Morgunblaðið - 09.11.1978, Síða 2
2
MORGUNBLAÐIÐ, FIMMTUDAGUR 9. NÓVEMBER 1978
Hækkun á unn-
um kjötvörum
RIKISSTJÓRNIN hefur stað-
fest hækkun á unnum kjötvör-
um og er hún á bilinu 4—6%.
Samkvæmt þessu kostar kíló
af pylsum framvegis 1371
krónu en kostaði áður 1284
krónur en kílóið af kjötfarsi
kostar .822 krónur en kostaði
áður 789 krónur.
4 skip með loðnu
FJÖGUR skip tilkynntu Loðnu-
nefnd um afla í gær, samtals
1260 tonn. Þrjú þeirra fóru með
aflann til Reykjavíkur, en eitt
þeirra, Jón Finnsson, hélt til
Bolungarvíkur með rifna nót.
Skipin sem fengu afla voru
Óskar Halldórsson 360 tonn, Jón
Finnsson 50, Helga Guðmunds-
dóttir 300 og Örn 550 tonn.
Tilkynning frá
blaðaútgefendum
VEGNA síaukins kostnaðar við útgáfuna sjá dagblöðin sér eigi
annað fært en að hækka verðlag sitt frá og með.l. desember n.k.
Verður mánaðaráskrift þá kr. 2500.00, en lausasöluverð kr.
125.00 eintakið.
Alþýðuhlaðið, Tíminn,
Dagblaðið, Vísir,
Morgunblaðið, Þjóðviljinn.
ÞESSA DAGANA er unnið við að setja upp gangbrautarljós á tveimur stöðum í borginni. Á
Suðurlandsbrautinni fyrir framan Hótel Esju og á Hringbrautinni við Landsspítalann. Nokkuð rask
fylgir uppsetningu ljósanna, en reiknað er með að henni ljúki á næstu dögum. Þá hafa vegfarendur, sem
átt hafa leið um Skúlagötuna á leið í miðbæinn þurft að leggja lykkju á leið sína neðan við hús
Sláturfélags Suðurlands. Þar er verið að endurnýja útrás frá SS og lengja hana út í sjóinn í gegnum
fyllingu, sem komin er neðan við Skúlagötuna. í framtíðinni verður hraðbraut eftir þessari fyllingu og
m.a. þess vegna var nauðsynlegt að breyta lögnum i götunni þarna.
„Breytir engu
um störf mín
fyrir Samtökin
— ÞESSI ráðning mín í stöðu
hlaðafulltrúa rikisstjórnarinnar
breytir engu um störf mín íyrir
Samtökin. sagði Magnús Toríi
Ólafsson. formaður Samtaka og
vinstri manna, í samtali við
Morgunblaðið.
— Eg gegni áfram því starfi,
sem ég hef verið kosinn til þar
fram til landsfundar, sem haldinn
verður í vetur, væntanlega í
febrúar eða marz. Eg ætla ekkert
að segja um það fyrirfram hvað á
þeim fundi verður ákveðið, sagði
Magnús Torfi.
Svt'inn
©
INNLENT
Skattamál
„SKATTAMÁL" er yfirskrift
fundar er Félag sjálfstæðismanna í
Smáíbúða-, Bústaða- og Fossvogs-
hverfi gangast fyrir í kvöld.
Sveinn Jónsson, endurskoðandi
fjallar um efnið „Hvar eru takmörk
eðlilegr'ar skattheimtu?" og
Þorvarður Elíasson mun fjalla um
efnið „Fyrirtækin þurfa fleiri og
hlutlausari skattstofna".
Fundarstjóri verður Leifur ísleifs-
son og fundarritari Sverrir Axels-
son. Fundurinn verður- haldinn,.J
Valhöll, Háaleitisbraut 1, og hefst
hann klukkan 20.30. Hann er öllum
opin á meðan húsrúm leyfir.
Skiptar skoðanir á ágæti nálastungulæknisins:
Algengast að fólk
greiddi30-70þús.
