Morgunblaðið - 06.01.1979, Blaðsíða 20

20
MORGUNBLAÐIÐ, LAUGARDAGUR 6. JANÚAR 1979
Kaupir Bæjarútgerð Reykjavíkur
skuttogara frá Stálvík eða Portúgal?
ÚTGERÐARRÁÐ Bæjarútgerðar Reykjavíkur hefur nú til athugunar hvort kaupa eigi annan þeirra portúgölsku skuttogara sem ríkisstjórnin keypti frá Portúgal í haust,
eða hvort kaupa ætti togara frá Stálvík. Könnun hefur leitt í ljós að verð og gæði skipanna er mjög svipað.
Ríkisstjórnin hefur boðið Bæjarútgerðinni portúgalska togarann á mun betri skilmálum en innlendar skipasmíðastöðvar geta boðið. Er boðið 80% langtímalán en 20%
útborgun, jafnframt því sem rikisstjórnin býður lánsfyrirgreiðslu fyrir útborguninni á hinum 15 mánaða langa smíðatíma.
Innlend skipasmíði fengi hins vegar 75% kaupverðs úr Fiskveiðasjóði en kaupandi yrði að greiða 25%.
Því hafa bæði B.Ú.R. og Stálvík sent iðnaðarráðuneytinu bréf, þar sem farið er fram á að sama lánafyrirgreiðsla verði veitt til kaupa á togaranum frá Stálvík og
portúgaiska togaranum.
Magnús L. Sveinsson borgarfulltrúi gerði þessi fyrirhuguðu skuttogarakaup Bæjarútgerðarinnar meðal annars að umtalsefni í ræðu á fundi borgarstjórnar í fyrradag. í
tilefni af ræðu Magnúsar sneri Morgunblaðið sér til þeirra Björgvins Guðmundssonar, skrifstofustjóra viðskiptaráðuneytisins og formanns útgerðarráðs, Jóns Sveinssonar
forstjóra Stálvíkur og Hjörleifs Guttormssonar iðnaðarráðherra, og spurðist fyrir um hvað Iiði ákvörðun um þetta máh
Lánskjörin
geta ráðið
úrslitum
segir Björgvin Guð-
mundsson um hvort
keyptur verður skut-
togari fyrir B.Ú.R. frá
Stálvík eða Portúgal
„Útgerðarráð Bæjarútgerðar
Reykjavíkur hefur enn ekki
tekið ákvörðun um hvort keypt
verður annað portúgalska skip-
ið, eða hvort Stálvík verður
falið að smíða togara fyrir
Bæjarútgerðina," sagði Björg-
vin Guðmundsson formaður
útgerðarráðs í samtali við
Morgunblaðið í gær. Sagði
Björgvin að miklu máli skipti
hvort unnt yrði að fá íslenska
skipið á sambærilegum kjörum
og í boði væru ef keyptur yrði
togarinn frá Portúgal. Það væri
mjög mikilvægt atriði, og gæti
ráðið úrslitum sagði Björgvin.
Björgvin sagði að B.Ú.R. hefði
fengið skipaverkfræðing til að
gera samanburð á þessum
tveimur skipum, og lægi sá
samanburður nú fyrir. Talið
væri að skrokkur íslenska togar-
ans væri betri en þess portú-
Björgvin Guðmundsson
galska, en á móti kæmi að talið
væri að allur „innmatur" og
innra skipulag væri betra í
togaranum frá Portúgal. Þarna
kæmi þó ýmislegt til álita, og
ljóst væri að í heild væri hin
íslenska smíði ekki lakari en sú
portúgalska.
Björgvin sagði að verð skip-
anna væri áþekkt, þó væri ljóst
að skipið frá Stálvík yrði heldur
ódýrara, miðað við sömu stærð.
Björgvin Guðmundsson sagði
ennfremur að enn sem komið
væri hefði síðara skipið frá
Portúgal ekki verið boðið öðrum
til kaups en Bæjarútgerð
Reykjavíkur, en hún hefði upp-
haflega átt að gefa svar fyrir
áramót. Ríkisstjórnin gæti því
nú boðið skipið öðrum, en öll
þessi mál stæðu og féllu með því,
hvaða afstöðu ríkisstjórnin tæki
til erlendrar Iántöku til nýsmíði
hér innanlands. Ekkert yrði því
af málinu að frétta fyrr en
ákvörðun ríkisstjórnarinnar
lægi fyrir.
