Morgunblaðið - 29.12.1982, Side 37

MORGUNBLAÐIÐ, MIÐVIKUDAGUR 29. DESEMBER 1982
37
^Él?AKANDI
SVARAR I SIMA
10100 KL. 10—12
FRÁ MANUDEGI
TIL FÖSTUDAGS
„Þegar þú ert ekki“
— gott ljóð
Ásgoir R. Helgason skrifar:
„Velvakandi.
Eg hef aldrei fyrr tekið upp
ljóðabók, byrjað á upphafinu og
lesið hana til enda. Ljóðabók Guð-
rúnar Svövu Svavarsdóttur, „Þeg-
ar þú ert ekki“, er hrífandi lýsing
á uppgjöri manneskjunnar við
sjálfa sig, þegar viðfang ástarinn-
ar hverfur á braut. Bókin er eitt
langt ljóð, smekklega upp sett,
prýdd skemmtilegum myndum
sem hæfa vel efninu. Það ber vott
um þroska höfundar, að hún skuli
upphefja ástina úr sinni eigin-
gjörnu mynd, þar sem hatrið
blundar og bilið á milli ástar og
haturs er svo óendanlega stutt í
sína gefandi fullkomnu mynd.
„Kg tek hatrið
«g læsi þaö inni í einu hólfi hjartans
«g hleypi því aldrei út framar.
Aldrei ...
I'ar má þad lolna og visna
uns þaó verður aó engu.“
„Ádur fannst mér styrkurinn fólginn
í aó skilja allt umbera allt
«g bera höfuóið hátt eftir megni.
Nú finnst mér styrkurinn fólginn
í aó hugsa meó hlýju og ást
til ykkar begRja.“
Þessi tvö erindi ljóðsins „Þegar
þú ert ekki“ eru fyrir mér megin-
inntak bókarinnar. Annars vegar
uppgjörið við ástina og hins vegar
uppgjörið milli hinnar tilfinninga-
legu og hinnar rökrænu víddar í
manneskjunni. Bókin sýnir á fal-
legan hátt hvernig tilfinninga-
Guðrún Svava Svavarsdóttir
víddin splundrar hinu rökræna
ferli og hvernig ný tilfinningagildi
koma í stað hinna gömlu og verða
grunnur nýrra rökrænna ferla.
Nýrrar manneskju.
Ég þakka gott ljóð.“
Þessir hringdu . . .
Af hverju ekki
jólatré á
Hagatorgi?
íbúi við Hjarðarhaga hringdi og
hafði eftirfarandi að segja: —
Mig langar til að fá svör við því
hjá borgaryfirvöldum, hvers
vegna hætt hefur verið við að
hafa jólatré á Hagatorgi eins og
tíðkast hefur um árabil. Reykja-
víkurborg getur ekki verið svo
fátæk að leggja verði þennan
góða jólasið niður.
Aldrei séd ann-
að eins á prenti
Fuglavinur hringdi og hafði
eftirfarandi að segja: — Ég sá
athyglisverða setningu í einum
pistlanna sem birtust hjá þér
laugardaginn 18. des., og hef
aldrei séð annað eins á prenti,
hvorki fyrr né síðar, og er ég nú
síðan um aldamót. Þar kom fram
að leitt hefur verið inn í húsregl-
ur fjölbýlishúss nokkurs bann
viö því að gefa smáfuglum á
svölum eða ióð hússins. Hvers
konar mannskapur stendur að
svona reglugerð? Ég skil það
ekki. Hver vill búa við slíkar
P
reglur? Ég mundi ekki vilja það.
Það hlýtur að fylgja þessu
eitthvað ógæfulegt. Eg mælist
til þess að íbúarnir noti yfir-
standandi jólahátíð til að afmá
þessi ólög.
Aðra hverja
helgistund
fyrir börn
7030-2306 hringdi og hafði eft-
irfarandi að segja: — Hvernig
væri að hafa aðra hverja helgi-
stund í sjónvarpinu fyrir börn?
Orðalag presta er oft þannig, að
börnin skilja þá ekki og hafa þar
af leiðandi ekki áhuga á að
hlusta. Er ekki hægt að beina
þessu í heppilegri farveg, t.d. á
þann hátt sem ég nefndi í upp-
hafi?
