Morgunblaðið - 18.11.1979, Blaðsíða 45
MORGUNBLAÐIÐ, SUNNUDAGUR 18. NÓVEMBER 1979
45
Unglingar með
ólæti í Breiðholti
A fimmtudagskvöld varð sá at-
burður við Norðurfell í Breið-
holti, að stór hópur unglinga
lokaði götunni með snjó og varð
að kalla til lögregluna.
Að sögn Bjarka Elíassonar yfir-
lögregluþjóns komust strætis-
vagnar ekki leiðar sinnar vegna
þessara aðgerða unglinganna.
Voru snjóruðningstæki þá fengin
á staðinn en unglingarnir hópuð-
ust að þeim og héngu aftan í þeim
á meðan þau voru að störfum og
skapaði það stórhættu. Ennfrem-
ur gerðu unglingarnir aðsúg að
strætisvagni og lögreglubíl og
gerðu stórskotahríð að þeim með
snjóboltum. Brotnaði rúða í stræt-
isvagninum og rúða sprakk í
lögreglubílnum. Þá fékk lögreglu-
þjónn snjóbolta í auga og meiddist
hann lítils háttar.
Bjarki Elíasson sagði í gær, að
kveikjan að þessum ólátum hefði
líklega verið mynd í einu dag-
blaðanna nú í vikunni, sem sýndi
menntaskólanema loka götu með
snjó. Sagði Bjarki, að unglingarn-
ir gerðu sér ekki grein fyrir
hættunni sem skapaðist vegna
þessa og sagði hann að menn frá
lögreglunni hefðu í gær farið í
Fellaskóla og rætt þennan atburð
við yfirvöld skólans. Kvað Bjarki
það von allra að svona atburðir
endurtækju sig ekki.
Gamla fólkið fékk
endurskinsmerki
FYRSTI útborgunardagur ellilíf-
eyris var í vikunni og lögðu því
margir aldraðir leið sina í
Tryggvastofnun ríkisins við
Laugaveg til þess að sækja ellilíf-
eyrinn.
Lögreglan og umferðarnefnd
Reykjavíkur notuðu tækifærið og
afhentu gamla fólkinu endur-
skinsmerki ókeypis og mæltist
þetta mjög vel fyrir hjá gamla
fólkinu, að sögn Oskars Ólasonar
yfirlögregluþjóns. Alls voru af-
hent 7—800 endurskinsmerki í
gær.
Samkvæmis- og gömlu
dansarnir í Þórscafé
Á UNDANFÖRNUM árum hef-
ur áhugi á dansi stöðugt farið
vaxandi. Aðsókn að dansskól-
um er mikil en skort hefur
tilfinnanlega aðstöðu fyrir fólk
til þess að dansa gömlu dans-
ana og samkvæmisdansa. For-
ráðamenn Þórscafés hafa
ákveðið að bæta úr brýnni þörf
og efna til dansleikja á sunnu-
dagskvöldum sem sniðnir verða
að þörfum þessa fólks. Vandað
verður til tónlistarinnar sem
valin verður með sérstöku til-
liti til gömlu og samkvæmis-
dansanna.
Að sögn Heiðars Ástvaldsson-
ar hefur verið nánast ómögulegt
fyrir dansáhugafólk að fara út á
skemmtistaðina til þess að
dansa þar sem dansgólf hafa
einatt verið yfirfull. „Það má
segja að danshúsin hafi ekki
sinnt þessum hópi manna sem
skyldi en nú sýnist mér það séu
einhverjar breytingar að verða á
þessu. Ég get ekki annað en
fagnað því þar sem dansinn
hefur verið um áraraðir mitt
áhugamál," sagði Heiðar Ást-
valdsson.
Basar
BASAR Kvenfélags Hreyf-
ils verður í dag, sunnudag
18. nóvember kl. 14 í Hreyf-
ilshúsinu við Grensásveg.
Meðal muna verða kökur og
lukkupokar og einnig verð-
ur kaffisala. Allur ágóði
rennur til styrktar Hreyf-
ilsbílstjórum og í ýmsa
góðgerðarstarfsemi.
Model 1980
TOPP
Litsjonvarpstæki
á veröi sem á sér ekki hliöstæöu
Engir milliliðir.
Ánébyrgð
— 3 ár i myndlampa.
Tækin koma í gámum baint
frá framleiðanda.
Ekta viðarkaui ■■^^^■■■^■■■■i
Paliaander- Teck- Hnota
Verzlið beint við fagmanninn, SJÚNVARPSVIRKINN
það tryggir örugga þjónuatu. Aw ARNARBAKKA 2
22“ kr. 542.000.
Staögr. kr. 520.000
26“ kr. 602.500.-
Staögr. kr. 578.500
silora
gjaíavörur
studio-line
A. EINARSSON & FUNK
Laitía\tói 85
Rosenthal býður yður ýmislegt fleira en
postulín og platta.
Komið í verzlun okkar og skoðið hinar
frábæru gjafavörur, — glervöru, postulín
og borðbúnað í ýmsum verðflokkum.
Rosenthal merkið tryggir frábæra hönnun
fyrir heimilið.
Rosenthal vörur - gullfallegar — gulltryggðar