Morgunblaðið - 10.05.1983, Blaðsíða 2

MORGUNBLAÐIÐ, ÞRIÐJUDAGUR 10. MAÍ 1983
Harður árekstur í Skerjafirði:
Föst í flakinu í
stundarfjórðung
TVÍTUG kona slasaðist alvarloga í mjög hörðum árekstri í Kinarsnesi í Skerjafirði
laust eftir klukkan 22 í gærkvöldi. Hún klemmdist í bifreið sinni og tók um
stundarfjórðung að ná henni úr flakinu. Konan var ekki talin í lífshættu, en Ijóst
að hún hafði lærbrotnað. Meiðsli hennar voru ekki fullkönnuð er Mbl. fór í
prentun.
Tildrög slyssins eru þau að
BMW-bifreið var ekið suður Suður-
götu og austur Einarsnes á miklum
hraða. Svo virðist sem ökumaður
hafi misst vald á bifreið sinni með
þeim afleiðingum að hún skall fram-
an á Toyotu-bifreið, sem konan ók.
Ökumaður BMW-bifreiðarinnar
slapp án meiðsla, svo og farþegi
hans. Farþegi í Toyotu-bifreiðinni
slapp ómeiddur. Báðar bifreiðirnar
eru gjörónýtar.
Tóbak:
70% aukning
á innflutningi
TÓBAKSINNFLUTNINGUR, þ.e. innflutningur á vindlingum og öðru tóbaki,
jókst um 70% fyrstu þrjá mánuði ársins, í magni talið, þegar inn voru flutt liðlega
164,3 tonn, borið saman við 96,6 tonn á sama tíma í fyrra.
Verðmæti þessa innflutnings
fyrstu þrjá mánuðina í ár er tæplega
49,4 milljónir króna, en var til sam-
anburðar tæplega 15,4 milljónir
króna fyrstu þrjá mánuðina í fyrra.
Verðmætaaukningin milii ára er því
liðlega 221%.
Ef litið er á vindlinga sér, kemur í
ljós, að innflutningur á þeim jókst
um tæplega 93,8% fyrstu þrjá mán-
uði ársins, í magni talið, þegar inn
voru flutt 137,4 tonn, borið saman
við 70,9 tonn á sama tíma f fyrra.
Cavalleria Rusticana:
Rúmanski
tenórinn
hættur
RUMANSKI tenórsöngvarinn,
Konstantin Zaharia, sem sungið
hefur hlutverk Turiddusar í upp-
færslu Þjóðleikhússins á óperunni
Cavaileria Rusticana, er hættur.
Fer til London í fyrramálið. Hann
hefur aðeins sungið á tveimur sýn-
ingum, á frumsýningunni á föstu-
dagskvöldið og síðan á sunnu-
dagskvöldið, þar sem veikindi virt-
ust standa honum talsvert fyrir
þrifum. Það kom fyrir að hann
hætti að syngja í miðju kafi og dró
mikið niður í röddinni á milli. Og
einni aríu sleppti hann algerlega.
Höfðu gestir á orði að hann hefði
„sparað" sig verulcga.
Sigmundur Örn Arngrímsson
hjá Þjóðleikhúsinu, sagði í sam-
tali við Morgunblaðið að Zaharia
hefði átt við veikindi að stríða og
einfaldlega ekki treyst sér í fleiri
sýningar. Sagði Sigmundur að
verið væri að vinna að því að út-
vega annan söngvara í hlutverk
Turiddusar og væru góðar horfur
á því að tækist að bjarga þeim
málum fyrir fimmtudagskvöldið,
en stefnt er að því að næsta sýn-
ing verði þá.
Veikindi settu mjög svip sinn á
leikhúslífið í Reykjavík yfir helg-
ina. Aflýsa varð tveimur sýning-
um á Línu langsokk í Þjóðleik-
húsinu og sýning féll niður á
Skilnaði hjá Leikfélagi Reykja-
víkur. Það er flensan sem er
sökudólgurinn, en hún virðist
enn keyra á fullum dampi.
Verðmætaaukning innflutningsins
milli ára er liðlega 273,5%, eða tæp-
iega 43,3 milljónir króna, borið sam-
an við tæplega 11,6 milljónir króna.
Innflutningur á „öðru tóbaki"
jókst um 4,7% fyrstu þrjá mánuði
ársins, í magni talið, þegar inn voru
flutt 26,9 tonn, borið saman við 25,7
tonn á sama tíma í fyrra. Verðmæta-
aukningin milli ára er liðlega 61,7%,
eða 6,12 milljónir í ár borið saman
við tæplega 3,79 milljónir króna á
sama tíma í fyrra.
