Morgunblaðið - 30.05.1981, Page 12

12
MORGUNBLAÐIÐ, LAUGARDAGUR 30. MAI 1981
. HLAÐVARPINN ,
HUNDAR
Félagarnir Snati og Páll Eiriksson sina hvernig eigi að hoppa yfir grind á réttan hátt.
Aðalatriði að samband
manns og hunds sé gott
„Markmið þessara námskeiða er fyrst og fremst það að kenna manninum að umgangast hundinn og fá
samband á milli manns og hunds. Ef maður ætlar að ná einhverjum árangri með hundinn. þá verður maður
að ná góðu sambandi við hann,“ sagði Páll Eiriksson læknir, i samtali við Morgunblaðið, en hann leiðbeinir
nú hundaeigendum, hvernir þeir eigi að umgangast dýrin. Bæði er Páll með kennslu fyrir byrjendur og
einnig fyrir lengra komna og eru hundarnir i kringum 25.
“Sambandið á milli manns og
hunds getur verið mjög gott, en það
getur líka verið lélegt, það fer allt
eftir því hvernig á spilunum er
haldið.
Það sem gert er á þessum nám-
skeiðum að farið er í gegnum
nokkrar æfingar, sem síðan eru
teknar til prófs að námskeiði loknu.
Á fyrsta stigi námsins er farið
eingöngu í grunnatriðin, bæði gagn-
vart meðferð á hundi, matarræði og
uppeldi, farið í grunnreglur í sam-
bandi við það að hafa hund heima. Á
milli manns og hunds á að vera
samvinna, en það á aldrei að vera
spurning um það hver ræður, eig-
andinn verður að ráða og setja
reglurnar strax í byrjun, til þess að
hundurinn viti hvað hvar í röðinni á
heimilinu hann er. Hundurinn verð-
ur að vita sín mörk, hvað hann má
og hvað ekki og hundur sem fær t.d.
að gera eitt í dag og annað á morgun,
verður bara taugaveiklaður. Ég hef
séð hunda fara inn í fjölskyldu, þar
sem tjáskiptin voru svo ruglingsleg
að eftir nokkra tíma var hundurinn
orðinn ruglaður. Maður verður að
vera hreinn og skýr í tjáskiptum
sínum við hundinn, þannig að hund-
urinn skilji mann. Hundurinn er
nefnilega sérfræðingur í að lesa
manninn, hann les svipbrigði á
andliti og hreyfingar, miklu meira
en nokkur annar í fjölskyldunni,
sagði Páll.
Auðveldara að brjóta
niður, en byggja upp
„Við höldum einnig oft að hundur-
inn hugsi eins og við sjálf, en það er
ekki rétt. Hundurinn tengir hugsan-
ir sínar og athafnir við eitthvað,
hvað sem það nú er. Það er gott
dæmið um hundinn, sem venja átti
af því að bíta fé. í því skyni var sett
á hann rafmagnsól og fékk hann
rafmagnsstuð af henni, þegar hann
gerði eitthvað sem hann ekki mátti.
Það var farið með hundinn út á
smáraakur, þar sem kindur voru á
beit og þegar hann nálgaðist kind-
urnar var honum gefið stuð. Þetta
var gert nokkrum sinnum — hund-
urinn fór aldrei inn á smáraakur
aftur, og hélt áfram að bíta fé. Hann
tengdi rafmagnsstuðið ekki við féð,
heldur við lyktina af smáranum.
Hundarnir hugsa nefnilega allt
öðruvísi en við og maður verður að
læra að hugsa eins og hann til að
vera einu skrefi á undan hundinum.
Það er nefnilega miklu auðveldara
að brjóta niður en að byggja upp,“
sagði Páll.
„Ef menn eru að æfa hundana sína
og eru i slæmu skapi, þá eiga þeir að
hætta strax. Hundurinn finnur strax
ef skapið er slæmt en hann veit ekki
af hverju. Hann verður hræddur og
óöruggur og hlýðir ekki skipunum.
Með því að ráðast á hundinn og
skamma hann meira, þá getur það
haft þær afleiöingar að maður brýt-
ur niður það sem búið er að byggja
upp á löngum tíma.“
Hlýðnisþjálfunin
undirstaðan
„Við erum með prógramm í þrem-
ur þáttum og að námskeiðum lokn-
um er farið í gegnum það. Eftir
fyrsta stig er ekki reiknað með því
að hundurinn leysi prófið fullkom-
lega, heldur að komið sé gott sam-
band á milli manns og hunds.
Hundurinn þarf að geta staðið og
setið, gengið á hæl, komið þegar
kallað er og hoppað yfir grind að
skipun. Þegar komið er á annað stig,
fer þetta að verða erfiðara og á
þriðja stigi þá koma inn flókin
atriði, eins og lyktarskyn og annað.
