Morgunblaðið - 11.11.1978, Blaðsíða 11
MORGUNBLAÐIÐ, LAUGARDAGUR 11. NÓVEMBER 1978
11
BreiðfirðinKabúð í Reykjavík.
Breiðfirðingafélagið
í Reykjavík 40 ára
Borgfirzk blanda
II komin út
BORGFIRZK blanda II er nýkom-
in út hjá Hörpuútgáfunni á
Akranesi. en Borgfirzk hlanda I.
sem út kom fyrir jólin í fyrra. er
uppseld. Bragi Mrðarson bókaút-
gefandi á Akranesi hefur safnað
efni í ritið. sem hefur að geyma
margháttaðan þjóðlegan fróðleik.
sagnaþætti. frásagnir af dulræn-
um atburðum. draumum og slys-
förum. siigur af sérstæðu fólki.
gamanmál og lausavísur.
Meðal þeirra, sem efni eiga í
bókinni eru Andrés Eyjólfsson í
Síðumúla, Ari Gíslason á Akra-
nesi, Árni Óla, Björn Jakobsson
frá Varmalæk, Bragi Þórðarson,
Guðlaug Ólafsdóttir á Akranesi,
Guðmundur lllugason frá Skógum,
Gunnar Guðmundsson frá Hofi í
Dýrafirði, Herdís Ólafsdóttir á
Akranesi, Jón Helgason ritstjóri,
Jón Sigurðsson frá Haukagili,
Magnús Sveinsson frá Hvítsstöð-
um, Sigurður Ásgeirsson á Reykj-
um, Sigurður Guðmundsson frá
Kolsstöðum, Sigurður Jónsson frá
Haukagili, Sigurður Jónsson,
Akranesi, Þórður Kristleifsson frá
Stóra-Kroppi og Þ Þorsteinn
Guðmundsson á Skálpastöðum.
SognHOgfróaSe&iur
og &or9orfia(ðorsýtío
Borgfirzk blanda II er 248
blaðsíður í stóru broti. Bókin hefur
að geyma nafnaskrá og fjölda
mynda. Hún er prentuð í Prent-
verki Akraness, en káputeikning
er eftir Ragnar Lár.
Kaffisala í Hafnarfírði
„Römm er sú taug, sem rekka
dregur föðurtúna til,“ er forn speki
um þá tilfinningu, sem tengir
vitund rnanns við upphaf sitt og
æskustöðvar.
Fullyrða má, að sú göfuga
kennd, sem nefnd er ættjarðarást, -
sé ofin úr þráðum, sem nefnast
tryggð, heimþrá og átthagaást.
Sú þjóð, sem glatar þessum
eigindum úr jarðvegi og mótun
sinnar menningar, hlýtur að verða
meira eða minna rótslitin, ræktuð
á andlegu og menningarlegu upp-
blásturssvæði.
Efling átthagaástar og ræktun
þess, sem eykur hana og glæðir,
hlýtur því að teljast menningar-
starfsemi í fremstu röð.
Það hlutverk hafa átthagafélög-
in unnið öllu öðru fremUr á 20. öld
hér í Reykjavík. Þau eru skilgetin
afkvæmi þeirra hugsjóna, sem
voru arinaldar og leiðarljós ung-
mennafélaganna á fyrstu áratug-
um aldarinnar.
Þau lifa enn með nokkrum
krafti. En mörgum finnst samt
sem öll aðstaða þeirra og eðli sé
breytt. Átthagaástin sé óðum
þverrandi og um leið sá ljómi, sem
hún veitti.
Eitt blómlegasta, elsta og lengi
fjölmennasta átthagafélagið hér í
borginni er Breiðfirðingafélagið.
Það var stofnað 17. nóv. 1938, og
er því 40 ára i þessurn mánuði.
F.vrsta stjórn félagsins var
þannig skipuð: Guðmundur
Jóhannesson formaður, Oscar
Clausen ritari, Snæbjörn G. Jþns-
son gjaldkeri, Filippía Biöndal og
Ása Jóhannesdóttir.
Félagið hefur í öll þessi ár reynt
að standa vörð um vernd og
menningu breiðfirskra byggða
bæði meðal fólks heiman og
heima.
Nú er svo komið, að talað er um
vernd og varðveislu Breiðafjarðar
og þó einkum „eyjanna“ og þeirra
lífríkis sem sérstakan þátt í
framtíð þjóðar og lands.
Þótt þar séu og hafi verið rnörg
öfl að verki má öruggt telja umsvif
og athafnir átthagafélaganna í
orðum og dáðurn hinn ríkasta þátt
í þeim hugmyndum.
Starfshættir og starfsþættir
Breiðfirðingafélagsins eru og hafa
verið margvíslegir frá upphafi og
allt fram á þennan dag, þótt árin
og aðstaða öl! hafi þar rnörgu
breytt.
Það er kynning, vinátta og
eining fólksins heinian að á
hverjum tíma sá jarövegur og
grunnur, sem allt byggist á með
ívafi átthagaástar og tryggðar við
heimabyggð.
