Morgunblaðið - 18.01.1981, Blaðsíða 2

2
MORGUNBLAÐIÐ, SUNNUDAGUR 18. JANÚAR 1981
Valur Valsson, framkvstj. Félags íslenzkra iðnrekenda:
Flugleiðir afgreiða Pak-
istan Airlines í New York
FLUGLEIÐIR munu taka að sér
afgreiðslu í New York fyrir Pak-
istan Airlines frá 1. febrúar nk„
en félagið hefur nœr daglegar
ferðir milli Pakistan og Banda-
rikjanna með breiðþotum.
Að sögn Sigurðar Helgasonar
forstjóra Flugleiða, hefur verið
unnið að því að afla aukinna
verkefna fyrir afgreiðslu Flugleiða
í New York og hefur félagið nú
þegar tekið að sér afgreiðslu fyrir
bandaríska flugfélagið Evergreen,
sem stundar óreglubundið flug til
annarra landa, m.a. til Spánar og
ísraels, en sérstök flugþjónusta á
vegum Evergreen er rekstur 150
þyrlna víðs vegar um heim.
„Það var um tvo kosti að ræða í
sambandi við rekstur flugstöðvar-
innar," sagði Sigurður, „að losna við
hana og það þótti okkur lakari
kosturinn, eða afla frekari verkefna
og með þessu móti eigum við að ná
upp svipuðum umsvifum fyrir flug-
stöðina og verið hafa, en óvíst er
hvort meiri mannskap þarf en nú
vinnur á stöðinni."
sem tillaga var gerð um
„í fréttatilkynningu um afnám
aðflutningsgjalda er talað um að
útgjöld fyrirtækja lækki um 15
miíljónir nýkróna á árinu 1981
vegna þessara ráðstafana. Þetta
er áætluð tala, sem byggir á
ágizkuðum forsendum. Eg get
hvorki staðfest hana né neitað
henni," sagði Valur Valsson,
framkvæmdastjóri Félags ís-
lenzkra iðnrekenda, er Mbl. leit-
aði álits hans á auglýsingu iðnað-
arráðuneytis og fjármálaráðu-
neytis um niðurfellingu eða
endurgreiðslu tolla og/eða sölu-
gjalda af ýmsum aðföngum til
samkeppnisiðnaðar.
„í raun veit enginn um hvaða
upphæðir er hér að ræða,“ sagði
Valur. „En sé ágizkun ráðuneyt-
anna rétt, staðfestir hún aðeins það
ranglæti sem viðgengist hefur í
þessum málum þegar á innlendan
iðnað eru lagðar ýmsar álögur, sem
innfluttar samkeppnisvörur greiða
ekki. Jafnframt gerir þetta enn
brýnna að gengið verði nú þegar í
niðurfellingu aðflutningsgjalda á
þeim aðföngum, sem auglýsing
stjórnvalda tekur ekki til.
Síðastliðið vor gafst Félagi ís-
lenzkra iðnrekenda og Landssam-
bandi iðnaðarmanna kostur á að
koma með ábendingar um þau
tollskrárnúmer, sem fella þyrfti
niður aðflutningsgjöld af. Listi var
sendur iðnaðarráðuneytinu í apríl-
mánuði síðstliðnum og á honum
voru rúmlega 230 tollskrárnúmer.
Af þeim fjölda hafa stjórnvöld nú
tekið tillit til 75 númera eða aðeins
um þriðjungs. Enn eru því mörg
mál óleyst.
í því sambandi má benda á, að
enn þurfa fyrirtæki að greiða að-
flutningsgjöld sem eru tollar, sölu-
skattur og vörugjald af plastköss-
um og flöskum vegna öl og gos-
drykkjagerðar, gaffallyfturum og
vörulyftibúnaði öðrum, tölvubún-
aði, smásjám, rykgrímum, svo
nokkur dæmi séu nefnd.
Meginatriði þessa máls er það, að
þrátt fyrir þessa nýju auglýsingu er
ljóst, að stjórnvöld ætla ennþá að
tregðast við að fella niður aðflutn-
ingsgjöld af öllum aðföngum iðnað-
ar og það þrátt fyrir það, að nú eru
tæp tvö ár síðan Alþingi samþykkti
einróma að fela ríkisstjórninni að
semja frumvarp til laga, sem
tryggði niðurfellingu gjaldanna. Al-
þingismenn hljóta því að taka
málið upp á nýjan leik,“ sagði
Valur.
