Morgunblaðið - 27.05.1982, Blaðsíða 45
MORGUNBLAÐIÐ, FIMMTUDAGUR 27. MAÍ1982
45
\ftk?AKANDI
SVARAR í SÍMA
10100 KL. 10—12
FRÁ MÁNUDEGI
Y± TIL FÖSTUDAGS
Greinahöfundar:
Þyrftu að temja sér að
skrifa styttri greinar
Gestur Sturluson skrifar:
„Velvakandi!
Því hefur stundum verið
haldið fram, að við Islendingar
séum lokaðir og létum skoðan-
ir okkar lítið í ljós. Ég held, að
þetta sé ekki rétt. A.m.k. held
ég, að við séum ólatari við að
grípa í pennann en margir af
okkar nágrönnum og frænd-
um. Ég hefi stöku sinnum ver-
ið á ferð í nágrannalöndunum,
þ.e. Noregi og Danmörku, og
kíkt þá í þarlend dagblöð, sem
frammi hafa legið. Og þá hefi
ég tekið eftir því, að minna er
um það, að hinn almenni borg-
ari sendi greinar í blöðin en
hér á Fróni. Blöðin virðast þar
að mestu skrifuð af blaða-
mönnum og fastráðnum
greinahöfundum. Að vísu und-
antek ég lesendabréf þessara
blaða.
Það er svo sem ekkert nema
gott um það að segja að menn
skrifi í blöðin og láti álit sitt í
ljós á því sem ofarlega er á
baugi í þjóðlífinu í það og það
sinn, en þarna virðist mér oft á
tíðum galli á gjöf Njarðar.
Hann er sá, að þessar greinar
fara oft fyrir ofan garð og neð-
an hjá lesendum blaðanna.
Astæðan er sú, að greinarnar
eru oft of langar. í ys og þys
nútímans hefur fólk hvorki
eirð í sér né tíma til að lesa
greinar, sem ná kannski yfir
heilar síður, já, eða jafnvel
heilar opnur. Því held ég, að
greinahöfundar þyrftu að
temja sér að skrifa styttri
greinar, reyna að þjappa efn-
inu saman. Þá yrðu greinarnar
frekar lesnar og næðu þar með
tilgangi sínum. Dæmi sem
styður þessa skoðun mína eru
smápistlar þeir og lesendabréf
sem birtast hjá þér, Velvak-
andi góður. Það er það efni
sem einna almennast er lesið í
Mogganum, þar sem ég þekki
til.“
Tökum þátt
í starfi
Samhjálpar
Jóhann Guðmundsson skrifar:
„I 40. Davíðssálmi segir:
„Hann laut niður að mér og
heyrði kvein mitt. Hann dró
mig upp úr glötunargröfinni,
upp úr hinni botnlausu leðju,
veitti mér fótfestu á kletti,
gjörði mig styrkan í gangi.
Hann lagði mér ný ljóð í munn,
lofsöng um Guð vorn.“
Þessi orð komu fram í hugann
á samkomukvöldi Samhjálpar
sunnudagskvöld 16. maí. Kæru
bræður, ég þakka ykkur inni-
lega fyrir söng ykkar og vitnis-
burð um Jesúm Krist, frelsara
okkar. Það varð áreiðanlega öll-
um viðstöddum ógleymanlegt.
Það er stórkostlegt að sjá
vald Satans brotið á bak aftur
með því að menn snúa sér til
Jesú, sem gefur nýtt líf, nýja
gleði, nýjan söng. Jesús er sann-
arlega fær um að frelsa fallna
og synduga menn. Jesús lifir í
dag, er lifandi staðreynd í lífi
milljóna manna.
Ef einmanaleiki, sorg og neyð
sækir að þér, þá átt þú vin í
Jesú, sem elskar þig, ber um-
hyggju fyrir þér. Hann keypti
þig með Iífi sínu á krossinum á
Golgata. Hann vill frelsa sál
þína frá synd og eilífri glötun.