Eigum von
á svari frá
iðnaðarráðu-
neytinu á
hverjum degi
segir Jón Sveins-
son í Stálvík
SVAR HEFUR enn ekki borist
frá iðnaðarráðuneytinu varð-
andi ósk Stálvíkur h.f. í
Garðabæ um að fá leyfi til
lántöku erlendis til byggingar
skuttogara, að því að forstjóri
Stálvíkur, Jón Sveinsson, sagði
í samtali við Morgunblaðið í
gaer.
Sagði Jón, að svars væri nú að
vænta á hverri stundu, og væri
það trú þeirra að jákvætt svar
fengist. Von hefði verið á
svarinu fyrir áramót, en það
hefði tafist af ýmsum ástæðum,
meðal annars var iðnaðarráð-
Jón Sveinsson
herra önnum. kafinn við þing-
störf eins og aðrir álþingismenn
rétt fyrir jól. Jón Sveinsson
sagði að iðnaðarráðherra væri
jákvæður í málinu, en taka
þyrfti það fyrir á ríkisstjórnar-
fundi.
Hjá skipasmíðastöðinni Stál-
vík við Arnarvog í Garðabæ
vinna nú tæplega eitt hundrað
manns að sögn Jóns, en þegar
mest var að gera í sumar voru
þar um eitt hundrað sjötíu og
fimm menn í vinnu. Taldi Jón
að engin vandkvæði væru á því
að skapa tvö til þrjú hundruð
mönnum vinnu hjá fyrirtækinu
á næstu árum, ef næg verkefni
væru fyrir hendi.
Ef leyfið verður veitt mun
Reykjavíkurborg kleift að
kaupa skip frá Stálvík á svipuð-
um kjörum og togarann frá
Portúgal sem borginni stendur
til boða. Ríkisstjórnin keypti
sem kunnugt er tvo skuttogara
frá Portúgal vegna þess að
saltfiskmarkaður íslendinga
þar var í hættu, en Portúgalir
höfðu kvartað yfir óhagstæðum
viðskiptajöfnuði við íslendinga.
Annar þessara togara hefur nú
verið seldur til nokkurra sveit-
arfélaga, félaga og einstaklinga
á Snæfellsnesi.
Kaupverð Portúgalstogar-
anna var um 1600 milljónir
fýrir hvort skip, en Stálvík
getur boðið verð sem er fyllilega
samkeppnisfært við það, auk
þess sem skipin verði síst lakari
séu þau smíðuð hérlendis. Mæl-
ir Stálvík með nokkru stærra
skipi, eða 660 rúmmetra í lest,
en það skip hefur auk þess um
25% meiri togkraft en Portú-
galstogararnir. Verð togara af
þessari gerð yrði um 1600
milljónir. Þá býður Stálvík
einnig minna skip, eða með 525
rúmmetra í lest, og er verð þess
skips um 1400 milljónir eða um
200 milljónur lægra en Portú-
galsskipanna.
Eins og Morgunblaðið skýrði
frá fyrir skömmu, þá hóf
Stálvík byggingu skuttogara
fyrir eigin reikning og á eigin
ábyrgð, en ekki hefur verið unnt
að halda því verki áfram þar
sem enn hefur ekki verið tekin
ákvörðun um leyfi fyrir lántöku
erlendis.
Fyrst þarf
að kanna for-
sendur fyr-
ir beiðni um
erlent lán,
síðan að taka
ákvörðun
segir Hjörleifur
Guttormsson
iðnaðarráðherra
EKKI er enn ljóst hvenær
ríkisstjórnin tekur ákvörðun
um hvort Stálvík verði gefin
heimild til að taka lán erlend-
is til smíði á skuttogara fyrir
Bæjarútgerð Reykjavíkur, að
því er Hjörleifur Guttormsson
iðnaðarráðherra tjáði
Morgunblaðinu í gær. Ráð-
herra sagði að málið væri
nýkomið tl ráðuneytisins og
væri nú verið að líta á erindið
og forsendur fyrir því. Sagð-
ist iðnaðarráðherra halda að
viss atriði í erindi Stálvíkur
væru á misskilningi byggð, en
þó vildi hann ekki fullyrða að
svo væri að svo komnu máli.
En sama misskilnings sagði
ráðherra að sér virtist gæta í
umræðum borgarstjórnar
Reykjavíkur.
