Morgunblaðið - 26.08.1980, Síða 44

^SÍminn á afgreiöslunni er
83033
JlUreunbtabib

GLÝSINGASÍMINN ER:
22480
JH«r0unbI«bib
ÞRIÐJUDAGUR 26. ÁGÚST 1980
HREINDÝRAVEIÐAR standa yfir þessa dagana, en frá 1. ágúst til 15. september er heimilt að skjóta 1 þúsund
dýr í N-Þingeyjarsýslu, Múlasýslum og A-Skaftafellssýslu. Misjafnt er hve mörg dýr er leyfilegt að veiða í
hverjum þeim 31 hreppi, sem veiðileyfi fengu í haust, eða allt frá 8 hreindýrum í Fjalla- og Skeggjastaðahreppi og
90 í Fljótsdals- og Jökuldalshreppum. Þennan 40 dýra hóp var að finna á Eskifjarðarheiði um helgina.
Ljósmyndarinn skaut að þeim með myndavél sinni, en skömmu áður höfðu tvö dýr verið drepin úr þessari fallegu
hjörð með banvænum skotum úr rifflum veiðimannanna.
Grundarfjörður:
Búið að setja okkur upp við vegg -
vinnubrögð sem ekki verða þoluð
- kennarar telja afskipti menntamálaráðherra torvelda samkomulag
KENNARAR og skólastjóri grunnskólans í Grundar-
firði sátu langan fund saman í gær og reyndu að ná
sáttum, en eins og komið hefur fram í fréttum hafa
kennarar sagt upp störfum vegna endurkomu skóla-
stjórans úr ársleyfi. Fundurinn hófst kl. eitt eftir
hádegi í gær og stóð fram að kvöldmat og hafði þá lítið
þokað í samkomulagsátt að sögn eins kennarans. Þá var
gert fundarhlé til kl. átta og var stefnt að því að ná
einhverri niðurstöðu um kvöldið, en þegar Mbl. fór í
prentun síðla kvölds hafði engin niðurstaða fengist.
500 stærstu fyrir-
tæki Norðurlanda:
Fimm ís-
lenzk fyr-
irtæki í
þeim hópi
Heildarvelta þeirra
um 476 milljarðar kr.
VELTA 500 stærstu fyrir-
tækja Norðurlanda var á
síðasta ári um 889.000
milljónir sænskra króna,
eða 105.791.000 milljónir
íslenzkra króna, en það er
að jafnvirði um 80% þjóð-
arframleiðslu landanna,
að því 'er segir í frétt frá
sænska viðskiptaráðuneyt-
inu.
Flest fyrirtækin í þessum 500
fyrirtækja hópi eru í Svíþjóð, eða
189. Finnar koma í öðru sæti með
107 fyrirtæki, Danir í þriðja sæti
með 104 fyrirtæki. Þá koma Norð-
menn með 94 fyrirtæki og Islend-
ingar reka svo lestina með 5
fyrirtæki, þ.e. Samband íslenzkra
samvinnufélaga, Eimskipafélag
íslands, Flugleiðir, Oiíufélagið og
Skeljung, en heildarvelta þessara
fimm fyrirtækja er sögð vera um
4.000 milljónir sænskra króna, eða
sem næst 476 milljörðum ís-
lenzkra króna.
Stærsta fyrirtæki Norðurlanda
er sænska fyrirtækið Volvo, en
sænsk fyrirtæki raða sér ennfrem-
ur í fimm næstu sætin. Það er svo
danska fyrirtækið Östasiatiske
Kompagni, sem er í sjöunda sæti,
sænskt fyrirtæki í áttunda og
finnska fyrirtækið Kesko í níunda
sæti.
Innlent
berjavín
á markað?
„MÁLIÐ er i athugun og því ekki
hægt að segja um það á þessari
stundu hvort verður farið út í
einhverja framleiðslu vina úr
innlendum berjum i haust,“ sagði
Jón Kjartansson, forstjóri
ÁTVR, i samtali við Mbl. i
gærdag.
