Morgunblaðið - 22.01.1982, Blaðsíða 1
16. tbl. 69. árg. FÖSTUDAGUR 22. JANÚAR 1982 ______________________Prentsmiðja Morgunblaðsins.
Harmleikur á strandstad við Vestmannaeyjar
Á myndinni til vinstri er Kristján K. Víkingsson, læknir, að setjast í björgunarstólinn sem flutti hann út í Pelagus þar sem hann lét liTið, en á myndinni til hægri eru margar
hendur björgunarmanna að taka á móti belgískum skipbrotsmanni, sem Kristján, Hannes og fleiri björgunarmenn höfðu komið frá borði. i.j>»myndir mw. síyrurp-ír jóna.sM>n
Islendingar og
Belgar fórust
Tveir
tveir
Skelfingu lostnir og án þess að eiga nokkra möguleika á að veita hjálp fylgdust tugir björgunarsveitamanna með
baráttu læknis og sveitarforingja hjálparsveitar skáta upp á líf og dauða, um borð í belgíska togaranum Pelagus á
strandstað í Eyjum skömmu fyrir hádegi í gær eftir að þeir höfðu freistað þess að bjarga síðasta skipverjanum frá
borði, 17 ára gömlum pilti. Festust björgunarmennirnir í veiðarfærum skipsins og fórust þar, en belgíska sjómannin-
um skolaði fyrir borð og drukknaði hann. Atburðurinn átti sér stað steinsnar frá landi, í aðeins um það bil 20—30
metra fjarlægð frá 12—15 metra háum hamravegg, sem drynjandi austanbrim barði í sífellu og var brimið slíkt að
það svipti togaranum til eins og fis væri á klöppunum. Voru björgunarmenn staðsettir á brún hamarsins og lá taug
með björgunarstól þaðan og út í skipið.
Björgunarmennirnir sem fórust,
Kristján K. Víkingsson, 32 ára
læknir og Hannes Óskarsson, 23
ára sveitarforingi hjálparsveitar
skáta í Vestmannaeyjum, höfðu
verið um stund ásamt fleiri björg-
unarmönnum um borð í belgíska
togaranum Pelagus í foráttu brimi
á strandstað sunnan við Presta-
bót, á nýja hrauninu í Vestmanna-
eyjum í gær, en togarinn strand-
aði þar undir 12—15 metra háum
hömrum um kl. 4 í fyrrinótt. Ein-
um manni átti eftir að bjarga frá
borði, 17 ára gömlum pilti, sem
hafði hírst í netageymslu skipsins
á strandstað í rótar brimi um það
bil 6 klst., ásamt tveimur skipsfé-
lögum sínum og voru mennirnir í
sjó upp að höku mest allan tím-
ann. Þegar björgunarmenn voru
að draga piltinn að hvalbaknum
þar sem björgunarstóll var, losn-
aði línan sem hann hafði bundið
um sig og brotsjór þeytti honum
um þilfarið. Hannes, sem hafði
verið í stiga á hvalbak til þess að
hjálpa mönnunum upp, náði að
teygja sig í piltinn og ná taki á
hönd hans, en þegar hann var að
toga piltinn upp, reið eitt brotið
enn yfir og hreif þá báða niður
aftur. Pilturinn barst aftur eftir
þilfarinu ósjálfbjarga, en Hannes
festist í trolli, framan til á þilfar-
inu, bundinn í líftaug. Hlaut hann
höfuðhögg og snaraðist Kristján
læknir honum til hjálpar, einnig
bundinn í líftaug. Hvert ólagið á
fætur öðru gekk yfir skipið og
skipti engum togum að Kristján
festist einnig í trollinu á þilfarinu,
sem var nær stöðugt á kafi í
freyðhvítum brimgarðinum. Fór-
ust þeir þar og einnig pilturinn
sem þeir voru að reyna að bjarga.
Alls var 6 mönnum bjargað af
strandstað belgíska togarans, en
auk 17 ára piltsins, Gilberts
Stevelinek, fórst einnig tvítugur
skipverji, Patrick Maes, þegar
áhöfnin reyndi skömmu fyrir
strandið að sjósetja gúmmíbjörg-
unarbát. Kristján K. Víkingsson
lætur eftir sig konu og tvö börn og
Hannes Óskarsson lætur eftir sig
unnustu.
Kristinn Sigurðsson hjá Björg-
unarfélagi Vestmannaeyja kvaðst
hafa látið ræsa út björgunarfé-
lagsmenn, hjálparsveit skáta og
slökkviliðið í Vestmannaeyjum
laust fyrir kl. 4 í fyrrinótt, þegar
Hannes Oskarsson, sveitarforingi
hjálparsveitar skáta í Vestmannaeyj-
um. sem fórst við björgunina í Vest-
mannaeyjum í gær.
Ijóst var að togarinn Pelagus hafði
strandað skammt austan við
Prestabót, á nýja hrauninu aust-
ast í Heimaey, í aftaka brimi.
Björgunarmenn voru komnir á
strandstað eftir skamma stund og
tókst fljótlega að skjóta línu um
borð í skipið. Var björgunarstóll
síðan settur upp og fjórir menn,
sem voru bundnir á hvalbaknum
dregnir í land, en stöðugt gekk þá
yfir skipið og var mjög af skip-
brotsmönnum dregið. Taldi skip-
stjórinn þá, að þrír menn, sem
höfðu strax eftir strandið farið í
netageymsluna undir hvalbakn-
um, væru látnir, en ekkert heyrð-
ist frá þeim. Eftir að fjórmenning-
unum á hvalbak hafði verið bjarg-
að í land um kl. 5 urðu björgun-
armenn að bíða átekta vegna veð-
urs og á háfjöru um kl. 9.30 í
gærmorgun var ákveðð að freista
þess að fara um borð í skipið til að
kanna hvort einhverjir væru þar á
lífi. Fór einn björgunarmanna,
Guðmundur Ólafsson, út í skipið í
björgunarstól og varð hann þá var
við menn á lífi undir hvalbaknum.
Fór þá lið björgunarmanna um
borð og tókst að bjarga tveimur
eins og fyrr getur en tveir björg-
unarmanna auk eins skipverja
létu lífið í þeirri tilraun.
Sjá nánar frásagnir, vidtöl og
myndir á baksídu, í miðopnu og
á bls. 12 og 13.