Geir Hallgrímsson:
* vmSb : c:
■ ' ’< w*. ' t --
Mikið eignatjón varð í árekstrinum á mótum Suðurlandsbrautar og Skeiðarvogs og fernt var flutt í slysadeild.
Morffunblaðið Júlíus.
Fernt flutt í slysadeild
FERNT var flutt í slysadeild eftir
harðan árekstur á gatnamótum
Skeiðarvogs og Suðurlandsbrautar
laust fyrir klukkan þrjú aðfaranótt
sunnudagsins. Kona slasaðist al-
varlega, hlaut höfuðhögg og lá hún
meðvitundarlaus á Borgarspítalan-
um síðdegis á sunnudag.
Tildrög slyssins voru þau, að
Daihatsu-bifreið var ekið suður
Skeiðarvog í veg fyrir Toyota-
bifreið, sem ekið var austur Suð-
urlandsbraut. Bifreiðirnar
skullu saman af miklu afli með
þeim afleiðingum að þær köstuð-
ust á kyrrstæða Ford-bifreið við
gatnamótin. Konan sem slasað-
ist mest var ökumaður
Daihatsu-bifreiðarinnar. öku-
maður og farþegi í Toyota-bif-
reiðinni slösuðust og einnig öku-
maður Fordsins.
Þá varð harður árekstur á
gatnamótum Kringlumýrar-
brautar og Miklubrautar laust
fyrir klukkan níu í gærmorgun.
Ford Falcon var ekið vestur
Miklubraut og BMW suður
Kringlumýrarbraut. Umferðar-
ljós voru ekki virt og skullu bif-
reiðirnar saman af miklu afli.
Ekki er að fullu ljóst hvor fór
yfir á rauðu ljósi. Ökumaður og
farþegi í Fordinum voru fluttir í
slysadeild og einnig ökumaður
BMW-bifreiðarinnar.
Fyrst er að ganga úr skugga
um málefnalega samstöðu
- áður en ráðuneytunum er skipt
„KJARTAN Jóhannsson kom heim til mín kl. 9 í kvöld og tjárti mér art þingflokk-
ur Alþýðuflokksins hefði samþykkt að gera þá ófrávíkjanlegu kröfu, ef þeir ættu
að taka áfram þátt í stjórnarmyndunarviðrærtum með Sjálfstæðisflokknum og
Framsóknarflokknum, að þeir fengju forsætisráðherraembættið," sagði Geir Hall-
grímsson, formaður Sjálfstæðisflokksins, í gærkvöldi, er Morgunblaðið ræddi við
hann um þau skilyrði, sem Alþýðuflokkurinn setti fyrir frekari aðild að viðræðum
um myndun nýrrar ríkisstjórnar.
„Eins og kunnugt er, samþykkti
þingflokkur Alþýðuflokksins á fundi
sínum á sunnudag, að taka þátt í
stjórnarmyndunarviðræðum þessara
þriggja flokka og mættu fulltrúar
flokksins til viðræðufundar í því
skyni þann sama dag kl. 17.00. Þeim
fundi lauk með því, að ákveðinn var
annar fundur í dag, mánudag," sagði
Geir Hallgrímsson. „Þar lét Karl
Steinar Guðnason þá skoðun í ljós,
að samþykki flokksstjórnar Alþýðu-
flokksins fyrir þátttöku í ríkisstórn
gæti að lokum oltið á því, hvort Al-
þýðuflokkurinn hefði forystu ríkis-
stjórnar með höndum. Eg svaraði
því til, að fyrst væri að ganga úr
skugga um það, hvort málefnaleg
samstaða væri fyrir hendi til stjórn-
armyndunar og það væri ekki komið
að því að skipta með sér verkum,
ráðuneytum eða ráðherratitlum.
Síðan héldu fundarstörf áfram og
skiptumst við á skoðunum um
hvernig samræma bæri sjónarmið
okkar um laus aðsteðjandi vanda-
mál. Alþýðuflokksmenn tóku í lok
fundarins þátt í því að ákveða næsta
fund á þriðjudagsmorgni kl. 9.00
með tilvísun til þess, að menn ætl-
uðu sér nægan tíma til að ganga frá
málum svo að þingflokkarnir gætu
fjallað um þau síðdegis sama dag, en
þeir Alþýðuflokksmenn eru fljótir að
skipta um skoðun og meta meira
ráðherrastóla en málefni.