Hreppsnefnd Eyrarhrepps boð-
aði kennara, skólastjóra og for-
eldra barna í grunnskólanum til
umræðufundar um málið á sunnu-
dag. Að sögn Guðmundar Ósvalds-
sonar sveitarstjóra varð niður-
staða þess fundar sú, að boðað var
til áðurnefnds sáttafundar í gær.
Tillaga þess efnis að starfsmenn
skólans reyndu til þrautar að ná
sáttum kom fram frá hreppsnefnd
og var hún samþykkt með 67 atkv.,
13 seðlar voru auðir og 17 ógildir
og má sjá af atkvæðafjöldanum að
fundurinn hefur verið fjölmennur.
Mbl. náði sambandi við Birgi
Guðmundsson kennara í fundar-
hléi í gærkvöldi, en hann er einn
þeirra kennara, sem sagt hefur
upp störfum. Sagði hann að lítið
hefði miðað í samkomulagsátt, en
stefnt væri að því að ná einhverju
samkomulagi fyrir miðnætti. „Það
sem hefur reynst erfiðast í þessu
máli öllu eru afskipti mennta-
málaráðherra og ráðuneytis. Ým-
islegt sem menntamálaráðherra
hefur látið frá sér fara hefur
torveldað mjög allar samkomu-
lagsumleitanir. Það er sem sé búið
að setja okkur kennarana upp við
vegg og þetta eru vinnubrögð sem
ekki verða þoluð hér eftir. Við
höfum ákveðið að láta ekkert eftir
okkur hafa fyrr en þetta mál er
komið í höfn, og við ræðum málin
alfarið inn á við,“ sagði hann.
Ekki tókst að ná sambandi við
Örn Forberg skólastjóra í fundar-
hléinu, en Garðar Eiríksson for-
maður skólanefndar, sem sagði af
sér vegna málsins, hafði eftirfar-
andi að segja um afskipti mennta-
málaráðherra, Ingvars Gíslasonar
og ummæli hans í Mbl. vegna máls
þessa: „Blessaður karlinn er stór-
orður í annarra garð en ekki sinn
eiginn. En málið er það, að enginn
vildi gera neitt, fyrr en allt var
komið í óefni. Við munum mjög
fljótlega svara opinberlega þess-
um ummælum Ingvars."
Þá sagði Garðar: „Það er hart,
þegar opinberir embættismenn
sem menntamálaráðherra og
ráðuneytismenn vilja ekki leysa
mál sem þetta með góðu og að það
þurfi að ákæra menn og draga
fyrir dómstólana. Við ætluðum að
komast hjá öllu slíku. Þá er annað
í þessu máli. Skólanefndin bar
málið undir ráðuneytið í upphafi,
þ.e. í maí sl. Ráðuneytið bað þá
kennarana að biða með uppsagnir
sínar og bannaði okkur m.a. að
auglýsa eftir nýjum kennurum
þar til Örn kæmi til landsins. Örn
kom síðan til landsins, en fór
snarlega út til Danmerkur aftur,
eftir stutta viðkomu, og án þess að
neitt hefði verið leyst af hendi
ráðuneytisins. Ráðuneytið hefur
ekki gert annað frá upphafi en að
hella olíu á eldinn og það er
hörmulegt að embættismanna-
valdið skuli vera svo algjört."
Garðar sagði í lokin: „Við höfum
ákveðið að sitja þar til önnur
skólanefnd verður kjörin, eða
tryggt verður að börnin fái viðun-
andi kennslu og samkomulag
næst. Það leysist ekkert af þessum
vanda með því að ráða nýja
kennara, því ekkert húsnæði er
fyrir þá, aðeins tvær litlar íbúðir
og núverandi leiguhafar þeirra
hafa rétt á þriggja mánaða upp-
sagnarfresti."
