Morgunblaðið - 20.06.1982, Blaðsíða 48

> AUGLÝSINGASIMINN ER: -^S^-j, OOAQí\
___/ ]M*r0ttnbUbi6
%&#t$mðfi$fofo
i AUGLÝSINGASÍMINN KR: ^»22480 __J ]M«reunblabit>
SUNNUDAGUR 20. JÚNÍ 1982
Óvissa ríkir um framhald viðræðna ASÍ og VSÍ vegna nýrrar þjóðhagsspár:
Spáin gerir ráð fyrir allt að
6% samdrætti þjóðartekna
— og að viðskiptahalli geti orðið 8—9% af þjóðarf ramleiðslu, en var 2,4% 1981
Óhætt er að segja, að frum-
legheitin finnist jafnt í dýra-
ríkinu sem hjá mönnunum.
Öndin sú arna bjó sér hreið-
ur undir bát grásleppukarls í
Grímsstaðavörinni. Svo ákveð
in liggur hún á eggjunum, að
þótt grásleppukarlinn dragi
bát sinn yfir hana eða slaki
ofan af, situr hún sem fastast
til að vernda afkomendur
sina.
I.jósmynd Mbl. KEE
NOKKI K óvissa ríkir nú um framhald samningaviðræðna Alþýðusam-
bands Islands og vinnuveitenda eftir að endurskoðuð þjóðhagsspá var lögð
fram í gærdag, en samkvæmt henni hefur efnahagsástandið versnað tölu-
vert frá því i marz, þegar spáin var lögð fram, en viðræður hafa verið
byggðar að nokkru leyti á því, sem þar kom fram. I marz var gert ráð fyrir
um 1% samdrætti þjóðartekna, en samkvæmt endurskoðaðri þjóðhagsspi
nú, er gert ráð fyrir allt að 6% samdrætti.
í raun má segja, að um tvær
spár sé að ræða. I öðru tilfellinu er
gert ráð fyrir, að dragi úr aukn-
ingu botnfiskafla og engin loðnu-
veiði verði í haust. Þá er gert ráð
fyrir um 20% samdrætti afla-
verðmætis. Þorskaflinn yrði þá
350 þúsund tonn, samanborið við
460 þúsund tonn í fyrra. Miðað við
þessar forsendur er síðan gert ráð
fyrir um 12% samdrætti í sjávar-
afurðaframleiðslu. I hinu tilfell-
inu er gert ráð fyrir allt að 20%
samdrætti í sjávarafurðafram-
leiðslunni.
Varðandi þjóðartekjurnar, þá
gerir fyrra dæmið ráð fyrir, að
þær muni minnka um 3,5%, en
samkvæmt spánni frá því í marz
s.l. var gert ráð fyrir 1% sam-
drætti. Hins vegar gerir spáin
samkvæmt seinna dæminu ráð
fyrir allt að 6% samdrætti þjóðar-
tekna í ár.
í þjóðhagsspá frá í marz sl. var
gert ráð fyrir, að viðskiptahallinn
yrði um 5% af þjóðarframleiðsl-
unni, en í lakara dæminu hér að
framan er gert ráð fyrir, að hann
geti orðið alit að 8—9%, en til
samanburðar var þetta hlutfall
2,4%.
Samkvæmt upplýsingum Mbl.
var Ólafur Davíðsson, forstöðu-
maður Þjóðhagsstofnunar, kall-
aður í „Karphús" í fyrrakvöld til
að gefa skýrslu um niðurstöður
þjóðhagsspárinnar og voru málin
síðan rædd fram á nótt, en allar
forsendur fyrri viðræðna voru af
framangreindum ástæðum tölu-
vert breyttar. Síðan var ákveðið,
að viðræðunefndirnar kæmu aftur
saman til fundar í gærdag klukk-
an 15.00 og stóð fundurinn enn
þegar Morgunblaðið fór í prentun
í gær. Þeir menn sem Mbl. ræddi
við í gærdag voru mjög svartsýnir
á, að einhverjar ákveðnar tillögur
til lausnar málinu yrðu lagðar
fram um helgina.
