Morgunblaðið - 05.09.1982, Blaðsíða 44
Síminn á afgretöslunni er
83033
Jttt>T£vmkIa&í&
STEINAKRÝL
- málningin sem andar
SUNNUDAGUR 5. SEPTEMBER 1982
Tekin í tollinum
með kíló af hassi
STÍJLKA á þrítugsaldri var handtek-
in á Keflavíkurflugvelli á föstu-
dagskvöld, en hún var með rúmt kiló
Stöðvuöu framkvæmd-
ir við vegatengingu
ÍBIIAK i Árbæjar- og Seláshverfum
stöðvuðu framkvæmdir borgarinnar
við tengingu Vatnsveituvegar og Sel-
ásbrautar, samkvæmt upplýsingum
sem Mbl. fékk hjá lögreglunni i gær,
en íbúarnir hafa verið óánægðir með
umferð hestamanna í gegnum hverfíð.
íbúarnir söfnuðust saman og
hindruðu vinnu borgarstarfsmanna
og var henni þá hætt. Atburðir þess-
ir áttu sér stað um klukkan 10.30 í
gærmorgun.
af hassi í handtösku sinni, sam-
kvæmt upplýsingum sem Morgun-
blaðið fékk hjá fikniefnadeild lög-
reglunnar í gær.
Stúlkan var að koma frá Kaup-
mannahöfn, þar sem hún er bús-
ett, en hassið fannst við venju-
bundið tolleftirlit. Söluverð hass-
ins er talið nema 250 til 300 þús-
undum króna hér á landi. Stúlkan
var flutt í fangageymslur og fóru
yfirheyrslur fram í gær. Búist var
við að gerð yrði krafa um gæslu-
varðhald yfir henni, en afstaða til
þess hafði ekki verið tekin þegar
Mbl. fór í prentun í gær. Stúlkan
hefur ekki áður komið við sögu
lögreglunnar hér.
ísafjörður:
Starfsfólki Ljóns-
ins sagt upp störfum
VERSLUNIN Ljónið á ísafirði, sem er stærsti vörumarkaður á Vestfjörðum,
hefur sagt upp öllu starfsfólki sinu og er nú til sölu, samkvæmt upplýsingum
sem Morgunblaðið fékk hjá Heiðari Sigurðssyni framkvæmdastjóra i gær.
Heiðar sagði að ákvörðun um
sölu fyrirtækisins hefði verið tek-
in á fundi stjórnar fyrirtækisins á
fimmtudagskvöld og var öllu
starfsfólki sagt upp störfum frá
og með 1. september og hættir það
á timabilinu 1. október til 1. des-
ember. Heiðar sagði ástæðu þess,
að eigendur vildu nú hætta rekstr-
inum, þó að erfiðleikar væru í
rekstri Ljónsins, eins og hjá öðr-
um fyrirtækjum og hefði hug-
mynd um sölu þess verið til um-
ræðu í nokkurn tíma.
Hjá Ljóninu vinna á milli 30 og
40 manns. Verslunarhúsnæði
fyrirtækisins er um 1.900 fermetr-
ar að stærð og sagði Heiðar að
uppsett verð fyrir húsið og aðrar
eignir fyrirtækisins væri um 16
milljónir króna, en enn hefði eng-
inn lýst áhuga sínum á kaupunum.
Bf ekki finnst kaupandi að fyrir-
tækinu, sagði Heiðar, að reynt
yrði að halda rekstrinum áfram.
Grindavíkurbátar hafa fengið góðan síldarafla í lagnet að undanförnu.
Útlit er fyrir að söltun hefjist innan tíðar, en fram til þessa hefur síldin
verið fryst til beitu. Hafnarstjórinn í Grindavík, Bjarni Þórarinsson,
lætur sitt ekki eftir liggja og bregður sér á síldveiðar þegar færi gefst.
Hér er hann kominn að landi með góðan afla, og hristir síldina úr
netunum upp á gamla mátann. Ljósm.: Óiafur Rúnar.