Fyrst má nefna samkomur,
skemmtikvöld og fundi, sem eru
oftast að vetrinum, með söng,
spilum, dansi og ræðum.
Þar eru hinar sérstöku starfs-
deildir félagsins við hlið stjórnar-
innar og í samstarfi við hana mjög
þýðingarmiklar.
Þær eru: tafldeild, spiladeild og
kvennadeild eða handavinnudeild,
málfundadeild og í mörg ár mjög
góður söngkór, Breiðfirðingakór-
inn, og kvartettinn Leikbræður.
Þá eru árlegar samkomur fyrir
aldraða og jólafagnaður barna,
gróðursetningarferðir í Heiðmörk
og sumarferðalög einkum vestur
og heim.
Lengi hafði Breiðfirðingafélagið
sérstakar kvöldvökur með sínu
upphaflega ívafi í Breiðfirðinga-
búð, kynningarkvöld árlega í
útvarpinu og útvarpsþátt um
breiðfirsk mál^fni.
Félagið á tímaritið Breiðfirðing
og kemur 36. árgangur hans út, nú
í tilefni fertugsafmælisins.
Ritið þykir nú orðið hið fróðleg-
asta um fortíð og breiðfirska
mennt á þessari öld, bæði menn og
málefni.
Ritstjóri er og hefur verið um
langt árabil séra Árelíus Níelsson.
Þá hefur Breiðfirðingafélagið
veitt ýmsum góðum málum lið
heima i héraði, m.a. varðandi
skóla og kirkjur. Einnig hefur það
reynt að stuðla að verndun og
efbngu sérstæðra menningarhátta
og sögulegra hefða og erfða.
Ritun héraðssögu og gerð kvik-
myr.dar frá byggðum Breiðafjarð-
ar hefur verið á dagskrá félagsins.
En til átaka á þeim sviðum hefur
félagið skort fjármagn og því ekki
orðið af framkvæmdum. Þetta
hvort tveggja er þó meðal þeirra
mála, sem segja má, að séu
framtíðardraumar félagsins.
Stærsta félagslega og fjárhags-
lega átakið, sem Breiðfirðinga-
félagið hefur borið uppi sér til
hagsbóta á þessum áratugum er
félagsheimilið Breiðfirðingabúð.
Þar eru nú allar aðstæður
gerbreyttar. Þó á félagið enn í
Breiðfirðingabúð ágætt fundar-
herbergi, þar sem vel mættu
gefast og ráðast þau ráð, sem létu
einn hinn æðsta draum þess frá
upphafi rætast:
Hagkvæmt og fallegt félags-
heimili, með svipmóti og minjum
baðstofumenningar við Breiða-
fjörð.
Félagsmenn hafa flestir orðíð
um átta hundruð, en eru nú um
þrjú hundruð.
Formaður er nú Kristinn Sigur-
jónsson húsasmíðameistari, og
með honum í stjórn erú: Brandís
Steingrímsdóttir ritari, G.vða Þor-
steinsdóttir varaformaður, Þor-
steinn Johannsson gjaldkeri, Hall-
grímur Oddsson, Sigurjón Sveins-
son og Guðmundur P. Theodórs.
Varamenn eru: Sigurlaug
Hjartardóttir og Halldór Kristins-
son.
Félagið hefur samkomu í Skíða-
skálanum í Hveradölum á
afmælisdaginn.
Kaffisala verður haldin í húsi
KFUM og K í Hafnarfirði til
ágóða fyrir kristniboð Sambands
ísl. kristniboðsfélaga, en á morg-
un, sunnudag, er árlegur kristni-
boðsdagur.
Að kaffisölu þessari stendur
kristniboðsdeild KFUM og
KFUK í Hafnarfirði og verður
hún kl. 15—18 og síðar um
daginn eða að lokinni samkomu í
húsinu um kvöldið. Á samkom-
unni talar sr. Frank M.
Halldórsson og sagðar verða
fréttir og fluttar frásagnir af
kristniboðsstarfi.
Hvernig væri að byggja
sín húsgögn sjálfur á ódýran
Link-samsetningar koma frá Noregi og bjóða uppá marga möguleika, fyrir
alla fjölskylduna.
Þ6 getur gert f jölmargt sem heimilið þarfnast með Link-samsetningu.
A einu kvöldi getur þú með einföldum verkfœrum komið þér upp
bókaskáp, klæðaskáp, rúmi, skrifborði o.fl. o.fl.
Það er engin þörf á smiðshæfileikum, það eru allir smiðir sem smíða sér
húsgögn með norsku Link-samsetningunni, og þar að auki er sparnaðurinn
ótrúlegur.
Norske Skog
Norske Skogindustrier AS
Norsku Link-samsetningarnar fást hjái
PÉTUR SNÆLAND H.F., Síðumúla 34.105 Reykjavík. Símar 84131 og 84161.
Einkaumboð á íslandi MJÖLNIR HEILDVERZLUN H.F., Síðumúla 33, 105 Reykjavík. Sími 84255.