Þórir Helgason, yfirlæknir á göngudeild sykursjúkra á Landspítalanum.
Mynd Mbl. Kristján fllm
Þórir Helgason, yfirlækir:
„Höfum sett okkur að komast
að hvernig sykursýki erfist"
„VIÐ HÖFUM sett okkur að reyna að
komast að því, hvernig sykursýki erf-
ist og fylgjast með næstu kynslóðum
músa og sjá hvert framhaldið verður,"
sagði Þórir Helgason, yfirlæknir á
góngudeild sykursjúkra á Landspítal-
anum, í samtali við Mbl., en svo sem
skýrt var frá í Mbl. hafa dýra-
rannsóknir í Aberdeen leitt i Ijós, að
hangikjötsneysla veldur sykursýki í
músum.
„Vefjafræðilegar breytingar áttu
sér stað í músunum. I rafeinda-
smásjá mátti sjá insúlínið vella út
úr frumunum. Á því stigi voru dýrin
ekki með háan sykur, en síðan átti
sér stað breyting í hina áttina; þá
kom fram hár sykur í blóðinu. Ef til
vill verður með rannsóknum hægt
að finna orsök allrar sykursýki; ekki
bara insúiínháðrar-sykursýki. Það
yrði stórkostlegt ef það tækist, en til
þess þarf mikið fé.
Þá tel ég að möguleikar hafi
opnast til rannsókna á öðrum sjúk-
dómum, til að mynda krabbameini,
en 85% af krabbameini er af
óþekktum orsökum. Þó ekki óþekkt-
ari en svo, að margir álíta að eitt-
hvað í umhverfinu eigi þar stóran
hlut að máli."
— Hefur fjárskortur háð þessum
rannsóknum?
„Já, fjárskortur hefur dregið
rannsóknir á langinn og í seinni tíð
hefur verið spurning hvort skyn-
samlegt væri að halda þessum rann-
sóknum áfram vegna aðstöðuleysis
og fjárskorts. Vísindasjóður hefur
styrkt þessar rannsóknir. í fyrra
var 70 þúsund krónum úthlutað til
þessara rannsókna og 60 þúsund í ár
og auk þess hefur fé komið frá vís-
indasjóði Landspítalans. í seinni tíð
höfum við orðið að gera mjög dýrar
rannsóknir. Við hefðum getað farið
fyrr út í þær og gert þær betur,
hefði fé verið til staðar. Ekki er
lengur bara um að ræða mælingar á
sykri í blóði, insúlíni og smásjár-
breytingar; — við höfum litað fyrir
insúlíni í verksmiðjunum og notað
radioaktív efni tiJ að athuga upp-
töku á efni í kjarnasýrufrumum,
sem þýddi að nýjar frumur væru að
reyna að koma í stað þeirra sem
væru að falla í valinn.
Þetta hefur verið mjög dýrt og
tímafrekt. Samstarfsmaður minn í
Aberdeen, Stanley Ewen, hefur
þurft að vinna aðra vinnu með og
við hefðum þurft að hafa aðstoðar-
mann, en til þess hafa engir pen-
ingar verið til staðar."
Bílvelta í
Hveradölum
LAUST fyrir hádegi í gær valt
nýleg Lada-bifreið neðst í
Hveradölum. Fór bifreiðin
margar veltur að sögn lögregl-
unnar á Selfossi. Ókumaður
var einn í bifreiðinni og var
hann fluttur á slysadeild Borg-
arspítalans í Reykjavík.
Ökumaðurinn leit ekki út
fyrir að vera alvarlega slasað-
ur að sögn lögreglunnar, en
bifreiðin er gjörónýt. Ekki var
vitað um ástæður óhappsins
er Mbl. ræddi síðast við lög-
regluna á Selfossi í gær.