Morgunblaðið - 27.05.1982, Blaðsíða 48
Síminn á afgreröslunni er
83033
JHorxjunblabib
FIMMTUDAGUR 27. MAÍ 1982
40% tap á togurunum þrátt
fyrir 10% íiskverðshækkun
Sundlaugin í Laugardal hefur verið
lokuð síðustu daga vegna flutnings í
afgreiðslu í bráðabirgðahúsnæði.
Keiknað er með að laugin verði opnuð
á nv á laugardag, að sögn Stefáns
Kristjánssonar íþróttafulltrúa. Lokun-
artíminn hefur einnig verið nýttur til
lagfæringa og var verið að lagfæra flís-
ar á laugarbakkanum er Ijósm. Mbl.
RAX leit þar við i gær.
10 til 20 skip stöðv-
ast á næstu dögum
LJÓST er að á milli 10 og 20 togarar stöðvast á allra næstu
dögum vegna greiðsluerfiðleika, ef þorskafli glæðist ekki. Nú
vantar helming á þorskafla togaranna miðað við sama tíma í
fyrra og enn bólar ekkert á sterka árganginum frá 1976, sem
átti að bera uppi sumarþorskveiðar togaranna. Eftir fyrstu
fimm mánuði þessa árs vantar 22% á verðmæti togaranna
miðað við sama tíma í fyrra, en þegar það er haft í huga að
togarar eru nú 11 fleiri, er meðaltogarinn nú rekinn með 30
til 40% halla miðað við núverandi rekstrarskilyrði.
„EF fiskverðsbreyting nú á að
vera í hlutfalli við launabreyt-
ingarnar, 10,33%, þá hefur það
lítið að segja fyrir útgerðina. Þar
koma til aðrar verðhækkanir,
Hampiðjan er nýbúin að hækka
veiðarfæri, viðhald hækkar og
laun hækka, þá breytist gengið í
sífellu, sem veldur því, að olía
hækkar. Þannig gerir fisk-
verðsbreyting upp á 10,33% ekk-
ert annað en að koma til móts við
kostnaðarhækkanir og illa það,
vandinn er margfalt meiri,“ sagði
Kristján Ragnarsson, formaður
Landssambands íslenzkra út-
vegsmanna, þegar Morgunblaðið
ræddi við hann.
„Ef miðað er við sama tíma í
fyrra, þá vantar nú helming á
þorskafla togaranna og nú er að
gerast tvennt. Við erum að
ofveiða karfastofninn og erum
þegar búnir að veiða upp í alla
samninga og er karfinn mjög tor-
seldur um þessar mundir. Þá er
veitt mikið af grálúðu, en hún er
mjög slök að gæðum, enda ný-
hrygnd. Hins vegar freistuðust
menn til að veiða hana nú, þar
sem ekki var í önnur hús að
venda. Olíukostnaður við þessar
veiðar hefur numið 35 til 45% af
aflaverðmæti í mörgum tilfellum.
Það, sem verður að gerast, er að
þorskafli aukist, en sjálfum
finnst mér vera ýmis teikn á lofti
um að ástand þorskstofnsins sé
ekki eins gott og spáð hefur verið.
Mér finnst það ætla að dragast of
lengi, að þessi sterki árgangur frá
1976, sem átti að bera uppi
sumarveiði togaranna, láti sjá
sig. Það er einkennilegt hve lítið
fer fyrir stofni, sem á að vera
tvisvar sinnum stærri en meðal-
árgangur. Ef þessi verðmætis-
minnkun togaranna heldur
áfram, þá blasir ekki annað við
en að skipin stöðvist og það á
næstu dögum.
Allar skuldir við olíufélög og
aðra viðskiptaaðila hafa stórlega
aukizt að undanförnu og mögu-
leikar til að reka togarana áfram
eru ekki fyrir hendi og bankarnir
fjármagna ekki svona taprekstur.
