Morgunblaðið - 19.02.1980, Blaðsíða 35
MORGUNBLAÐIÐ, ÞRIÐJUDAGUR 19. FEBRÚAR 1980
35
Þessi eru þau atriði, sem mestu
máli skipta í breytingartillögum
nefndarinnar.
Þá er breytingartillaga þess
efnis, að sjálfseignarstofnanir,
íþróttafélög og fleiri slíkar stofn-
anir skuli ekki skattskyldar.
Þá er tillagá, sem skiptir veru-
legu máli, þ.e. að endurmat það,
sem atvinnufyrirtæki mega fram-
kvæma nú, verði byggt á
fasteignamati í árslok 1979 í stað
ársbyrjunar eins og segir í lögun-
um. Meginreglan er að vísu sú að
endurmat skuli byggt á fram-
reiknuðu kostnaðarverði, en heim-
ilt er að nota fasteignamat, ef
hærra er. Síðan mun fasteignamat
framreiknað með sama hætti og
annað í þessum lögum með verð-
breytingarstuðli.
Lögð er til sú breyting að þeir,
sem landbúnað stunda, mega
flytja söluhagnað af bújörðum
innan vissra marka yfir í íbúðar-
húsnæði til eigin nota, en eins og
lögin eru nú, er allur söluhagn-
aður bújarða skattskyldur.
Þó skattstigar liggi ekki fyrir
taldi nefndin rétt að leggja til að
færar yrðu nokkrar frádráttar-
fjárhæðir (sjómannafrádráttur,
námsfrádráttur, hjúskaparfrá-
dráttur o.fl.) til þess verðlags er
gildir í dag.
Þá er lagt til að framreikna
megi rekstrartöp fyrri ára til þess
verðlags, sem gildir á uppgjörs-
degi, skv. verðbreytingastuðli, en
frumvarpið gerði ekki ráð fyrir
slíkum framreikningi.
Þá eru í breytingartillögum
fjallað um tillög í varasjóð, út-
hlutun á arði eða tekjuafgangi
o.fl.
HÁ gerði grein fyrir fjölmörg-
um öðrum breytingartillögum sem
hér verða ekki raktar. Hann sagði
að lokum að þetta frumvarp
byggði á því, að atvinnureksturinn
geti varðveitt sitt eigið fjármagn,
ef uni það er að ræða. Það sé
meginsjónarmið, að heilbrigður
atvinnurekstur verði ekki skatt-
lagður öðruvísi en um raunveru-
lega verðmætisaukningu sé að
ræða hjá honum.
Fyrirvari
samkomulags
leitað
Matthías Á. Mathiesen (S)
rakti efnislega skattalöggjöf, sem
sett var 1978. Hún hefði falið í sér
fjölmörg nýmæli og samkomulag
hefði þá verið um að halda áfram
athugun og endurskoðun á tiltekn-
um efnisatriðum. Frumvarp það
til skattlagabreytinga, sem hér sé
til umræðu, og breytingartillögur
nefndarinar, séu í framhaldi af
þeirri endurskoðun, þó enn sé uppi
nokkur skoðanaágreiningur um
nokkur atriði.
MÁM rakti þær breytingar í
lögum nr. 40/1978 sem varða
atvinnurekstur, aðallega varðandi
fyrningu og söluhagnað. Þar séu
teknar upp heimilaðar fyrningar
af endurmetnu stofnverði fyrnan-
legra eigna, þó takmarkaðar séu
hjá aðilum, sem fjármagnað hafi
slíkar eignir með lánsfé og notið
vaxtafrádráttar frá tekjum. Þá sé
söluhagnaður gerður skattskyldur
án tillits til eignarhaldstíma. Er
söluhagnaður reiknaður sem
mismunur söluverðs og fram-
reiknaðs kaupverðs eftir verð-
breytingastuðli, að teknu tilliti til
fenginna fyrninga. Þá þegar var
ljóst að sum þessara atriða þurftu
endurskoðunar við, sagði MÁM,
sem leitt hefur til þess frumvarps
sem hér er til umræðu. Þetta
frumvarp gerir ráð fyrir annarri
meðferð í sambandi við verðbreyt-
ingahagnað.
Það liggur ljóst fyrir, sagði
MÁM, að meðferð í sambandi við
verðbreytingahagnað er viðkvæm-
asta atriðið, sem hér um ræðir nú.
Frumvarpið gerði ráð fyrir sér-
stakri 25% fyrningu á móti verð-
breytingarhagnaði. Um þetta at-
riði varð ekki samkomulag í
nefndinni. Þá varð ekki samkomu-
lag um afskriftir vörubirgða og
meðferð þeirra í uppgjöri fyrir-
tækja né örfá önnur atriði.
Ég tel að meginsjónarmið hafi
komið fram í framsöguræðu for-
manns nefndarinnar (HÁ) varð-
andi afgreiðslu þessa máls. Eins
og hann tók fram undirrituðu
nefndarmenn Sjálfstæðisflokksins
nefndarálitið með fyrivara, enda
ágreiningur um tiltekin atriði og
nokkur fleiri, en eftir því mun
leitað að ná fram samkomulagi
um þau atriði milli 2. og 3.
umræðu.