Það þarf ekki að taka langan tíma að
fá hundinn til að hlýða vel, en hins
vegar þarf maður að átta sig á því á
hvaða þroskastigi hundurinn er. En
aðalatriðið er að sambandið á milli
manns og hunds sé gott, og maður
hafi fulla stjórn á hundinum. En
hlýðnisþjálfunin í upphafi er undir-
staðan undir allt sem á eftir kemur,
maður verður að hafa hlýðinn
hund,“ sagði Páll Eiríksson að lok-
um.

Pétur Th. Pétursson og Gottskálk Þór Jensson verða umsjónarmenn
svæðisins hjá Þyt í sumar. Ljósm. Mbl. RAX.
SIGLINGAR
Siglingaklúbburinn Þytur
hefur starf í Hafnarfirði
Siglingaklúbburinn Þytur i Hafnarfirði mun hefja starfsemi sina i
dag, laugardag. að því er fram kom í spjalli við forsvarsmann
klúbbsins, Pétur Th. Pétursson. Pétur sagði að sigiingaklúbburinn
hefði flutt í fyrra úr Garðabæ til Hafnarfjarðar og væri starfið að
komast í fullan gang. Búið væri að reisa 480 fermetra girðingu og von
væri á að klúbbhús Þyts myndi risa næstu daga.
„Siglingaklúbburinn Þytur er
alhliöa klúbbur fyrir alla áhuga-
menn um siglingar. I ráði er að
klúbburinn verði deildaskiptur,
þannig að völ verði á hraðbáta-
deild, skútudeild og róðrardeild,
allt eftir því sem áhugi félaganna
beinist að,“ sagði Pétur.
Pétur sagði ennfremur að
starfsemin væri viðurkennd af
Hafnarfjarðarbæ og þægi styrk
þaðan. Þá sagði Pétur klúbbinn
reka barnastarf á sumrin í sam-
vinnu við æskulýðsráð Hafnar-
fjarðar. Sagði hann að í fyrra
hefðu um 600 börn tekið þátt í
starfsemi klúbbsins og skráðir
tímar á sjó hjá félögum klúbbsins
hefðu verið um 3100.
„Þá erum við með námskeið á
hestar mmmam
sumrin fyrir byrjendur, með svo-
kallaða gæslutíma fyrir byrjend-
ur, þannig að þá er alltaf fylgst
með börnunum og foreldrar geta
verið óhræddir um þau. Þá erum
við með seglbát sem ætlaður er
félögum í klúbbnum sem þeir geta
fengið lánaðan og siglt á um
nágrennið," sagði Pétur.
Þá kom það fram hjá Pétri að
enn væri lítið um að hraðbáta-
menn gengju í klúbbinn, og kvaðst
hann eiga von á að það breyttist.
Sagði hann að á síðasta ári hefðu
um 100 aðilar verið formlega í
klúbbnum, þ.e. greidd árgjöld, en
von væri á mikilli fjölgun í ár,
enda veitti ekki af þar sem öll
vinna í þágu klúbbsins, t.d. hús-
byggingin, væri unnin í sjálfboða-
vinnu af félögum klúbbsins.
Hestamennska nýtur vaxandi vinsælda.
2500 hestar á svæði Fáks
Eru með námskeið fyrir fatlaða
„Á Fákssvæðinu eru um 2500
hestar og þátttaka fólks fer
vaxandi. I fyrra gengu á þriðja
hundrað manns i félagið og
virðist áhugi fyrir hestamennsku
vera í öllum aldursflokkum."
sagði Guðmundur Ólafsson for-
maður hestamannafélagsins
Fáks í spjalli við Morgunblaðið.
Guðmundur sagði að nú væru
námskeið í gangi og reiðskóli, og
virtist mikill áhugi vera á því. A
námskeiðinu væri verið að kenna
gangskiptingar og væri kennt upp
í sex tíma á dag, og stæði það fram
að mánaðamótum. Guðmundur
sagði mikla þátttöku í því og
eftirspurnina enn meiri, ekki
kæmust allir að sem vildu.
Guðmundur sagði að Fákur
væri með hesthús fyrir félags-
menn sem tækju um 500 hesta og
kæmi fólk með hestana, og þyrfti
ekki að gera annað en að leggja á
og kemba, annað sæju Fáksmenn
um.
Hjá Guðmundi kom það einnig
fram að nú síðast væri farið að
bera nokkuð á eldri mönnum sem
hættir væru að vinna, þeir væru
farnir að snúa sér að hesta-
mennskunni.
Ix)ks gat Guðmundur þess að nú
væri byrjaður reiðskóli fyrir fatl-
aða og hefði aðkomunni að félags-
heimilinu verið breytt í því skyni
að auðvelda mönnum inngöngu.
Lagðir væru til fimm hestar og
mættu fákskonur þegar skólinn
væri og teymdu undir fötluðu
nemendunum. Kvað Guðmundur
mikinn áhuga á þessari kennslu.