Morgunblaðið - 27.05.1982, Blaðsíða 22

22
MORGUNBLAÐIÐ, FIMMTUDAGUR 27. MAÍ1982
Þyrlumenn
framseldir
Santiago, 26. maí. AP.
t>RÍR Bretar, sem lentu í þyrlu í
Suður-Chile en leyndust i viku þar
sem þeir töldu sig vera í Argentínu,
voru fluttir í dag til Santiago þar
sem þeir verða framseldir brezka
sendiráöinu.
Mennirnir fundust á þriðjudag,
einni viku eftir að þyrla þeirra af
gerðinni Sea King nauðlenti 8 km
suður af Punta Arenas við Magell-
ansund, og voru við góða heilsu að
sögn Rene Rojas utanríkisráð-
herra. „Þeir vissu ekki fyrr en í
dag að þeir væru í Chile, en ekki í
Argentínu.
Brezka stjórnin sagði að þyrlan
hefði verið í könnunarleiðangri
fyrir Falklandseyjaflotann, þegar
hún nauðlenti og lenti í slæmu
veðri. Chile-stjórn féllst á þessa
skýringu.
Rojas sagði eldur hefði komið
upp í þyrlunni eftir að bilun varð í
siglingatækjum hennar og að hún
hefði villzt inn í Chile og brunnið
til ösku.
Daily Express hermir að menn-
irnir hafi r.auðlent eftir árásar-
leiðangur í Argentínu, þar sem
þeir hafi sprengt upp Super Et-
endard-flugvélar á flugvellinum í
Rio Gallegos.
Blaðið segir að sprengjum hafi
verið komið fyrir í fimm Super Et-
endard-flugvélum. Exocet-eld-
flaugar frá slíkum flugvélum
grönduðu flutningaskipinu „Atl-
antic Conveyor" og „Sheffield".
Ein þeirra fórst eftir árásina á
„Sheffield" og þá áttu Argentínu-
menn eftir fimm Super Etendard,
sama fjölda og Express segir að
þyrlumennirnir hafi eytt.
Landar
berjast
Frá Jan Erik Uuré í Ósló.
STAÐFESTING hefur fengizt á
því aö norskir málaliðar berjast í
falangistaher Haddads majórs í
Líbanon.
Norskur hermaður í friðar-
gæzluliði SÞ segir frá því í við-
tali við „Verdens Gang“ að
hann hafi verið í eftirlitsferð
þegar hann hitti einn málalið-
anna.
„Mér brá í brún þegar mála-
liðinn, sem var klæddur ein-
kennisbúningi falangista, tal-
aði norsku. Hann vildi sitja í
hjá okkur smáspöl," sagði
norski friðargæzlumaðurinn.
„Málaliðinn reyndi jafnvel
að ráða okkur í falangistaher-
inn. Við höfðum heyrt orðróm
um að landar okkar væru í
þjónustu Haddads, en trúðum
því eiginlega ekki. Málaliðinn
sagði að hann fengi aðeins um
600 norskar krónur á mánuði."
Þar með er komin upp sú
kynlega staða að menn geta
átt von á „norsku" borgara-
stríði í Líbanon, þ.e. að norskir
málaliðar skjóti á norska frið-
argæzlumenn. Her Haddads,
sem berst við PLO með stuðn-
ingi ísraelsmanna, hefur oft
gert árásir á norska friðar-
gæzluliðið.
Kasparov
sigraði
BUGOJNO: Sovézki unglingurinn
Gary Kasparov geröi jafntefli viö
Svíann Ulf Andersson í síöustu um-
ferð stórmeistaramótsins í Bugojno í
Júgóslavíu og sigraði þar með á mót-
inu án þess að tapa skák. Hann vann
sex skákir og gerði sjö jafntefli.
Ljubojevic og Polugaevsky
fengu 8 vinninga, Spassky og
Húbner 7,5, Petrosian og Anders-
son 7, Larsen 6 (1 biðskák), Ivano-
vic 6, Timman 5,5, Najdorff 5 (1),
Kavalek 5, Gligoric 4,5 og Ivkov
3,5.
Orrustuþota af gerðinni A-4 Skyhawk, smíðuð í Bandaríkjunum.
Tvær Sea Harrier-þotur.
Þridjungi flugvéla
Argentínu grandað
Brezk Sea King-þyrla flytur birgðir til hermanna á Austur-Falklandi.
BRETAR hafa eyðilagt eða laskað
um fjórðung bardagaflugvéla Arg-
entínumanna samkvæmt heimild-
um í Lundúnum, en verið getur að
jafnvel enn fleiri flugvélum hafi
verið eytt. Sumar argentínskar
flugvélar, sem hafa laskazt í loft-
bardögum, hafa sennilega hrapað I
sjóinn á leið heim til stöðva á meg-
inlandinu, sem er 724 km frá Falk-
landseyjum.
Brezkir talsmenn segja að eytt
hafi verið 45 bardagaflugvélum,
en 66 flugvélum og þyrlum alls.
Norman Hoad varaflugmar-
skálkur segir: „Ef Argentínu-
menn halda áfram að missa
flugvélar í þessum mæli verða
þeir búnir að vera eftir nokkra
daga.“
Séu tölur Breta réttar hafa
Argentínumenn misst um þriðj-
ung Mirage- og Dagger-einelti-
flugvéla sinna og um einn átt-
unda Skyhawk-orrustusprengju-
flugvéla sinna.
Flugvélatjón Argentínumanna
er gífurlegt — 25 til 30 af hundr-
aði — en 10% var talið mikið
tjón í síðari heimsstyrjöldinni.
