Morgunblaðið - 22.12.1979, Blaðsíða 33

MORGUNBLAÐIÐ, LAUGARDAGUR 22. DESEMBER 1979
33
Orða-
skyggnir
Islensk orðabók handa börnum
Myndir: Vilhjálmur G. Vil-
hjálmsson
Ritstjorn: Árni Börðvarsson
Setning, umbrot og filmuvinna:
Prentstofa G. Benediktssonar
Bókband: Bókfell hf.
Útgefandi: Bjallan
ÞETTA er nýstárleg bók, tilraun
Foreldra- og styrktarfélags heyrn-
ardaufra t.þ.a. auka skilning
barna á merking orða. Ungur,
heyrnarlaus maður, fékk orðalist-
ann í hendur og tjáði síðan með
myndum merking orðanna. Það er
aðdáunarvert, hverjum árangri
hann nær, hve fáa blýantsdrætti
hann þarf t.þ.a. lýsa því, hver sú
mynd er, sem orðið kallar fram í
huga hans, er hann sér það. Þegar
ég var strákur, braut ég oft
hugann um það, hvernig bezt væri
að skýra merkingu ókunnra orða
fyrir móðurbróður mínum heyrn-
ar- og mállausum, fann, hve
klaufskar setningar mínar, krot-
aðar á blað, voru. Hefði ég þá átt
kost á slíkri bók til hjálpar, hefði
mörgu erfiðinu til skilnings verið
af huga frænda míns lyft. Því
fagna ég þessari bók, og ég
fullyrði, að ekki aðeins heyrnar-
lausum, heldur flestum verður
hún til skilningsauka á mæltu
máli.
Myndirnar eru studdar dæmum
um notkun orða í setningum, og
beygingarlyklar fylgja, þar sem
þurfa þótti. Samstofna orð eru
prentuð breyttu letri, og sýndar
algengustu hljóðverptar myndir
og beygingaratriði.
Bókmenntlr
eftir SIGURÐ HAUK
GUÐJÓNSSON
Á það skal lögð áherzla, að
bókinni er ætlað að vera tæki til
móðurmálsnáms en ekki mál-
fræðilærdóms.
Sú er spá mín, að oft eigi þessi
bók eftir að koma út, verða
íburðar meiri, það er hljóta liti í
myndir. Eins mættu myndir
stækka, svo sjóndöprum yrðu not-
in auðveldari. Auðvitað er það
okkar allra að greiða þann kostn-
að er af slíkri kröfu leiðir. Illa
kann ég við eintölumyndina og
karlkynið á nafni bókarinnar.
Slíkt mat hefir kannske lítið gildi,
en til umhugsunar varpa ég því
fram samt. Bindindisáróður er
góður á réttum stað, en hæfir
orðskýringum illa.
Prentun mjög vel unnin.
Prófarkalesarar hafa leyst verk
sitt vel af hendi, en stríðinn getur
prentvillupúkinn verið.
Hafi allir, er að þessu merka
brautryðjandaverki unnu, innilega
þökk fyrir.
Vía, sem
ekki vildi
hoppa
Höfundur: Anna-Marí Lager-
crantz
Þýðing: Solveig Thorarensen
Textasetning og filmuvinna:
Prentstofa G. Benediktssonar
Prentun er unnin í Ungverja-
landi
Útgefandi. Fjölvaútgáfan
Bráðskemmtileg bók fyrir fróð-
leiksfús börn. Á kápusíðum eru
nokkrar staðreyndir um Lang-
víuna, eins og faðmur raunveru-
leikans um ævintýrið sjálft, sög-
una um ungann Víu. I eggi hefst
sagan, og höfundur fylgir síðan
unganum eftir, þar til hann hefir
að fullu breytzt úr fiðurhnoðra í
sjaldséða hringvíu, er berst við að
koma frá sér eggi, upphafi nýrrar
sögu.
Mörgu lýsir höfundur vel, t.d.
baráttu milli eðlis ungans og
löngunarstolts föðurins, það er að
segja, ef í brjósti langvía bærast
kenndir manna. Um það veit eg
ekki, en það er rétt hjá höfundi, að
börnum er tamt að líta svo á, eg
ræddi t.d. við hundinn minn í
sveitinni forðum, án alls efa um
það, að sömu kenndir bærðust í
brjóstum okkar beggja. Kannske
er líka heimur barnsins sá eini
sanni, þegar allt kemur til alls.
