Morgunblaðið - 06.01.1979, Blaðsíða 19

MORGUNBLAÐIÐ, LAUGARDAGUR 6. JANÚAR 1979
19
Iðnrekendur um aðgerðir ríkisstjórnarinnar;
Þýða auknar álögur
á iðnaðinn sem nema
um 5 milljörðum kr.
Stjórn Félags ísl. iðnrekenda telur tillögur ríkisstjórnarinnar sem hún kynnti í vikunni, um opinberar
stuðningsaðgerðir við íslenzkan iðnað, vera óralangt frá því að geta talist ígildi þeirrar skertu
samkeppnisaðstöðu sem iðnaðurinn býr við frá sl. áramótum, en Davíð Sch. Thorsteinsson form. F.I.I. sagði
ígildi tollalækkana sem enn hefðu ekki komið til næmi milli 2 og 2,5 milljörðum króna og auknar
skattaálögur iðnaðarins næmu um 4 milljörðum króna.
Á fundi með fréttamönnum kynntu þeir Davíð Sch. Thorsteinsson, Haukur Björnsson og Pétur
Sveinbjarnarson álit Félags ísl. iðnrekenda á aðgerðum ríkisstjórnarinnar.
Um framlengingu iðnaðargjalds
2%f; (2 promille) sögðu þeir að
gjaldið hefði verið við lýði i mörg
ár og fallið hiður með lögum um
Iðntæknistofnun íslands. Þar sem
ekki hefði fengist nægilegt fjár-
magn til stofnunar Iðntæknistofn-
unar hefði skattur þessi verið
lagður á að nýju og væri 2%o á
laun í iðnaði. Um innborgunar-
skyldu á innflutt húsgögn og
innréttingar sögðu þeir að hún
hvetti ekki til neinna þróunarað-
gerða, þessi aðgerð gæti því aðeins
komið að gagni að henni yrði fylgt
eftir af iðnrekendum sjálfum og
stjórnvöldum og væru engin rök
fyrir henni á húsgagnaiðnað um-
fram aðrar iðngreinar. Um afnám
innborgunarskyldu á hráefnum til
iðnaðar sögðu þeir að hér væri um
jákvæða kerfisbreytingu að ræða,
en hún þyrfti helzt einnig að taka
til véla en ekki einungis hráefna.
Þessar aðgerðir hafa þegar verið
ákveðnar og í athugun eru aðgerð-
ir um hækkun jöfnunargjalds á
samkeppnisvörur, gjald á innflutt
sælgæti, kex og brauðvörur og
heimild til að fresta tollalækkun-
um á fatnaði og skóm.
Iðnrekendur telja hækkun jöfn-
unargjalds á samkeppnisvörur
veigamesta og jákvæðasta atriðið í
tillögum ríkisstjórnarinnar og
hefur félagið ítrekað óskað eftir
hækkun jöfnunargjalds um 3,6%
að því er forráðamenn F.Í.I. sögðu
og telur félagið að hrein efnahags-
leg rök séu fyrir hendi og ekki
þurfi að leita samráðs við EFTA
og EBE sé með þessu verið að
jafna aðstöðu við erlenda keppi-
nauta, m.a. vegna rangrar gengis-
skráningar.
Verðandi gjald á innflutt sæl-
gæti, kex og brauðvörur sögðu þeir
að óheimilt væri að leggja slíkt
gjald á hér á landi skv. samning-
um við EBE og EFTA og að
innlendir framleiðendur teldu
slíkt gjald vega gegn sínum
hagsmunum. Um leið og gjald
þetta verði lagt á sé ákveðið að
falla frá niðurgreiðslum á undan-
rennu- og mjólkurdufti til sælgæt-
isiðnaðar og innflutningur sæl-
gætis, kex og brauðvöru verði
gefinn frjáls og telja iðnrekendur
þetta leiða til hærra verðs á
innlendu sælgæti og stefni grónum
iðnaði í hættu. Þá telja iðnrekend-
ur að hugmynd þessi gangi í
svipaða átt og hugmyndin um
innborgunarskyldu á húsgögn og
séu ekki rök fyrir því á sælgætis-
iðnað umfram aðrar iðngreinar.
Einn liður í aðgerðum ríkis-
stjórnarinnar sem er í athugun er
að fresta tollalækkunum á fatnaði
og skóm frá löndum utan EFTA og
EBE. Sögðu iðnrekendur að verð-
munur væri svo mikill á flestum
þeim vörum er fluttar væru inn
frá löndum utan EFTA og EBE að
frestun tolla hefði lítil sem engin
áhrif á samkeppnisstöðuna. Telur
Félag ísl. iðnrekenda að í stað þess
að fresta tollalækkunum eigi að
beita jöfnunartolli, undirboðstolli
eða svonefndu kvótakerfi. Félag
ísl. iðnrekenda teiur að úrbóta sé
þörf á öllum sviðum íslenzks
iðnaðar og verði t.d. að endurskoða
reglur um afurða- og rekstrarlán,
stefnumörkun um innkaup opin-
berra aðila verði að koma til,
endurskoða verði verðlagsmál
samkeppnisiðnaðar og málefni
skipaiðnaðarins. Telur félagið að
leggja verði höfuðáherzlu á fram-
leiðniaukningu, markaðseflingu,
rétta gengisskráningu og fjármál
iðnaðarins.