DANSKI nálastungulæknirinn Rasmussen, sem greint var frá í Morgunblaðinu í gær, mun hafa komið hingað til
lands í janúar í vetur og dvalið hér í þrjár vikur. Samkvæmt upplýsingum, scm Mbl. hefur aflað sér, var þctta í
f jórða skiptið sem hann kom hingað til lands þeirra erinda að lækna fólk með aðferðum sínum. Daginn eftir að
hann hélt af landi brott í febrúar barst Rannsóknarlögreglu ríkisins kæra á starfsemi mannsins frá landlækni,
en Rasmussen mun ekki hafa haft leyfi til lækningastarfsemi hér á landi og reyndar ber upplýsingum Mbl. um
mann þennan ekki saman um hvort hann sé menntaður læknir og ekki heldur hvort hann hafi numið nálastungur
í Kína eða á Formósu.
Auk þess að hafa komið hingað til
lands nokkrum sinnum hefur Dan-
inn tekið á móti Islendingum á
lækningastofu sinni í Danmörku.
Eru það því tugir ef ekki hundruð
íslendinga, sem leitað hafa til þessa
manns. Það var nokkuð misjafnt
eftir meðferð og fjölda tíma hve
mikið sjúklingarnir þurftu að greiða.
Algengast var að kostnaðurinn væri
30—70 þúsund krónur og að fólk
sækti um yfirfærslu á fimm til tólf
húndruð dönskum krónum til gjald-
eyrisyfirvalda til að greiða Danan-..
um.
Ríkissaksóknari hefur nú fyrir
nokkru fengið til athugunar all-
margar kærur á hendur þessum
manni og beinist rannsóknin m.a. að
því að kanna hvort Rasmussen hafi
- farið inn á verksvið íslenzkra lækna
og einnig hvort maðurinn hafi
stundað fjársvik hér á landi.
Gjaldeyrisyfirvöld munu hafa
afgreitt yfirfærslur vegna greiðslna
til Rasmussens greiðlega fyrst í stað
í þeirri góðu trú að starfsemi hans
væri samkvæmt íslenzkum lögum og
. leyfum.
Þegar umsóknum tók að fjölga
Benedikt Davíðssoii um fund verkalýðsmálaráðs Alþýðubandalagsins:
„ Vilja launabœtur án
beinna kumahœkkana ”
„Kjaraskerðing er skerðing, annað er orðaleikur,” segir Jónas Bjarnason , form. BHM
I SAMTALI við Benedikt Davíðsson formann Sambands
byggingamanna kom fram að á ársfundi verkalýðsmálaráðs
Alþýðubandalagsins um helgina komu margir með þær
hugmyndir að launabætur um næstu mánaðamót yrðu með
öðrum hætti en í formi beinna launahækkana með það fyrir
augum að draga úr verðbólguáhrifum. „Það komu ekki f^am
ncinar ákveðnar hugmyndir um þetta,“ sagði Benedikt.
Mbl. spurði hann hvort
hann teldi launakostnað at-
vinnuveganna vera of háan
hérlendis; en almennt kvaðst
hann svara því neitandi þótt
tilteknar atvinnugreinar kynnu
að búa við of háan kostnað.
Morgunblaðið hafði samband
við nokkra talsmenn launþega-
samtaka í gær og innti þá eftir
því hvort þeir hefðu einhverjar
ákveðnar hugmyndir í þessum
efnum og hvort þeir væru
tilbúnir að skerða vísitölu með
hliðaraðgerðum.
Snorri Jónsson varaforseti
ASÍ kvað ASÍ ekki hafa tekið
neina afstöðu í sambandi við
vísitöluna 1. des. n.k. en hann
kvað ASI margoft hafa áréttað
að verðbólgan væri ekki til
hagsbóta fyrir launafólk. Hins
vegar hefði staðið á því að menn
stæðu saman um að vinna að
lausn málsins.
Jónas Bjarnason formaður
BHM kvaðst ekki hafa heyrt
neinar hugm.vndir. „en mér
sýnist þegar menn tala um þetta
svona,“ sagði hann, „að þá sé
talað um hvernig megi bæta
kjaraskerðingu með öðru en
kjarabótum. Ef það þarf að
framkvæma kjaraskerðingu þá
verður það skerðing, þetta er
bara orðaleikur. Hins vegar vil
ég heyra um hvort hægt er að
finna einhverjar mildandi gagn-
ráðstafanir í kjörum, en slíkt
hefur t.d. verið gert með bygg-
ingu verkamannabústaða.“
Kristján Thorlacius formaður
BSRB sagði að stjórn BSRB
hefði ekki tekið þessi mál fyrir
og engin tilmæli um skerðingu
vísitölu hefðu komið frá stjórn-
völdum. „Okkar stefna er,“ sagði
Kristján, „að samningarnir séu í
gildi. Það er langt frá því að við
hefjum máls á því að fyrra
bragði að eitthvað komi í stað
okkar samninga en ég legg
áherzlu á að samningarnir verði
ekki rofnir."