Hjörleifur sagði að iðnaðar-
ráðuneytið hefði ekki verið
inni í myndinni í sambandi við
skilmála á kaupum á portú-
gölsku togurunum sem menn
hefðu verið að bera fyrir. Það
mál hefði ekki komið til kasta
iðnaðarráðuneytisins heldur
viðskipta- og sjávarútvegs-
ráðuneytin sem um það mál
hafi fjallað. Enn ætti iðnaðar-
ráðuneytið eftir að glöggva
þessa mynd, en þessi mál væru
nýkomin til þeirra og hefðu
ekki verið athuguð nægilega,
meðal annars vegna tíma-
skorts. Ljóst væri þó að ef þær
forsendur sem þarna væri
verið að vitna til væru ekki
réttar, þá væri ekki unnt að
taka málið til ákvörðunar á
þeim grunni. Öll þessi mál
skipasmíðaiðnaðarins hefðu
hins vegar verið til ákvörðunar
út frá iðnaðarsjónarmiðum, en
þetta tengdist lánsfjáráætlun-
armálum meðal annars sem
yrðu til meðferðar hjá ríkis-
stjórninni í þessum mánuði.
Hjörleifur Guttormsson
Óveður á Suður- og Vesturlandi í fyrrinótt:
Rafmagns- og síma-
línur slitnuðu víða
MIKIÐ óveður geisaði í
fyrrinótt á Suður- og
Vesturlandi og munu víða
hafa orðið skemmdir á
síma- og rafmagnslínum.
„Hér var versta veður af suð-
vestri í alla nótt og er ennþá
hávaðarok", sagði Gunnar
Sigurðsson fréttaritari Morgun-
blaðsins í Seljatungu í Árnessýslu
í gær. „Rafmagn fór af samveit-
unhi upp úr kl. 4 í nótt og komst á
aftur um kl. 8.30 í morgun.
Gunnar sagði að jörð væri alhvít
og ekki hefðu þiðnað nema efstu
snjótopparnir í hlákunni.
„Færð er nokkuð góð um sveit-
ina en það er mjög hált á
vegunum. Mikið frost var þangað
til í gærkveldi en þá fór hlýnandi.
í fyrradag var hér 19—21 stigs
frost en fram að gamlársdegi var
veðráttan hér um slóðir með
afbrigðum góð,“ sagði Gunnar.
Rysjótt veður
„Það hefur verið rysjótt veður
hér. Hitinn fór úr 20 frosti í 2ja
stiga hita á einum sólarhring,"
sagði Magnús Sigurlásson í
Þykkvabæ.
Magnús sagði að allir vegir í
sveitinni væru færir og auðir en
jörð hefði gránað nokkuð þar sem
nú færi kólnandi.
í fyrrinótt var hvöss austanátt
og rigning í Þykkvabæ, en engar
skemmdir urðu af völdum veðurs-
ins.
Magnús sagði ennfremur að n.k.
sunnudag yrði mikið um að vera í
Þykkvabæ er séra Auður Eir tekur
við prestsembættinu þar.
„Þá hafa kvenréttindakonur
unnið síðasta vígið,“ sagði
Magnús. „Auður hefur messað hér
4 sinnum og er fólk ánægt með
nýja prestinn eins og kosningin
reyndar sýndi en hún hefur unnið
á við hverja messu."
Rafmagnslaust
á Hellissandi
„Við sitjum hér í myrkri og
kulda þar sem rafmagnsstaurar
brotnuðu um tíuleytið í gærkvöldi
og rafmagn hefur ekki komist á
enn,“ sagði Rögnvaldur Ólafsson á
Hellissandi í gær er blaðið hafði
samband við hann.
Rögnvaldur sagði að allt svæðið
fyrir utan Enni væri rafmagns-
laust en vonast væri til að það
kæmist á fyrir kvöldið.
„Veðrið núna er slæmt. Mikið
hvassviðri var í gærkvöldi en um
miðja nótt lægði. Eljagangur var í
nótt en jörð er að heita má alveg
auð,“ sagði Rögnvaldur.
Færð er góð á Hellissandi og í
nágrenni.
Óvenju hvasst
og mikil ísing
í Borgarfirði
„Óvenju hvasst og mikil ísing
var hér í nótt,“ sagði Ófeigur
Gestsson á Hvanneyri í gær.
5 rafmagnsstaurar brotnuðu í
Skorradal viö Mófellsstaðakot og
Indriðastaði og var því rafmagns-
laust í Skorradalshreppi í gær en
vonast til að rafmagn kæmist á