frá Almenna
bókafélaginu í byrjun næsta árs
bókin „Island" og hefur hún
sömuleiðis verið seld til forlaga
erlendis. Þegar hefur verið gengið
frá samningum við útgefendur í
Bretlandi, en samningar standa
yfir við aðila í Bandaríkjunum og
á Norðurlöndum. Þegar er búið að
selja bókina í nokkrum þúsundum
eintaka í Bretlandi.
Textann í „Fákum" skrifar
Sigurður A. Magnússon, en í
bókinni eru 90 litmyndir. Bókin
spannar allt frá forneskju og fram
á okkar tíma. Ljósmyndirnar eru
teknar af ýmsum ljósmyndurum
og meðal þeirra var einn sérstak-
lega ráðinn til að mynda íslenzka
hestinn við ólíklegustu aðstæður.
Magnús Magnússon, rektor Edin-
borgarháskóla, skrifar bókina um
ísland, en formáli er eftir Halldór
Laxness. Ljósmyndari bókarinnar
er bandarískur, John McCurdy að
nafni.
Bækurnar eru báðar prentaðar
á Ítalíu, en prentverð þar er með
því lægsta sem gerist í Evrópu.
Bækurnar eru hins vegar báðar
settar hér á landi. Haraldur
Hamar eða Iceland Review og
Almenna bókafélagið hafa undan-
farin ár sótt bókasýningu í
Frankfurt á hverju hausti fyrir
milligöngu Útflutningsmiðstöðvar
iðnaðarins. Frá samningum á
fyrrnefndum bókum var að
nokkru leyti gengið á sýningunni
þar í haust. Þess má að lokum
geta að Surtseyjarbók AB var seld
í 30 þúsund eintökum á erlendum
markaði á 4 tungumálum fyrir
nokkrum árum.
Davíð Sch. Thorsteinsson um stríð verðlagsnefndar og ríkisstjórnar:
Ríkisstjómin lofar
lausn um helgina
SAMKVÆMT upplýsingum, sem Morgunblaðið hefur aflað sér, mun viðskiptaráðherra hafa farið fram á það við
Guðmund J. Guðmundsson, formann Verkamannasambands Islands, að hann reyndi að koma á sættum milli
ríkisstjórnarinnar og verðlagsnefndar í máli gosdrykkja- og smjörlíkisverksmiðjanna, en eins og Morgunblaðið
skýrði frá í gær cr deilan komin á það stig, að fulltrúar ASÍ eru komnir á fremsta hlunn með að segja af sér í
verðlagsnefnd. Morgunblaðið bar þetta undir Guðmund J. Guðmundsson í gær og neitaði hann því eindregið, að
hann hefði tekið að sér sáttastörf í málinu. Hins vegar sagði hann, að margir hefðu rætt við sig um þessi mál, eins
og eflaust hefði verið gert við fjölmarga.
Málið var til umræðu á ríkis-
stjórnarfundi í gærmorgun. Svavar
Gestsson, viðskiptaráðherra, sagði
við Morgunblaðið eftir fundinn: „Við
ræddum þetta mál í ríkisstjórninni í
morgun og varð niðurstaðan sú, að
mér og Hjörleifi Guttormssyni
iðnaðarráðherra var falið að athuga
málið nánar. Síðdegis ræddum við
við forráðamenn Félags íslenzkra
iðnrekenda og ég vona að lausn fáist
áður en langt um líður,“ sagði
Svavar Gestsson.
Nú er farið að bera á skorti á
gosdrykkjum og smjörlíki í verzlun-
um. Davíð Scheving Thorsteinsson,
formaður Félags íslenzkra iðnrek-
enda, sagði í samtali við Morgun-
blaðið í gær, að fulltrúar verksmiðj-
anna hefðu verið boðaðir á fund
ráðherranna tveggja í gær klukkan
13.30, þar sem ráðherrarnir hefðu
skýrt frá hugmyndum sínum um
lausn deilunnar. „Við tjáðum þeim,
að við værum ekki aðilar að þessari
deilu, þetta væri deila milli aðila
vinnumarkaðarins og ríkisstjórnar-
innar og að okkar mati yrði ríkis-
stjórnin að ná samkomulági við
fulltrúa ASÍ í verðlagsnefnd áður en
'nún ræddi við okkur.“
Davíð sagðist hafa haft samband
við Svavar Gestsson síðar um daginn
og tjáði hann honum þá, að ríkis-
stjórnin ætlaði að leysa málið um
helgina. Haft hefði verið samband
við ákveðinn aðila innan ASI og
honum falin frekari framkvæmd
málsins. „Ríkisstjórnin hefur því
lofað," sagði Davíð, „að málið yrði
leyst um helgina og þar með verðum
við leystir úr þeirri klípu, sem þetta
slys hefur leitt okkur í. Verksmiðj-
urnar, sem málið varðar, eru ekki i
deilu við neinn aðila, en hér er
atvinnuöryggi 500 manna í bráðri
hættu. Því er þetta mál svo hrika-
legt.“