Morgunblaðið - 15.01.1980, Page 46

Fólk
MORGUNBLAÐIÐ, ÞRIÐJUDAGUR 15. JANÚAR 1980
-O-
Úrslitaleikirnir í Evrópumótun-
um í knattspyrnu fara fram í
maímánuði. Úrslitaleikur meist-
arakeppninnar fer fram 28. maí í
Madrid, en úrslitaleikurinn í bik-
arkeppninni fer aftur á móti fram
í Brussel í Belgíu 14. maí.
-O-
George Armstrong sem varð
tvöfaldur meistari með Arsenal er
liðið sigraði bæði í bikarkeppninni
og deildinni mun fara til Noregs
nú næstu daga og gerast þjálfari
og framkvæmdastjóri hjá norsku
félagi.
-O-
Allan Simonsen og félagar hans
í Barcelona fengu einá milljón
íslenskra króna fyrir að slá Akra-
nes út úr Evrópukeppninni. Og
bættu við þá upphæð öðru eins er
sigur vannst á Aris Bonnewg frá
Luxemborg. Það er gróðavænlegt
að vera í Evrópukeppni.
-O-
ÞAÐ hefur vakið nokkra athygli
að knattspyrnumaðurinn snjalli
Hálfdán Örlygsson sem leikið hef-
ur með meistaraflokki Vals í
knattspyrnu undanfarin ár hefur
nú snúið aftur til KR. Sagt er að
Hálfdán hafi verið orðinn hálf
þreyttur á Nemes fyrrverandi
þjálfara Valsmanna og því ákveð-
ið að skipta þegar Magnús Jóna-
tansson þjálfari KR-inga hafi sett
sig í samband við piltinn og boðið
honum fasta stöðu í liði KR.
Staðan bíður eftir þér og þú færð
að leika meira en þú fékkst með
Val.
-O-
ÞEGAR hafa farið fram allmargir
leikir í 2. deildinni í körfuknatt-
leik. Þeir hafa margir hverjir
verið afar spennandi og vel leikn-
ir. Athyglisvert er hversu vel lið
Hauka kemur frá leikjum þessum.
Þeir hafa ekki tapað leik til þessa.
Hér á eftir fara úrslit í þeim
leikjum sem fram hafa farið til
þessa.
Úrslit í 2. deild.
Haukar — Esja 69—60
Esja — ÍA 78—33
Esja — Léttir 73—44
Esja — ÍA 106-39
Léttir — Haukar 58—101
Haukar — ÍA 2—0
Haukar — Esja 57—55
ÍA- Esja 60-59
Bjarni Guðmundsson landsliðs-
maðurinn snjalli i handknattleik
hefur þarna fengið slæman skell.
Það fengu reyndar félagar hans
lika í flestum leikjum sínum i
Baitic-keppninni í handknattleik
sem nú er nýlokið. En leikmenn-
irnir eru ungir og það er verið að
byggja upp. Það er athyglisvert
að landslið Norðmanna sem sigur
vannst á er nú að undirbúa sig
fyrir C-keppnina i handknatt-
leik sem fram fer í Færeyjum.
Liðið hefur leikið 22 landsleiki á
undanförnum mánuðum og ekki
tekist að sigra nema í einum
þeirra. Sigruðu hollenskt ungl-
ingalið með nokkrum mun.
— O —
Margir bíða nú spenntir að sjá
hvort stórveldin geri alvöru úr
hótunum sínum og mæti ekki með
íþróttafólk sitt á Olympíuleikana í
Rússlandi. Bandaríkjamenn,
V-Þjóðverjar og fleiri íhuga nú
málin af mikilli gaumgæfni.
íþróttir og pólitík fara ekki saman
segir íþróttafólkið.
-O-
Lyftingamót fatlaðra sem fram
fór í sjónvarpssal um síðustu helgi
fór vel fram og sýndi fram á mikla
grósku í lyftingaíþróttinni meðal
fatlaðs fólks. Það var athyglisvert
hversu margir nýjir þátttakendur
komu fram. Fatlað fólk er oft á
tíðum utangarðs og því er fátt
heppilegra en þátttaka þess í
íþróttum og leikjum meðal jafn-
ingja sinna með allri þeirri
ánægju og eftirvæntingu sem því
er samfara. Höldum áfram á sömu
braut.
9 Tugþrautarkappinn Bruce Jenn-
^ er sem sigraði á Olympíuleikun-
h um í Montreal, hefur eindregið
I lagst gegn því að Bandaríkin
^ hætti við þátttöku i Olympíuleik-
• unum í Moskvu. Hann er þeirrar
9 skoðunar að ekki eigi að blanda
^ saman iþróttum og pólitík. Jenn-
h er vinnur nú hjá stóru auglýs-
I ingafyrirtæki sem heitir Akja.
* Og fær dágóðan skilding út á
■ sjálfan sig sem auglýsingafyrir-
Q sæta.
