Morgunblaðið - 19.04.1983, Blaðsíða 44

44
MORGUNBLAÐIÐ, ÞRIÐJUDAGUR 19. APRÍL 1983
„ Dóbt' r min Seg\r mér o& þú voní st eftir
frarrvx i'siglihjum."
ást er ...
að renna
fingrunum gegn-
um hár hennar.
HÖGNI HREKKVÍSI
Þú verður að sjálf-
sögðu að borga allt
Hjörleifur Jóhannesson og Jón
Garöar Hafsteinsson skrifa fyrir
hönd FNMR:
Veðrið er gott. Þú ert í bíltúr
með fjölskylduna og bílinn rennur
þýðlega eftir malbikuðum vegin-
um. Sól skín í heiði og sem sannur
íslendingur dáist þú að því sem
eftir er af íslenskri náttúru þegar
... skyndilega kemur hnykkur á
ökutækið og þú hendist uppúr
rómantískum hugsunum um ís-
lenska náttúru. Þú stoppar í
ofboði og stígur út. Þar sem þú nú
liggur í götunni rennur upp fyrir
þér sú vitneskja að þú og bíllinn
þinn hafið báðir orðið fyrir svip-
aðri reynslu. Þið hafið báðir runn-
ið í hrossaskít!
Þú stendur upp, skefur taðið af
Andrésarbuxunum og sérð glitta í
virðulega afturendana á svo sem
tuttugu truntum þar sem þær
hverfa fyrir næstu hæð. Þú snar-
ast inní ökutækið og brennir á eft-
ir þeim, hissa á því að hundahald
skuli vera bannað. Hestar hlamma
niður a.m.k. mánaðarskammti
meðalhunds á degi hverjum og
samkvæmt þinni vitneskju er
frekar lítið um það að hundar séu
með járnbentar iljar til þess eins
að merja jafnt saklausa vegfar-
endur sem vegi landsins.
Jæja, þú dregur óðum á þessa
útverði íslenskrar snyrtimennsku
og verður þess áskynja að bíllinn
þinn er ekki lengur hvítur, heldur
hefur litur hans tekið á sig þann
blæ sem tíðkast á þéttbýlishross-
um eftir veturlanga stöðu á stalli.
Hinum megin við áðurnefnda
næstu hæð verður þú að draga úr
hraða bílsins og fara fetið, því
þótt þú vildir það gjarnan þá
kemstu ekki framúr. Það er því
ekkert annað að gera en að grípa
fyrir nefið og láta fyrirberast
þarna aftast í röðinni.
Eftir kortér ferð þú að ókyrrast,
opnar gluggann og spyrð einn
knapanna hvort þú megir nokkuð
komast framúr. „Fyrr má nú vera
helvítis frekjan í þessum blikk-
beljuföntum," rumdi í karlinum
sem klykkti út með því að slá á
makka reiðskjótans með þeim af-
leiðingum að nánasta umhverfi
hvarf um stund í rykmekki og
hrosshárum og fínum taðsalla.
Þú þagnar og skammast þín
rækilega þegar þér verður hugsað
til þess hvílíkir aðskotahlutir bíl-
ar eru. Þeir ryðjast svo þúsundum
skiptir um götur bæja og borga
svo ekki verður vært þar fyrir
„blessuð" hrossin og knapana. Það
eru jú hestamann sem borga vega-
skattinn, svo að þeim ætti að vera
frjálst að eyðileggja göturnar. En
sem betur fer er ekki allt svona
óréttlátt. Ef knapi hleypir hrossi
sínu af alefli inn í hliðina á bíln-
um þínum, verður þú að sjálfsögðu
að borga allt, bæði bíl og hest.
Hestamenn, munið að gefa
hvergi eftir, það fer líka svo vel
með hestana að láta þá þramma á
dúnmjúku malbikinu."
Duran Duran á listahátíð
Bína skrifar:
„Kæri Velvakandi.
Mig langar að koma því á fram-
færi við umsjónarmenn Listahá-
tíðar, að fá hljómsveitina „Duran
Duran“ á listahátíð í ár. Duran
Duran er ein vinsælasta hljóm-
sveit í heiminum þessa stundina.
Eru örugglega margir sammála
mér um það og vona ég að þeir láti
í sér heyra og styðji hugmynd
mína.
Svo langar mig að koma með
athugasemd í sambandi við tón-
leika Echo and the Bunnymen í
sumar: Hvers vegna eru tónleik-
arnir haldnir í Austurbæjarbíói
en ekki í Laugardagshöll sem
rúmar mun fleiri en Austurbæj-
arbíó?
Með fyrirfram þökk fyrir birt-
inguna."