Þegar Kjartan Jóhannsson kom
mér að óvörum til mín með þessi
skilaboð, spurði ég hann, hvort þeir
ætluðust til að fá svar við þessari
málaleitan og hvort þeir mundu
mæta á boðuðum fundi á þriðju-
dagsmorgni. Hann kvað svo ekki
vera en hringdi í mig kl. 11 í kvöld
(mánudagskvöld) og spurði, hvort ég
óskaði eftir að þeir kæmu á fundinn
og kvað ég það vera hans ákvörðun
en ekki gert fyrir mig.“
Aðspurður um það, hvaða áhrif
þessi afstaða Alþýðuflokksins mundi
hafa á stjórnarmyndunartilraunina,
sagði Geir Hallgrímsson, að boðaður
fundur yrði haldinn með Framsókn-
arflokknum kl. 9 árdegis í dag.
Kjartan Jóhannsson:
Þessi krafa er pólitísk for-
senda fyrir aðild okkar
„ÞAÐ ER Ijóst að Sjálfstæðisflokkur og Framsóknarflokkur hafa mikinn meiri-
hluta á Alþingi og geta myndað ríkisstjórn einir sér. Þeir hafa óskað eftir því að
við kæmum inn í þessar viðræður og það cr álit Alþýðuflokksins að forsenda fyrir
stjórnarþátttöku okkar við slíkar aðstæður sé, að slík stjórn verði að vera á
jafnréttisgrundvelli og undir forustu Alþýðuflokksins," sagði Kjartan Jóhannsson,
formaður Alþýðuflokksins, er Mbl. ræddi við hann í gærkvöldi um þá ákvörðun
þingflokks Alþýðuflokksins að gera það að skilyrði fyrir þátttöku Alþýðuflokksins
í ríkisstjórn Sjálfstæðisflokks, Framsóknarflokks og Alþýðuflokks, að Alþýðu-
flokkurinn fái forsætisráðherrastólinn.
Að sögn Kjartans var tillaga þess
efnis samþykkt samhljóða á þing-
flokksfundi í gær. Hann kvað þessa
kröfu pólitíska forsendu fyrir því að
Alþýðuflokkurinn kæmi inn sem
„aukahjól" í ríkisstjórn, öðru vísi
yrði jafnrétti milli flokkanna ekki
tryggt. Þá sagði hann fordæmi vera
fyrir slíkri kröfu í íslenskum stjórn-
málum.
Fyrir þingflokksfund Alþýðu-
flokksins í gær var gert ráð fyrir að
þeir myndu hitta fulltrúa Sjálfstæð-
isflokks og Framsóknarflokks til
áframhaldandi stjórnarmyndunar-
viðræðna kl. 9 árdegis. Kjartan var
spurður hvort þeir gerðu loforð um
að þeir fengju forsætisráðherrastól-
inn að skilyrði fyrir frekari viðræð-
um. Hann svaraði: „Geir hefur ekki
óskað eftir því að við mætum í fyrra-
málið. Það var ófrágengið um við-
ræðurnar milli okkar þegar ég
skýrði honum frá þessu. Það hefði í
sjálfu sér verið í lagi að koma í
fyrramálið til þess að skýra frá þess-
um viðhorfum Alþýðuflokksins, en
hann taldi að þess þyrfti ekki." Að-
spurður um hvort Alþýðuflokkurinn
væri með þessu út úr myndinni sagði
hann: „Á meðan þessu hefur ekki
verið svarað þá sjáum við ekki
ástæðu til að vera í frekari málefna-
viðræðum, en við erum hins vegar
tilbúnir til viðræðna um þetta
stjórnarmynstur undir þessum
formerkjum, ef menn geta fallist á
það.“
Kjartan var spurður hvenær þessi
ákvörðun þingflokks Alþýðuflokks-
ins hefði legið fyrir. Hann svaraði:
„Þetta var til umfjöllunar í flokkn-
um um leið og við vorum beðnir um
að koma inn í þessar viðræður og við
töldum rétt að ganga hreint til verks
og skýra frá því hverjar hinar póli-
tísku forsendur væru, áður en lengra
yrði gengið." Hann var í framhaldi
af því spurður af hverju ekki hefði
verið skýrt frá þessu strax, er við-
ræður aðila hófust í byrjun síðustu
helgar. Hann svaraði: „Ja, við vild-
um aðeins fá að heyra hljóðið, —
hvernig þetta gengi^fynr sig og meta
stöðuna jafnframt.
Kjartan var spurður í lokin hvort
þeir myndu áfram halda uppi kröf-
unni um að fá forsætisráðherrastól-
inn, ef til annarra stjórnarmunstra
kæmi. Hann svaraði: „Hér er ein-
göngu verið að tala um petta sér-
staka stjórnarmunstur þegar að-
stæður eru þannig að hinir tveir
flokkarnir geta í sjálfu sér myndað
ríkisstjórn saman.