Júgóslavneski þjálfarinn
Branko Zebec, tekur konu sína
Dusica aldrei með sér er lið hans
Hamburger SV fer í keppnisferðir.
Hins vegar gerði hann undantekn-
ingu er lið hans lék í Reykjavík á
mpti Val. Þá fór frúin með.
Leikurinn fór nefniiega fram á 26
ára brúðkaupsafmæli hjónanna.
-O-
Nú bendir ýmislegt til þess að
Frans Beckenbauer hætti að leika
með Cosmos í Bandaríkjunum og
fari aftur til Evrópu. Beckenbauer
sem er orðinn 34 ára gamall og
hefur leikið 103 landsleiki fyrir
V-Þýskaland er með mörg góð
tilboð í vasanum. Frönsku félögin
AS Monaco og Paris ST Germain
hafa boðið honum háar upphæðir
svo að dæmi séu nefnd.
Áhugi á trimmi og skokki fer sffellt vaxandi i nágrannalöndum
okkar. Enda er þátttaka almenning í viðavangshlaupum með
einsdæmum. Myndin er frá einu slíku hlaupi í Svíþjóð og tóku 2790
manns þátt.
Mikið öngþveiti varð i miðasölu Wembley-leikvangsins í London er
leik Englands og Búlgaríu var frestað vegna þoku. Allir vildu að
sjálfsögðu fá endurgreitt. Eins og sjá má á myndinni var í nógu að
snúast. Fyrirliði Englands, Keegan, er heldur ekki ánægður.
Skíðamaðurinn Peter Luscher
var kjörinn íþróttamaður ársins í
Sviss. Peter er nú mjög framar-
lega í keppninni um heimsbikar-
inn á skíðum.
-O-
Mjög mikil óánægja ríkir nú hjá
yngri flokkunum í handknattleik
hjá hinum ýmsu félögum hér í
Reykjavík og úti á landi vegna
slælegrar frammistöðu dómara.
Kemur það fyrir aftur og aftur að
unga fólkið þarf að fara heim án
þess að leikir þess geti farið fram
vegna dómaraleysis. Nú er svo
komið að til hreinna vandræða
horfir. Hvernig væri nú að forráð-
amenn íþróttarinnar reyndu að
kippa þessu í liðinn. Það er ekki til
að auka vinsældir íþróttarinnar
meðal unga fólksins þegar svona
er staðið að málum.
Nú nýverið barst Judoráði Ak-
ureyrar tilkynning þess efnis að
Þorsteinn Hjaltason hefði verið
valinn í landslið íslands í judo, en
hann er íslandsmeistari sveina í
judo og núverandi handhafi
tækniverðlauna JSÍ:
Hann Gunter Netzer fram-
kvæmdastjóri Hamburger SV
sem nú stefnir að þvi að hreppa
Evrópumeistaratitilinn í knatt-
spyrnu situr ekki bara við skrif-
borðið sitt. Hann er þekktur
fyrir að vera mikið upp á kven-
höndina. Hér sést svo fram-
kvæmdastjórinn með nýjustu
vinkonu sinni, Elviru Lang. Þau
eru sögð stunda nýjasta diskótek
Hamborgar, Trinity, af miklum
krafti.
Það er von JRA að vel verði
stutt við bakið á Þorsteini fjár-
hagslega. Bæði er. að æfingar
landsliðsins fara fram í Reykjavík
og einnig má gera ráð fyrir að það
haldi utan einhverntíma á næst-
unni. Kostnaður verður því ærinn
en hann verður á einhvern hátt að
kljúfa, svo Þorsteini verði unnt að
halda sínu sæti í Judo-landsliði
íslands.
Allt eins má búast við þvi að
Mario Kempes verði þá búinn að
fá spánskan rikisborgararétt og
leiki fyrir Spánverja. Kempes
varð heimsmeistari með Arg-
entinu í siðustu keppni.
:r
ESPANA 82
Hér að ofan má sjá eitt af
mörgum merkjum sem koma til
með að auglýsa heimsmeistara-
keppnina í knattspyrnu sem
fram fer á Spáni 1982.
VIGGÓ Sigurðsson handknattleiksmaður sem leikur nú með F.C.
Barcelona hefur fullan hug á því að reyna fyrir sér í Vestur-Þýska-
landi næsta keppnistimabil. Er Viggó ekki alls kostar ánægður með
hversu mikið einstaklingsframtakið er látið ráða í leikjum á Spáni. Á
myndinni er Viggó með fyrirliða spánska landsliðsins i handknattleik
en hann leikur einnig með Barcelona-liðinu. Spánverjar taka þátt í
handknattleikskeppni Olympíuleikanna. Þeir undirbúa sig vel undir
þá keppni og eru sagðir vera með gott lið.
Ljósm. ÞR:
fréttir úr vmsum áttum
r m