Það versta af öllu er að við erum
komnir með allt of mörg skip til
að fiska það sem við getum og
megum fiska. Því er rekstrar-
grundvöllur hvers skips til muna
lakari en ella hefði þurft að vera
og er útlitið enn dekkra fyrir
bragðið. Þegar skipin stöðvast
kemur fyrst í ljós hvaða afleið-
ingar það hefur gagnvart atviunu
og annarri starfsemi í landi, en
sennilega finnst minna fyrir af-
leiðingunum í Reykjavík en ann-
arsstaðar," sagði Kristján Ragn-
arsson að lokum.
Samstarf AB og Iceland Review:
Stofna nýtt tímarit
í undirbúningi er útgáfa nýs tímarits, sem Almenna bókafélagið og
Iceland Review munu standa að í saraeiningu. Kom þetta fram á
aóalfundi Almenna bókafélagsins, sem haldinn var í gær.
Mbl. leitaði frekari upplýsinga stjóri þessa rits, sem við stönd-
hjá Brynjólfi Bjarnasyni,
framkvstj. AB, og sagði hann að
í þessu skyni hefði verið stofnað
sameignarfélag AB og Iceland
Review með jöfnum hlut beggja,
en ekki væri enn ljóst hvenær
fyrsta tölublaðið birtist. Nafn
þess yrði ekki látið uppi að svo
stöddu.
„Þetta er ekki óeðlilegt fram-
hald þess samstarfs, sem á und-
anförnum árum hefur þróast
með þessum tveimur útgáfum,"
sagði Brynjólfur. „Öllum er ljóst
að Iceland Review er í algerum
sérflokki meðal tímarita, sem
hér eru útgefin, hvað vinnubrögð
og frágang snertir — og viðhorf-
in varðandi útgáfu hins nýja rits
verða þau sömu. Haraldur J.
Hamar, ritstjóri og útgefandi
Iceland Review, verður líka rit-
um samelginlega að.“
„Þetta verður ekki menning-
arrit fyrir fáa útvalda. Það á að
verða rit fyrir allan almenning
með fjölþættu efni og ákveðnu
ívafi menningarmála, eins og svo
vel hefur tekist í Iceland Review.
Okkur er það mjög mikils virði
að geta gefið meðlimum Bóka-
klúbbs AB tækifæri til að fá ís-
lenskt tímarit í besta gæðaflokki
á hagstæðum kjörum, en ritið
verður að sjálfsögðu líka á al-
mennum markaði. Félagar í
klúbbnum eru nú um 13.000 svo
að gera má ráð fyrir að fljótlega
verði þetta með stærstu ritum,
sem gefin eru út á íslandi," sagði
Brynjólfur.
Mbl. náði ekki tali af Haraldi
J. Hamar, hann er erlendis.
72ja manna nefnd ASÍ:
Mjög harðar deilur um
tímasetningu aðgerða
MJÖG haröar deiiur eru nú innan verkalýðshreyflngarinnar um með hvaða hætti
skuli knúið á um gerð nýrra samninga, og deila menn hart um það, hvort fara eigi
hægt í sakirnar og reyna samningaleiðina „til þrautar", eða fara út i harðar
verkfallsaðgerðir nú þegar. Þá greinir menn á um það, hverjar aðgerðirnar eigi að
vera og er aðallega rætt um fjóra valkosti: staðbundin verkföll og landshlutaverk-
foll, allsherjarverkfall eða einhvers konar útflutnings - og/eða innflutningsbann.
Á stjórnarfundi í Dagsbrún í
fyrradag deildu menn mjög um
réttmæti þess að grípa þegar til að-
gerða og náðist ekki samstaða um
slíkt. — Menn ræddu málin fram og
aftur, en það var ekki tekin nein af-
staða til verkfallsboðunar, sagði
Guðmundur J. Guðmundsson, for-
maður Dagsbrúnar. Guðmundur,
sem ennfremur er formaður Verka-
mannasambands íslands, en sam-
bandið hélt fund með stjórn og trún-
aðarráði i gær, sagði að sama sagan
hefði verið uppi á teningnum í
Verkamannasamhandinu, að ekki
hefði verið tekin bein afstaða til að-
gerða.