Dæmalaus
uppákoma og
hringavitleysa
Verkakona hringdi og hafði
eftirfarandi að segja: — Mig
langaði til að orða aðeins við þig
þessar margrómuðu láglauna-
bætur, sem okkur láglaunafólk-
inu voru ætlaðar. Ég tel mig í
hópi þess, þar sem ég hafði tæp-
lega 65 þús. króna laun á síðast-
liðnu ári með yfirvinnu. Ég er
einstæð kona á sjötugsaldri og á
þriggja herbergja risíbúð skuld-
litla. Ég bjóst alltaf við að fá
þessar bætur skertar, en að fá
ekki krónu — því bjóst ég alls
ekki við. Ég held að óhætt sé að
kalla þessar „láglaunabætur"
stjórnvalda dæmalausa uppá-
komu, eins og að þeim hefur ver-
ið staðið, sbr. mörg dæmi sem
nefnd hafa verið í fréttum og
sýna hvílík hringavitleysa þetta
er.
Kvöldgestir
ekki á heppi-
legum degi
Ragnheiður Gunnarsdóttir
hringdi og hafði eftirfarandi að
segja: — Mig langar til að þakka
fyrir tvennt í útvarpinu. Mér
hefur líkað ákaflega vel Morg-
unstund barnanna að undan-
förnu, sem Helga Harðardóttir
hefur annast. Dóttir mín hefur
beðið óþreyjufull á hverjum
morgni eftir að lesturinn hæfist
— og lagið á undan. Kærar
þakkir fyrir þetta. Og svo eru
það kvöldgestirnir hans Jónasar.
Það er mjög góður þáttur, sem
þakka ber, þó að hann sé ekki á
heppilegum degi. Á föstudags-
kvöldum eru bíómyndir í sjón-
varpinu og standa oftast fram á
tólfta tímann eða lengur. í raun
og veru eru öll kvöld heppilegri
fyrir þáttinn en föstudagskvöld-
in og sjónvarpsdagskráin oftast
styttri, oft aðeins til 22.30—
23.00. Jónas á skilið að vel sé
gert við þennan góða þátt.
X-9:
Spennandi og vel teiknuð
Teiknisöguáhugamaður skrifar:
„Kæri Velvakandi!
Mig langar til þess að spyrja að-
standendur Morgunblaðsins hvers
vegna hætt hefur verið að birta
teiknimyndasöguna X-9 í Morgun-
blaðinu. Það væri einnig gaman að
fá að vita hvers vegna ekki var
haldið áfram að birta þessa sögu
sem var í blaðinu fyrir u.þ.b. 2—3
mánuðum.
Ef ekki er hægt að kaupa sög-
una áfram: Af hverju ekki þá bara
að birta hana aftur frá byrjun?
Viðkomandi saga er bæði spenn-
andi og vel teiknuð og þegar ég
rakst á bréf svokallaðra
„menntskælinga" fyrir nokkru, þá
brá mér í brún er ég sá hve fárán-
legar athugasemdir þeirra voru
varðandi X-9. Ég skil hreint ekki
hvernig teiknimyndasaga ætti að
orka sumu af því sem þeir sögðu.
Sumt af því sem þeir sögðu ætti
kannski betur við Conan villimann
sem þeir „menntskælingar" dá-
sömuðu svo mikið, að maður tali
ekki um „kvenréttindakonuna"
Rauðu-Sonju (Pah!).
Þó að ég viti alveg að beiðni eins
manns geti varla þokað miklu,
ætla ég hér með að æskja þess af
ritstjóra, að annaðhvort verði
haldið áfram að birta X-9 eða hún
endurprentuð frá byrjun. Ekki
kostar það nú svo mikið."
•
Samkvæmt þeim upplýsingum,
sem Velvakandi hefur aflað sér,
verður það Conan villimaður sem
lesendur fá að fylgjast með, en X-9
hefur verið látin þoka í hvíldar-
stöðu.
GÆTUM TUNGUNNAR
Heyrst hefur: Hann mundi fara, ef hann mundi þora.
Rétt væri: Hann færi, ef hann þyrði.
Bendum börnunum á þetta!
Jólatrésskemmtun
Verzlunarmannafélag Reykjavíkur heldur jóla-
trésskemmtun að Hótel Sögu, Súlnasal, sunnu-
daginn 2. janúar 1983 kl. 15.00.
Aðgöngumiðar verða seldir í skrifstofu félagsins á 8.
hæð í Húsi verzlunarinnar, við Kringlumýrarbraut. Tekið
verður á móti pöntunum í síma 86799.
Miðaverð fyrir fullorðna kr. 50.
Miðaverð fyrir börn kr. 80.
Miöar veröa ekki afhentir viö innganginn. Ath. aö
skrifstofan er flutt af Hagamel 4 í Hús verzlunarinnar,
8. hæð viö Kringlumýrarbraut.
Verzlunarmannafélag Reykjavíkur.