Morgunblaðið - 16.11.1980, Blaðsíða 3
MORGUNBLAÐIÐ, SUNNUDAGUR 16. NÓVEMBER 1980
3
Ragnhildur Helgadóttir:
Leiðigjarnar persónudeilur og myndun
núverandi ríkisstjórnar hvíla eins og
mara á öllu starfi Sjálfstæðisflokksins
FORMANNSKJÖR ok stjórn-
arkosninx á aóallundi Lands-
málafélagsins Varðar sl.
fimmtudaKskvöld hafa vakið
nokkra athygli ok umraður.
MorKunblaðið sneri sér í gær til
Raicnhildar Helgadóttur. fyrrv.
alþingismanns, sem var í fram-
boði til formanns Varðar, en
náði ekki kjöri, og ræddi við
hana um úrslit kosninganna.
Fyrsta spurningin, sem beint
var til RaRnhildar. var sú, hvort
hún liti á úrslit formannskosn-
invcarinnar, sem persónulegt
áfall fyrir sig. Ragnhildur sagði:
— Nei, alls ekki. Ég fann
mikinn einlægan stuðning, sem
mér þótti vænt um, frá þeim hópi,
sem mig kaus, þótt hann lyti í
lægra haldi með örfárra atkvæða
mun á þessum fundi. Sá maður,
sem kosinn var, er ekki persónu-
legur andstæðingur minn, svo ég
viti til, né ég hans, síður en svo.
Enda kemur á daginn, svo ein-
kennilegt sem það má virðast, að
kosið var á fundinum milli allt
annarra aðila en þeirra, sem
boðnir voru fram til stjórnar-
kjörs.
— Hvaða aðilar voru það?
— Það er Ijóst, að hin marg-
fræga fylkingabarátta í Sjálf-
stæðisflokknum var öllu yfir-
sterkari á þessum fundi. Ég held,
að það sé rangt mat, að þessi
kosning endurspegli styrkleika-
hlutföll milli Gunnars og Geirs.
Þar kemur Gunnari til liðsstyrk-
ur, sem skýrist af eftirfarandi
ummælum nýkjörins formanns
Varðar í Þjóðviljanum á föstu-
dag. Þegar hann er spurður um
þetta atriði segir hann: „Ég hef í
þessum átökum verið maður
sátta og ekki tekið afstöðu með
öðrum aðila í deilunni. Aftur á
móti hef ég alla tíð verið stuðn-
ingsmaður Alberts Guðmunds-
sonar og ef til vill blandast ég
þannig inn í þessar deilur sem
stuðningsmaður Gunnars."
— Þú ert sem sagt ekki þeirrar
skoðunar, að þessi úrslit séu sigur
Gunnars Thoroddsens?
- Nei.
— En líturðu þá á úrslitin, sem
sigur Alberts Guðmundssonar?
— Sem sameiginlegan sigur
Alberts og Gunnars á þessum
fundi.
— Hvað veldur að þínum dómi
þessum sameiginlega styrk
þeirra?
— Það vita aðrir betur en ég.
— Því hefur verið haldið fram,
að þú hafir verið boðin fram af
„flokksapparatinu".
— Það er nokkuð til í því, þar
sem kjörnefnd Varðar stóð að
mínu framboði. Hvað er „flokks-
apparatið"? Er það formaður og
varaformaður flokks og einstakra
félaga? „Flokksapparatið" er að
mínu mati sameiginlegt afl allra
hinna ólíku flokksmanna, ekki
sízt félögin sjálf, m.a. Vörður. Til
að vinna að einingu í „flokksapp-
aratinu" Verði í þessu tilfelli,
kjósa menn á almennum félags-
fundi uppstillingarnefnd til að
gera tillögur um stjórnarkjör er
liggja frammi viku fyrir aðal-
fund. Á fundinum sjálfum geta
menn svo að sjálfsögðu komið
með aðrar uppástungur, ef þeim
sýnist svo.
— Hver var aðdragandinn að
þínu framboði?
