Morgunblaðið - 30.06.1981, Blaðsíða 3

Morgunblaðið - 30.06.1981, Blaðsíða 3
MORGUNBLAÐIÐ, ÞRIÐJUDAGUR 30. JÚNI1981 Tvö nauðg- unarmál í rannsókn í Kef lavík LÖGREGLUNNI í Keflavík bárust tvær nauðgunarkærur um helgina og eru málin i rannsókn. Játning liggur fyrir í öðru málinu en í hinu neitar hinn kærði öllum sakargiftum. Fyrri kæran barst um klukk- an 6 að morgni sl. laugardags. 16 ára stúlka kærði 23ja ára gaml- an mann fyrir nauðgun. Sam- kvæmt framburði stúlkunnar voru þau á leið frá Sandgerði til Keflavíkur í bíl mannsins þegar hann stoppaði bílinn á Miðnes- heiði og neyddi hana til sam- fara. Maðurinn hefur harðneitað sakargiftum, samfarir hafi átt sér stað en með fullum vilja stúlkunnar. I málinu stendur því staðhæfing gegn staðhæfingu. Seinni kæran barst um klukk- an 3 aðfaranótt sunnudags. 58 ára kona kærði 28 ára gamlan mann fyrir nauðgun. Konan og maðurinn voru stödd í húsi í Sandgerði og var áfengi haft um hönd. Þau þekktust lítillega. Samkvæmt framburði konunnar kvartaði maðurinn undan sárri svengd. Kvaðst konan hafa vor- kennt manninum og boðið hon- um heim til sín til að gefa honum að borða. Þegar maður- inn hafði borðað þrjú egg skipti engum togum að hann réðst á konuna og þröngvaði henni til holdlegs samræðis. Áverkar voru á konunni og á heimili hennar voru merki eftir átök. Lögreglan kom strax á heimili konunnar og lá maðurinn þar sofandi. Hann ber við minnis- leysi vegna ölvunar en kveðst ekki draga frásögn konunnar í efa. Haglabyssu- þjófar gripnir LÖGREGLAN á Selfossi handtók nýlega tvo ungu miiiii. sem brotizt höfðu inn i skúr starfsmanna á sorp- haugunum við Gufunes i Reykjavik og stolið hagla- byssu og 600 skotum. Starfsmenn sorphauganna hafa haglabyssu tiltæka í skúrnum hjá sér til að skjóta á vargfugl, sem sækir á haug- ana. Hinn 24. maí var brotizt inn í skúrinn og byssunni stolið. Þjófarnir reyndust vera tveir ungir menn úr Árnes- sýslu. Þegar lögreglan tók þá voru þeir búnir að saga fram- an af hlaupi haglabyssunnar. < « »--------- Bíl stolið í Hafnarfirði Aðfaranótt sl. sunnudags var bifreiðinni G-14090 stolið frá Kirkjuvegi 13 í Hafnar- firði. Bifreiðin er af gerðinni Mercedes Benz, ljósdrapplituð, árgerð 1975. Þeir, sem séð hafa til ferða bifreiðarinnar, eru beðnir að hafa samband við lögregluna í Hafnarfirði. Togarar landa á Skipaskaga Akraneni. 29. júni TVEIR Akranestogarar eru hér i höfn i dag. með afla, sem er aðallega þorskur. Haraldur Boðvarsson er með 160 lestir og Krossvíkin með 110 lestir. Fer aflinn til vinnslu i frystihúsun- um hér. Afli á handfæri hefur verið fremur tregur hér að undan- förnu, og er því frekar lítið um hráefni til vinnslu í frystihúsun- um. Raunar er verið að skipta um aðalvélar í fjórum skiptum, þremur í Danmörku og einu hér á Akranesi hjá Þorgeir og Ell- ert. — Július. situr fyrir svörum oglætur. gull sitt skína: Hvað er Orobronze? Segja má að hugmyndin að gerð Orobronze hafí fæðst þegar menn virtu fyrir sér hinn i.allega húðlit sem mynd- aðist á börnum sem borðað höfðu um nokkurt skeið gul- rótarmauk. Almennt vissu menn að karótínefni gaf góðan lit en úrvinnsla var lengi vel vandkvæðum bundin. Menn gáfust samt ekki við svo búið upp og héldu áfram þar til lausn fannst, þ.e.a.s.Canthaxanthinsem er tilbúið karótín- efni. Karótínefni sem hefur ekki þann eiginleika að fram- leiða A-vítamín (í lifur mannsins) heldur er algjörlega hreinn litur án aukaefna. Þannig varð úr einfaldri hug- mynd myndað Orobronze, en ,,Oro" þýðir á latínu gull og Orobronze inniheldur efnið sem auðveldar fólki að öðlast gylltan og hraustlegan hörundslit. Hylkið utan um Orobronze er framleitt úr gelatíni (matarlími) og í því er efnið Canthaxanthin sem er fyrrnefnt karótínefni sem gefur gulrótum, grænmeti og fiski lit. í stuttu máli sagt inniheldur Orobronze eðlilegan litargjafa. Hvernig vinnur Orobronze? Það sem gerist við inntöku Orobronze er að í fitulag húðarinnar sest litarefnið, sem gerir það að verkum að menn verða ekki brúnir á hörund, heldur undir hörund- inu. Orobronze vinnur best með sólbaði af og til og án sólbaða mun árangur líklega ekki koma í ljós fyrr en á 10.