Morgunblaðið - 27.07.1980, Blaðsíða 1

48 SÍÐUR
167. tbl. 67. árg.
SUNNUDAGUR 27. JÚLÍ1980
Prentsmiðja Morgunblaðsins.
Fordæma
Bólivíu-
stjórnina
Washington 26. júlí. AP.
SAMTÖK Ameríkurikja, OAS,
fordæmdu í dag herstjórn Luis
Garcia Arze i Bóliviu, fyrir að
hafa komið i veg fyrir það með
valdbeitingu að lýðræðislega
kjörin stjórn fengi að stýra land-
inu.
Sextán ríki greiddu atkvæði
tillögunni um að fordæma her-
stjórnina og aðgerðir hennar, þrjú
voru á móti og voru það Chile,
Paraguay og fulltrúi Bolívíu. Arg-
entína, Brazilía, Uruguay og
Guatemala sátu hjá.
Biðskák
Buenos Aires 26. júli AP.
LEV Polugayevsky og Victor
Korchnoi tefldu fjórðu einvíg-
isskák sína um réttinn til að
skora á Karpov heimsmeistara,
í gær og fór hún í bið eftir 43
leiki. Polugayevsky bauð jafn-
tefli eftir 40. leik, en Korchnoi
hafnaði því. Þeir hafa gert
jafntefli í hinum þremur skák-
unum.
Umdeild
skrifstofa
Begins senn
tilbúin
Jerúsalem, 26. júli. AP.
FRÉTTAMENN íengu í
dag að skoða húsakynni
þau, sem Menachem Be-
gin, forsætisráðherra ís-
raels er að koma fyrir
skrifstofu sinni í austur-
hluta Jerúsalem, og segja
að verkinu við frágang sé
að verða lokið.
Eins og alkunna er hefur sú
ákvörðun Begins að flytja skrif-
stofur sínar til austurhluta Jerú-
salem, vakið mikla gremju og
deilur víða og ýmsir erlendir
sendiherrar, þar á meðal Samuel
Lewis frá Bandaríkjunum, hafa
hótað að þeir muni ekki vitja
forsætisráðherrans í hans nýju
bækistöðvum.
Ekki hefur verið ákveðið hvað
gatan, sem skrifstofa Begins er
við, á að heita. Hann mun hafa
haft hug á að nefna hana eftir
Goldu Meir eða Yigal Allon, en úr
því verður naumast þar sem ekki
má skíra neitt í ísrael eftir
persónum fyrr en liðin eru þrjú ár
frá láti þeirra. Aukin heldur hafði
Golda Meir lagt svo fyrir, að hún
vildi ekki að götur né torg né neitt
annað yrði nefnt eftir henni.
Eins og sagt var frá í Mbl. í dag,
laugardag, bendir ýmislegt til að
Sadat Egyptalandsforseti muni
kveðja heim sendiherra Egypta-
lands í ísrael, ef Begin gerir
alvöru úr að flytja stjórnarskrif-
stofurnar. Ekki lítur út fyrir, að
Begin hyggist láta þær hótanir á
sig fá.
Skyldi hún ekki eiga heiminn — eða altént daginn?
l.jcVsm, Mbl. ÓI.K.M.
Nýr forsætis-
ráðherra írans
26. júli. AP.
FORSETI írans, Bani-Sadr. til-
nefndi i dag Mostafa Mir-Salim
nýjan forsadisráðherra landsins,
að því er sagði í fregnum Teher-
an-útvarpsins í morgun.
Mir-Salim hefur verið rann-
sóknarlögreglustjóri í landinu og
nýtur eindregins stuðnings klerka
og guðsmanna í landinu. Tilnefn-
ingin verður lögð fyrir þingið til
samþykktar. Mir-Salim hefur
einnig haft á hendi embætti að-
stoðarinnanríkisráðherra um hríð
og er ekki talinn neinn vafi á því,
að þingið samþykki tillögu forset-
ans.
Þegar frá þessu hefur verið
gengið, mun loks hægt að hefja
athugun á því, hver verða örlög
bandarísku gíslanna, eins og
margsinnis hefur komið fram í
fréttum.
Deng gerður að
þjóðarhöfðingja
Túkýú. 26. júli. AP.
DENG Xiaoping varaforsætisráðherra Kína verður
útnefndur þjóðarhöfðingi Kína á fundi þjóðþingsins í
næsta mánuði, að því er blað í Japan hefur dag cftir
„mjög“ áreiðanlegum heimildum í Tókýó. Blaðið segir
ennfremur, að Hua Guofeng forsætisráðherra láti þá af
embætti, en verði áfram formaður kommúnista-
flokksins.
Við tekur af Hua, segir
blaðið, Zhao Ziyang aðstoð-
arforsætisráðherra, sem er
skjólstæðingur Dengs.