A valdi ríkisstjórnar-
innar hvort til uppsagna
kemur í skipaiðnaðinum
— segir framkv.stjóri Landssambands idnaðarmanna
Morgunhlaðið leitaði til Þór-
leifs Jónssonar framkvæmda-
stjóra Landssambands iðnaðar-
manna og greindi hann í nokkr
um orðum frá áliti sínu á
tillögum ríkisstjórnarinnar varð-
andi stuðningsaðgerðir við
iðnaðinni
— Við teljum að ýmsar af
þessum aðgerðum séu til bóta svo
langt sem þær ná, og það má
raunar segja um þær flestar.
Nefna má afnám innborgunar-
skyldu á hráefni, innborgunar-
skyldu á innflutt húsgögn, hækkun
jöfnunargjalds, en þó að því
tilskildu að vissar lagfæringar
verði gerðar á núverandi lögum
um jöfnunargjald, svo og öll þau
atriði sem talin eru upp í 3. kafla
fréttatilkynningar ríkisstjórnar-
innar.
— Hins vegar er skaði að ekki
skuli hafa verið teknar ákvarðanir
um fleiri en 3 af þessum 10
atriðum, sem talin eru upp í
fréttatilkynningunni, ekki sízt þar
sem mörg atriðanna sem sögð eru í
athugun eru mjög þýðingarmikil
fyrir iðnaðinn. Eg get ekki álasað
ríkisstjórninni fyrir það að miða
aðgerðir sínar við að ekki sé
gengið á svig við samninga okkar
við EFTA og EBE og að ekki sé
tekin óþarfa áhætta vegna
hugsanlegra gagnráðstafana þess-
ara samtaka, sem þá myndu bitna
hart á útflutningi okkar. Hins
vegar verður að undirstrika að
þessi varfærnisstefna má ekki
ganga of langt þannig að mikil töf
verði á ákvörðunum. Þannig verð-
ur að vona að hugmyndin um
hækkun jöfnunargjalds sem er
mikið samkeppnisatriði, verði tek--
in föstum tökum og ákvörðun þar
um dragist ekki um of.
Það verður einnig að minna á að
margar ráðstafanir má hæglega
gera án þess að á nokkurn hátt
þurfi að taka tillit til samning-
anna. Þetta á meðal annars við um
endurskoðun reglna um afurðalán
og rekstrarlán, stefnumörkun um
innkaup opinberra aðila, verðlags-
mál samkeppnisiðnaðar og mál-
efni skipaiðnaðar. Samtök
iðnaðarins hafa lagt fram tillögur
um alla þessa málaflokka, þess
vegna veldur það vonbrigðum að
ekki skuli þegar liggja fyrir
ákvarðanir að því er þessi mál
varðar.
— Sérstaklega veldur það mér
vonbrigðum að samkvæmt frétta-
tilkynningunni á að setja málefni
skipaiðnaðarins í athugun og eru
þau sögð á undirbúningsstigi.
Fyrirliggjandi tillögur sem ekki
stangast á neinn hátt á við
samningana við EFTA og EBE
virðast því ekki hljóta þann
hljómgrunn að hægt sé að hrinda
þeim í framkvæmd. Skipaiðnaður-
inn er vægast sagt illa staddur að
því er varðar verkefni. Það veltur
á ákvörðun ríkisstjórnarinnar á
næstu vikum hvort þar verða
verulegar uppsagnir á næstunni.
Afurðalán vegna útflutnings:
V öxtum br eytt úr
18 í 8,5% - enlánin
bundin dollaragengi
SEÐLABANKINN hefur ákveðið
að breyta vöxtum á endurkcypt-
um afurðalánum vegna útflutn
ings úr 18 í 8,5% en jafnframt
verða lánin bundin gengi banda-
ríska dollarans. Þá munu endur-
kaupahlutföll Seðlabankans mið-
að við afurðaverðmæti lækka um
3% en í frétt frá Seðlabankanum
segir að þess sé vænzt að innláns-
stofnanir auki viðbótarlán sín út
á afurðirnar um sama hlutfall.
I fréttinni segir að nýju vaxta-
kjörin eigi bæði við um venjuleg
endurkaupanleg lán út á útflutn-
ingsframleiðslu og sérstök útflutn-
ingslán, sem ætlunin sé að taka
upp til að flýta greiðslu afurða-
andvirðis til framleiðenda.