Kristján Ragnarsson formaður LÍÚ:
Þad sem á þarf að halda er kjarkur
og dugur til að takast á við vandann
Sambandsfyrirtækin ekki háð ákvöröunarvaldi Árna Benediktssonar, þau lúta ábyrgri stjórn
„ÉG UNDRAST ummæli sjávarútvegsráðherra í Morgunblaðinu í dag, þar
sem hann talar um aö við séum að heimta og krefjast og þar fram eftir
götunum. Við biöjum bara um það réttlæti að undirstöðuatvinnuvegurinn,
sem allt þjóðfélagið byggir á, sé ekki dæmdur til þess að vera rekinn með
tapi. Við kunnum ekki og getum ekki borgað 120 krónur með 100 krónum og
það er enginn sem vill taka við þvi,“ sagði Kristján Ragnarsson, formaöur
I,anc1s.sambancls íslenskra útvegsmanna, í samtali við Morgunblaðið i gær.
Fulltrúar LÍÚ ræða við forsætisráðherra, sjávarútvegsráðherra og iðnaðar-
ráðherra á föstudag. Morgunblaftió/RAX.
„Þau brigslyrði sjávarútvegsráð-
herra í minn garð, um að ég hafi
ekki viljað samþykkja 20% fisk-
verðshækkun, eru út í hött, því það
hefur margsinnis komið fram að
með því hefði ég verið að sam-
þykkja stórkostlegan halla á út-
gerðinni. Það stóð aldrei til og mað-
urinn verður að reyna að átta sig á
því og skilja, hvaða ábyrgð hvílir á
honum sem sjávarútvegsráðherra.
Hann verður að hætta öllum brigsl-
yrðum í þessu efni, ef ná á einhverj-
um árangri í að leysa þetta mál.
Um er að ræða á milli 500 og 600
milljóna króna halla á ári og við
kunnum ekki og getum ekki haldið
þessu áfram lengur," sagði Krist-
ján.
„Við erum einungis að fara fram
á að reka útgerðina á núllpunktin-
um, sem þýðir það að fjölmörg
fyrirtæki eru rekin með halla. Við
erum ekki að biðja neinum misk-
unnar, við höfum ekki beðist undan
því að nokkur aðili sé gerður gjald-
þrota," sagði Kristján.
Varðandi ummæli sjávarútvegs-
ráðherra um að vonlaust væri að ná
heildarlausn á vanda útgerðarinnar
fyrir 10. september, sagði Kristján,
að ráðherrann hefði allar upplýs-
ingar sem þyrfti til að taka ákvörð-
un í þessu máli. „Það eina sem á
þarf að halda er kjarkur og dugur
til þess að takast á við vandamálið,
enda búið að ræða það og grand-
skoða síðan í júní, og það er ekki
deilt um hver afkoman sé. Þjóð-
hagsstofnun er búin að staðfesta
hver afkoman er, þar er ekki um
okkar tölur að ræða, heldur opin-
berar tölur," sagði Kristján.
Kristján var spurður um ummæli
Arna Benediktssonar í Tímanum í
gær, þar sem gefið er í skyn að sam-
bandsútgerðir segi sig úr LÍÚ.
Kristján svaraði: „Sambandsfyrir-
tækin voru þátttakendur í þessu
eins og önnur fyrirtæki og forsvars-
menn þeirra samvinnufyrirtækja,
sem við mig hafa talað, hafa lýst
erfiðleikunum jafnvel verr heldur
en meðaltalið gefur tilefni til og
mér er kunnugt um að fjölmörg út-
gerðarfyrirtæki samvinnumanna
eiga í miklum erfiðleikum. Þeir |
hafa enga sérstöðu í þessu efni og
ég á ekki von á að þeir skerist úr
leik frekar en aðrir, því þeirra staða
er með þeim hætti. Það eru ekki
uppi nein bolabrögð í þessu máli og
sem betur fer eru sambandsfyrir-
tækin það sjálfstæð að þau eru ekki
háð ákvörðunarvaldi Árna Bene-
diktssonar. Þau eru sjálfstæð fyrir-
tæki sem lúta ábyrgri stjórn."
