Morgunblaðið - 28.06.1981, Síða 20

20
MORGUNBLAÐIÐ, SUNNUDAGUR 28. JÚNÍ1981
„Skref í átt til frjálsræðis i inn-
flutningi og sölu á símabúnaði“
Tíu létust
í Kaliforníu
San Bornardino. Kaliforniu 2fi. júni. AP.
TÍU MANNS létust og tutt-
ugu slösuðust, sumir alvar-
lega, þegar eldur kom upp í
gríðarlega stórum og miklum
húsvagni með sjö fjölskyldum
sem voru á leið í sumarleyfi.
Upphaflega hafði þetta verið
venjulegur rútubíll, en hafði
verið breytt í húsvagn með
aðstöðu fyrir fjölda manns
áður en farið var í sumarleyf-
ið. Þetta gerðist norður af
San Bernardino og virðist
sem eldur hafi skyndilega
komið upp og síðan valt
bíllinn og lenti á tveimur
næstu bílum og skall síðan út
af veginum og kviknaði þá
einnig í trjám við veginn.
Samgönguráðherra,
Steingrímur Hermannsson,
gaf nýlega út reglugerð er
heimilaði frjálsan innflutn-
ing og sölu á tækjum til
tengingar við hið sjálfvirka
símakerfi. Vegna þessa hafði
Morgunblaðið samband við
Bjarna S. Jónsson hagfræð-
ing hjá Verslunarráði íslands
en hann var í nefnd á vegum
ráðsins er fjallaði um þjón-
ustu og gjaldskrá Pósts og
síma. Nefnd þessi gaf út
skýrslu þar sem sett var fram
svohljóðandi ályktun:
Framboði og fjölbreytni síma-
tækja hefur verið ábótavant og
ekki sniðin að þörfum eða óskum
neytenda að áliti nefndarinnar.
Ennfremur standa fyrir dyrum
örar tækniframfarir í símabúnaði
sem nefndin álítur að Pósti og
síma einum geti reynst erfitt að
koma á framfæri á viðhlítandi
hátt. Til þess að auka framboð og
fjölbreytni og gefa auk þess neyt-
endum meira frjálsræði við val
aukabúnaðar leggur nefndin til að
stefnt verði að frjálsræði í sölu
almenns notendabúnaðar. I þessu
sambandi verður gengið út frá að
notendur eigi símatækin eftir að
hafa keypt þau. Þeim sé síðan í
sjálfsvald sett hvenær þeir fái
nýjan síma, hversu marga o.s.frv.
Skýrsla þessi kom út 30. janúar
1980.
„Við viljum lýsa yfir ánægju
með að þarna hafi verið stigið
skref í átt til frjálsræðis í inn-
flutningi og sölu símabúnaðar,“
sagði Bjarni S. Jónsson hagfræð-
ingur. „Reynslan verður svo að
skera úr um hvernig til tekst.
Póstur og sími getur bannað
innflutning á símatækjum sem
ekki fylla þær almennu tæknilegu
kröfur sem stofnunin setur um
eiginleika slíkra tækja.
Við eru ánægðir með þær undir-
tektir er málið fékk strax í
upphafi. Yfirmenn Pósts og síma
voru strax mjög jákvæðir gagn-
vart þessu og það sama gilti um
Steingrím Hermannsson sam-
göngumálaráðherra.
Helstu rökin fyrir því að þetta
er gefið frjálst eru þau að fjöl-
breytnin er orðin svo gífurlega
adldcrs
Dreifin sf.,
Bankastræti 11,
s.12388 — 23388
Bjarni Snæbjörn Jónsson
hagfræðingur.
mikil og sífellt flóknari og flókn-
ari tæki eru að koma á markaðinn.
Við teljum að Póstur og sími geti
ekki séð um þetta allt og með
reglugerðinni frá samgöngumála-
ráðherra er létt af stofnuninni
þeirri skyldu að þurfa að útvega
öll þessi tæki. Einnig teljum við
það miklu auðveidara fyrir fólk að
ná í þessi tæki og aukabúnað.
Það er eðlilegt að okkar mati að
Póstur og sími tryggi sig gegn því
að tæki sem tengd eru við al-
menna símakerfið standist
ákveðnar kröfur, jafnframt því að
stofnunin ætlist til að seljendur
símabúnaðar sjái sjáifir um við-
hald á tækjum.
Aukið frjálsræði í innflutningi
og sölu símabúnaðar hefur verið
áhugamál hér innan veggja lengi
og höfum við talið það sjálfsagt að
Póstur og sími sinnti almenna
símakerfinu fyrst og fremst, eins
og til dæmis rafmagnsveitur er
sjá um rafmagnskerfið að hús-
vegg,“ sagði Bjarni að lokum.
Starfsmannafélag
Þjóðleikhússins:
Varaformað-
ur og ritari
segja af sér
VARAFORMAÐUR Starfs-
mannafélags Þjóðleikhússins,
Kristinn Karlsson, og ritari fé-
lagsins. Reinhart Reinhartsson.
sögðu sig úr stjórn félagsins á
fundi þcss síðastliðinn fimmtu-
dag. Að sögn Kristins stafar
úrsögnin af því að félagsfundur
hafði samþykkt vítur á stjórnina
vegna yfirlýsingar, scm hún
sendi frá sér í vikunni vegna
scgulbandsmálsins svokallaða.
Sagði Kristinn að þeim félögum
þætti ekkert athugavert við þá
yfirlýsingu, sem send hefði verið
fjölmiðlum, og þeir hefðu tekið
það fram á fundinum áður en til
atkvæðagreiðslunnar um víturnar
kom, að þeir myndu standa og
falla með yfirlýsingunni. Því hefði
það verið sjálfgert að segja sig úr
stjórninni þegar víturnar hefðu
verið samþykktar.
Leiðrétting
í FRÉTT um málverkasýningu
Guðbergs Auðunssonar í Morgun-
blaðinu í gær var ranghermt að
sýningunni lyki í dag. Henni líkur
ekki fyrr en á morgun. Er beðist
velvirðingar á þessum mistökum.

\n.hvsiN(,\.
SIMINN KK:
22480