Morgunblaðið - 22.01.1982, Blaðsíða 18

18
MORGUNBLAÐIÐ, FÖSTUDAGUR 22. JANÚAR 1982
Landnýtingaraætlun:
Ofbeit og
afrakstur
sauðfjár
- til umræðu f Sameinuðu þingi
1‘ingmenn úr öllum þingflokkum
hafa flutt tillögu til þingsályktunar
um landnýtingarátrtlun. Davíð Aðal-
steins.son (F) mælti fyrir þessari til-
lögu í Sameinuðu þingi sl. fimmtu-
dag, en aðrir flutningsmenn eru: Jón
Helgason (F), Sverrir Hermannsson
(S), Helgi Seljan (Abl.) og Karl
Steinar Guðnason (A). Tillagan gerir
ráð fyrir því að hafinn verði undir
búningur landnýtingaráætlunar, er
taki til landhúnaðar og annarra
þátta, svo sem ferðamála, útivistar
og náttúruverndar. Drög skulu liggja
fyrir í árslok 1983. Við gerð þeirra
verði lögð áherzla á sem hagkvæm-
asta nýtingu og varðveizlu land-
gæða.
• Davíð Aðalsteinsson (F) sagði
vaxandi skilning á því, að veru-
legar hættur fylgdu því að merg-
sjúga auðlindir lands og sjávar,
sem séu hornsteinar búsetu í land-
inu. Meðal þessara auðlinda sé
gróðurmoldin. Með landgræðslu-
áætlun 1974 hafi verið stigið stórt
skref til að stöðva gróðureyðingu
og uppblástur. Nú sé unnið að
endurskoðun landgræðsluáætlun-
ar.
Einn veigamesti þáttur landnýt-
ingar er nýting úthagabeitar, bæði
í heimahögum og á afréttum. Sem
bezt samræmi þarf að vera á milli
búfjárfjölda og tiltæks haglendis.
Ræðumaður fjallaði og um svæða-
skipulag, byggðamál, markaðsþörf
fyrir búvörur, kvótakerfi (sem
hvorki tæki tillit tij landnytja né
byggðasjónarmiða), skógrækt (en
hægt sé að samræma sauðrækt og
ræktun nytjaskóga), náttúru-
vernd, umhverfismál og útivist,
sem allt komi inn í þessa mynd.
Veiferð okkar í nútíð og framtíð
velti m.a. á því, að auðlindir séu
hyggilega nýttar. Landnýtingar-
áætlun sé liður í þeirri viðleitni.
Bændur eigi að hafa sem frjáls-
astar hendur í sínum atvinnu-
rekstri, en viss skipulagning sé þó
nauðsynleg.
• Sighvalur Björgvinsson (A) taldi
þessa tillögu hyggilega. Að mati
gróðursérfræðinga væri um veru-
lega ofbeit sauðfjár að ræða hér-
lendis, líklega sem næmi 400 þús-
und fjár. Sami sauðfjárstofn væri
hér og í Grænlandi. Meðalfall-
þungi dilka þar væri um 22 kg en
aðeins 14 kg hér á landi. Hver ær
gæfi af sér 1,6 lömb í Grænlandi
en 1,3 lömb hér. Ástæðan til þessa
mismunandi afrakstrar sama
sauðfjárstofns væri sú, að um
ofbeit, rányrkju, væri að ræða hér
á landi. Fækka mætti bústofni um
þá tölu, sem ofbeitinni næmi, án
þess að heildarafurðir rýrnuðu að
ráði, þ.e., bændur gætu búið að
jafn mikilli kjötframleiðslu með
minni tilkostnaði. Þá sagði Sig-
hvatur að kal í túnum mætti að
verulegum hluta rekja til þess, að
sauðfé væri beitt á þau á haustum.
Að lokinni ræðu Sighvats, sem
að hluta til fjallaði og um eignar-
rétt á landi (tillögu Alþýðuflokks
um þjóðareign á landinu), var um-
ræðu frestað, en mælendaskrá var
ekki tæmd. Ástæður frestunar
vóru fundir í þingflokkum síðdegis
í gær en stjórnarliðar þinga nú
sem ákafast um efnahagsmála-
aðgerðir.
Sá orðrómur var á kreiki að
„efnahagsmálapakkinn", sem nú
er þingað um hvað í eigi að vera,
kunni að verða lagður fram í Sam-
einuðu þingi nk. þriðjudag. Þar til
að „pakki" þessi verður opnaður er
búizt við hægviðri í þingsölum.
SVIPMYNDINJakob Jónsson, yfirþingvörður, hvíslar einum hafnfírzkum að Matthíasi Bjarnasyni, fyrrv.
sjávarútvegsráðherra. í bakgrunni sést í stafn dómkirkjunnar út um þinghússgluggann.