BenzíniÖ
hringveginn
um 2.600 kr.
BENZÍNLÍTRINN hækkaði nýlega
um 8,9%, eða úr 11,20 krónum í
12.20 krónur eins og skýrt hefur ver-
ið frá, en þá var ekki liðinn mánuður
frá því, að benzinlítrinn hækkaði um
tæplega 5%, eða úr 10,70 krónum í
11.20 krónur. Á einum mánuði
hækkaði benzín því um liðlega 14%.
Fyrir þessa hækkun var benz-
ínkostnaður bílstjóra á fólksbíl,
sem eyðir um 10 lítrum benzíns á
hverja 100 km um 118 krónur ef
hann ók til Þingvalla og til baka,
ef miðað er við vegalengdina 110
km. I dag er benzínkostnaður
þessa sama mans um 135 krónur.
Ef bíllinn eyddi um 15 lítrum
benzíns í stað 10 lítra var kostnað-
urinn 177 krónur fyrir mánuði, en
201 króna í dag. Og síðan ef bíllinn
væri eyðslufrekur og eyddi um 20
lítrum, þá var kostnaðurinn 236
krónur fyrir mánuði, en er nú
tæplega 270 krónur.
Ef dæmið er skoðað fyrir öku-
mann, sem ekur til Akureyrar, ef
miðað er við vegalengdina 450 km.
Þá var kostnaðurinn fyrir bíl, sem
eyðir um 10 lítrum benzíns, um
480 krónur fyrir mánuði, en er í
dag 550 krónur. Ef bíllinn eyddi
um 15 lítrum benzíns var kostnað-
urinn um 720 krónur fyrir mánuði,
en er liðlega 824 krónur í dag.
Loks ef dæmið er tekið um bíl,
sem eyðir um 20 lítrum, þá var
kostnaðurinn um 964 krónur fyrir
mánuði, en er í dag um 1.100 krón-
ur.
Loks ef dæmið væri skoðað, ef
hringvegurinn væri ekinn og mið-
að við að hann sé um 1.425 km, þá
var kostnaður vegna bíls, sem eyð-
ir um 10 lítrum, fyrir mánuði um
1.525 krónur, en í dag er hann um
1.740 krónur. Ef bíllinn eyddi um
15 lítrum benzíns var kostnaður-
inn fyrir mánuði um 2.280 krónur,
en hann er í dag um 2.600 krónur.
Loks ef dæmið er tekið fyrir bíl-
inn, sem eyðir um 20 lítrum benz-
íns, þá var kostnaðurinn fyrir
mánuði um 3.050 krónur, en í dag
er hann tæplega 3.480 krónur.
Reyðarfjörður:
Réðust
á aligæsir
Tveir menn réðust á hóp ali-
gæsa á Reyðarfirði fyrir
skömmu og drápu tvær gæsir og
höfðu á brott með sér. Höfðu
þeir hníf og barefli að vopni, og
auk gæsanna tveggja er þeir
drápu slösuðust tvær í aðförinni
og varð að skjóta aðra. Gæsirn-
ar eru hafðar á eyðijörðinni
Eyri við Reyðarfjörð, og eigend-
ur þeirra eru Gunnar Þorst-
einsson og Svavar Valtýsson á
Reyðarflrði.
Svavar sagði í samtali við
Mbl. að þeir væru með um 300
unga á beit í sumar, sem
hefðu komið undan um 20
gæsum. Gæsirnar væru hvít-
ar og flekkóttar á lit, og væri
útilokað að taka feil á þeim og
villigæsum. Svavar sagði að
er gæsastóðið hafi verið rekið
saman eftir árásina, hefði
vantað tíu fugla í hjörðina, en
ekki væri sannað að þær
hefðu allar horfið af manna-
völdum.
Lögreglan hafði upp á
mönnunum sólarhring eftir
að til þeirra sást á gæsabúinu.