Þessir kornungu plötusnúðar hafa nú slegið öllum atvinnumönnum
við og sett nýtt íslandsmet í úthaldi við plötusnúning þvf að þeir voru f
51 klst. Þetta gerðist í skátadiskóteki f skátaheimilinu Dalsbúar við
Dalsbrún og methafarnir heita Gunnar Gunnarsson og Emil
Bjarnason. Ljósm. Mbl. Kristinn.
Haukur Angantýsson
5. á Rilton-Cup mótinu
HAUKUR Angantýsson varð
fimmti á Rilton Cup skákmót-
inu í Stokkhólmi mcð 6,5
vinninga. en Sævar Bjarnason
hlaut 5 vinninga.
Sigurvegari varð Svíinn
Schússler með 7Vfe vinning,
Pólverjinn Bednarski var annar
með 7 vinninga og Mirales Spáni
þriðji með 6'k vinning. I fjórða
sæti varð Eslon Svíþjóð með 6,5
og í sjötta, sjöunda og áttunda
sæti með sama vinningsfjölda
urðu; Schneider Svíþjóð, Iskov
Danmörku og Wedberg Svíþjóð.
Karlsson frá Svíþjóð varð
níundi með 6 vinninga og eini
stórmeistarinn meðal keppenda,
Tékkinn Plachetka varð tíundi
með 6 vinninga.
I síðustu umferðinni á
fimmtudag gerði Haukur jafn-
tefli við Iskov en Sævar tapaði
fyrir finnskum keppanda.
Keppendur á Rilton Cup voru 80
talsins.
Van der Wiel evrópumeistari:
Margeir tapaði — og
varð í 4. til 5. sæti
MARGEIR Pétursson tapaði
fyrir Júgóslavanum Nikolic f
sfðustu umferð Evrópu-
meistaramóts unglinga í
Gröningan f Hollandi f gær og
urðu þeir í 4.-5. sæti með 8
vinninga hvor. Hollendingur-
inn John Van der Wiel varð
Evrópumeistari og um leið
alþjóðlegur meistari, en hann
sigraði Skotann Muir f sfðustu
umferð og hlaut 11 vinninga.
Dolmatov frá Sovétríkjunum
varð í öðru sæti með 10,5
vinninga en hann vann Green-
berg frá ísrael í síðustu umferð-
inni. Þriðji varð Englendingur-
inn Jim Plaskett með 9 vinninga
en hann vann Svoboda frá
Austurríki í síðustu umferðinni.
Næstir þeim Margeiri og
Nikolic urðu Gazik frá
Tékkóslóvakíu og Vaelkesalmi
frá Finnlandi með 7,5 vinninga,
Pedersen Danmörku og
Portúgalinn Dos Santos hlutu 7
vinninga og næstir þeim komu
Muir, Grinberg, Mateu frá
Spáni, og Laroly frá Ungverja-
landi með 6,5 vinninga.
Jón L. Amason deilir
forystu með Hauser
JÓN L. Árnason gerði jafntefii
við alþjóðlega meistarann
Dobos frá Póllandi í 10. umferð
alþjóðlega jólaskákmótsins í
Prag í gær og er hann nú
efstur á mótinu ásamt Tékkan-
um Hausner með 7 vinninga.
Síðustu umferðir mótsins verða
tefldar í dag og á morgun,
sunnudag.
Næstu menn eftir tíundu
umferðina voru Libert frá
A-Þýzkalandi og Pogojotnik
með 6,5 vinninga, Dobos var
með 6 vinninga og Mokry frá
Tékkóslóvakíu var með sex
vinninga og biðskák gegn landa
sínum Meduna, sem var með 5
vinninga.
Jón L. Árnason sagði í samtali
við Mbl. í gærkvöldi að skák
hans í tíundu umferðinni hefði
verið fremur stutt. „Ég var með
svart og hann bauð jafntefli,
sem ég þáði, þegar ég sá ekkert
sérstakt í stöðunni," sagði Jón.
Jóhann Hjartarson í 3. tíl
5. sæti og ein umferð eftir
JÓIIANN Hjartarson vann
Fauzi frá Indónesíu í 10.
umferð heimsmeistaramóts
sveina í Sas van Gent í Hollandi
í gær og er hann nú í 3.-5. sæti
með 7 vinninga en síðasta
umferðin verður tefld í dag.
Þórir Ólafsson, aðstoðarmaður
Jóhanns, sagði í samtali við
Mbl. í gær að taflmcnnska
Jóhanns í níundu og tíundu
umferð hefði vakið einna mesta
athygli af atburðum mótsins.
en þessar skákir hefði Jóhann
unnið einkar glæsilega.
Skotinn Mottwani er nú
næsta öruggur með heims-
meistaratitilinn, en hann
sigraði í gær Grinfeld frá ísrael
og er Mottwani nú með 8,5
vinninga, heilum vinningi á
undan næsta manni, Huergo frá
Kúbu, en hann tapaði í gær fyrir
Morovic frá Chile. Þeir Morovic
og Short frá Englandi eru jafnir
Jóhanni að vinningum, en Short
vann í gær Long frá Singapore.