Séu fregningar réttar,
þarf að breyta stjórnarskrá
Kína, þar sem þjóðarhöfð-
ingjastaðan var lögð niður
árið 1975, en síðastur
gegndi þeirri stöðu Liu
Shao Qi, er útnefndur var
árið 1959.
Hann varð fyrir
barðinu á hreinsunum er
áttu sér stað í kjölfar
menningarbyltingarinnar
1960, og lézt í ónáð 1969, en
nafn hans var endurreist
fyrr á þessu ári.
Dökkt útlit
hjá Reuter
London, 26. júlí. AP.
DÖKKT útlit er nú hjá Reut-
er-íréttastofunni vegna verk-
falla starfsfólks víða um
heim. en verkföllin utan
Bandaríkjanna eru hin fyrstu
hjá stofnuninni i 119 ár.
Á miðnætti síðastliðnu til-
kynnti Lundúnaskrifstofa
Reuters, að „lokað yrði um
stundarsakir" vegna verkfalla
starfsfólks þar, en starfsmenn
skrifstofunnar, sem eru í
brezku blaðamannasamtökun-
um, lögðu niður vinnu skv. boði
samtaka sinna, í kjölfar þess,
að fimm blaðamenn og þrír
ritarar voru í gær reknir heim
fyrir að neita að annast
fréttaskeyti frá skrifstofu
fréttastofunnar í New York.
Skrifstofan í New York hef-
ur verið hálflömuð í nokkra
daga vegna launadeilna starfs-
fólks þar. Vegna aðgerða
brezka blaðamannasambands-
ins kann fréttaflutningur
Reuters að ganga enn verr
fyrir sig, þar sem bannið nær
til allra félagsmanna hvar sem
þeir starfa í heiminum, og er
ma. búizt við, að það hafi
veruleg áhrif á fréttaflutning
Reuters af Ólympíuleikunum í
Moskvu.
Samþykkt að draga
úr veiðum á búrhveK
Brighton. 26. júli. AP.
SAMÞYKKT var á fundi alþjóðahvalveiðiráðsins i gærkvöldi. að
banna veiðar á búrhveli i norðvesturhluta Kyrrahafsins og að ekki
mætti veiða fleiri en 300 hvali á suðurhveli jarðar.
Japönum verður á næsta ári
leyft að veiða 890 búrhveli í
vesturhluta Kyrrahafsins miðað
við 1350 á þessu ári. Á fimmtudag
féll á einu atkvæði tillaga vís-
indanefndarinnar um bann við
öllum búrhvalaveiðum á heims-
höfunum. Fulltrúar Kanada gengu
í lið með fimm stóru hvalveiði-
þjóðunum, Japan, Sovétríkjunum,
Chile, íslandi og S-Kóreu, og
greiddu atkvæði gegn tillögunni.
Einnig var í gærkvöldi sam-
þykkt samhljóða að banna há-
hyrningsveiðar á verksmiðjuskip-
um við Suðurskautsland frá og
með næsta ári. Þá var bannað,
þrátt fyrir mótatkvæði Sovét-
manna, Japana og S-Kóreumanna,
að nota sprengjulausan örvarskut-
ul á hvali sem eru yfir 10 metrar
að stærð. Loks var samþykkt að
leyfa veiðar á 7.072 hrefnum á sex
veiðisvæðum á suðurhveli jarðar
miðað við 8.102 í ár.
Formaður bandarísku sendi-
nefndarinnar á fundi ráðsins
sagði í dag, að þessar samþykktir
væru skref í rétta átt frá þeim
reglum, sem nú gilda, er leyfðu
„ótakmarkaðar" veiðar. Hann
sagði, að Bandaríkjamenn myndu
þó halda áfram að berjast fyrir
allsherjarbanni við veiðum á búr-
hveli, sem umhverfisverndarmenn
og vísindanefnd Alþjóðahvalveiði-
ráðsins teldu, að enn væri í mikilli
hættu á útrýmingu.
Stolið
frá ekkju
Sellers
London, 26. júli. AP.
EKKJA leikarans Peters Sellers
Lynne Frederick, varð fyrir því í
gær, að handtösku hennar var
stolið, meðan hún var í verzlun-
arleiðangri að festa kaup á svört-
um flíkum til að bera við útför
manns síns, sem fer fram í dag.
Lynne Frederick sagði að veskið,
sem er úr forláta krókódíla-
skinni, væri gjöf frá eiginmann-
inum og keypt í París í fyrra.
Hún sagði, að það hefði tilfinn-
ingalegt gildi fyrir sig fyrst og
fremst, svo og mynd af Sellers,
sem í veskinu var. Hvatti hún
þjófinn til að skila veskinu, en
sagði, að honum væri frjálst að
hirða peninga þá sem voru í því.