— Menn teija það nokkru
varða að gera tilraun til að ná
sem víðtækastri samstöðu um
stjórnarkjör í pólitískum félögum
til þess að efla sameiginlega
baráttu út á við. Uppstillingar-
nefnd var kosin hálfum mánuði
fyrir aðalfund. Formaður Varðar,
sem ákveðið hafði að gefa ekki
kost á sér til endurkjörs og var
því samkvæmt hefð formaður
nefndarinnar, spurði mig hvort
hann mætti gera tillögu um mig,
sem næsta formann Varðar. Mér
skildist, að starfsreynsla fyrrver-
andi alþingismanns væri talin
líkleg til að koma að notum við
þetta verkefni. Að athuguðu máli
svaraði ég því, að ég mundi gera
þetta, ef samstaða yrði um það í
uppstillingarnefnd. Viku fyrir að-
alfund tilkynnti formaður nefnd-
arinnar mér um samhljóða niður-
stöðu nefndarinnar og stóð þá
þessi ákvörðun óhögguð.
Kjörnefndin lagði til að auk mín
skipuðu eftirtaldir aðilar stjórn
Varðar næsta starfsár: Ester
Guðmundsdóttir, Geir Haarde,
Gísli Jóhannsson, Gunnar
Hauksson, Gústaf B. Einarsson
og Júlíus Hafstein, og varastjórn:
Bjarni Ólafsson, Kristinn Jóns-
son, og Sveinn Jónsson.
Ég taldi niðurstöðu nefndar-
innar gefa vísbendingu um, að
eining kynni að verða um hana.
En varaformaður félagsins ákvað
síðar að bjóða sig fram gegn
tillögu nefndarinnar.
— Hverjar voru ástæður þess,
að þú gafst kost á þér til
formennsku í Verði?
— Þær voru tvær: eftir að ég
féll út af þingi í fyrra er tími
minn að sjálfsögðu rýmri. Þau ár,
sem ég sat á Alþingi, var því
miður minni tími en ég hefði
viljað til að sinna innri félags-
málum flokksins. Þá er það svo,
að þingmenn og kjörnir fulltrúar
flokksins sæta oft miklu ámæli af
hálfu flokksmanna fyrir að taka
ekki nægan þátt í störfum flokks-
félaganna.
Þar sem ég er ekki lengur
þingmaður taldi ég, að ég gæti á
vettvangi Varðarfélagsins unnið
að því að koma í framkvæmd
ýmsum hugmyndum mínum um
félagsstarf Sjálfstæðisflokksins,
sem þarf í mun ríkari mæli að -
fara fram með þeim hætti, að
mönnum takist að lyfta huganum
yfir þær leiðigjörnu persónudeil-
ur, sem ásamt myndun núverandi
ríkisstjórnar hvíla eins og mara á
öllu starfi Sjálfstæðisflokksins.
Fjöldi flokksmanna er orðinn
svo þrúgaður af þessum flokka-
dráttum, að menn eiga erfitt með
að trúa því, að nokkur þingmaður
eða fyrrverandi þingmaður vilji
beita sér að fróðlegri og skemmti-
legri verkefnum og brjóta upp á
nýjum leiðum, sem sjálfstæð
manneskja.
Það einstæða stjórnmála-
ástand, sem nú ríkir á íslandi,
veldur því að höfuðandstæður
allra landsmála, stuðningsmenn
ríkisstjórnar og andstæðingar,
sameinast í Sjálfstæðisflokknum.
Þessi staðreynd veldur því vitan-
lega, að allt stjórnmálastarf
flokksfélaganna verður mun erf-
iðara en ella. Þess vegna er
sérstök ástæða til þess að óska
Landsmálafélaginu Verði, þess-
um gamla og virðulega vettvangi
pólitískra umræðna í Reykjavík,
velgengni í mikilvægu hlutverki
sínu og nýkjörnum formanni þess
til hamingju með kosninguna,
sagði Ragnhildur Helgadóttir að
lokum.
