Morgunblaðið - 27.05.1982, Blaðsíða 27
MORGUNBLAÐIÐ, FIMMTUDAGUR 27. MAÍ1982
27
Ingibjörg Guðjóns-
dóttir — Minning
Fædd 7. mars 1931.
Dáin 19. maí 1982.
Þann 19. maí sl. andaðist. á
Landspítalanum Ingibjörg Guð-
jónsdóttir að Miklubraut 9, í
Reykjavík.
Ingibjörg fæddist að Hermund-
arstöðum í Þverárhlíð þann 7.
mars 1931. Hún var dóttir þeirra
hjóna Lilju Ingveldar Guð-
mundsdóttur og Guðjóns Jónsson-
ar, en hann lést þann 18. febrúar
sl.
Ingibjörg ólst upp að Hermund-
arstöðum, en síðustu árin á æsku-
heimili sínu, eða frá 1948—1950,
tapaði móðir hennar verulega
heilsu og varð að leita sér lækn-
inga til Reykjavíkur. Á þeim tíma
var Ingibjörg þótt ung væri, styrk-
asta stoð heimilisins á Hermund-
arstöðum og reyndist foreldrum
sinum og systkinum í hvívetna
traust dóttir og systir.
Árið 1950 lá leið Ingibjargar á
Seltjarnarnes. Þar settist hún
fljótlega að á Vegamótum 2 og
vann ýmis störf en segja má að
meginhluta starfsævi sinnar hafi
hún verið í hraðfrystihúsinu ís-
birninum. Vegna lítilla efna auðn-
aðist Ingibjörgu aldrei að ganga
til mennta utan venjulegrar skóla-
skyldu, þrátt fyrir góðar gáfur og
námshæfileika. Árið 1959 eignað-
ist Ingibjörg eftirlifandi son sinn,
Þráin Þórisson. Þrátt fyrir að
fjarlægðir væru miklar milli
Seltjarnarness og Hermundar-
staða slitnaði Ingibjörg aldrei úr
tengslum við æskuheimili sitt.
Hún lét einskis ófreistað að kom-
ast á heimaslóðir þegar tími gafst
til og einnig var hún oft gestkom-
andi á heimili foreldra sinna í
Borgarnesi, en þangað fluttu þau
1961.
Árið 1965 fluttust foreldrar
Ingibjargar frá Borgarnesi til
Seltjanarness og settust að í sama
húsi og Ingibjörg. Upp frá því má
segja að hún hafi verið stoð og
stytta þeirra beggja. Ingibjörg var
alla tíð útivinnandi kona og kom
sambýli þeirra mæðgna sér vel við
uppeldi sonarins Þráins.
Ingibjörg átti traustan og góðan
vinahóp og var heimili hennar
ávallt opið þeim er á þurftu að
halda.
Árið 1979 festi hún kaup á íbúð
að Miklubraut 9 í Reykjavík.
Fljótlega eftir það fór heilsu
hennar að hraka og varð hún að
leggja vinnu sína niður. Seinna
varð henni ljóst að hún átti við
alvarlegan sjúkdóm að stríða, en
þrátt fyrir allar hennar þjáningar
og baráttu var aldrei neina upp-
gjöf hjá henni að finna. Þvert á
móti var hún staðráðin í að berj-
ast til hinstu stundar.
Er ég lít til baka minnist ég
Ingibjargar sem traustrar og heið-
arlegrar alþýðukonu. Hreinskilni
og rík réttlætiskennd voru ein-
kennandi þættir í fari hennar. Á
sjúkdómslegu sinni beindi hún
styrk sínum og velvilja til ætt-
ingja og vina. Hún kunni vel að
meta þær heimsóknir sem hún
fékk á sjúkrahúsið og umfram allt
var hún þakklát fyrir þá hjúkrun
og umönnun sem hún fékk á
Landspítalanum í Reykjavík.
Á kveðjustundu er mér efst í
huga að þakka hinni látnu heið-
urskonu vináttu hennar og tryggð
við fjölskyldu mína. Ég sendi syni
hennar, systkinum og aldraðri
móður mínar innilegustu samúð-
arkveðjur, en einnig vildi ég koma
á framfæri þakklæti til vinafólks
hennar sem studdi hana fram til
hinstu stundar.
Guð blessi minningu Ingibjarg-
ar Guðjónsdóttur.
Hilmar Þór Hilmarsson.
Þó að orð segi ekki margt langar
okkur til að minnast hennar öddu
vinkonu okkar með nokkrum orð-
um. Við urðum samferða í tæplega
þrjátíu ár og núna sitja minn-
ingarnar eftir, góðar minningar
um góða konu.
Ferðalagið var oft erfitt og
margar og brattar brekkur á leið-
inni, brekkur sem einungis höfð-
ust með þrautsegju, dugnaði og
lífsgleði. En sem betur fer falla
erfiðleikarnir oftast í skuggann af
góðu stundunum og með öddu átt-
um við margar góðar og glaðar
stundir.
Sannur vinur er mikils virði og
slíkan vin er ekki hægt að kveðja,
minningarnar lifa. Þökk fyrir allt.
Þeim sem hefur mest misst,
Þráni syni hennar, sendum við
innilegar samúðarkveðjur.
„Far þú í friði,
friður (>uðs þig blessi,
hafðu þökk fyrir allt og allt“
Vinkonur
Félag
bókagerðarmanna
Félagsfundur
veröur haldinn í dag kl. 17.00 aö Hótel Esju,
annarri hæö.
Dagskrá:
1. Samningamálin.
2. Önnur mál.
Stjórn FBM.
EF ÞAÐ ER FRÉTT-
NÆMTÞÁERÞAÐÍ
MORGUNBLAÐINU
AUGLÝSING
Tízkan ’82 - Tízkan ’82 - Tízkan ’82
Þegar lokakvöldið í keppninni um tit-
ilinn Ungfrú Hollywood fór fram á
Broadway um daginn, fór fram m.a.
ýmislegt annað gott og skemmtilegt
m.a. sýndu hin glæsilegu Módel 79
tízkufatnað frá Karnabæ.
Vöktu fötin verðskuldaða athygli,
sem vænta mátti og nú vill svo vel til,
að öll þessi glæsilegu föt eru nú komin
í verzlanir Karnabæjar um land allt.
1 Kalmar innréttingar h.f., Skeifunni 8,108 Reykjavlk, s(mi 82011