Morgunblaðið - 09.08.1980, Page 17

HVAÐ ER AÐ GERAST UM HELGINA?
MORGUNBLAÐIÐ, LAUGARDAGUR 9. ÁGÚST 1980
17
Klúbbur eff ess:
Hljómlist, pizzur
og sjávarréttir
Ákveöið hefur verið að skemmtistaðurinn Klúbbur eff
ess sem er til húsa í Félagsstofnun stúdenta við
Hringbraut, verði framvegis opinn tvö kvöld í viku. Opið
verður annað kvöld,, sunnudagskvöld, frá kl. 20.00—01. Þá
leikur hljómsveitin Mezzoforte. Fimmtudaginn 15. ágúst
mun jazzhljómsveit Reynis Sigurðssonar leika listir
sínar.
Skemmtistaðurinn Klúbbur eff ess hefur auk hljómlist-
ar á boðstólnum pizzur og sjávarrétti.
Manuela Wiesler
Manuela frumflytur
hér Flauto del Sole
Um helgina eru á efnisskrá Sumartónleika í Skálholts-
kirkju þrjú einleiksverk fyrir flautu, en umgerð efnis-
skrár mynda tvö verk fyrir flautu og sembal eftir
barokktónskáldin J. J. Quanty og J. S. Bach. Flytjendur
eru Manuela Wiesler og Helga Ingólfsdóttir. Aðgangur er
ókeypis.
Einleiksverkin sem Manuela leikur í Skálholtskirkju
um þessa helgi, 9. og 10. ágústberu eftir C. Ph. E. Bach, C.
Debussy og Áke Hermanson. Áke Hermanson samdi verk
sitt Flauto del Sole fyrir Manuelu 1978, og flutti hún það
á tónleikum í Stokkhólmi í vor, en mun á tónleikum
þessum frumflytja það hér.
Tónleikarnir hefjast kl. 15 á laugardag og sunnudag og
að þeim loknum er hægt að fá kaffiveitingar á staðnum.
Messað er í Skálholtskirkju á sunnudag kl. 17.00.
Norræna húsið:
Síðasta helgi
sumarsýningar
UM þessar mundir standa yfir
fjórar sýningar í Norræna húsinu.
í anddyri stendur yfir sýning á
grafík eftir tvo danska listamenn,
þá Svend Havsteen og Kjeld Hel-
toft. Sýningin er opin frá kl. 9—19
og lýkur henni á sunnudagskvöld.
í bókasafni stendur yfir sýning
á munum unnum úr tré og næfri
eftir Norðmanninn Johan Hop-
stad, svo og sýning á íslenskum
þjóðbúningum og kvensilfri. Opið
er daglega frá kl- 14—19. Sýningu
Johans Hopstads lýkur á sunnu-
dagskvöld, en þjóðbúningasýn-
ingin stendur fram í september.
I kjallara stendur yfir sumar-.
sýning Norræna hússins og fer nú
í hönd síðasta sýningarhelgin. Þar
sýna fjórir listamenn verk sín,
þeir Benedikt Gunnarsson, Jó-
hannes Geir, Sigurður Þ. Sigurðs-
son og Guðmundur Elíasson. Sýn-
ingin er opin í dag og á morgun,
sunnudag, frá kl. 14—19.
Hér láta þeir sumargleðimenn gamminn geysa á æfingu.

■ > \í: *. , f ■■ ‘W i
/-æ '■p i
I H ■HSj&v j
Sumargleðin:
Á lokasprettínum
Sumargleðin er nú á lokasprettinum. Sextett Ragnars Bjarnasonar,
Magnús ólafsson, Bessi Bjarnason, Ómar Ragnarsson og Þorgeir
Ástvaldsson verða í Sævangi í kvöld og í Borgarnesi annað kvöld.
Þetta verður næstsíðasta helgi þeirra sumargleðimanna og hin síðasta
úti á landi. Þeir bjóða upp á tveggja tíma skemmtidagskrá og
þrumudansleik á eftir. Lokaskemmtun Sumargleðinnar verður í
Reykjavík um næstu helgi.
Myndlist:
Valtýr sýnir
í Þrastalundi
VALTÝR Pétursson er um þessar
mundir með árlega málverkasýn-
ingu sína í Veitingastofunni
Þrastalundi við Sog. Á sýningunni
eru 25 olíumálverk. Þetta er
sjöunda sýning Valtýs í Þrasta-
lundi og stendur hún til 17. þ.m.
Gallerí Djúpið:
Dagur sýnir
akrýlmyndir
DAGUR Sigurðsson sýnir um
þessar mundir 24 myndir í Gallerí
Djúpinu, Hafnarstræti 15. Flestar
eru myndirnar unnar með akrýl-
litum á pappír og eru frá síðustu
þremur árum.
Dagur sækir myndefni sitt aðal-
lega í þjóðsögur, en á sýningunni
gefur einnig að líta landslags-
myndir og „erotískar" myndir.
Sýningin stendur til 13. ágúst og
er opið frá kl. 11 til 23.00 daglega.
Flestar myndanna eru til sölu.
Suðurgata 7:
Michael
Werner með
samansetninga
NÚ STENDUR yfir í Gallerí
Suðurgötu 7, sýning á verkum
Michaels Wernes, svonefndum
samansetningum, en Werner er
einkum þekktur sem myndhöggv-
ari.
. Michael Werner er fæddur árið
1912 og stundaði myndlistarnám í
París. Hann hefur undanfarin ár
kennt við myndlistarskólann í
Watford School of Art í London.
Werner hefur haldið 15 einkasýn-
ingar og tekið þátt í fjölda sam-
sýninga víða um heim.
Sýning Michaels Werners í
Gallerí Suðurgötu er opin virka
daga frá 4—6 og 4—10 um helgar,
en henni lýkur 17. ágúst. Verkin
eru öll til sölu.
Listmunahúsið:
Vatnslitamyndir
Moy Keithleys
NÚ STENDUR yfir sýning á
verkum Moy Keithley í Listmuna-
húsinu Lækjargötu 2. Á sýning-
unni eru 60 vatnslitamyndir, mál-
aðar á ferð hennar um landið
sumarið 1977.
Sýningin er opin alla virka daga
frá kl. 10 til 18 og um helgar frá
kl. 14 til 18 og stendur fram á
miðvikudag, 13. ágúst.
Myndlist:
Páll Isaksson
sýnir í Eden
PÁLL Isaksson opnaði í gær
myndlistarsýningu í Eden í
Hveragerði. Á sýningunni eru 28
verk, flest þeirra olíupastel- og
tússpennaverk.
Páll sagði í samtali við Mbl. að
þetta væri önnur einkasýning sín,
hann hefði verið með litla sýningu
í Fossnesti á sl. ári.
Flestar myndanna á sýningunni
eru málaðar á þessu eða síðasta
ári og eru allar til sölu. Sýningin
stendur til 18. ágúst og er opin á
opnunartíma Edens, frá kl. 9—
23.30.