Um árabil hefur London veriö nokkurskonar „nafli“ álfunnar — heimsborg
— sem býöur eitthvaö viö allra hæfi: leiklist — tónlist — myndlist — úrval
matsölustaöa — knattspyrnuleiki — söfn — verzlanir og fjölbreytt
skemmtanalíf. Skammt er til sögufrægra staða s.s.
Windsor, York, Hastings ofl.( til háskólaborganna
Oxford og Cambridge eöa til Stratford-upon-Avon,
borgar skáldjöfursins Shakespeares, þar sem leikrit hans eru flutt
af beztu leikurum hins enskumælandi heims. Verkefnaskrár leik-
húsa og tónleikaóperuhúsa liggja jafnan fyrir meö nokkrum fyrir-
vara og ef feröin er vel skipulögö fyrirfram má tryggja sér
miöa á uppfærslur heimslistamanna, sem því miöur alltof
sjaldan stíga fæti sínum á íslenzka jörö.
Til
London
með
Útsýn
Starfsmaður Útsýnar
Kristín Hauksdóttir,
tekur á móti farþeg-
um á flugvelli og
verður þeim til að-
stoðar meðan á
dvölinni stendur.
ÚTSÝN býður enn sem fyrr
hagstæðustu kjör vegna
margra ára víðskipta og
hagkvæmra samninga við
gististaði í hjarta borgar-
innar.
REGENT PALACE HOTEL
Ódýrt hótel við Piccadilly Circus.
Örskammt í öll helztu leikhúsin.
Herbergi án baðs. Enskur morgun-
veröur.
CLOUCESTER HOTEL
Atar vistlegt, þægilegt hótel við
Harrington Gardens meö Gloucester
Road stöðina við hóteldyrnar. Öll
herbergi meö einkabaði, sjónvarpi.
útvarpi, síma og loftkælingu. Rúm-
góö setustofa og Par. GOTT HÓTEL
A GÓÐU VEROI. Enskur morgunverð-
ur.
GROSVENOR HOUSE
HOTEL
er 5 stjörnu hótel við Hyde Park. Á
hótelinu eru öll þægindi, 2 veitinga-
salir, 2 barir, sundlaug, sauna, leik-
fimisalur, ráðstefnusalur, hár-
greiðslu- og snyrtistofa! Öll herbergi
meö einkabaöi, síma og sjónvarpi.
Enskur morgunverður.
CUMBERLAND HOTEL
Mjög vinsælt hótel við Marble Arch
nálægt Oxford Street og Hyde Park.
Herbergi með einkabaði, sjónvarpi og
síma. Enskur morgunverður.
Vetraráætlun
Útsýnar
1980—19811
er komin út
og liggur frammi
á skrifstofunni
Ótrúlega ódýr ferö - 29. nóv. - 2. des.
Verö aðeins kr. 187.700 m/gistingu, morgunveröi.
Ferö til og frá flugvelli ásamt fararstjórn.
Vikuferöir: Verö frá kr. 302.200.
Brottför alla laugardaga. Helgarferðir. Verð frá kr. 225.800.-. Broltför annan
hvern fimmtudag.
Hvert sem ferðinni er heitið getur Útsýn sparað
yöur fé og fyrirhöfn
Gjaldeyrisyfirvöld hafa nú aftur heimilaö sölu á ferðum með erlendum
feröaskrifstofum og eykur það á fjölbreytni ódýrra ferða, sérstaklega
yfir veturinn, þegar minna er um hópferðir frá Islandi.
ÚTSÝN hefur að jafnaði upplýsingar um hópferðir með dönskum og
enskum feröaskrifstofum og hefur einkaumboð á íslandi fyrir stærstu
ferðaskrifstofu á Noröurlöndum
Ferðaskrifstofan
\ÚTSÝN
AUSTURSTRÆTI 17,
SÍMAR 26611 OG 20100.
ÚTSÝN fer meö einkaumboö á íslandi fyrir umfangsmestu ferðaþjón-
ustu heimsins ■■■■ sem hefur eigin skrifstofu eöa urnboösskrifstofu
í flestum stórborgum veraldar.