Geir Hallgrimsson Egill Jónsson
Geir og Egill á fundi á Hornafirði
Á MORGUN, mánudag, efnir
Sjálfstæðisfélag Austur-
Skaftfellinga til almenns
stjórnmálafundar á Hótel
Höfn í Hornafirði. Frummæl-
endur verða Geir Hallgríms-
son, formaður Sjálfstæðis-
flokksins og Egill Jónsson,
alþm. Frjálsar umræður verða
á fundinum og er hann öllum
opinn.
Samþykkt í borgarstjórn:
Kostnaður vegna sameiginlegra
framkvæmda innheimtur fyrr
SAMÞYKKT var á fundi borg-
arstjórnar á fimmtudagskvöld
að hér eftir yrði kostnaður
vegna framkvæmda í þágu lóð-
arhafa á nýjum byggingar-
svæðum, innheimtur fyrr en
áður hefur verið. Ifér er um að
ræða kostnað við gerð ýmissa
sameiginlegra framkvæmda,
svo sem sameiginlegra lóða,
botnlanga, gestabílastæða. og
fleira.
Þessi kostnaður hefur ekki
áður verið innheimtur á þennan
hátt, borgarbúar hafa getað
greitt þetta á síðari stigum
framkvæmda. Einnig gátu sum-
ir einstaklingar unnið þetta
sjálfir og lækkað þannig kostn-
aðinn.
Þessi nýja tilhögun var sam-
þykkt með átta atkvæðum
meirihlutans gegn sjö atkvæð-
um borgarfulltrúa Sjálfstæðis-
flokksins.
Anriríki hjá lögreglunni
í Reykjavík í fyrrinótt
iau u: AN
ENNAOAMIAVERMNU'
MIKIÐ var að gera hjá lögregl-
unni í Reykjavik i fyrrinótt og í
gærmorgun, að því er aðalvarð-
stjóri Reykjavikurlögreglunnar
tjáði Morgunblaðinu i gær. Færð
var erfið um úthverfi borgarinn-
ar, þar scm bæði snjóaði og skóf,
og þurftu margir á aðstoð lög-
reglunnar að halda af þeim
sökum.
Ölvun borgarbúa var ekki meiri
en gengur og gerist um helgar, en
Víkingur mæt-
ir Lugi í kvöld
ísiandsmeistarar Víkings
leika fyrri leik sinn við sænsku
meistarana Lugi í Laugardals-
höll í kvöld og hefst leikurinn
kl. 20. Mjög mikil eftirspurn
hefur verið eftir miðum og eru
nú aðeins eitthvað á þriðja
hundrað miðar óseldir. Leik-
menn Lugi komu til landsins á
föstudagskvöldið.
Tveir leikmanna Víkings, þeir
Árni Indriðason og Ólafur
Jónsson, hafa um þriggja daga
skeið legið í flensu. En þeir
mættu á æfingu í gær og verður
Víkingur með sitt sterkasta Iið.
Þegar þeir Ólafur og Árni lögð-
ust í flensu þá voru aðrir leik-
menn Víkings settir á vítamín-
kúr til að freista þess að fleiri
legðust ekki í flensuna.
vegna færðarinnar var mikið að
gera, allt frá því vínveitingahús
lokuðu klukkan þrjú og fram
undir morgun. Fyrst þurfti lög-
reglan að aðstoða þá er höfðu
verið að skemmta sér, en síðan að
hjálpá þeim er þurftu að komast
til vinnu sinnar snemma í gær-
morgun. Það er einkum fólk er
vinnur vaktavinnu, svo sem við
heilsugæslu, og var nóg að gera
hjá lögreglumönnum að ýta bílum,
draga þá og aka fólki til vinnu.
Erik Sönderholm:
Leiðrétting
í VIÐTALI E.Pá. við Erik Sönder-
holm, sem birtist í blaðinu í gær,
féll út ein setning.
Upphaf þeirrar málsgreinar átti
að hljóða svo: Auðvitað var
skemmtilegast að undirbúa þessar
stærri hátíðir, eins og listahátíðina
og fleiri hátíðir. Og nú er gaman að
vera að undirbúa einskonar kveðju-
viku sem verið er að flytja um
þessar mundir. Sigríður Ella var
fyrst með tvenna tónleika fyrir
troðfullu húsi, þrátt fyrir slæmt
veður. Þá verður strengjakvartett
frá Danmörku með tvenna tón-
leika, síðan kemur finnskur píanó-
leikari og loks sænsk söngkona.
Niðurfellingin nær aðeins til
75 tollskrárnúmera af 230