Óskar Vigfússon forseti
Sjómannasambands íslands
sagði að þetta mál hefði ekki
verið tekið fyrir á þeirra þingi í
haust, en hins vegar hefðu menn
þar verið sammála um að
sjómenn hefðu borið skarðan
hlut frá borði hjá þessari ágætu
ríkisstjórn og samningarnir í
gildi hefðu ekki náð til þeirra.
„Hvernig þessi ríkisstjórn,“
sagði Óskar, „ætlar að bjarga
sér fyrir horn 1. des. n.k. er
hennar mál, en við munum
sækja á til þess að fá rétt okkar
hlut og ef fram koma félagsleg-
ar úrbætur munum við meta
slíkt, en ég tel ólíklegt að við
munum sætta okkur við slíkt."
Björn Þórhallsson formaður
Landssambands verzlunar-
manna kvaðst ekki hafa heyrt
neinar ákveðnar hugmyndir í
þessum efnum. „Það eru til
aðgerðir sem jafngilda kaup-
hækkunum," sagði Björn, „en ég
vil sjá allt slíkt áður en ég tjái
mig um það.“
verulega fannst mönnum þó rétt að
athuga þetta mál nánar og var haft
samband við landlækni til að kanna
hvort maðurinn hefði starfsleyfi hér
á landi. Landlæknir óskaði eftir því
að allar yfirfærslur vegna meðferðar
hjá manni þessum yrðu þegar
stöðvaðar, þar sem starfsemi hans
væri ólögmæt. Landlæknir kærði
síðan manninn til Rannsóknarlög-
reglunnar, en daginn áður en kæran
barst hélt Rasmussen af landi brott.
Morgunblaðið hafði í gær sam-
band við nokkra þeirra, sem leituðu
lækninga hjá Rasmussen. Voru svör
þessa fólks beggja blands, ýmist var
fólk mjög ánægt með- lækningar
hans eða það sagðist ekki hafa fengið
neinn bata. I viðtölunum kom það
fram að þessi starfsemi var ekki
auglýst opinberlega og fór mjög
leynt. Hafði Rasmussen þó nóg að
gera og voru það einkum
„mígrene“-sjúklingar, sem leituðu til
hans, en í þeim sjúkdómi segist
Rasmussen vera sérfræðingur.
Kona nokkur, sem Morgunblaðið
ræddi við, sagði að hún hefði engan
bata fengið. — Ég fór fjórum sinnum
til hans og þurfti að greiða 40
þúsund krónur, en engin breyting
hefur orðið á mínum sjúkdómi vegna
„lækninga" þessa manns, sagði hún.
— Ég held að þessi maður sé alls
ekki læknir eins og hann gaf sig út
fyrir að vera.
Einnig sagði hann sumum þeirra
sem leituðu til hans að hann hefði
lært nálastungulækningar í Kína, en
tíminn, sem hann sagðist hafa vérið
þar var breytilegur eftir því við
hvern hann talaði. Ég frétti hins
vegar nýlega að maðurinn þefði farið
á námskeið á Formósu, en hefði
aldrei til Kína komið, hvort sem það
er rétt eða ekki, sagði þessi kona.
Þá frétti Morgunblaðið af tveimur
ungum mönnum, sem leituðu til hans
og eru báðir mjög ánægðir með þá
lækningu, sem þeir fengu hjá
Rasmussen. Maður sá, sem hafði
milligöngu fyrir starfsemi Rasmuss-
en hér á landi, leitaði á sínum tíma
til Rasmussens í Kaupmannahöfn og
fékk góðan bata. Benti hann síðan
því fólki á Rasmussen, sem átti við
svipaðan sjúkdóm að stríða og hann
sjálfur.