Óvissa ríkir um
nýtt búvöruverð
Gleypti og smyglaði
verjum með hassolíu
FÍKNIEFNADEILD lögregl-
unnar í Reykjavík hefur upp-
lýst mjög óvenjulegt smygl á 20
grömmum af hassolíu nýverið,
en söluverðmæti þess hér er um
ein milljón króna. 22ja ára
gamall maður gleypti hassoli-
una skömmu áður en hann lagði
upp i flugferð hingað frá Kaup-
mannahöfn og þannig komst
hann með fikniefnið inn í land-
ið.
Skömmu áður en maðurinn
lagði upp í flugferðina setti hann
hassolíuna í fjórar gúmmíverjur
og að því búnu gleypti hann
verjurnar. Þegar maðurinn var
kominn til Islands skiluðú verj-
urnar sér rétta leið í gegnum
meltingarfærin með hassolíuna.
Einhver bið varð á því að síðustu
verjurnar skiluðu sér og olli það
manninum miklum áhyggjum
eins og gefur að skilja, enda
stórhætta á ferðum ef þær
springa í meltingarfærunum. En
manninum til mikils léttis skil-
uðu verjurnar sér áður en skaði
hlaust af.
Nokkru eftir þetta var maður-
inn handtekinn ásamt tveimur
félögum sínum, þar sem þeir
voru að selja hassolíu fyrir utan
veitingahús í Reykjavík. Voru 10
grömm af efninu gerð upptæk.
Þetta er í fyrsta skipti sem
íslenzka fíkniefnalögreglan
sannar smygl af þessu tagi
hingað til lands, en aðferð þessi
mun vera alþekkt erlendis.
Fíkniefnalögreglan hefur síðan
fengið vitneskju um að hassolíu
hefur áður verið smyglað hingað
á þennan hátt.
NÝTT verð á landbúnaðarafurðum hefur enn ekki verið
reiknað út, en sexmannanefnd seljenda og neytenda
hefur setið á stöðugum fundum undanfarna daga. Er
enn ráðgerður fundur í nefndinni í dag og kvað Gunnar
Guðbjartsson framkvæmdastjóri Framleiðsluráðs land-
búnaðarins allt í óvissu með nýtt verð, hvenær það tæki
gildi og hvort samstaða næðist í nefndinni og kvaðst
Gunnar ekki mjög bjartsýnn á að samkomulag tækist.
Verðlagsgrundvöllur landbún-
aðarvara, eða samningstímabilið
við framleiðendur, rennur út hinn
fyrsta september og leggja fram-
leiðendur áherslu á að nýtt verð á
mjólkurafurðum liggi fyrir strax
um mánaöamótin. Verðlagning
sauðfjárafurða er ekki alveg eins
bráð, þar sem slátrun hefst ekki
fyrr en kringum miðjan mánuð.
Að sögn Torfa Ásgeirssonar,
fulltrúa neytenda í sexmanna-
nefndinni, er ógerlegt að segja til
um hve mikil hækkunin þarf að
verða. Kvað hann það markast af
því, hvaða samkomulag tækist við
framleiðendur, hver hækkunar-
þörf dreifingaraðila yrði og hverj-
ar ráðstafanir ríkisstjórnarinnar
yrðu í sambandi við niðurgreiðsl-
ur. Sagði Torfi, að aðstaða til að
fjalla um nýjan verðlagsgrundvöll
væri nú allt önnur en áður vegna
ráðstafana ríkisstjórnarinnar um
fóðurbætisskatt og kvótakerfi.
Guðmundur Sigþórsson í land-
búnaðarráðuneytinu sagði að ekki
væri hægt að segja um hvenær
nýtt verð tæki gildi. Jafnvel þótt
áhrif 8,57% launahækkunar væri
vituð, væru aðrir þættir í óvissu,
en hann taldi hugsanlegt að málin
skýrðust nokkuð að loknum fund-
inum í dag.