—15. degi. Það er eðlilegt að enginn árangur sjáist fyrstu dag- ana. Yfirleitt koma litabreytingar fyrst í ljós á andliti og höndum. Eftir 20 daga er sjáanlegur fallegur gylltur litur. Auðvitað fer liturinn meira eða minna eftir hörundslit hvers og eins. Ef hætt er við inntöku Orobronze mun liturinn fljótlega hverfa, eða á u.þ.b. tveimur vikum, nema stunduð hafi verið sólböð og fengist hafi sólbrúnka. Það fer eftir líkamsþyngd hvers og eins hve mörg hylki af Orobronze skulu tekin inn á hverjum degi. Hvenær á að taka inn Orobronze? Á hvaða árstíma sem er. Orobronze fyrir og eftir sólarlandaferð, fyrir og eftir sólar- lampann, með sundlaugarferðum, skíðaferðum og svo Orobronze eitt sér. Fyrir sumarfrí t.d. á sólarströnd er æskilegt að hefja inn- töku tuttugu dögum áður. Þannig verður einstaklingur brúnn áður en ferðalag hefst og vekur ekki eftirtekt fyrir hvítan hörundslit. Eftir orlofsdvöl nægir að taka 1—2 Orobronze á dag til að viðhalda gylltum hörundslit. Með áframhaldandi inntöku heldur andlitið sínum lit og and- litsfarði verður (fyrir konur) að mestu óþarfur. Húðin helst frísk. Orobronze geymir alltaf sólargeisla, sem er sérstaklega hentugt þegar sól fer að lækka á lofti. Eg nota Orobronze og sól- baðsstundirnar til annars. Heiðar Jónsson, snyrtir. Hver er tilgangurí nn með Orobronze? Tilgangurinn er eðlilega sá að öðlast hraust útlit. Og Oro- bronze gefur hraust og fallegt útlit. Sólgylltan lit frá toppi til táar, án þess að þurfa að liggja klukkustund eftir klukkustund í sólinni. Og blessuð sólin virðist oft hafa annað að gera en skína á okkur íslendingana. Þar fyrir utan vinna flestir hér á landi meira en góðu hófí gegnir og hafa þess vegna engan tíma aflögu fyrir sólböð., Tilgangurinn þjónar líka þeirri tísku sem nú er í hávegum höfð því það þykir aðalsmerki fína fólksins að vera gylltur á hörund. Áður fyrr þótti t.d. fínt að vera fölur. Karlar jafnt sem konur púðruðu andlit sín með hvítu andlits- dufti. Nú er öldin önnur og með tilliti til þessarar hugar- farsbreytingar er tækifærið hér og nú með tilkomu Oro- bronze á íslandi. Hvar fæst Orobronze? I flestum snyrtivöruverslunum og apótekum um land allt. Ástæðan fyrir því að Orobronze er eingöngu selt í apótek- um og snyrtivöruverslunum er sú að þá geta viðskiptavinir leitað til séfræðinga með kunnáttu óski þeir upplýsinga um gerð og notkun Orobronze. Er Orobronze öruggt? Framleiðendur Orobronze segja að engar aukaverkanir hafí sést í ítrekuðum tilraunum og engar kvartanir borist um Orobronze. Heilbrigðismálaráðuneytið á íslandi, Eiturefnanefnd, yfír- læknir húðsjúkdómadeildar Landspítala íslands, heil- brigðismálaráðuneyti Svíþjóðar, Frakklands, Kanada, Ástralíu og fleiri landa, hafa lýst yfir skaðleysi efnisins, þar að auki, WHO (alþjóðlega heilbrigðisstofnun Samein- uðu þjóðanna) og FAO (matvælastofnun Sameinuðu þjóð- anna) mæla sérstaklega með Canthaxanthin litarefni í mat vegna skaðleysis. Og Canthaxapthin er uppistaðan í Oro- bronze. Möguleg eitrun af neyslu Orobronze er talin geta orðið ef einstaklingur sem vegur u.þ.b. 60 kg neytir á einum degi 20.000 (tuttugu þúsund) falds dagskammts síns í einu, eða fímmtugfalds dagskammts síns í nokkra mánuði, sem þýðir að nokkurn veginn ómögulegt er að skaðast af Qrobronze. Orobronze framleiðir ekki A-vítamín (í lifur) ólíkt því sem ,,BETA-karótín" gulrótnanna gerir og er því alveg skað- laust. Brúni hörundsliturinn sem kemur af notkun Oro- bronze ver húðina ekki gegn geislum sólar, því ber að nota sömu varkárni í sólböðum og áður. Allar upplýsingar um notkun Orobronze eru í bæklingi sem fylgir hverri Orobronze pakkningu. Ber öllum að fylgja leiðbeiningum um notkun Orobronze. Þannig er Orobronze öruggt. Viitu verða brún(n)? Þitt er valið.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.