Upplýsinga- og tölvubylting:
Valkostir í stefnumótun
I)avíð Adalstein.s.son (F)
mælti sl. fimmtudag í Sam-
einudu þingi fyrir tillögu til
þingsályktunar um athugun á
stöðu og þróunarhorfum í
upplýsinga- og tölvumálum
og á hvern hátt sé hægt að
stjórna þeirri þróun.
Tillagan gerir ráð fyrir því að
ríkisstjórnin skipi nefnd er
kanni almenna stöðu þessara
mála og þróunarhorfur — og
bendi á valkosti varðandi
stefnumótun og opinbera
ákvarðanatöku á fyrrgreindu
sviði. Nefndin geri tillögur um
með hvaða hætti íslenzkt þjóð-
félag geti bezt numið og hag-
nýtt sér hina nýju tækni til al-
hliða framfara, svo sem varð-
andi atvinnumál, félagsmál,
fræðslumál, almennar upplýs-
ingar o.fl.
Framsögumaður taldi nauð-
synlegt að kanna þessi mál til
hlítar, bæði með hliðsjón af
reynslu annarra og eigin þörf-
um, í þeim tilgangi að nýta
kosti tölvubyltingarinnar sem
mest og bezt, en ekki síður til
Davíð Aðalsteinsson
þess að slæva ókosti, en þessi
þróun hafi einnig skuggahliðar,
sem kunni að fylgja röskun og
viss vandi.
Vilmyndur Gylfason (A) taldi
tillöguna þarfa og tímabæra, en
skilgreina mætti betur tilgang
könnunarinnar, í hvaða farveg
eigi að beina rannsókn og vænt-
anlegum ákvarðanatökum.
Ennfremur þurfi að tryggja að
samtök launafólks eigi aðild að
þessari könnun, en það eigi
mikla hagsmuni bundna því,
hvern veg tölvubyltingin verði
útfærð í íslensku þjóðfélagi.
Fyrirspurn:
Mannrétt-
indabrot í
Tyrklandi
Vilmundur Gylfason (A) hefur
borið fram svohljóðandi fyrir-
spurn til utanríkisráðherra
um afstöðu ríkisstjórnarinnar:
„Hefur íslenzka ríkisstjórnin
beitt áhrifum sínum innan
Atlantshafsbandalagsins til
þess að mótmæia einræðis-
stjórn og mannréttindabrotum
í öðru bandalagsríki, Tyrk-
landi?"
Barnaleikrit í Alþýðuleikhúsinu:
„Súrmjólk með sultua
Gunnar Rafn og Margrét í hlutverkum sínum sem hundurinn og stelpan
í „Súrmjólk með sultu“. (Ljó»m. Kmiií..)
„ÆVINTÝRI í alvöru" er und-
irtitill verksins sem frumsýnt
veróur í Alþýduleikhúsinu á
laugardag kl. 3. Verkið er eftir
Bertil Ahrlmark og fleiri leik-
ara sem mynduðu barnaleik-
hús í Gautaborg í byrjun síð-
asta áratugar. Síðan þá hefur
þetta verk yerið sýnt mjög
víða og m.a. á alþjóðlegri sýn-
ingu barnaleikhúsa í Berlín ár
ið 1979. Verkið nefnist á ís-
lensku „Súrmjólk með sultu“
og er einkum ætlað yngstu
leikhúsgestunum, börnum á
forskólaaldri og í fyrstu bekkj-
um grunnskóla.
Það er hinn svokallaði
„Pældíðí“-hópur leikara úr
Alþýðuleikhúsinu sem
stendur að þessari sýningu
og er ætlunin að sýna hana í
skólum. Er leikmyndin því
lítil og verkið ekki nema
u.þ.b. 45 mínútur í flutningi.
Þegar Mbl. ræddi við leik-
hópinn í þessari viku kom
fram að hugmyndin er að
bjóða upp á meira leikhús
eftir sjálfa sýninguna og
bjóða þá áhorfendum upp á
svið og kynna þeim ýmis
undur leikhússins.
I stuttu máli fjallar verkið
um afbrýðisemi gagnvart
yngra systkini. Engin mór-
ölsk predikun er sett fram í
verkinu og áhersla lögð á
stutt atriði. „Pældíðí“-hóp-
urinn hefur að undanförnu
sýnt verkið „Sterkari en
Súpermann" við góðar und-
irtektir.
Það er Jórunn Sigurðar-
dóttir sem hefur þýtt „Súr-
mjólk með sultu", en leik-
stjóri er Thomas Ahrens og
leikmynd og búningar eftir
Grétar Reynisson. Leikend-
ur eru fimm: Sigfús Már
Pétursson, Guðlaug María
Bjarnadóttir, Margrét
Ólafsdóttir, Jórunn Sigurð-
ardóttir og Gunnar Rafn
Guðmundsson.
Frá æfíngu. Jórunn Sigurðardóttir, Guðlaug María Bjarnadóttir, Sigfús
Már Pétursson og Margrét Olafsdóttir í hlutverkum sínum. (i.jð>nn. Kmilia)