Höfundur á þakkir fyrir áhuga
sinn á náttúrunni og vernd henn-
ar, og hann á virðing fyrir það að
leggja sig fram um að tendra
löngun til náttúruskoðunar í
brjóstum annarra. Stundum gerir
höfundur of miklar kröfur. Eg veit
t.d. hvað DDT er, en hefi hins
vegar ekki hugmynd um, hvað
PCB þýðir. Læðist að mér, að svo
fari fyrir fleirum.
Myndir eru listavel gerðar, —
bæði teikningar og þar sem litum
er beitt.
Þýðing Solveigar er bráðvel
unnin, hana skortir ekki orð, og
hún hefir eyra fyrir hrynjandi
málsins.
Þetta er bók, sem gaman er að
rétta hugsandi barni.
I
Búið er að grafa fyrir grunni kyndistöðvar hitaveitunnar og er hún
staðsett við rafstöðina. Áætlað er að ljúka vinnu við grunninn fyrir
áramót og sjálfri byggingunni um mitt næsta ár. (Ljósm. Einar.)
Hitaveita í Hornafirði:
• •
Ollum framkvæmdum
ljúki á næsta ári
Höfn, Hornafirði, 19. desember.
FRAMKVÆMDIR við Hitaveitu
Ilafnarhrepps. Ilornafirði, hófust
15. nóvember síðastliðinn, en boðið
var út í 1. áfanga verksins, sem eru
35 greinibrunnar. Lægsta tilboðið
kom frá Byggingarfélaginu Höfn
hf., Hornafirði, og þá hefur einnig
vcrið samið við Byggingarfélagið
Ilöfn um 1. áfanga dreifikeríis, sem
nær frá aðveitustöðinni við rafstöð-
ina á staðnum að miðhluta eldri
bæjaríns.
Undirverktaki við suðuvinnu og
pípulagnir í dreifikerfi er Vélsmiðja
Hornafjarðar, en vegna jarðvegs-
vinnu við verkið er undirverktaki
Vélval sf., Hornafirði. Áætlað er að
1. áfanga, þ.e. brunnum og dreifi-
kerfi, verði lokið í júní 1980.
Bygging brunnanna er mjög erfið
þar sem sandleir er og verður þess
vegna að setja sérstakt hringlaga
stálþil kringum mótin til að halda
leirnum frá meðan gengið er frá
brunnstæðinu. Nú þegar er búið að
reisa 5 dreifibrunna og samkvæmt
upplýsingum Sveins Sighvatssonar,
framkvæmdastjóra Byggingarfé-
lagsins Hafnar, gengur verkið vel
miðað við aðstæður.
Forráðamenn Hafnarhrepps
leggja mikla áherzlu á að öllum
framkvæmdum hitaveitunnar verði
lokið að mestu fyrir árslok 1980 og
treysta í því sambandi á velvilja
fjárveitingavaldsins við næstu láns-
fjáráætlun, þannig að nægilegt fjár-
magn fáist til að ljúka verkinu.
Formaður Hitaveitunefndar Hafn-
arhrepps er Þorsteinn Þorsteinsson,
meðstjórnendur þeir Helgi Hjalta-
son verkfræðingur og Eiríkur Jóns-
son vélsmiður.
— Einar.
Erfitt hefur verið að eiga við byggingu dreifibrunnanna vegna
sandleirs í jarðveginum, en hringlaga stálþil hefur verið notað til að
halda leirnum frá meðan brunnurinn er i byggingu.
matur
á skammri stund
Örbylgju-
ofnarnir
frá
★ Sérstakur diskur sem snýst og færist upp og
niöur, tryggir Jafna hitun.
★ Sérstakur afþýöari, fyrir frosinn mat, frosin steik
beint úr frystikistunni veröur tiibúin um leið og
kartöflurnar eru soðnar.
★ Orkusparnaöur: Sharp örbylgjuofninn eyöir ca. 3
sinnum minni orku, miöaö viö tíma og er auk þess
5—10 sinnum hraðvirkari. Engin orka fer til spillis,
orkunotkun miöaö viö venjulegan ofn er 10—20%.
Venjulegur tengill.
eru nu
komnir