I dag verður fundur 72ja manna
samninganefndar ASÍ og má á þeim
fundi búast við, að til tíðinda dragi,
en eins og áður sagði eru skoðanir
manna mjög skiptar. Samkvæmt
upplýsingum Mbl., mun stefnumótun
72ja manna nefndarinnar mjög fara
eftir afstöðu Verkamannasambands-
ins, en innan vébanda þess eru um
40% félagsmanna Alþýðusambands-
ins. Innan Verkamannasambandsins
ríkir hins vegar mjög mikil óánægja
með það frumkvæði, sem bygg-
ingarmenn og aðrir hafa haft í sam-
bandi við verkfallsaðgerðir. — Við
munum ákveða okkar eigin tíma til
aðgerða og látum aðra ekki segja
okkur fyrir verkum í þeim efnum,
sagði einn af forystumönnum Verka-
mannasambandsins, sem Mbl. ræddi
við í gærkvöldi.
Á síðasta fundi 72ja manna nefnd-
arinnar deildu menn mjög hart um
hvort tímabært væri að grípa til að-
gerða nú þegar. Verkalýðsforingjar
utan af landi lýstu margir hverjir
þeirri skoðun sinni, að ekki væri
tímabært, að grípa til aðgerða, þar
sem atvinnu- og efnahagsástand á
viðkomandi stöðum gæfi ekkert til-
efni til þess og má búast við, að
sama verði uppi á teningnum á fundi
nefndarinnar í dag.
Sjá: „Samningurinn gerir ráð
fyrir 18—19% kauphækkun" bls. 2
Valdaskiptin í borgar-
stjórn fara fram í dag
VALDASKIPTIN í borgarstjórn Reykjavíkur fara fram á aukafundi borgar-
stjórnar í dag og hefst fundurinn klukkan 17.00. Fundurinn fer fram í sal
borgarstjórnar, I Skúlatúni 2.
í upphafi fundar verður kosinn
forseti borgarstjórnar til eins árs
og tveir varaforsetar. Síðan fer
fram kosning tveggja skrifara, til
eins árs, og tveggja til vara. Þá fer
fram kosning borgarstjóra og er
hann kjörinn til fjögurra ára. Loks
verður kosið í borgarráð, fimm að-
alfulltrúar verða kjörnir til eins
árs og fimm til vara.
Að kosningum loknum verður
venjubundinn borgarstjórnarfund-
ur. Á fyrsta reglulega fundi borg-
arstjórnar, en sá fundur fer fram
fimmtudaginn 3. júní næstkom-
andi, verður kjörið í ráð og nefndir
borgarinnar.
Nýtt landbúnaðarvöruverð 1. júní:
Bændur fá 14,07% hækk-
un á grundvaílarverð
Ríkisstjórnin ákveður auknar niðurgreiðslur í dag
GRUNDVALLARVERÐ til bænda var ákveðið í sexmannanefnd i gær. Nemur
hækkunin 14,07%.
Nýtt landbúnaðarvöruverð á að
liggja fyrir 1. júní, en sexmanna-
nefnd hefur ekki gengið frá heild-
söluverði, dreifingarkostnaði og
smásöluverði. Að sögn landbúnaðar-
ráðherra, Pálma Jónssonar, er gert
ráð fyrir aukningu á niðurgreiðslum
landbúnaðarvara frá 1. júní og tekur
ríkisstjórnin ákvörðun um hverjar
þær verða á fundi sínum í dag.
Að sögn Guðmundar Sigþórssonar
í landbúnaðarráðuneytinu liggur
ákvörðunin um grundvallarverðið
fyrir, en síðan á eftir að reikna út
kostnað við vinnslu landbúnaðarvar-
anna í mjólkurbúum og sláturhús-
um, einnig kemur dreifingarkostn-
aður vörunnar þar við sögu. Þá sagð-
ist Guðmundur reikna með að til
aukinna niðurgreiðslna kæmi og
ekki væri unnt að segja neitt til um
hvert smásöluverðið yrði fyrr en
þessir þættir hefðu verið teknir inn í
dæmið.