Engan tekjuskatt
á launatekjur
Sighvatur Björgvinsson (A)
taldi viðkomandi þingnefnd og
formann hennar (HÁ) hafa unnið
mikið og gott starf í flóknu og
viðkvæmu máli. Þó enn sé margt
óljóst í framkvæmd þessara nýju
skattalaga er óhjákvæmilegt að
afgreiða þessar breytingar nú, svo
stór vandræði skapist ekki í sam-
bandi við skttlagningu á árinu
1980. SBj sagðist ekki ætla að
fjölyrða um þær breytingartillög-
ur, sem fyrir lægju; sumar væru
til bóta, aðrar vafasamari. Hann
lagði áherzlu á að reynt yrði að ná
samstöðu milli allra þingflokka
við lokaafgreiðslu málsins í þing-
inu.
SBj sagði Alþýðuflokkinn hafa
tekið jákvætt í skattalagafrum-
varp MÁM 1978, enda hefðu þar
verið margar breytingar til hins
betra. Þá rakti hann þær tillögur
sem Alþýðuflokkurinn hefði flutt í
skattamálum á Alþingi hin síðari
árin, þ.á.m. um niðurfellingu
tekjuskatts af almennum launa-
tekjum, m.a. vegna ýmissa sér-
stæðna hérlendis. Hér vinni marg-
ir langan vinnudag, ekki einungis
vegna tekjuþarfar, heldur til að
bjarga verðmætum, einkum í sjáv-
arútvegi. Við slíkar aðstæður sé
mjög varhugavert að íþyngja al-
mennu launafólki í tekjusköttun,
þannig að fólk þurfi að borga
hæsta skattahlutfall af venju-
legum meðalaflatekjum; eða að
aukavinna vegna sérstakra að-
stæðna í atvinnulífi okkar mæti
nokkurs konar skattsektum. Af-
nám tekjuskatts af launatekjum
yrði raunhæf og hvetjandi kjara-
bót. SBj kom í þessu sambandi inn
á fjárlagafrumvarp og skattlaga-
frumvarp, er starfstjórn Alþýðu-
flokksins flutti, og gerir ráð fyrir
7.2milljarða tekjuskattslækkun
frá frumvarpi Tómasar Árnason-
ar (F).
Frumvarpið og breytingartillögu
þingnefndar voru afgreidd til 3ju
umræðu í neðri deild, sem fram
fer n.k. mánudag, en reiknað er
með að hið nýja skattlagafrum-
varp verði samþykkt sem lög frá
Alþingi (úr efri deild) fyrir miðja
næstu viku.
Lýðveldið ísland
14.000.000 hollenzk gyllini
Lán með föstum vöxtum
til ársins 1995
Fjáröflun
fyrir
Landsvirkjun
Fjáröflun þessa annaðist
Bank Mees & Hope NV
í samvinnu við
Hambros Bank Limited
Febrúar 1980
V erzlunarráð
Islands
AÐALFUNDUR 1980
fimmtudagur, 21. febrúar, kl. 11.10
Kristalssalur Hótel Loftleiða
DAGSKRA:
11.00—11.15 Mæting og móttaka fundargagna.
11.15— 11.45 Setningarræða formanns Verzlunarráös íslands, Hjalta Geirs
Kristjánssonar.
11.45— 12.15 Skýrsla um störf stjórnar V.í og fjárreiður ráðsins.
12.15— 13.30 Hádegisverður í Víkingasal. Avarp viðskiptaráðherra Tómasar
Árnasonar. Fyrirspurnir.
13.30- 15.00 Framfarir og framtíðin
— Atvinnulífið á nýjum áratug —
LTækninýjungar á komandi áratug og áhrif þeirra á atvinnulífið:
Guðmundur Einarsson, verkfræðingur.
2. Efnahagsleg skilyröi framfara: Jónas H. Haralz, bankastjóri.
3. Almennar umræðui og ályktanir.
15.00-15.30 Störf, stefna og skipulag Verzlunarráðs
íslands 1980—1990.
1. Fjárhags- og framkvæmdaáætlun 1980.
2. Viðfangsefni 1980—1990, Ragnar S. Halldórsson. Jóhann J.
Ólafsson.
3. Laga- og skipulagsbreytingar.
15.30- 15.45 Kaffi.
15.45— 16.00 Kosningar:
1. Kosning formanns V.í.
2. Úrslit stjórnarkjörs.
3. Kosin 7 manna kjörnefnd.
4. Kosnir 2 endurskoðendur.
16.00—16.30 Önnur mál.
16.30 Fundarslit.
Fundarstjóri: Haraldur Sveinsson, framkvæmdastjóri.
Kosingu til stjórnar ráðsins lýkur kl. 17.00, miövikudaginn 20.
febrúar. Atkvæðum skal skila til kjörstjórnar á skrifstofu
ráðsins fyrir þann tíma.
Vinsamlegast tilkynnið þátttöku í síma 11555 vegna fjölda
þátttakenda.