Hann gaf allt til þess að þú
eignaðist allt hjá Honum.
Hann stendur við dyr hjarta
þíns og knýr á. Leyndardómur-
inn á bak við kærleika Hans er
sá, að Hann ryðst ekki inn með
valdi. Þú verður að stíga skrefið
og opna hjarta þitt og þegar það
hefur skeð átt þú fótfestu á
kletti — verður styrkur í gangi,
eignast ný ljóð — lofsöng um
Guð, þann Guð sem gaf syndug-
um heimi son sinn, Jesúm Krist.
Sættist við Guð í Jesú Kristi.
Tökum þátt í starfi Sam-
hjálparmanna með því að kaupa
plötuna þeirra, með því að
styrkja þá fjárhagslega, með
því að biðja fyrir starfi þeirra."
Lagfærið Bláfjallaveginn
Berglind Berghreinsdóttir
skrifar:
Skrifið eða
hringið til
Velvakanda
Velvakandi hvetur les-
endur til að skrifa þætt-
inum um hvaðeina sem
þeim liggur á hjarta —
eða hringja milli kl. 10
og 12 mánudaga til
föstudaga. Bréf þurfa
ekki að vera vélrituð.
Þeir sem ekki koma því
við að skrifa slá þá bara
á þráðinn og Velvakandi
kemur orðum þeirra
áleiðis. Nöfn, nafnnúmer
og heimilisföng þurfa að
fylgja öllu efni til þátt-
arins, þó að höfundar
þess óski nafnleyndar.
„Kæri Velvakandi!
Mig langar aðeins til að
minnast á hinn mjög svo fjöl-
farna Bláfjallaveg. Mér finnst
hann vægast sagt ömurlegur,
ekki síst með tilliti til þess að
vegurinn er notaður af mikl-
um fjölda borgara úr fjöl-
mennustu og ríkustu kaup-
stöðum landsins. Er nú ekki
kominn tími til að stórmynd-
arlegt átak verði gert til þess
að lagfæra veginn, bæði með
því að breikka hann og byggja
upp, og umferðarþunginn sem
um hann fer og notin sem af
honum fást, réttlæta fyllilega
að á hann verði lagt bundið
slitlag.
Þessum framkvæmdum, svo
og gerð fleiri bílastæða, til
þess að koma í veg fyrir stór-
hættulegt öngþveiti þegar að-
sókn er mikil, þarf að vera lok-
ið fyrir haustið. Þetta mundi
m.a. hafa það í för með sér að
meira gagn yrði að þeim fjár-
festingum sem fyrir eru á
svæðinu, því að fólk er orðið
þreytt á þeirri hroðalegu út-
reið sem ökutæki þess fá
þarna uppfrá. Og stóru bæj-
arfélögunum sem að skíða-
svæðinu standa ætti engin
vorkunn að vera að því að búa
vel að skíðafólki sínu. Það
skilar áreiðanlega ríflegum
arði til þeirra aftur í auknu
heilbrigði borgaranna."
GÆTUM TUNGUNNAR
Heyrst hefur: Hann er að fara eitthvert út í buskann,
líklega eitthvað gönuskeið.
Rétt væri: Hann er að fara eitthvað út í buskann, líklega
eitthvert gönuskeið.
BENIDORM
BEINT
LEKHIFUJG
GÓEHR
GISTBTAÐIR
BROTTFARARDAGAR:
2/6, 23/6, 14/7, 4/8, 25/8, 15/9.
ATH.: OKKAR VERÐ
FEROASKRIFSTOFAN
NÓATÚNI 17. SÍMAR 29830 og 29930.
ALLT
I UTILIFIÐ
FYRIR HVÍTASUNNUNA
Anórakkar, hnébukur og gönguskór
í glæsilegu úrvali.
5- rr
ÚTILÍF
Glæsibæ, simi 82922.
EF ÞAÐER FRÉTT-
NÆMTÞÁERÞAÐÍ
MORGUNBLAÐENU