Eins og Bob Elliott majór við
herfræðistofnunina í London
(IIIS) bendir á eru aðeins um
75% herflugvéla flestra landa í
nothæfu ástandi hverju sinni og
í ófriði er ástandið verra, auk
þess sem slysum fjölgar þá
vegna mikils álags og mikillar
notkunar og veðurskilyrði við
Falklandseyjar eru afleit. „Um
10% laskaðra véla hrapa senni-
lega áður en þær ná til stöðva
sinna, það er hin viðurkennda
tala,“ segir Elliott.
Argentínski flugherinn átti
167 sprengjuflugvélar, orrustu-
sprengjuflugvélar og orrustu-
flugvélar áður en átökin hófust
2. apríl og þær skiptust þannig
eftir tegundum: 68 A-4P Sky-
hawk, 19 Mirage III, 26 Dagger
(ísraelsk útgáfa af Mirage), 9 B-
62 Canberra-sprengjuflugvélar
og 45 A-58 Pucara (til aðgerða
gegn skæruliðum).
Flugvélar sjóhersins skiptust
þannig eftir tegundum: 11 A-4Q
Skyhawk og 7 AER Macchi MB-
326 og 339 vopnaðar æfinga-
flugvélar, auk 5 eða 6 Super Et-
endard (orrustu-sprengjuflug-
vélar). En sjóherinn hefur ekki
beitt flugvélum sínum hingað til,
nema hvað tvær eða þrjár Super
Etendard-flugvélar gerðu eina
árás á brezk herskip 4. maí.
Snemma í síðustu viku áætl-
uðu Bretar að þeir hefðu eytt 30
argentínskum flugvélum 2. apríl
til 18. maí. Vitað var að þar á
meðal voru tvær af Mirage- eða
Dagger-gerð, þrjár af gerðinni
Skyhawk, ein Canberra-flugvél
og ein Puma-þyrla, auk 7 Puc-
ara-flugvéla, einnar Skyvan-
flutningaflugvélar og annarra
flugvéla, þ.á m. þyrlna sem var
eytt á jörðu niðri.
Síðan gagninnrásin var gerð
21. maí og Argentínumenn hófu
loftárásir í stórum stíl segjast
Bretar hafa skotið niður 34
bardagaflugvélar og sex þyrlur
yfir Falklandseyjum. Þar af
voru 15 Mirage- og Dagger-
flugvélar, 6 Skyhawk- og tvær
Pucara-flugvélar skotnar niður
21. og 23. maí. Átta flugvélar, 3
Mirage- og 5 Skyhawk-flugvélar,
voru skotnar niður að talið er 24.
maí og þrjár Skyhawk-flugvélar
í gær, þriðjudag. Reyk lagði frá
einni Mirage og tveimur Sky-
hawk-flugvélum, sem sennilega
hafa hrapað á heimleiðinni.
Páfinn til
Argentínu
Buenos Aires, 26. maí. AP.
JÓHANNES Páll páfi II hefur boðizt til þess að fara til Argentínu í friðarferð
i kjölfar Bretlandsferðar sinnar, sem hefst á fóstudaginn, og biðja fyrir „sigri
friðar á stríði".
Þetta kemur fram í bréfi, sem
sendimaður páfa í Argentínu,
Ubaldo Calabresi, birti. Utanrík-
isráðherra Páfagarðs, Achille
Silvestrini kardináli, er væntan-
legur til Buenos Aires í dag, mið-
vikudag, og mun eiga formlegar
viðræður við ríkisstjórnina. Leop-
oldo Galtieri forseti fór í dag í
eftirlitsferð til herstöðva í Suður-
Argentínu.
Páfi fullvissaði Argentínumenn
um að Bretlandsferðin yrði ekki
pólitísk og sagði að hann mundi
stöðugt biðja fyrir friði.
Amadeo Frugoli varnarmála-
ráðherra segir að Argentínumenn
hafi gert 18—20 brezk herskip
óvirk og auk þess 16—20 Harrier-
þotur. Hann sagði að Argentínu-
menn réðu fullkomlega við
ástandið á Austur-Falklandi.
Argentínumenn segjast hafa
skemmt þrjár brezkar freigátur,
skotið niður þrjár Harrier-þotur
og „sennilega laskað" flutninga-
skip í gær, þriðjudag.
Árgentínska herráðið segir að
argentínskir hermenn og her-
flugvélar hafi ráðizt á lið Breta
hjá Port San Carlos á Austur-
Falklandi.
Galtieri forseta var innilega
fagnað þegar hann kom til borgar-
innar Comodoro Rivadavia og
mannfjöldi, sem hyllti hann, hróp-
aði „Viva“ og „Argentina, Argent-
ina.“
Tjöru var skvett á útibú Bost-
on-banka, stærsta erlenda bank-
ans í Argentínu, í Rio Gallegos,
syðst í landinu.
Gráðugir
í harðfisk
Frá Jan Erik Lauré i Ósló.
ÞJÓFAR, sem stela harðfiski, hafa
þjakað harðfiskframleiðendur á Ló-
fót, þar sem nú er verið að taka
harðfiskinn niður eftir veturinn.
Nýlega var tilkynnt um tvo
grófa harðfiskþjófnaði. Á einum
stað var stolið harðfisk að verð-
mæti um 6.000 n.kr., á öðrum
harðfisk að verðmæti 20.000 n.kr.
„Þeim fjölgar stöðugt sem verða
sér út um harðfisk með því að
stela honum,“ sagði kunnur harð-
fiskframleiðandi á Lófót.
Francois Mitterrand, Frakklandsforseti, er hér i göngu ásamt forseta
Afríkuríkisins, Niger. Mitterrand hefur nú snúið heim aftur og látið hafa
eftir sér, að Frakkar muni áfram fylgjast með Afríkuþjóðum úr fjarlægð, en
ekki blanda sér í málefni þeirra.